احلى تجمع لاحلى امهات لاحلى توينزات وتربلز ياااااارب أعنا على تربيتهم

[body w kokty]

ازيكم يابنات عاملين ايه دخولنا بقى قليل خالص
انا عن نفسى مش بعرف ادخل بالنهار زى الاول وبما انهم بيسهروا يبقى ولا باللي كمان امبارح نايمين بعد 3 الفجر المهم انا العيال بطاوا اكل مش عارفة اعملهم ايه عندى عبدالله اللى كان بياكل شوية قل خالص
يعنى الصبح يعتبروا اكلوا عارفين ايه بقى
كنزى بيضة مسلوقة اكلت الصفار وحتة بياض وبس
عبدالله اكل حتة توست بجبنة ومش كاملة
المهم على الغدا قلت ياكلوا رز ولحمة وبطاطس
اكلوا معلقتي رز واللحمة يرموها ويتفوها
وفى الاخر رموا الاكل كله قلت بعد شوية ااكلهم نفس الحكاية ااعمل ايه
امبارح كنزى بردو اكلت بيضة وهو مش اكل غير معلقتيتن شوفانن باللبن والغدا رز وسمك
والله فى التلاجة مااتاكل وزهقونى اخر زهق مش عارفة عايشين على ايه ولا عصاير ولا فاكهة التفاح يقطموه ويتفوه العصير ممكن يشربوا شوية وخلاص
عملتلهم شاى بلبن دلوقتى يشربوه كل واحد شرب شوية اعمل معاهم ايه بقى علشان ياكلوا

[body w kokty]

كوكى وزنها 8.500وسنها سنة وشهرين ونص

[d2do2a]

ازيكم يا امهات, طبعا على سيرة الاكل انا مبقتش اعمل حاجه طول النهار يا رشا الا انى ماشيه بالطبق وراهم وياخدو معلقه وعشر لأ,عموما عندى هنا أصل الجو محرر أوى الفتره ديه وفى الحر غالبا الكل أكله بيقل,بصى حاولى تعمليلهم حاجات ساقعه وسريعه ديه كانت نصيحة ماما ليا وأدينى عملتلهم اهو كريم كراميل على طريقة ام حبيبه وهشوف هياكلوه على العشا ولا هيعملو ايه,أنا عندى النهارده برضه فطرو نص البيضه كل واحد واتغدو كام معلقة شوربه بالفراخ ,حاولى تقديملهم فاكهه كتعويض يعنى أنا بديهم عنب يقزقزو فيه لانهم مش حابين البطيخ والتفاح اصلا لازم أضربلهم مش بياكلو سليم مش عارفه ليه بيتفوه,هدخلكم فى وقت تانى عشان هحميهم دلوقتى

[shreef2020]

ام حبيبة
الحمد لله انك طلعتى بسرعة يعنى مش انا لوحدى اللى اتحبست بالحمام هههههه
ربنا يهديهم كلهم واالله كان قلبى هيقف خلاص انا ساكنة بالدور التانى ومش عارفة هما نزلوا ازاى لانهم بيعرفوا يفتحوا باب الاسانسير وبيدوسوا على الزراير بس متهيألى نزلوا على السلالم ده اللى فالحين بيه المجرمين يبردوا قلبى بكلمة ينطقوها لا ههههه وعبدالرحمن بالذات طول جلسة التخاطب بيزن شوية ليقعد يبتسم للمستر ومن يومين الراجل لبس قفازات بايده وبيعملهم تمارين للسان وبيقول ل عبدالرحمن عشان يرضى تعالى عض على نياته عبدالرحمن جرى عليه مبسوط وعضه عضة فظيعة والله الراجل اتنطر من على الكنبة وصرخ قلتله ده ما صدق ماكنش عارف موضوع العض كسفنى دايما هههههههه

بصى يا جميل انا بحط البف باسترى بالفرن ولما بتستوى وبسبها تتحمص شوية بطلعها ولما تبرد بكسرها واحطها ببايركس ومعها زبيب ومكسرات ذى ما تحبى وعلى النار بدفى الحليب وبحط فيه فانيليا وسكر وجوز هند ومرة حطيت باكيت من بودرة الكريم كراميل وبصب الخليط على البايركس ومن فوق قشطة وادخلها الفرن تانى و

