ممكن تساعدوني ؟؟

[Dandosh]

السلام عليكم
متل العادة مني السؤال "الاسئلة" و عليكم الاجابة و ما في جوائز و لا شي "عم تحكوا شو هالشغلة اللي مو جايبة همها "

انا هلا في منتصف الشهر الخامس بالحمل ... و عم بحس بشغلة مزعجة جدا و هي الام في المفاصل "كل انواع المفاصل " بالذات اصابع اليدين مع انتفاخ بسيط فيهم.. انا بعرف انه طبيعي الانتفاخ و كبر حجم الايدين لكن الالم كتير و كمان بمنطقة الكاحل و الرسغ و الركبتين ....
سؤالي هو طبيعي هالشي ؟؟ و كيف ممكن اخفف منه؟؟ الله يرضى عليكم احكولي كتير متضايقة و خصوصي لما اقوم من النوم بيكونو مؤلمين لدرجة ...

كمان شغلة ... كتير غريبة .. بتتذكروا لما قلت لكم اني حامل بتوأم ؟؟ اول الشهر الخامس رحت اراجع عند طبيبة تانية .. بالاصح تالتة لاني شفت قبلها طبيبتين .. و حكت لي انه بس بيبي واحد!! انا مو زعلانة على انه واحد بس بالعكس بحمد الله و بحكي اكيد الخيرة فيما اختاره الله ... مع انه في ناس متل اهل زوجي زعلانييييييييييييييين,,,, المهم الدكتورة ما فسرت لي ايش اللي ممكن يكون صار و وين اختفى البيبي اللي كان اله اربع شهور موجود بتأكيد الطبيبتين اللي قبلها ...
طبعا اخر مرة رحت كان واااضح بالصور انه واحد بس اصلا ماخد كل المكان ... لكن السؤال وين معقول يروح التاني ؟؟؟

و سامحوني -متل العادة - طولت عليكم

[البشرى]

حياك الله يا دندوش
وسلامتك الف سلامه عليك
اختي بالنسبه للالآم الي تحسين فيها لازم انك تراجعين الطبيبة
وتعملك تحليل
لانه ممكن الحامل يحصلها بعض الالم في العضام او الركب من الثقل
لاكن مش لهذي الدرجه
انا ما احب اخوفك حبيبتي
لاكن لابد تطمنين على نفسك وتطمنيننا
وبالنسبه للتوم
والله غريبة سبحان الله
وحدة من قريباتي كانت حامل بتوم وطووووول فترة الحمل يقولون لها انه واحد
مع ان زوجها طبيب وكان يدخل معها لما تعمل اشعة
بس سبحان الله ما عرفت الا وهي بآخر الشهر التاسع
قالو لا .....طلعو اثنين
والله يقومك بالسلامة وما تشوفين شر

[أمنيه]

عزيزتي دندوش....الله يكون في عونك ...ويقومك بالسلامه ...

بالنسبه للألم ...ودي اسألك ..انتي تشربي حليب كويس ؟! وتأكلي اجبان .؟!

اعتقد ان السبب نقص الكالسيوم ...عموما انصحك تراجعي الطبيب .

اما النونو اللي اختفى ...لا تخافي اعتقد ان الأشعه ليست دليل قاطع ..واحتمال كبير يكون متخبي ورى اخوه ...يعني يلعبوا استغمايه هههههههههه.

والله بتكلم عن جد ...كثير من اوضاع النونوتخليه مش مبين يعني يكون واحد متخبي جوا وما تشوفي إلا واحد !! خاصه انه الان كبر حجمهم ...وما صار ممكن تشوفيهم كلهم مع بعض !

عموماً ...بعد فتره ممكن تعيدي الأشعه مره ثانيه وتطمني بالك

طمنينا عليك وعليهم ...

[هنلي]

مرحبا اختي دندوووووش وينك من زمان والا قاعده بتدوري على شقة التوام هههههههه
انا بقلك راح وين هذا المسكين مزنزق حبتين وراح على الحمام ههههههههههه
رح تقولي انجنت البنت ومال بالها رايق بس خذي مني وارمي كل اشي ورا ظهرك وتوكلي على الله وبلكي طلعوا ثلاثه
اما لالام اللي عندك فهي عاديه عند كل الحوامل انا بالنسبه لي كانت الالام مزمنه زي التشنجات
وخاصه على قولتك لما اصحى من النوم كانن اجريي - قدماي - من عند الركبه ونازل ما اعرف احركهم ولازمني هذا الشي وخاصه اول ما اصحى من النوم مباشره وكل يوم
بس لما ولدت وثاني يوم بعد الميلاد صحيت ولا كانه عندي اي اشي زي شوكه وانخلعت
وهذا الاشي طبيعي وكان عند امي وخالاتي وعماتي وحتى جدتي يعني الكل ماتخافي
ولما تراجعي الدكتوره خليها تكتب لك اذا كان مزمن زيي على كريم انا كنت استعمل
فولتارين voltaren وهو مسموح استخدامه بعد الشهر الثالث وبعيد عن منطقه البطن والظهر
منطقه الحمل وهو معروف في كل الصيدليات هيك لون العلبه ابيض وبرتقالي وعليها واحد رافع ايديه اكيد بتشوفيه بالدعايات بس استشيري الدكتوره اولا
وماتخافي بس تولدي من هون رح تروح من هون
في خالتي كان جسمها كله يتشنج ايديها وظهرها ورجليها بس ولدت راح كل اشي وما تخافي
وروكي كملي تدوير عن شقة التوام يالله باااااااااي

[إيمان علي]

أهلاً بك يا دندوش وبأسئلتك
عزيزتي، أعتقد أنه من الطبيعي أن تتورم بعض أجزاء الجسم، فطبيبتي كانت تسألني في كل مرة وتفحصني إن كان لدي أية أورام حتى تنتبه إليها مستقبلاً، ولهذا الأفضل أن تخبري طبيبتك حتى تشرف على هذا الأمر.
بالنسبة للطفل الثاني، أعتقد أنه من الأفضل العودة إلى الطبيبة التي فحصتك وأخبرتك بأن لديك توأماً، حتى تفهمي الأمر تماماً!!

