دورة تربية لمدة 5 أسابيع .. إعادة بناء على رغبة بعض الأعضاء

[&(نجمة الخليج)&]

مرحبا كيفكم ..
اني من قبل العب مع بناتي لان مايخرجون من البيت الا وقت الي يجي البابا حتى يرحوا بيت جدهم
ودايم ملولين في البيت مايشاهدون التلفزيون والبيت صغير مايقدرون يتحركون فية يلعبوا شوي بعدين يملون
بنتي الي عمرها سنتين من كثر الملل تجيب مجلة و تقول لي ماما تعالي اميني (ماما تعالي علميني ) ..

المهم دايم معاي الا اني في هذه الظروف واضعة منذ شهر صعب العب معاهم ..
ولما تصفحت المنتدى وقريت موضوعش يا ست الستات حبيت اطبق وبغيت اكتب لكن ماعندي وقت الا قليل
وساعات فيني نومة مااقدر اركز .. واليوم جت الفرصة .. اسمحي لي ياايمان بعد التأخير ادوخ راسك ..

بعد قرائتي للموضوع سعدت وعدت لنشاطي كما افعل سابقاً مع صغاري الي مااقدر اشوفهم مستملين ..
طبعاً اول مشركة لي في المنتدى هو سؤالي عن شي يشغلهم حتى اكمل شغلي ومايعتمدون علي وضيع الوقت ..

المهم ..
مااقدر العب معاهم الا إذا اكتمل اعمالي المنزلية .. بعد انتهائي
بديت لهم بمحاضرة ..
ان الشيطان مايحب الأخوان يجتمعون مع بعض ويلعبون ، ومايبي يشوفكم فرحانين ، فهو يحاول يخرب ويزعلنا
يعني إذا اخذت فواطم لعبة ريم المفروض ريم تتركه لحد مااهي ترميها حتى مايجي الشيطان ويخليكم تزعلون
وهو يضحك عليكم ويخلي المامة تزعل ولا تلعب وبعدين نكون حزينين والمفروض احنا نضحك
علية وما نشاجر ولا نزعل ونحب بعض حتى مايخرب علينا ..

جلسنا نلعب لعبة رمي الكرة ونحن جالسين
بعدين جاء البابا وهو مبتسم (قمر والله ) وكالعادة من يجي يصرخون بابا بابا جاء شلونك قوة وسعات
بس يهتفون بابا بابا ..
بعد طبعاً ماغير ملابس (بقول الحين بختصار ) جلس معنا
واخذ الكرة وفرحت اقول في خاطري الحين بيرميها لي لكن للأسف رمها لبنتي الوسطىواتشققت من الفرحة
بعدين نظر لي ورمى علي الكرة وانا اخذتها بزعل ( حساسة شسوي ) .. بعدين بنتي الكبرى قالت تبي تلعب
كرة قدم طبعاً ماوافقنا وزعلت بنتي الوسطى وافقتني نجيب سلة الملابس ونرمي فيها الكرة لعبنا لكن بنتي الكبرى
لسا زعلانة وتقول دايم الي تبي اختي تسونا وانا لاء .. قلت لها هذا يبي له جهد وانا لا استطيع البابا بعد
ومايصير نلعب كرة داخل البيت .. لكن اهي مصممة على رايها بعدين ذكرتها بالشيطان الي بخرب علينا
ومايبينا نفرح ونجتمع قالت انزين العب واني واقفه والظاهر الشطان لسا فوق راسها
والبابا طلب الغذا فركشنا اللعبة بعدين رحنا نتغذى ..

[&(نجمة الخليج)&]

يوم ثاني لعبة المكعبات ..
سألت بنتي الوسطى وش عملتي قالت برج قلتا حلو والله .. وبنتي الصغرى هم ركبت كم مكعب وقالت ماما بلج بلج هههه
وبنتي الكبرى عملت مثل الديناصور وبعدينا قلت لهم وش رايكم اعمل لكم شكل وكل وحده تقول وش هذا ..
المهم بنتي الوسطى : ماما مثل ديك والصغرى تيج تيج والكبرى تقول تنين واخيراً قلت لهم موكأن ببيب الي في الرسوم
بعدين ضحكوا طبعاً اهم يشوفونة عطاير بس لي قال بيبيب لكن مايتابعون (احسن) بعدين حركة وتكلمت
معاهم يسألهم عن احوالهم وشو عاملين وهم مبسوطين ولا لاء ، وشنوا يتمنون بعدين اشوي وبنتي الصغرى ضربت
المكعبات وطاح وضحكنا وخلاص ..