[shreef2020]

اوشى
يا بنتى التفاح ناشف هيتفوه لسه صغار هو فيه بيأكلوا عادى بس انا كمان ولادى كانوا بيعملوا كده اديهم موز طرى عليهم وافتحى التليفزيون ونسيهم انهم بياكلوا والله ولادى حتى الان مغلبنى وطول اليوم وراهم ممكن تفرجيهم من الشباك وهما بياكلوا بس الدنيا حر قوى احنا عندنا حوض سمك بحط اكل للسمك ويقعدوا يتفرجوا على السمك وهو بيأكل واديهم معلقة كمان عندنا عصافير بجيب القفص قدامهم فاتحة حديقة حيوووان هههههه اعمل ايه واوقات مش بيرضوا برده بس بحاول اديهم كميات صغيرة كل شوية

دقدوقة
حمام الهنا
فينك يا بنتى


الفطار
حليب
كرات تمر بحط كل كرة بخلة اسنان وبغطسها بالنوتيلا

الغدا
خضار سوتيه وشوية فتة

العشا
بيض مقلى ولبنة
بين الوجبات عصير وعنب وبسبوسة وشيكولاته

[d2do2a]

لولا موجوده اهو بس ما انا قلتلكم النت كان فاصل ومش بعرف ادخل من الموبايل هنا فى المنتدى وكمان الايام ديه مشغوله شويه لان احتمال كبير ننقل ونروح شقه تانيه اكبر لان شقتى اوضتين بس وطبعا مع وجود ولد وبنت محتاجين شقه تلات اوض فمش عاوزا أقولك المأساااااه الى مستنيانى,بس انا لسه فى مرحلة الفرجه على الشقق
انا بجد كنت هموت من الرعب وانا بقرا حكايتك أنا مش متخيله اكيد جاتلك بعديها نوبة عياط هيستيرى عندك حق الصراحه ,بعد كده اقفلى باب الشقه بالمفتاح وخبى المفتاح كمان بس المهم خبيه فى مكان تفتكريه بعد كده احسن تبقى مشكله تانيه

[d2do2a]

أم حبيبه شكرا على ام على وضحكتينى على ولادك ماهما من دلوقتى هيدخلو فى سن الاسئله الى من نوعية ليه وعشان ايه وايه ده وهتتهرى أسئله,أنا عملت الكريم كراميل صحيح امبارح وطلع حلو وعجب الولاد الحمدلله تسلميلى بس فيه مشكله بسيطه انه مفتفت فاهمه ازاى؟يعنى الجاهز بيبقى بلوك على بعضه لكن ده لما بقطعه بالمعلقه بلاقيه مش بلوك واحد مش عارفه ايه المشكله؟؟

[d2do2a]

الفطار:لبن وربع ساندويتش جبنه بيضا

الغدا صينية بطاطس باللحمه المفرومه بالباشميل(اول مره اعملها وعجبتهم الحمدلله بس اخدو كام معلقه وخلاص غالبا الحر مخلى نفسهم مسدوده)

العشا عملت اختراع كده جبت عيش لبنانى وقطعته مكعبات وحطيت معلقة زيت فى طاسه على النار وحمصت العيش وتبلته بملح وفلفل وكمون وبعد كده حطيته فى طبق وقعدو يقرقشو منه شويه وساعات كنت بضحك عليهم وآخد قطعة عيش محمص وادهنه بحتة جبنه وأديهلهم,وبعديها بساعه كلو زبادى ونامو

بين الوجبات عنب أحمر وبس معجبين بيه ومش عاجبهم فاكهه تانيه مش عارفه ليه

[أم مااجد]

السلام عليكم ورحمة الله وبركاته

كيفكم احلى امهات لاروع واجمل توينزات الله يحفظهم النا يارب
معلش غبت عنكم لكن الجهاز السبب كان تعبان شوي واتاخر عند الدكتور
واليوم وصل والحمد لله
انا تمام والاولاد كمان والحمد لله قريت شوي واطمنت عليكم
بكرة ادخل ونحكي اكثر ان شاء الله
بس حبيت اطمن عليكم واطمنكم
تصبحون على خير

[d2do2a]