[Dandosh]

اهلا بريحانه المنتدى
لا ما خوفتيني حبيبتي ... فعلا انا حاسة انه مو شي طبيعي .. خصوصا الألم في الركب بكير عليه ...
و قريبتك ما شاء الله اتنين مو مبينين للشهر التاسع ؟؟ غريبة

أمنـــــــــــــيــــــــة حبيبتي انا بصراحة لا جبنة و لا حليب و لا بيض و لا شي باكل معقول اله علاقة بهالاام هاي؟؟ نبهتيني فعلاً.. لازم اتأكد من الطبيبة المرة الجاي باذن الله

هنلي .. سلامة بنوتتك مرة تانية
و على فكرة كأنك بتوصفي بحالتي ... غير الالام عندي تشنجات رهييييبة بكل مكان و مغلبتني كتير كتير و خصوصا لما اقوم من النوم يعني متلك بالضبط... بس شو ريحتيني لما قلت انها بتروح بعد الولادة .........
بس كان عندي أمل الاقي لها حل قبل هيك
و على فكرة انا ابدا ابدا مو زعلانة لانه واحد مو اتنين و الله حمدت ربي و ما تأثرت أبدا... اهل زوجي هم اللي تضايقوا.. مو كانه كل شي من ربنا لازم يتقبلوه .. قلت لهم يعني لو طلعو اتنين ملزقين ببعض احسن ؟؟ "متأثرة بالبنتين الايرانيات"
أمونة النوارة
بالنسبة لي حكت لي انهم توأم .. طبيبتين مو وحدة ... لكن وحدة منهم تركت المتشفى و اللي اجت بعدها روسية و سافرت!! حظ
المشكلة اللي رحت لها بعدهم شرسة بشكل مو طبيعي و الله طلعت من عندها ببكي لانها بهدلتني .. بالعربي صارت "تردح" .. من وين اتنين يا حبيبتي ... انتي شو عم تحكي ..

ندمت اني سألتها ...

تشكروا يا عسل و ان شاء الله ما تشوفوا االشر

و انتظروني بمجموعه جديدة من الاسئلة التي تنتظر اجاباتكم

[LeEn]

<==========واحدة الفضول ما كلها
بدها تتأكد واحد ولا تنين
طب لو طلعوا بنتين بتسميهم علأسامي الروسية الي اختارها الولد (لوتعدي 10 سنين تحفضيني فيهم مابتزكرهم؟)

تولدي بالسلامة
بلا حليب بلا اجبان كلو كيماويات
كلي سمسم كامل وطحينة
هدا الكالسيوم
وماتنسي الخضرا الخضراء

[Dandosh]

اهلا لين
معول لهلا متذكرة الاسامي اللي بابا كان بدو يسمينا ياها (ناتاشا و بوزيسكا)......

بتصدقي من فترة حكالي لو انهم بنات انا اللي بدي اسميهم .. اول شي انصدمت .. قلت له بابا اوكي بتمون بس مو بوزيسكا و فروشيسكا

بس اناا لهلا ما رحت اتاكد.. و بكل الاحوال واحد او اتنين منيح... لكن متحيرة بالاسم اذا كانت بنت ...
يلا ساعديني

[LeEn]

ههههه الله يخليلك اياه
طيب اسألي شو حاب يسمي
انا بحب اسم ديالا و يارا ولين ورند وأماليد (ايمي) -تالا.
وفي كتير
تولدي بالسلامة

[هنلي]

مرحبا دندوش
كيف الحال وكيف العيال
على فكره اتذكرت انا شو كنت اسوي علشان التشنجات تخف وهي طريقه سهله ومره سمعتها في التلفزيون
وهي انك قبل ما تنامي تغسلي رجليكي او مكان التشنجات بالماء الدافئ مليح مليح
انا كنت احط كرسي واجلس عليه وادلك من منطقه الركبه الى اسفل بالماء الدافئ
رح تحسي بالراحه وبعديها بعد ماتخلصي من التدليك من الرجلين صبي ماء بارد من الحنفيه يعني
وبعديها نشفيهن مليح ونامي ولما تصحي رح يكون بدون وجع او تشنجات او يكون الوجع خفيف
ومره سالت الدكتوره تعطيني دواء فقالت اشربي اي نوع من حبوب وجع الراس اكامول او بندول
لانها كمان ما بتاثر على الجنين - بس بدك الصراحه ما سويتها وجربت - انتي اسالي الطبيبه اللي بتروحي عليها وكمان اذا بدك استخدمي فولتارين

[هنلي]

[IMG]


هذا هو الفولتارين الموجود في اي صيدليه واستشيري الطبيبه عنه انا استشرت عده اطباء وقالوا
يمكن استخدامه بعد الشهر الثالث وبعيد عن منطقه الحمل الظهر والبطن يعني

كنت استخدمه مره قبل النوم واصحى ولا فيني اي اشي
وشكرا

[ام يوسف]

مبروووووووووووووك