فاما بنعمة ربك فحدث **( الجزء الثانى )**((تجربة متميزة ))

[شيمه الحب]

السلام عليكم ورحمه الله وبركاته
اخواتى فى الله ربنا يعلم انا بحبكم اد ايه وعشان كده بكتب لكم الحكايه دى
طبعا كتير منكم يعرفونى ويعرفو اد ايه انا تعبت جسديا ونفسيا عشان احمل
اتحملونى افضفض معاكم شويه

[شيمه الحب]

اول شئ انا تزوجت انا وسلفتى مع بعض هى ربنا اكرمها وحملت على طول ربنا يبارك لها ويخلى لها ابنها
وطبعا زيى زى اى واحده نفسها تبقى ام
وحاولت ومر وقت طويل واروح لدكاتره كتيره وكلهم يقولوا ان معنديش حاجه بس انا كان عندى مرض بعض الدكاتره قالو انى مينفعش احمل عشان باخد ادويه كتيره ومينفعش تقف
لغايه واحده صحبتى قالت لى على دكتور ارتحت له نفسيا جدا من غير ما اشوفه
كان جوزى عمل تحاليل وطلع عنده نسبه صديد وحيوانات منويه مشوهه وعدد قليل يعنى الدنيا بايظه خالص
الصدمه بقى انه مش راضى ياخد علاج

[شيمه الحب]

طبعا يا بنات انا مش محتاجه اقول لكم على الكلام اللى كان بيتقال والتعليقات من كل الناس والله دى لواحدها كانت اكبر من خناجر بتطعنى طول الوقت
ورفض زوجى للدوا كان اكبر وطبعا مكنش ينفع ااحكى

المهم الدكتور طلب منى تحاليل وطلع عندى ضعف تبويض واعطانى كلوميد وعملت متابعه تبويض اخدته شهر واحد بس بجرعه كبيره وقالى بنسبه 90 % هيحصل حمل ونزلت الدوره ومحصلش حمل وحصل تكيسات اكتأبت جدا جدا جدا واعطالى دوا تانى بس بصراحه استهرترت بيه ونزلت الدورة تانى وساعتها قالوا انى السبب لانى منتظمتش فى الدوا
الشهر اللى بعده كنت بنقل من شقتى ونسيت حكايه الحمل خالص واتهديت فى النقلان
الدورة منزلتش اخدت حبوب تنزلها منزلتش الدكتور خضنى لانه قالى انه شايف حاجه فى الرحم بس مش عارفه هى ايه
اعمل تحاليل حمل كلها تطلع سالبه
ياااااااااااه حالى كان صعب خفت يكون كتر الادويه عمل حاجه واتخانق من زوجى لانه مش راضى يتعالج

قررت انى اتجه لله بنيه صافيه من دعاء وصوم وصلاه واستغفار وصدقه وسبحان الله احمل فى هذا الشهر بعد معاناه سنه كامله والله كانها 10 سنوات
وبشرنى الدكتور انى حامل

[شيمه الحب]

بدا مشوار تانى فى الحياه الحفاظ على الجنين ونومى على ظهرى وعدم سماع نبض الجنين غير فى الشهر الثالث وكل ده قلق وحقن تحت الجلد يوميه
بدات المخاطر تزيد بقله الميه حولين الجنين ثم بتضخم المشيمه
واتحمل والاوجاع تزيد يوم بعد يوم خاصه فى الشهر الثامن بدا جنبى يوجعنى كتييييييييييييييييييييييييييييييير درجه لا تتحمل من غير مسكنات ولا ادويه الدكتور يقولى اتحملى ومضطره اتحمل
لغايه ما دخلت فى الشهر التاسع وبعد مرور اسبوع الدكتور حدد لى ميعاد الولاده كانت اصعب ايام كنت حاسه انى هموت وكنت خايفه على امى كتييييييييييييييييييييييير
دخلت المستشفى الساعه 4
دخلت غرفه العمليات 11.45
وولدت حبيب قلبى ابراهيم ربنا يخليهولى يارب ويرزق كل محتاج يارب
بعدها بدات مشكله تانيه عيوب خلقيه والدكاتره تقول بسبب الدوا اللى باخده

ادعوله ربنا يعافيه يارب

[شيمه الحب]

آسفه انى طولت عليكم
اللى عندها اى استفسار انا تحت اامركن

[safinaz reda]

ياحبيبتي ربنا يبارك لك في ابنك ويحفظه ويشفيه ويعافيه يارب

[سوسو15]

حبيبتي شيووووم ,, انا لسى عارفه انو ابنك عنده تشوهات خلقيه ربنا يعافيه ,, بس مثل ايش التشوهات يعني ممكن تتعالج او لا ,,


وربنا يبارك لك فيه ويعافيه يارب ,,

[الغصن الحزين]

الله يشفيه ويعافيه ويصلحه وحاولي علاجه ولاتيأسي لان كل شي بيد الله سبحانه علقي نفسك بالله وحده لاغيرررررررررررره

الله يصلح الامور

[أم الغاليه]

الله يشفي ابنك ويعافيه ويسهل امرك

[ام سيف2007]

حمد لله على سلامتك اختي شيمة
وربي يشفي ابنك ويعافيه يارب
شكرا جدا على تجربتك القيمة جدا والمفيدة

[رورو فلسطين]

الله يخليلك اياه ويشافيه ويعافيه يا رب

[hakama hakima]

حبيبة قلبي شيمة غدغودة الحلوة الف الحمد لله على نعمة ربنا ليكي وليا ولكل اللي انتضرو وربنا اكرمهم زينا واللي لسة هيكرمهم يا رب
المهم حبيبتي متتهونيش في علاج برهومة والطب اتقدم جدا وربنا يشافيه يا رب وخلي بالك من نفسيتو جدا جدا ومن هلا اغرسي فيه الثقة بنفسو وربنا ميوريكي فيه مكروه يا رب ويخليلك اياه يا كريم ويشافيه ويعافيه يا رب

[شيمه الحب]

تسلموا يا بنات واحده واحده على ردكم يارب
التشوهات اللى عند ابنى فى العضو الذكرى هو لسه مطاهرش لغايه الوقتى ومحدد له عمليه
هتكون 3 عمليات فى بعض
الفتحه عنده على جنب هيعدلوها
وكمان مقلوبه لاسفل وهيطاهروه ويعملولها تجميل

[شيمه الحب]

والله يا بنات كل ما يتعب يقلولى بسبب الدوا اللى كنت بتاخديه
ده كمان دخل الحضانه بسبب الصفرا
قالوا لى كان كده كده هيدخل عشان فصيله دمك

[ورد الزيزفون]

لاحول ولاقوة الا بالله


انشاءالله يارب دفع بلا وباذن الله يطلع بخير ومافيه غير العافيه

وتوكلي ع الله واسمعي كلام الدكاتره وبذن الله ربي يشفيه شفاء لا يغادر سقما