ايناس بصى البطاطس الى فى الفرن بتقطعى بطاطس وبتتبليها بملح وفلفل وكمون وباربيكا وكارى وثوم بودرانا حطيت توم عادى لانه معنديش البودر وقرفه وزعتر وحطيتها فى صينينه وحطيت عليها زيت بس متغلطيش غلطتى وتزودى الزيت اوى لانى زودت الزيت فحسيتها متشربه زيت جامد وحطى الصينيه فى الفرن وأحسن تسيبى البطاطس متبله شويه فى التلاجه عشان تشرب التتبيله,أنا عملتها كده بس تقريبا صبا كانت مزوده بهارات تانيه مش فاكره ياريت تفكرنى بطريقتها بس انا عملتها كده وطلعت تحفه

[d2do2a]

رشا أنا مش عارفه كده كوكى وزنها قليل ولا ايه,يابنتى ادخلى على جدول دكتور مدحت الزيات الى قلتلك عليه وشوفى طولها ووزنها,أنا أصلى بقالى شويه مرحتش للدكتوره بتاعتهم على آخر الشهر هروحلها ان شاء الله,طب والدكتوره قالتلك ايه ولا انتى مرحتيش قريب ليها؟

[shreef2020]

دينا
ربنا يوفقك بشفة كويسة وييسرلك الحال
والف هنا للحلوين
جربت البطاطس وطلعت خطييييييرة
عبدالله بيحب العنب الاحمر والاخ التانى اللى المفروض يأكله عشان الامساك مش جاى على مزاجه خالص

ام ماجد
وحشانا كتييييييييييير

الفطار
حليب
توست بلبنة وزيت زيتون

الغدا
شوربة عدس وخضار سوتيه

العشا
توست زبدة فول سودانى على مربى وحليب

بين الوجبات عصير وعنب ( عبدالله بس ) وبرتقال واكلوا شوية صغيرين مكرونة بالتونة وبسبوسة

تصبحوا على خيييييييييييييييييير

[نووودى]

السلام عليكم يا احلى امهات وحشتونى جدا كنت متباعاكم بدخل من الموبيل اطمن عليكم بس مبلحقش ارد يارب تكونوا جميعا بخير انا قريت اللى فاتنى بس نسيت حاجات كتير هحاول ارد و بكره اكمل ان شاء الله

[نووودى]

لولا موجوده اهو بس ما انا قلتلكم النت كان فاصل ومش بعرف ادخل من الموبايل هنا فى المنتدى وكمان الايام ديه مشغوله شويه لان احتمال كبير ننقل ونروح شقه تانيه اكبر لان شقتى اوضتين بس وطبعا مع وجود ولد وبنت محتاجين شقه تلات اوض فمش عاوزا أقولك المأساااااه الى مستنيانى,بس انا لسه فى مرحلة الفرجه على الشقق
انا بجد كنت هموت من الرعب وانا بقرا حكايتك أنا مش متخيله اكيد جاتلك بعديها نوبة عياط هيستيرى عندك حق الصراحه ,بعد كده اقفلى باب الشقه بالمفتاح وخبى المفتاح كمان بس المهم خبيه فى مكان تفتكريه بعد كده احسن تبقى مشكله تانيه

دينا ازيك يا جميل وحشانى خالص واخبار كرمله وعلى ايه؟؟؟ مشيوا ولا لسه ولا ايه؟؟؟؟ وبصراحه موضوع انك تنقلى وولادك فى السن دا مأساه فعلا اجليها سنه كمان ولا حاجه يا بنتى وربنا يعين مامتك ما اكيد هى اللى هتتدبس معاكى وربنا يوفقك فى الشقه المناسبه ان شاء الله

انا كمان ولادى بيحبو العنب الاحمر وبالذات روكا بس كمان بيحبو البطيخ

لكن التفاح بيتفوه زى ما اوشى بتقول كدا والموز ادهم كان بيحبه اوى دلوقتى بقى فين وفين لما يرضى ياكله هما كدا كل يوم بحال


وحلوه فكرة العيش اللبنانى دى اجربه يمكن يعجب البهوات

[نووودى]

مش قادره نفسى نام جدا قبل ما ولادى يقلقوا لو معرفتش انام هدخل تانى سامحونى تصبحو على خيرر