*************************
يوم ثالث ..
البابا مابجي الا المغرب يعني الدوخة كلها في راسي مابطلعون ولما يستملون يضجرون مرة حاولت العب معهم
واطيرهم لعالم ثاني .. نا جالسين نفطر وبعدها خليتهم يساعدوني وجلسنا على قطعة السجات ومرة وحده طرت بيهم
لعالم ثاني من غير مايشعرون انهم يلعبون (هم بحاجة لطلعة وتسلية ) قلت لهم شوفوا حنا في
العالي طارت السجادة بنا واوا شوفوا الناس شلون صارو اصغار بل شوفوا بيت جدي
اكي طلعت هدى مع محمد هييييييييييي هدى محمد احنا فوق على السجادة شوفونا او هدى مانقدر نركبش معنا
السجادة اطير لوحدها ومانقدر نسيطر عليها اهي بروحها ترتفع وتنزل المهم تقربنا اشوي ونزلت مدة ايدها بنتي الكبرى
لهدى ومسكتها وحنا ساعدنا بنتي الكبرى في السحب ومحمد مسك رجل هدى وسحبنا اشوي اشوي لحد ما ركبوا

وبعدين ارتفعت السجااادة عالي عااالي ثم نزلت في الملاهي وانا..
جلست مارحت معاهم انتظرهم مع لصغيرة وهم نزولو مع اولاد خالهم يلعبون واشتروا غزل البنات والذرة واللعاب
بعدين قلت لهم يلا بطير السجادة بسرررررعة جاؤ بسرعة وطارت ومرينا قريب من بيت خالتهم (اختي )
وطبعاً ابنها يمتاز بالعنادة والشطانة انخفضت الريح وهو صاعد فوق المنزل وصار قريب من السجادة مسكها
بكل قوتة حتى صعد وطارت بعدين كان عندة بيبسي وشربة ورمى من فوق الى الأرض وكانت مارة
عجوز وطاح فوق راسىة المسكينة وزعلنا علية قلنا لية حرام مايصير نسوي جذي (بين فترة واخرى يعمل خطأ
وحنا نصحح له )) وبعدين كان عندة مقراض (مقص اظافر ) يبي يقص اظافرة نظف بس يد وحدة ومل بعدين
اخذ يضرب في السجاد بشدة وانقطعت قليل وشق على شكل زاوية وخرج راسة منها ويضحك ويصرخ هههههه
شوفوني انا فووق ظل مدة اما يخرج راسة او رجايلة يمرجحهم بعدين وحنا مارين بيت عمة بناتي مسكت آيات
رجل داوود وصرخ مين مسك رجلللي هدني اي اي بعدين صعدت معانا وكان معاها اكلات خفيفة وزعتة علينا
واكلنا بنتي الكبرى تعبث في زاوية السجادة تثنيها فوق ترتفع وتثنيها للتحت تنزل وفرحنا اكتشفنا مفتاح التحكم
وصار الي نبي نركبة والي يبي ينزل وحدثت احداث حلوه وذهبنا لأماكن حلوه وكثيييرة ومن كثر التحكم اخترب المفتاح وطاارت في العالي ونزلت فجأ في الملاهي و طحنا في البيت الهزاز وبعدين اتصلنا للبابا
يرجعنا البيت ..(( البنات مايبون تخلص القصة وكل وحدة تبي حدث صار لنا نصف ساعة فيها ويبون يكملون
لكن تعبت ))
(( المهم اللعبة كبيرة تعبت وانا اكتب ))


الهدف منها توسيع ذهن الطفل والتعرف على السلوكيات الصحيحة وعلى الأكتشاف ..

