اابرة تثبيت الحمل (proloton)

[نونةالمجنونة]

السلام عليكم
عندي سؤال ياريت لو تقدرو تفيدوني فيه

انا والحمدلله حامل فالشهر السابع والاسبوع اللي فات نزل علي شوية دم

لما رحت الدكتور كتب لي ابر اسمها برولوتون كل 3 ايام ابرة عشان التثبيت
اول ما اخدتها كله عادي لمدة يومين وفاليوم الثالث بيصير عندي مكان ماغزتني الابرة حكة و شوي شوي بيطلع لي مكانها من جوا حاجة زي الحجرة او الكورة وبالتدريج كل يوم بيكبر حجمها وبتزيد الحكة مكانها و حواليها يعني منطقة العضل كلها تقريبا

ولما اخدت الابرة التانية صار معي نفس الشي وصرت ادهنها زيت زيتون و جربت ريباريل جل و فكس و زيت الفكس بس ولا استفدت شي
بس بدون مبالغة مابنام من الحكة مكانها و صار يطلع دم مكان الحكحكة
وخليت زوجي يدهنلي هي بالفكس ويدعكها 3 مرات فاليوم تقريبا و صارلي 3 ايام مداومة وولا صغرت ولاشوي

اليوم من كتر ما الحكة جننتني رحت جبت المكنسة الكهربا و صرت امشيها عليها قلت يمكن يكون مفعولها زي كاسات الهوا او يمكن متجمع الدوا في مكان واحد او يمكن دم محبوس و يفك كدا


بس برضو مافي فايدة

طب والحل


انا لما نزفت في الشهر الثالث برضو كتب لي الدكتور نفس الابرة و صار معاي نفس الشي وجلست شهر اليت راحت بس كنت على بالي انه من ايدها للمرضة عفشة بس هالمرة كل ابرة اخدتها كانت مع ممرضة غير  عن الاولى

[shreef2020]

مبرووك حبيبتى ربنا يكملك على خير ما بعرف اخبارك من زمااان فرحت كتير لما شوفت مشاركتك
بوسيلى سلطان وراكان
ليه مابتسألى دكتورتك على اللى حصل من الحقنة ان شاء الله بتروح يا جمييييل وتقومى بالف سلامة

[ام مرمر و ليلو]

الف سلامة عليك
اعتقد والله اعلم انتي صابتك حساسية من هذا النوع
كان المفروض من اخذتيها بالشهر الثالث من الحمل وشفتي الاعراض توقفي من اول ابرة وتخبري الطبيبة حتى تغيرلك النوع
والحكة من التحسس والله اعلم
والتحجر اما مفعول الدواء قوي لهيك مامشي بسرعة بالدم
او هي سببت التحسس وبقيت بالمنطقة
كل اللي عليك تعمليه الان
كمادات بماء ساخن الى دافي يعني حسب ماتتحملي
وبعدها كمادات ماء بارد
اعمليها بالتناوب
وخبري الطبيبة عن اللي حصلك حتى تغير لك المثبت
وتعطيك م1ضاد للحساسية
والف سلامة عليك

[ام مرمر و ليلو]

وجدت بعض الاعراض الجانبية لها ومن ضمنها الحكة بس مكتوب لازم تخبري الطبيب

يحدث من الابر بعض الاعراض الجانبية وهى بسيطة ولكن وجب اخبار الطبيب بها وهى


صعوبة التنفس او ضيق في التنفس
السعال
وقد يحدث الم واحمرارو تهيج
للجلد في موقع الحقن

[strang]

اختي هلا ولا تقلقي وفيها الشفا
انا بالسابع كمان الابر مبلشة فيها بالشهر الثالث وعادي انا تعود عليها جسمي بالبدايه هيك كانت لانه ابر زيت وثقيلة معليش تحملي
انا مثلك اهتريت واني احك بس معليس هيك بيصير بس الاهم انها تكون جوا العضل ما يكون شي بالدهون
بدنا نتحمل انا سويت اي في اف وكتبولي عليها وبعدنا مدري تا يوقفوها بيعين الله بس تعودت تقريبا بس الصراحة انو بعد في كور ومكانها مولم
وديري بالك الي يعطيكي الابرة ما تكون بس وحدة من هالكور يعني ابرتين بمكان واحد
لما اعطاني جوزي ابرتي من اسبوعين غرزها واجت بوحدة من هالكور الي ما راحت وعينك ما تشوف الوجع يا الهي والحمد لله اعيلي يارب يرزقني ما اتمنى يا رحيم ويثبت حملكع

