๑۩۞۩๑ معاً ندردش عن تجهيزات شقة العروس °₪°₪ أفضل شكل بأقل تكلفة مادية ٌ۩۞۩ٌ

[dodymido]

محتاجة مساعدتكم

اول حاجة السلام عليكم ورحمة الله وبركاته
وشكرا لييييييييييكم على الموضوع المفيد جداااااااااااااااااااا وربنا يجعلوا في ميزان حسناتكم
ثانيا انا من القاهرة ومخطوبة ولقيت شقة بس المقاول هو اللي هيشطب يعني أنا يدوب هختار الألوان

فممكن حد يقولي إيه ألوان الموضة والألوان الكويسة وبلاش البيج لا في السيراميك ولا الحيطان ولا
الفرش (طلب صعب صح ) بس أعمل ايه بحس انه تقليدي

عموما انا كمان الصالة عندي صغيرة بس مش أوي وفيها عمود ودا مضايقني
عايزة أعرف أعمل ايه في العمود وحد يرشحلي الألوان ونوع سيراميك يكون معقول مش غالي لأن المقاول هو اللي هيشطب

معلش طولت عليكم بس أنتم اول ناس فكرت يساعدوني
وربنا يخليكم للغلابة أمثالنا

شكرا ليكم

[dantllaa]

عزيزتي اسرار اسفه على التاخير واي خدمه لعيونك يا قمر الحاجات اللي عايزاها دي ممكن تلاقيها في المنشيه الصغيره اللي هي من شارع النصر هتلاقي محلات بتبيع الحاجات دي وفاصلي معاهم جامد ولو عايزه حاجات تري شيك انزلي على الجاليريهات بتاعت لوران هتلاقي حاجات تهبل بس تقلي جيبك شويتين واي خدمه ياقمر ولكل بنات اسكندريه

[pringt3000]

السلام عليكم ورحمة الله وبركاته
انا لسة مشترتش ولا فتله بس نزلت لفيت في كل الاماكن في وسط البلد شارع عبد العزيروالازهر ودرب سعادة وحمام الثلات , فا انا بطلب منكوالو اي واحدة عندها خبرة باسامي محلات لكل حاجة والاسعار عشان انا خايبة مووت في الفصال والشرا وانا لوحدس محدش معايا فا ارجوا ان حد يكون اشتري ويساعدني , وكمانمحتاجة استشارة بالنسبة للاجهزةعايزة اعرف الانواع المتينةالي تعيش عشان انا محتارة اجيب ايه بجد والي عجبني من الاجهزة كانت غسالة وثلاجة LG بس كانوا غالين اوي فايريت اياخت تكونعندها خبرة بلموضوع دا تردعليا

[bosy98]

متشكرة جدا جدا يا بوسي وربنا يسعدك دايما وشكرا على اهتمامك ودعواتك الصالحه والف مليون شكر

أهلا بك غاليتى .. و اسعدك الله بالدارين

بسم الله الرحمن الرحيم
موضوكم اكثر من لرائع جزيتم عنه الف خير
عندي استفسارات بدل الواحد الف
انا ف اسكندرية عروسة من 3 سنين بس الحمد لله في بيتي مفيش
غير الستر
وحابه افرشه وحدة وحدة وبالمعقول يعني جبت السجاد الاول وحاليا بفكر في اني اعمل انتريه واجيب الستاير
وطبعا بأ؟سعار معقولة عشان جوزي مايقوليش علي خايبة خصوصا انه مسافر
انا معاكم خطوة بخطوة ان شاء الله وانا بحب اسال والف قبل التنفيذ فخليكو معاي
ودمتم

أهلا بك أختى الحبيبة
ربنا يديم عليك نعمته حبيبتى .. و ان شاء الله تعمرى بيتك بالتقوى و الايمان
و عموما التانى فى الاختيارات أفضل علشان توصلى للشكل اللى يرضك و يسعدك ان شاء الله
و يا مليون اهلا بيك حبيبتى و ان شاء الله اى أستفسار كلنا تحت امرك

اى نعم الوقت متأخرالساعه 3 ونص الصبح
بس قلت لازم اشكركم على الموضوع الروعه ده
اى نعم انا عروسه من 12 سنه ولا زلت مفتريه تقولوا ايه
بس فعلا بجد باذن الرحمن قريب ح اعزل وانقل فيلا محندقه لسه بتتبنى
وفعلا محتاجه خبرتكم الجباره فى هذا المو ضوع لانى لما اتجوزت كنت بنت قنوعه لم اغير اى شىء فى الشقه والجهاز اللى اشتراه اهلى او زوجى رضيت بيه
وناويه الصراحه احطم المقاييس واعمل البيت الجديد تحفه وعرفت طريقكم خلاص
والف الف شكر والصبح على رواقه اقرا رد رد