[&(نجمة الخليج)&]

الرابع ..
لعبة الفاكة .. اغمض عين بنتي الكبرى واقول لها احزري وش في ايدش ، وبنتي الوسطى اخليها تشم الفاكه واطلب منها تحزر
اما الصغيرة اقول لها غمضي وقول لي وش اكلتي وهي تقول الأسم وهكذا ..

والهدف التعرف على فائدة الحواس الخمس ونستطيع بعضو نتعرف على الشي باللمس او الشم او التذوق ..
******************************
الخامس ..
على طلب بناتي علبنا لعبة التخيل ..
حنا في سفينة والبابا يصطاد السمك وفجأ تحولنا الى (حور البحر ) بختصار البابا مطلوب عند الحاكم لأن حاول
يصطاد ابنتة مماجعل البنت تصاب بمرض نفسي ولا تشعربأحد وحزن الحاكم وقبضوا على البابا وانا طلبت
منهم يجلسون في البيت وحملت الصغيرة ورحت اشوف سالفة القبض بعدين اخذني الحاكم الى السجن
بناتي شافوني تأخرت وراحوا لصوب القصر واثناء الطريق ساعدوا أمرة عجوز واعطتهم مشروبين وصلوا
لمكان السجن وحاولوا بمساعدة سموكة ان يحفروا حتى يخرج البابا .. ونزل رمل دفعة واحدة وانغلقت الفتحة
حاول البابا لماسمع صوتهم يحفر يحفروسحبهم وطلبوا من البابا ان يخرج لكن مارض قال مايصير ليش اهرب وانا
عارف اني موغلطان وماقصدت اذي السمكة الأميرة ، فجأ سمعوا منادي ينادي ..
ان الأميرة مريضة والي يعالجها يعطي الملك الي يبه ، تذكرت ريم ان عندها المشرب وقالت يبا وش رايك نعطيها المشروب الأول لأنه يصلح لكل مرض ، بعدين خرجوا من الحفرة ودخلت بنتي الوسطىمع اختها الكبيرة القصر وهم خايفين ويطالعون القصر فخم وقال لهم الحارس وش عندكم ليش جاين القصر قالوا برجفه حنا عندنا
دواء للأميرة بعدين استأذن الملك وهددهم ان لم تشفى سيكون حسابهم عسير ، دخلوا الى الأميرة واعطوها المشروب واخذهم الحارس للسجن لحد ماتشفى الأميرة ، بعدها سمعوا صراخ وضحك وفوضى وزغردة ان الأميرة
بعون الله وبالمشروب تشافت الحاكم طلب البنات ليكافئهم وطلبوا اخراجي انا والبابا في بادى الأمر رفض
حيث ان الوالد هو السبب وذكرتة بنتي الكبرى انهم ايضاً سبب في شفائها وان الوالد لم يكن قصد تأذيتها ، اطلق سرحنا
وخرجنا من القصر وفجأ جاء حوت كبير ليبتلعنا بنتي الصغيرة كانت عطشانة تبي تشرب واعطوها المشروب
الثاني وحدث تغير سترجع لطبيعتها وهي في البحر خاف الواالد وشرب ونقذ الصغيرة من الغرق واتصل بخفر السواحل لينقذونا بعد ان شربنا المشروب ، وخرجنا من البحر وكان ينتظرنا الأهل والأصدقاء ويسألونا عما حصل
لنا وعدنا الى البيت بسلااااام وبس خلاص .

**********************************
السادس ..
شغلت لهم اناشيد رسوم اطفال وهم يدورون على الكرسي فرحانين كأنهم في الملاهي ..
.. واحلى شي انا وأخي ..


********************************************
السابع ..
استريحت ربع ساعة وهم راحوا البحر وانا جلست اكتب اشوي ..
على فكرة بين فترة واخرى ابي اكتب لكن ماعندي وقت اطر اني اكتبة واخزنة في الورد لوقت الي فاضية ..