[ام سيف2007]

هلا اختي
الله يعافيك ويقومك بالف سلامة في ميعادك يارب
انا ايضا اشوف كلام ام مرمر صحيح
ممكن يكون عندك تحسس من هذه الابرة
ضروري جدا تستشيري الطبيبة
قد يكون هناك بديل لها
الله يعافيك وييسر لك امرك ويفرحك

[نونةالمجنونة]

الله يجزيكم ألف خير ام سيف و أم مرمر و فعلا انا هادا اللي كنت متوقعته وكنت متخوفة منه و باذن الله السبت رايحة لدكتوري و ابلغه بالموضوع لانه عامل لي عصبية و احراج اني فين ماكنت احس بدي اهرش هرش مو احك حكحكة عادية



سترينج

الله يتمم لك حملك على خير بس غريبة انهم بيعطوكي ابر للان
انا اولادي التوأم اللي قبل هادا الحمل كانو اي في اف و في بداية الشهر الخامس دكتوري وقف لي كل المثبتات
بس يمكن دكتورك هو الصح لانه انا اجتني ولادة مبكرة و ولدتهم بالتامن

يلا ابشرك بشارة خير هادا الحمل بعد الاي في اف و كان حمل طبيعي الحمدلله تعالى وعقبالك وعقبال كل مشتهية يارب

[strang]

ربي يجبر بخاطرك ويتمم حملك بكتبلك ومن شوي اخذت وحدة بس بتعرفي عم بتذكر انو الابر الي جبتهم من سوريا اثقل من الي اخذتهم بالامارات والله مدري بس تعودت بقولو بدهم يوقفوهم بالاسبوع 32 هيك عاساس وانا حامل بتوام بنات يا رب يتمم عخير
بس سوال حبوبة باي اسبوع من الثامن ولدتي وسوال انا واحد من الاجنة كثييير حركتو اهدى من الاول ص هما الاثنين هديانين بس تغير تغير عليكي شي بالسابع
طمنيني

[** الشيماء **]

ربنا يتبث حملك يارب
غاليتي التحجر ناتج لأنه محلول الأبره ظله في مكان
المفروض بعد الممرضه تديك الأبره تطل تدلك المكان شوي
براحت أيدها عشان سائل الأبره يتحرك ومايطل في محله
أنا هيك صار معي ولما سألت جارتي الدكتوره حكت
لي لأنه مش عم يدلكو المنطقه
وكمان أحيانا زي ماأنت عارف أبر التبيث لازم تحفظ في مكان بار
لو في البيت الثلاجه مثلا صح المفروض قبل مايدوكي الأبره تفضل
دقيقه أقل شيء حتي تروح برودتها
هيك حكت لي صديقتي والله أعلم
أنت أسئلي دكتورتك خليها تشوف ايش القصه

[نونةالمجنونة]

شكرا لكي الشيماء هي الابرة كانت عندي وكنت حاطتها في غرفة نومي في الدرج ماكانت باردة بس فعلا مادلكولي هي ولامرة من المرات اللي اخدتها


سترينج

انا ولدت بالاسببوع ال٣٢
وكان عندي واحد من التوأم حركته كتيرة زي ماقلتي برضو وهو السبب بالولادة المبكرة لانه من كتر حركته انفتح كيسه و خلاني الدكتور يومين وموية البيبي بتنزل عليي بس كان رافض يولدني الين تنفتح الرئة عندهم ال٢ وكان عم بيعطيني ابر كورتيزون كل ١٢ ساعة وبعدين انتظر ٧٢ ساعة و ولدني قيصري طبعا عشان اي في اف مابيتعبو الاجنة بالولادة الطبيعي خصوصي اذا توينز