يا هلا بيك حبيبتى .. أنار الموضوع بتواجدك

و أن شاء الله بعد 50 سنة بتظلى عروسة دايماً
و مبارك عليك البيت الجديد أعطاكم الله خيره و كفاكم شره

[bosy98]

عجبني الموضوع وانا احب اجمع صور ومعلومات واخطاء البناء
عشان استفيد منها لما نبني بعد عمر طويل ان شاء الله<<<<<<<قلبتها وصيه
برفكتووووووووووو

فهمتو شي ولا انا

تسلمى حبيبتى .. و ان شاء الله منزل مبارك عليكم مقدماً
و جميل انك بتاخدى خبرة كافية قبل الاقدام على خطوة مهمة مثل البناء .. و يا هلا بيك مرة تانية

موضوع فعلا ممياز وخصوصا للى بتجهز شقتها من تاني وجزاك الله خيرا
على هذا الموضوع الرائع

تسلمى حبيبتى .. و جزاك الله كل خير على مرورك الكريم

موضوعك حلوووووووو مرة
اتمنى التحدث عن موضوع "تكاليف الزواج والمصاريف"

تسلمى غاليتى
و تكاليف الزواج بتختلف باختلاف ميزانية كل شخص .. و عموما الذوق بالتأثيث لا علاقة له بالتكلفة و ممكن نوصل لشكل مرضى و جميل بأقل التكاليف لو اختارنا بتأنى

[bosy98]

ازيكم كلكم اتمنى يارب تكونوا بخير وسلامى طبعا لبوسى صاحبة الموضوع
و كنت عايزة اسالكم اشترى سجاد الحائط او التابلوهات منين فى القاهرة واسعارها ايه؟
ويارب تفيدونى

يا اهلا بيك حبيبتى
اعتقد سجاد الحائط متواجد فى النساجون الشرقيون فى الفروع الكبيرة ليه و الأسعار متفاوتة .. حاولى تنزلى فرع كبير لهم و تشوفى المعروض
فى كمان التابسترى موجود بعض التشكيلات فى الوكالة فى محلات المفروشات احيانا بيعرضوه

شكرا حبيبتي على الموضوع كتير مفيد حتى للمتزوجات ومرسي مرة تنية

تسلمى حبيبتى .. و انار الموضوع بتواجدك و ان شاء الله كل الاخوات تجد الأفادة

rbna ybarlko klkoooooo...maodo3 raaaaaaa'3

تسلمى حبيبتى .. ربنا يبارك بيك و اسعدنى مرورك الكريم

[bosy98]

السلام عليكم
المقع ده اكتر من رلئع
وشكرا للقائمين عليه
انا هبه من مصر
انا مخطوبه وفرحى قريب ولسه بجهز
وكنت عايزه اعرف جهاز المطبخ انت جبتيه من حمام التلات بس وكلف كام كله
علشان اعمل حسابى

عزيزتي كل واحد بيجهز بامكانياته يعني بالف هتقدري ب 3 هتقدري

خذي معاكي فلوس بزياده وخاصة انك من محافظة اخرى يعني صعب تتردي عليه كثير

و اشتري كل اللى انت عاوزاه ...

شكراااااااااا على الردbehappy
انا عارفه والله ان كل واحد تبع امكانياته بس انا عايه اعرف الموضوع ده اقل حاجه ليه كام واعلى حاجه ليه
اصل انا اكبر واحده واهلى مجهزوش قبل كده وكمان انا مجبتش حاجه خالص

و عليكم السلام و رحمة الله
اهلا بك حبيبتى .. أن شاء الله زواج مبارك
مثل ما ذكرت الغالية بى هابى .. الموضوع بيختلف من شخص لآخر
مثلا تقدرى تشترى الأكواب كريستال او تشترى فرنساوى
الزجاج الفرنسى مثلا الطقم 80 جنيه .... و الكريستال من 200 جنيه فاكثر .. ده المقصود بالأختلاف
المهم انت تحددى بينك و بين نفسك الميزانية الخاصة بالتجهيزات
و اعملى قائمة باللى عايزة تجيبيه و كل بند تحطى له مبلغ معين تلتزمى بيه
فيه موضوع للأخت يويميزو الرابط بتاعه هنا
.•:*¨الى بنات مصر المقبلات على الزوااااااااج¨`*:•.