ايمان عندي اشياء اشغل بهم الطفل لكن بناتي مايبون الا وانا معاهم يعني مافي فايدة دايم في صمت اوصراخ
من غير ان يشتغلوا لوحدهم سواء لعب او تلفزيون او اي شي هل من حل

[إيمان علي]

أما أنا نسيت نفسي يانجمة وأنا بقرأ.. استمتعت وكأني بتفرج عليكم
الله يخليلك إياهم ويخليكي لهن، ما شاء الله عندك طولة بال حلوة

بالنسبة لسؤالك الأخير، ممكن تطلبي منهم يخترعوا بينهم وبين بعضهم فكرة لعبة جديدة، ويجربوها لوحدهم حتى يعرفوا إن كانت ممكن تنجح التجربة، وإن نجحت يجربوها معك حتى تعطيهم النتيجة.. بس على شرط لازم بالأول يلعبوها لوحدهم

ولو عندك ألعاب لهم، قوليلهم لازم يلعبوا مع بعض بالأول حتى تخلصي، ولازم يكون فيه تفاهم وما في مشاكل، وبعدها بتلعبي معهم.. يعني شرطك لازم أن يلعبوا مع بعض بسلام بالأول

وعندي فكرة ممكن تعمليها، وهي البحث عن الكنز، أكيد بتعرفيها، (لو ما بتعرفيها خبريني) أعطيهم مفاتيح الألغاز وخبريهم أنك رح تقعدي تتفرجي عليهم، وشرط اللعبة أنهم يبحثوا على كل لغز وكلهم ماسكين إيدين بعض.. وكل ما لقوا شيء ييجوا لعندك يقرأو اللغز الثاني.. وهكذا .. وفي النهاية بتكون النتيجة الحصول على الهدية المكتوبة بالورقة الأخيرة، وهي ممكن تكون معنوية أو عمل حلوى أو اي شيء بيحبوه..

[&(نجمة الخليج)&]

هلا ايمان ..

المشكلة في سنهم وحده 4 سنوات وحده سنتين و الكبير 11

الكبيرة تنشغل بدراستها وفي العطلة تصير مثلهم ماتشغل نفسها بشي قليل تفتح المسنجر .

اذا كانوا ثلاثتهم مع بعض يجوز يفيدهم اقتراحك اما إذا الكبيره مو معاهم ما يفيد لأنهم ما يعرفون يقرون

بالنسبة لدورة راح اطبقها وما يحتاج مشاركة لآن ما في وقت للكتابة الا ان اكتب واخزنة بعدين انقلة للمنتدى

مثل الي سويتة ، اعتقد اهم شي التطبيق لا الكتابة

[سيدة]

السلام عليكم ورحمة الله وبركاته
انا مهتمة بهذا الموضوع بس بدون مشاركة لأني احس اني بانشغل عن اطفالي بالنت زيادة عن اللزوم وكل يوم افتح النت الاقي اشياء واشياء فاضطر اني انشغل عنهم او اني اسهر بعد ما يناموا والسهر احيانا يضيع علي صلاة الفجر
فلا تحط في بالك ان المشاركات هم المستفيدات فقط

[إيمان علي]

طالما أنه التطبيق موجود، فما عندي مشكلة بالكتابة.. المهم أطمئن أنه في أحد عم يستفيد.. لكن كل كم يوم طلوا علينا وطمنونا كيف الأمور عم بتصير.. يعني الآن لازم تكون بتطبقوا بالأسبوع الثاني مع الأول

[صدى الأمل]

الاسبوع الثاني

بدانا نلعب بالطائرات - ابني محتار بينهم وبين الحيوانات - ثم اتصل علي والدي وذهبت اليه ولعبنا بالكره واختي وابي ونحن على الكراسي وعلقت على حسن تعاونهم

اليوم الثاني

ذهبت عند صديقتي لانها عامله جمعه لمعلمات التحفيظ واولادي مساكين ماصدقو لاقو اطفال بسنهم ولعبو لين ماتعبو وكل فتره اناديهم كل على حده وامدحهم لانهم مؤدبين وعدنا وناموا الان


واشكرك ايمان على تعاونك معنا الله يكرمك

[إيمان علي]

ما شاء الله عنك صدى الأمل، أم مثابرة

[&(نجمة الخليج)&]

اولاً بغيت اشكرك على الأفكار ..

كما ذكرت لك ان بناتي صغار على القرائة .. لكن اليوم بوجود اختهم الكبيرة .. طبقت افكارك

وطلعت رووووووعة على صاحبتها ..