بس بتعرفي البيبي اللي كان حركته كتيرة ماشاءالله كتيييييير هادي و ذكي وطلع كمان شعره احمر هههههه و نزق وعصبي و التاني اللي كان ببطني هادي مجنني بيتنطنط لي فوق الكنب وكلامه واسئلته كتييييييرة و مابيحب يدرس ماله خلق الا للعب ماشاءالله عليه الله يحميه

[اخلاص الورد]

يارب اللة يتمم حملك على خير
بس سؤالي لاختي ام مرمر وليلو......مرتين بعد الابرةهذه وانا في الاسبوع8 يحصل نزف وبعد يموت الجنين ياترى صدفة ولا في شئ ؟تدري عمري ماسالت الدكتورة؟

[banan44]

هي ابرة زيتية وقوية منشان هيك بتعمل كور والوان وحكة بس حاولي ما تحكي انا أخذتها تقريبا 4 شهور كل يوم وصار لي من تركتها 6 شهور ويا دوب راح اللون كتير متعبة بس شو بدك تعملي تحملي الله يعينك عليها

[نونةالمجنونة]

اخلاص

انا زيك اجهضت مرتين

وبرضو في الاسبوع التامن والتاسع بعدين غيرت دكتوري. و رحت لواحد تاني قللي انه المشيمة بيحصل فيها جلطة دموية و لازم لما يصير حمل تاني اخد ابر هيبارين مسيلة للدم

و اول ماطلعت حامل بهالحمل فورا كتب لي هي وكل يوم باخد ابرة والحمدلله الحمل بخير الله يديمها من نعمة يارب

غيري دكتورك او دكتورتك واسألي عن الموضوع

لانه في الاسبوع التامن والتاسع بتتكون المشيمة فلو صار اجهاض او توقف فالنبض معناه انه في خلل صار وبحكمة رب العالمين بيتوقف النمو عشان لايتم الحمل بجنين مشوه او مريض سبحان الله

[strang]

تسلمي نونة الحبوبة بدي سميكي ههههههههه
بس انا صراحة خايفة كثيير ع حنونة(دلع حنين هاي قلتلك عنها كثيييييييير اهدى من اول) يعنى لما احس بحركة مدري بقول منها ولا ارتداد من حركة اختها بتصدقي قلقانة يعني ما عاد حسيت فيها مثل كنت بالسادس الثنتين خفو بس هاي كانها نايمة عطول يا ربي مدري الكل بيقلي عادي وجوزي طبيب كمان بيقلي عادي بس شو بدي احكي يمكن تحسي فيا وتفهمي خوفي وقلقي بعد اللي مريت فيه اجهاضات يعني ما يكمل ال 40 يوم و وهاي ثاني اي في اف لمشي الحال يا رحيم ترزقني واخواتي الذرية التامة الخلقة والخلق ترضي وجهك العزيز الكريم وترزقنا برها التمام والكمال لك يا ارحم الراحمين

[نونةالمجنونة]

الله يسلمك ياقلبي سترينج

شوفي انا اول فترة حملي وسوست زيك خصوصا بعد الاجهاضات اللي تعرضت لها راح زوجي عشان يريح راسه اشترالي جهاز مكبر للصوت بتسمعي فيه نبض الجنين وصرت كل يوم اسمعه

بس يمكن انتي ماتعرفي تفرقي هادا نبض مين فيهم ههههه الله يتمم لك علئ خير يارب وتقومي بالسلامة انتي وياهم

عموما لاتخافي لانه كل ماكبرو رح يضيق عليهم الرحم و رح تخف حركتهم
و اول ماتدخلي نص السابع حتشوفي بطنك اموااااج بتمووج ههههه مابنسى شكل بطني كيف ايام التوأم

بس بهادا الحمل للان مالبست ولا قطعة من لبس الحمل اللي لبسته بالتوأم لانه لسا ماوصلت لهداك الحجم الحمدلله

كنت احجام هائلة ههههه