محتاره ..وأنتظر أرائكم

[@@رؤى@@]

السلام عليكم ورحمة الله وبركاتة

إلى من لديه خبرة في هذا المجال

أنا ساكنة عند أهل زوجي ..في غرفتين وحمام ..نقدر نضعة قسم واحد بحيث يكون فيه غرفتين وحمامين وصالة





بنات هل أقدر أني أشيل الحمام(أكرمكم الله) الثاني وأضع بداله مطبخ .بحيث يكون لنا قسم كامل

مايصير فيه مشاكل بعدين

محتاجه رائيكم لأني من جد محتارة

[@@رؤى@@]

بسم الله الرحمن الرحيم ..
لن أعلق ؟؟؟

أنتظر الردود ..

....

[rama1100]

بصراحة ودي أساعدك لكن ماعندي خبرة في هذا الموضوع وفكرتك حلوة

[حنان الكـون]

انا رائي من رايك في موضوع تغيير الحمام الى مطبخ حتى تكون لك خصوصيه في بيتك

واذا كان المكان صغير لدولاب المطبخ خلي الجزء السفلي من المطبخ فاضي نوعا ما

وضعي الدولاب في القسم العلوي فقط لسهولة الحركه داخل المطبخ..ارجوااني ساعدتك..وشكرا

[شيمـاء]

ماعندي خبرة

[شيمـاء]

ماعندي خبرة

[الشاشاني]

ممكن تحويل الحمام الى مطبخ وممكن جعل المطبخ مفتوحا على غرفة الجلوس بحيث يتحد معها على النظام الغربي . واذا بالامكان ان ترسمي مسقطا للشقة الحالية بتقسيماتها الفعلية استطيع ان اعاونك اكثر باعادة التوزيع وشكرا

[شذىالعطور]

وعليكم السلام اختى

هل من الممكن رسم لنا المساحة وتقسيماتها

[mano83]

انا نفس حالتك بيتي صغير مررررره .. وان شاء الله على وجه ولاده وما اعرف ظروفي اذا بجيب شغاله ولا لأ ..

فعندنا مخزن صغنوووون .. حولناه لحمام لآن البيت مافيه الا حمام واحد (وصعبه الشغاله تستخدم نفس حمامنا).. ونجحت الفكره .. بس كلفنا 10 الاف ريال ..

لان مافي تمديدات مويه ولا تكرمين صرف صحي (بالوعه) ولا شفاطه للروائح ..

فالفكره تقدرين تطبيقينها وما راح تخسركم كثير .. لآنه حمام وفيه تمديدات مويه وبالوعه ومروحه.. فسهل جدا .. تشيلون الادوات الصحيه وتحطين مطبخ .. لا واذا تبين تقدرين تحطين غساله بعد

بس يبغالكم سباك شاطر .. لان احنا جبنا 4 سباكين .. 3 منهم قالو مستحيل يصير حمام .. بس الاخير سواه لنا ..

[(غريبة)]

الصراحة أنا رايي من رايج لأني ساكنة مع أهل زوجي واستقرت أموري لما صار لي شبه شقة صغيرة ومع إنه مطبخي صغير جدا وداخل الصالة إلا إنه ريحني وايد على فكرة مافيه مكيف عشان جذي أنا أنصحج بإنج اتحولين الحمام مطبخ
على فكرة صار لي 15 سنة متزوجة وعلاقتي طيبة مع أهل زوجي وأعتبرهم أهلي

تحياتي

[@@رؤى@@]

أشكر كل من شاركني وأبدا رأيه
والله يجزاكم خير
حنان الكـون
فعلا الحمام صغير ..راح أخلي جهه واحدة دواليب والجهة الثانية وفرن ثلاجة ..

الله يكثر من أمثالك ..

شيمـاء
يكفي وجودك يالغالية ..


الشاشاني

جزيت خيرا ..
..إقتراح جميل ..



شذىالعطور

بالنسبة كحمام مساحتة مناسبة لكن كمطبخ كما تعلمين فالمطبخ فية دواليب .وفرن وثلاجة ومكان للمجلى

يعني راح يكون صغير بس العوض ولاالقطيعة


mano83

شكرا جزيلا لك ..

بس يبغالكم سباك شاطر

أنا خايفة من السباك ..إن شاء الله يرزفنا اللة سباك شاطر





(غريبة)

الله يسعدك ..
كما أسعدتي بهذا الرد ..

شكرا لكل من شاركني في موضوعي ..