لعبتهم لعبة الكنز ودوختهم ، ينطون 20 مرة يروحوا الحوش ويجرون 3 مرات ويدخلوا ويطلعوا

ويرجعون لمثل المكان وبعد التعب يجلسون يرددون سورة الفاتحة 7 مرات ثم التوحيد 3 مرات

ويروحون مكان الكنز يقرون الفاتحة والتوحيد مع الصلاة على النبي (ص) حتى يلاقوا الكنز

وماتصوين شلون صارفرحتهم ..

ابنتي الوسطى قصصت اوراق في الغرفة اول مرة تمسك مقص وتقص وقلت لها لا تنسين بعدين ترمينهم في المهملات
وافقت لكن بعد ان انكسر المقص بكت وتركت الأوراق ، وقلت لها إذا تبين نجماتك تكثر اخبريني بأنك نظفتي
الغرفة حتى اضع لك النجمة بدل اختك الكبيرة وماشاء الله رجعت ولا المكان تمام ..
والحمدلله اني التقيت بك يا أم بلال ..

وبغيت كم طلب (طماعة )) ..

ابي لعبة الكنز الي عندك يمكن في اختلاف وبكذا يصير تنويع ورغبة ..

وفكرة لبناتي لصغار 2 و4 سنوات ، اي شي يشغلهم ويفيدهم ..

ورحم الله والديك وكثر الله امثالك ..

[السلامh]

بسم الله الرحمن الرحيم
جزاك الله خيرا اسعدني جدا هذا الموضوع ويحتاج منا صبر مع اولادنا لفهمهم ودخول عالمهم الصغير والغريب بعض الشئ
وسلمك الله ورعاك وسانضم معكم ان شاء الله واعذروني إذا تأخرت عليكم حسب ظروفي وإذا كان علي كان اجلس معكم ولا افارقكم



وصلى على النبي المصطفى وعلى اله وصحبه وسلم ...................

[إيمان علي]

الله شو فرحتيني يا نجمة على تطبيقاتك الرائعة
شوفي عزيزتي لعبة الكنز..
أول شيء التخطيط المسبق، بحيث تكتبي مجموعة أوراق وهم عبارة عن، نسميها، خريطة.
الخريطة مثلاً كالتالي:
اكتبي على أول ورقة وهذا الورقة بتعطيها لبنتك الكبيرة تقرأها لأخوانها، فيها مثلاً مكتوب، لتقترب من الكنز، حل اللغز الثاني الموجود - مثلاً - تحت قطعة أثاث لونها كذا..
طبعاً أنت مسبقاً بتكوني واضعة الورقة تحت قطعة من الأثاث بهذا اللون، ومكتوب فيها مكان اللغز اللي بعده، وهكذا... اعملي الألغاز مثلاً 10 وآخر ما يجدوا الورقة الأخيرة، بيكون فيه الكنز، والكنز ممكن شيء يكون بيفرحهم جداً.. مثل رحلة لمحل البوظة، أو رحلة للأكل في الحديقة... يعني يكون شيء بيبحوه وبيستاهل التعب لأجله

هي صراحة بالأخير مهلكة من الركض، لكن الولاد بيكونوا في منتهى السعادة والانبساط


الألعاب لعمر 2-4 سنوات.. 4 سنوات، ممكن تعملي لها ألغاز شفهية وهذه مسماة بالانجليزي: I spy with my little eye
يعني بتنظري وأنت في مكانك على شيء لونه أصفر مثلاً، بتقولي: أنا شايفة شيء مربع لونه أصفر، ما هو؟
طبعاً هذا فيه تقوية للطفل في تعلم الألوان والأحجام.
وهي رح تبحث عنه بنظرها، وممكن بعدين، تقويها بمسألة فوق الشيء، تحت الشيء.. يعني بتقولي: أنا شايفة شيء أحمر فوق الطاولة، أو تحت الطاولة. وهكذا...

السنتين، هذا عمر محير.. جربي لاعبيها مع أخوتها وشوفي مدى تقبلها واستيعابها.. وخليني أفكر لك





أهلاً وسهلاً بك أخت السلام، حياك الله معنا، وإن شاء الله تجدي الفائدة والمتعة

[&(نجمة الخليج)&]

نشرة اخبار امس ..