.. تقدرى تكتبى منه قائمة التجهيزات و تضعى ميزانيتك
و زواج مبارك حبيبتى

[bosy98]

انا بنت مصريه مخطوبه وهتزوج على الصيف وامى متوفيه ومكنتش شايله اى حاجة ومعرفش كمان ايه اللى مفروض اجيبه من حاجات للمطبخ والنيش والمفروشات يمكن اكون لقتكم فى الوقت المناسب عشان تساعدونى على فكرة انا طبيبه من اسكندريه وشكرا جزيلا على المواضيع الرائعة

أهلا بك اختى الحبيبة
رحم الله والدتك و امواتنا و اموات المسلمين جميعاً
و جميعاً اخواتك ان شاء الله .. و ده الموضوع اللى تقصده الغالية egyptiangirl

.•:*¨الى بنات مصر المقبلات على الزوااااااااج¨`*:•.
أن شاء الله تجدى بيه قائمة مفصلة عن التجهيزات و كذلك اسماء الاماكن

egyptiangirl6

تسلمى حبيبتى انا وضعت الرابط و هو موجود فى اول الموضوع بس تقريبا الاخوات مش واخدين بالهم

مشكورررررررررررررررررررررررررره


الكلام وااايد مفيد

من ذوقك

تسلمى غاليتى اسعدنى مرورك

ممكن اساعدك يعني حاجات المطبخ مش اقل من 2.5 : 3 الف تقريبا انا مش عارفه الحدود بالظبط
وبعدين انتي بتقولي مش جايبه حاجه خالص يعني يكون معاكي ازيد من 3 الف جنيه

اتمنى اكون قدمت لك بعض المساعده
واي حاجه انا في الخدمه

اهلا بك غاليتى .. اسعدنى تواجدك

السلام عليكم جميعا ارجو مساعدتى انا باسس شقه جديده وارجو مساعدتى باسماء محلات ستائر ومفروشات فى الاسكندريه ذات اسعار رخيصه ولكن ذات جوده وذوقعالى وشكرا للجميع

اهلا بك اختى الحبيبة .. ان شاء الله الاخت دانتيلا ما قصرت جزاها الله كل خير

بسم الله الرحمن الرحيم

دي اولمشاركه فعليه ليه ويارب تكون مفيده خصوصا لكل اسكندرانيه
1-الستاير اناشفت ستايرخامتها زي الاورجانزا وفيها جيبير دي تحفه وستايل قوي في المنشيه في اخر العطارين هي ستاير تركي لقيت المتر ب55جنيه ومرضاش ينزل في السعر الا 5 جنيه بس صاحبتي بتجهز وراحت اشترت نفس الستاير دي ب30جنيه بس من ساعه كرموز من محل الملكه والاميرات وعنده شويت ستاير خيال وانتي اختاري على زوقك ونزلي النص او الثلث في السعر.
--رباط الستاير جابتها من نفس المحل اخدت الواحده الكبيره ب10جنيه بعد الفصال وتمنها الاصلي كان25 جنيه.
--اما الستاير البرانبه التقيله اخدت المتر ب7جنيه من اصل 15جنيه للمتر.

2-الخشب هاتيه خشب بس من دمياط ونجديه عند منجد غير هيوفر جامد معاك وقماش التنجيد كمان هاتيه من دمياط لان بييجي من بور سعيد وبيكون مستورد وسعره حلو.

اما بالنسبه للبراقع بتاعت الستاير دلوقتي بياخدو في المتر ارخص من الاول متخلوش حد يضحك عليكو في ناس بتعمل المتر ب35-45 جنيه بس مش ب100 زي الاول ومش لازم تخلي واحد نصاب يعملهم لك في ناس اسعارها رخيصه هتلاقيهم في فيكتوريا ملك حفني او في العصافره السكه يعني من اول سكه القطار وقبلي لكن العصاره بحري اواي حته بحري هيحسب لك المتر غالي قوي.

4- البياض نوع(بريما)كويس جداا جداا منغير ريحه ومبيعملش ضيق للنفس لكن خلو بالكم (يوتن)ارخص شويه لكن بيتعب الصدر .

