بلاط بيت رمادي والجدران لون مشمشي

[allmasa]

بسم الله الرحمن الرحيم
السلام عليكم ورحمة الله وبركاته
يا جماعة الخير انا بحاجة الى مساعدتكم
سوف انتقل الى بيت جديد ان شاء الله
المشكلة التي في البيت انه دهان البيت كتير حلو ولونه مشمشي ومعطي نور واضاءة جميلة له
اما الارضيات فهي لونها رمادي سيراميك من النوع الذي لا يلمع
فأنا مش عارفة هل هذول اللونين بلبقو على بعض\؟
مع العلم انه الوان فرشي معظمها بني ومشتقاته
فشو بتنصحوني افرش البيت موكيت؟
ولا افضل ابقى على لون البلاط؟

في عندي ساحة خارجية للبيت
شو ممكن اضع فيها ديكورات وماهي انواع النبتات التي ممكن تعيش؟ في الهواء الطلق\؟
وهل ممكن انه احضر شجرات يكونو موضوعين بنفس الاصيص تبعهم ويعيشو؟ ولا لازمهم ارض\؟
وشو الافضل اجيب نباتات صغار ويكبروا عندي بالبيت؟ وياخدو على جو البيت واجيبهم نباتات كبار؟
وادعولي ربنا يوفقنا في البيت الجديد

تحياتي
الماسة

[نداوي 99]

الاخت الماسة :
اولا اسمحيلي واعطيني الفرصة ان ابارك لك انتقالك الى منزلك الجديد الذي اسال الله ان يجعله عامرا بالايمان والعمل الصالح 0
ثانياً: اقترح انك تبقين على السيراميك وان تضعي قطع موكيت صغيرة (( زوالي )) تحتوي contain على لون الصبغ 00

[dounia83]

السلام عليكم ورحمة الله .فكرة الاخت نداوي فكرة طيبة ولكن عموما لا تخافي ان الالوان قد لا تتماشى فكل الالوان بدون استثناء تتماشى مع بعضها اذا حاولتي ان تلعبي بالاضاءة والديكورات فهذا حاولي ان لا تجعليهما متعاكسين بل متناغمين وعموما تصفحي كل الموضوعات ربما تجدي صور تفيدك ان شاء الله تعالى.

[allmasa]

بسم الله الرحمن الرحيم
السلام عليكم ورحمة الله وبركاته
يعني فكرة الموكيت مش عاجبتكو؟
وانا اصلا كمان قلت هيك بفكر اخلي الغرف مفروشة موكيت والصالون والسفرة والمطبخ على السيراميك

في شغلة تانية
هلاء غرفة السفرة مأسس لها قعدة تلفزيون يعني اول ما تدخلي البيت تلاقي غرفة معيشة صغيرة ووراها
تيجي طاولة السفرة
السؤال هل ابقى على هذا التأسيس ولا انتقل الى غرفة صغيرة ؟ للمعيشة؟
وبدي افصل كنبايات يتماشو مع السفرة فشو بتقترحو علي؟ لون القماش؟
وشكرا كتير للاخوات دنيا ونداوي على اقتراحاتكم وحكاية قطع الموكيت الصغيرة هذه انا كتير بفكر فيها
وهلاء لازم ابحث عن ديكورات للبرندات وانواع النباتات التي تعيش بالخارج لحتى اشوف كيف ممكن ارتب برندتي

ولكم كل تحياتي
الماسة