لعبة الكنز .. ينفذوا كل المكتوب في الورقة حتى يحصلوا على الكنز ..
قريت معهم قصة .. وكانوا في صمت مع تشوق

بعدين طلبت من بنتي الكبرى تعيد من ترتيب سريرها ، قلت لها .. وش فيك اليوم خير ؟؟
كل مرة ترتبينة بشكل حلو وتمام فيك شي ؟؟

صرخت معنى هذا الكلام انة ترتيبي ماعجبك بس خلاص ماابي نجوم ولا شي ..
قلت لها اوكي خلاص الي تشوفينة بلانجوم بلانيلة لكن لاتطلبين شي لأن مافي نجوم ..

تركتها ورجعت شفت سريرها افضل مما يكون

*************************************
اليوم لعبوا الصغيرتين بالمكعبات .. قلت لهم الشاطر الي يجمع اكبر عدد وبسرعة يرجعهم الى مكانهم ..
وماشاء الله بنتي الوسطى شالت الصينية الي يلعبوا فيها و والصغيرة شالت المكعبات ..
بعدين تلوين الصغيرة شالت الورق الي على الألوان الشمعية .. وقلت لها شوفيهم يصيحون يبون يروحوا بيتهم
في سلة المهملات .. ابتسمت وفي سيرها سقطت ورقة صغييييييييييييييرة بعدين رمت الي في يدها وبكت
وماتبي تسوي شي .. واخذت بنتي الوسطى الى بيتهم

اليوم البيت متكهرب منهم بين فترة وفترة الله يعيني وللأسف مافي شي يشغل وحدتهم وكل شي لازم
معاهم حتى واني اكتب نفسي في راحة اشوي ( اجازة ) هذا في الأحلام ..

[إيمان علي]

الله يقويك يا نجمة، ما تخافي عزيزتي، ما شاء الله عنك، أم صبورة وشخصيتك حلوة ولهذا ولادك بيحبوا تبقي معهم في كل الألعاب، لأنك بتنزلي لمستواهم مثل اللازم
بتقدري تعملي شرط معهم أنهم لازم يتركوكِ بدون إزعاج كل يوم لمدة ساعة حتى تقدري تستعيدي نشاطك وتلعبي معهم ساعة.
والشرط أن يلعبوا مع بعض وبدون تخريب وبدون مشاكل. طبعاً لا بد من الرقابة بدون ما ينتبهوا

[صدى الأمل]

اعتذر عن التاخير لعدم وجود الوقت

اليوم الثالث

ذهبنا الى جده الى ايكيا اولا دخل اولادي ولعبو بالالعاب ثم اتغدينا
ثم ذهبنا الى مركز كمبيوتر لشغل والدهم وانا اخذتهم الى الملاهي ولعبو وانبسطو
ثم نزلنا الى السوبر ماركت وقلتلهم يمشو بجواري والشيء غير المتوقع ان رهف مشيت بجواري وحمودي هو الذي سرح
واثنيت على رهف جدا وخوفتها من الحرامي
وحمودي زعلت منه فقال ياامي بدي اتسلى

اليوم الرابع

لعبنا استغمايه وجرينا ورا بعض بس ماطولنا لاني كنت تعبانه وبدي انام

[SIZE=6اليوم الخامس [/SIZE]

انتهى اولادي من حفظ سورتهم وانا وعدتهم عند الانتهاء لهم هديه
ذهبنا لشرائهاوتركتهم جهة الالعاب وقلت اختارو بانفسكم ثم عجبني اختيارهم وشجعتهم على السرعه في الاختيار لان حمودي كان يطلع عيني

اليوم السادس

لعبنا لعبة الكنز - لطشتها منك - ولانها اول مره نلعبها سهلتها عليهم وكان بدي ابدل شيء من المحل اللي جنبنا جعلت الورقه الاخيره نلعب بعد العشاء بالمحل اللي جنبنا

ياسلام طاااارو من الفرح

وقلتلهم اكثر شيء عجبني انكم كنتم متعاونين لان حمودي يعرف يقرا ورهف لا
يبحثو سويا وحمودي يقرا لرهف
وكان بدهم نعيدها قلتلهم المره القادمه


صدعتكم معاااااااااااااااي