***معلش طولت عليكم بس ياريت اكون افدت حد وشكرااااا

اهلا بك غاليتى
جزاك الله كل خير على المشاركة الجميلة و ان شاء الله تفيد جميع اخواتنا فى الاسكندرية .. و أنار الموضوع بتواجدك

[pringt3000]

انا رحت ارض المعارض الشهر الي فات مش لقيت اي حاجة غير السوق التجاري بس
ممكن تقوليلي فين بالظبط وشكرا

[bosy98]

موضوع جميل جدا انا شخصيا هاستفاد منه عندما نتسلم شقتنا الجديدة
تصوروا انا مهندسة ديكور و لكن مع ايقاف التنفيذ تخرجت من كلية فنون جميلة قسم ديكور عمارة داخلية و لكن بعد التخرج لم اعمل فى مجالى مما ادى الى انى لا اعرف الكثير عن الديكور الحديث و احدث الموديلات و الديكورات فياريت تساعدونى ارجع الى تخصصى و اعرف معلومات مفيدة ترجعنى لحلمى بان اصبح مهندسة ناجحة

اهلا بك اختى الغالية .. انار الموضوع بتواجدك و يسعدنا انضمامك معنا حبيبتى
ياريت تبدأى بعرض خبرتك و مجال دراستك اعتقد ان مشاركتك فى الركن اكتر شىء ممكن يخليك ترجعى تانى لموهبتك و مجالك خصوصا بالتفاعل مع الاخوات و التصفح

و اهلا بك معنا

يا جماعه الموضوع جميل جدا انا عايزه قماش قطيفه لتنجيد انتريه ارابيسك واهم حاجه القطيفه تكون كويسه انا نزلت الازهر مش لاقيت حاجه عجبتنى بصراحه بس مش شوفت راتكس اللى انت بتقولوا عليه انا هنزل تانى لو فى اماكن تانيه ياريت حد يفيدنى بس بسرعه بليز

اهلا بك غاليتى
ممكن تنزلى الوكالة بها مجموعة اقمشة أكتر غاليتى و ان شاء الله تجديدات مباركة عليكم

يا جماعة نفسي اشترك معاكم والله بس لسه مش عارفه اعمل ايه

يا اهلا بك حبيبتى .. انار الموضوع بتواجدك و نتمنى مشاركتك دايما

[bosy98]

اول حاجة السلام عليكم ورحمة الله وبركاته
وشكرا لييييييييييكم على الموضوع المفيد جداااااااااااااااااااا وربنا يجعلوا في ميزان حسناتكم
ثانيا انا من القاهرة ومخطوبة ولقيت شقة بس المقاول هو اللي هيشطب يعني أنا يدوب هختار الألوان

فممكن حد يقولي إيه ألوان الموضة والألوان الكويسة وبلاش البيج لا في السيراميك ولا الحيطان ولا
الفرش (طلب صعب صح ) بس أعمل ايه بحس انه تقليدي

عموما انا كمان الصالة عندي صغيرة بس مش أوي وفيها عمود ودا مضايقني
عايزة أعرف أعمل ايه في العمود وحد يرشحلي الألوان ونوع سيراميك يكون معقول مش غالي لأن المقاول هو اللي هيشطب

معلش طولت عليكم بس أنتم اول ناس فكرت يساعدوني
وربنا يخليكم للغلابة أمثالنا

شكرا ليكم

أهلا بك اختى الحبيبة .. بيت مبارك عليك أن شاء الله .. و زواج موفق
شوفى حبيبتى اللون البيج هو لون محايد يمكن علشان كده كتير بيختاروه .. أنا عن نفسى ما بحب الألوان المحفوظة بشعر ان رغم اناقتها و لكن العين اتعودت عليها
انت اهم شىء تشوفى ايه الألوان اللى بتحبيها عموما و بتلفت نظرك فى الديكورات و الأثاث و ده بيحصل من خلال التصفح لموضوعات أو الألوان اللى بتلاحظى انها بتلفت نظرك و بتحبيها اكتر باى منزل

ساعتها تقدرى تختارى و تنسقى باقى المنزل على ما يتلائم من ألوان حددتيها
و أى استفسار تحت امرك حبيبتى

