تويت
مشاركتى فى مسابقة (( منــا العنــــــوان ومنكـٍ المـوضــوع))....الاجهاض المتكرر
اخواتى الحبيبات مرتادات الركن
النهاردة حبيت انقل لكم تجربتى مع الاجهاض المتكرر
منها افادة ومنها مشاركة فى المسابقة
بدأت قصتى مع الاجهاض المتكرر بعد زواجى بكام شهر
وجدت ان كل شهر تتأخر الدورة ... ويمر الشهر واكثر بكام يوم ... وبعدها افاجأ بدم غزير ووجع شديد فى الظهر
ظللت على هذا الحال 3 شهور
وانا لا اعرف انة اجهاض
حتى حملت بعدها واراد ربى ان يستمر الحمل لمدة 4 شهور ... ويموت الجنين فى رحمى
ذهبت الى الطبيبة ... وطلبت منى تحاليل لأعرف سبب الاجهاض المتكرر
ومن هذة التحاليل (على ما اذكر )
تحليل التكسوبلازما
تحليل هرمون الغدة الدرقية
تحليل هرمون الحليب
تحليل الRH
تحليل الcmv
تحليل الاجسام المضادة
ولله الحمد كانت كل التحاليل سليمة
ولكن ظل السؤال
لماذا الاجهاض المتكرر !!!!!
اولا حمدت ربى ان السبب ليس عضويا ....
وبدأت اركز فى كل ما افعلة
واحسب كل خطواتى
فبعد الاجهاض الاخير ... ظللت 5 شهور لا ارى فيها الحمل
ولا اعلم ما السبب
ذهبت لدكتورة اخرى .... واشارت على ان اعيد تحليل هرمون البرولاكتين (الحليب )
وبالفعل طلع عندى زايد ... واعطتنى علاج لية وبعدها بشهر ربنا اكرمنى بحملى فى حنين
بس يومها الدكتورة قالت لى بعض النصائح
وقالت لى لازم تخليها فى بالك ....
* اول حاجة انى اترك موضوع الحمل على الله سبحانة وتعالى واكثر من قراءة سورة البقرة ودوما اردد ( رب لا تذرنى فردا وانت خير الوارثين) واتذلل لله سبحانة وتعالى بالدعاء
* نصحتنى انى فى الفترة اللى المفروض استنى فيها نزول الدورة اهدى شوية فى شغل البيت .. وكمان العلاقة الزوجية ... حتى اتأكد من وجود حمل من عدمة
* حذرتنى ايضا من الالتهابات المهبلية جدا...
قالت لى ان من اهم اسباب الاجهاض وتأخر الحمل هى الالتهابات المهبلية
ولتجنبها ....
على طول ملابسى الداخلية لازم تكون قطن ...لازم اهتم بنظافتى الشخصية ...
والملابس الداخلية لازم تتعرض للشمس حتى تقتل البكتريا ...لو مفيش امكانية ... يبقى لازم تنكوى بالمكواة
* اكدت عليا انى لما افكر فى الحمل (يعنى قبل ما احمل ) ....
آخد فوليك آسيد (حمض الفوليك) كل يوم ويفضل قبل الحمل ب 3 شهور
واهتم بنظامى الغذائى جدا ... لازم على قد ما اقدر يحتوى كل اللى جسمى محتاجة
* عندما تكون هناك مشكلة فى الحمل
يجب على الزوج ايضا اجراء التحاليل اللازمة .... فقد تكون المشكلة من عندة هو ... وانا اللى بتعالج
وفى النهاية
طبعا الحمل والولادة دة هبة من عند الله سبحانة وتعالى
يهب لمن يشاء الذكور ... ويهب لمن يشاء الاناث ... ويجعل من يشاء عقيما ...
وكل ما بيدينا ان نسأل الله عز وجل ان يهبنا الذرية الصالحة
تقبلوا مشاركتى
مدونتي مطبخ ام مرمر و ليلو
تعليق