السلام عليكم ورحمة الله وبركاته
انا لسة مشترتش ولا فتله بس نزلت لفيت في كل الاماكن في وسط البلد شارع عبد العزيروالازهر ودرب سعادة وحمام الثلات , فا انا بطلب منكوالو اي واحدة عندها خبرة باسامي محلات لكل حاجة والاسعار عشان انا خايبة مووت في الفصال والشرا وانا لوحدس محدش معايا فا ارجوا ان حد يكون اشتري ويساعدني , وكمانمحتاجة استشارة بالنسبة للاجهزةعايزة اعرف الانواع المتينةالي تعيش عشان انا محتارة اجيب ايه بجد والي عجبني من الاجهزة كانت غسالة وثلاجة LG بس كانوا غالين اوي فايريت اياخت تكونعندها خبرة بلموضوع دا تردعليا

اهلا بك غاليتى .. شوفى دى الاماكن اللى عموما بيها المفروشات الخاصة بالعروس
لكن بيكون بكل منطقة محل او اتنين مثلا معروفين باسعارهم المعقولة و ذوق مميز
مثلا انا كتبت عن محلين اعرفهم قريبين منى فى المنيل
هما كراكس و سيد
دول بيتوفر عندهم تشكيلات خاصة بادوات المطبخ و الاكسسوارات عموما و اعرف ان اسعارهم معقولة جدا و مش غاليين .. عندك كمان التوحيد و النور جزء المطبخ بيه بعض الأشياء اسعارها متقاربة جدا من حمام التلات و بدون اى فصال
لكن لو حبيتى اشياء مش مكررة و محفوظة او متميزة من اكسسوارات فبيكون عن طريق محلات متفرقة .. و بيكون باكتر من مرة بتنزلى حبيبتى مش مجرد مرة لان الحاجات بتخلص و بتتجدد

الموضوع ده كمان حيفيدك كمان عن تجارب الاخوات للغالية يوميزو جزاها الله كل خير

.•:*&#168;الى بنات مصر المقبلات على الزوااااااااج&#168;`*:•.

عزيزتي اسرار اسفه على التاخير واي خدمه لعيونك يا قمر الحاجات اللي عايزاها دي ممكن تلاقيها في المنشيه الصغيره اللي هي من شارع النصر هتلاقي محلات بتبيع الحاجات دي وفاصلي معاهم جامد ولو عايزه حاجات تري شيك انزلي على الجاليريهات بتاعت لوران هتلاقي حاجات تهبل بس تقلي جيبك شويتين واي خدمه ياقمر ولكل بنات اسكندريه

اهلا بك حبيبتى و تسلمى على مرورك الغالى و مجهودك جزاك الله كل خير و جعله بميزان حسناتك

[bosy98]

انا رحت ارض المعارض الشهر الي فات مش لقيت اي حاجة غير السوق التجاري بس
ممكن تقوليلي فين بالظبط وشكرا

اهلا بك غاليتى
بصراحة انا لم افهم استفسارك بالظبط موجه لاى نقطة او لاى اخت اعذرينى

و بالنسبة لأرض المعارض اللى اعرفه ان فى معرض الايام

[yomizo]

انا رحت ارض المعارض الشهر الي فات مش لقيت اي حاجة غير السوق التجاري بس
ممكن تقوليلي فين بالظبط وشكرا

لو قصدك على معرض دمياط الدائم يبقى تدخلى من بوابه 10 وتسالي هناك الف مين يدلك

[dodymido]

أختي bosy شكرا على الرد

بس ممكن حد يقول لي ايه اللي اعملوا في العمود اللي في الصالة حد يقول لي اعمل في ايهههههههه
وكمان انت قلتي على محلين في المنيل ياريت تقولي عليهم تاني وهما فين بالضبط أنا ساكنة في فيصل

مرسي يا جميل بس طلب تاني ايه الألوان الموضة في العفش

شكرا وجزاك الله خيرا كثيرا
معلش يتتااقل عليكي

[doodooo_rm]

بس ممكن حد يقول لي ايه اللي اعملوا في العمود اللي في الصالة حد يقول لي اعمل في ايهههههههه


ممكن لو هتعملي البيت الوان تعملي العمود باللون الغامق بيدي شكل جميل
او تعملي زجاج مرايات عليه هيدي شكل حلو وفي نفس الوقت هيوسع الصالة
وممكن كمان تعملي زجاج الديكور بيبقي فيه اشكال والوان كتير زي المناظر الطبيعية والايات القرانيه ومش غالي اوفر من المرايات
وممكن كمان لو العمود قريب من الحائط تقفلي الجزء ده تعملي مثلا جزامة وفوقها رفوف زجاج تحطي عليها انتيكات وتستفيدي من الجزء ده