بركولي بركولي بركولي حامل ولهي حامل ولهي ولهي

[mmm1982]

أول حاجه عوزى آقولها ألف حمد لك و شكر لك يا رب اللهم متم علي بخير يا رب و باركلي في ذريتي

تاني حاجة شكر خاص لمرات جوزها و كنزي أحمد عشان ردو عليا كتير أوي و تعبتهم اسئلة

ثالثاً هحكلكو عرفت ازاي و حملت بعد أد إيه

[cute leen]

alf alf mabroook

[ام ياسـ مريوم ـر]

بسم الله ما شاء الله
الحمد لله والشكر لله
بارك الله في حملك
الله يثبته ويحفظه لك

[-جنان-]

مباااااااااااااااااارك ألفا أختي
تمم الله حملك على خير ان شاء الله

[mmm1982]

أنا بقالي سنة و ست شهور و نص بضبط متجوزة ذي أي وحدة إستنيت أول شهر و تاني شهر والتلت و و و و في الشهر الخامس رحت للدكتور و كشفت عليا و قالت لي عندي قرحة في عنق الرحم شديدة و لازم كي المهم عملتها و زاد الأمل بس بردو كام شهر إنتظار و محصلش حاجة المهم غيرت الدكتور و رحت كشف عليا و على جوزي و قال إن كل حاجة تمام و مش شايف أي أسباب خالص و ادني منشطات عشان يزود فرص الحمل بس مفيش فيدة و إحباط جامد أوي كان و بعد سنة و ثلاثة أشهر قال مش أمامكو غير تلقيح صناعي طبعاً اضيقت جامد أوي بذات إن نسبة النجاح قليلة جداً و رافضت الشهر اللي بعدو قررت اني اعملها و سبحان الله بدأت في المنشطات و عملت متابعة تبويض و كام عندي ٤ بويضات كويسين و كان باقي مرة كمان متابعة و نحدد يوم التلقيح و رحت في يوم المتابعة دي للدكتور ملقاش ولا بويضة كان مذهول طيب اللي حصل؟؟؟ طبعاً أنا إنهارت جامد جداً

[ward_84]

ألف الحمد لله

مبروك الحمل أخيتي وعقبال لكل المنتظرات

وربنا يثبت حملك ويتممه على خير ان شاء الله ..

[فاطمة الزهراء10]

مبروك الحمل أخيتي وعقبال لكل المنتظرات

[ام نزار20]

الحمد لله يارب الف الف مبروك والله يتتمملك على خير يارب والله يرزق جميع المنتظرين امين

[mmm1982]

الشهر اللي بعدو أخت تاني منشطات و بدأت اللفة و كان عندي إحباط فظيع بذات إن مكنش باين عندي أي أعراض في اليوم ال ٢٨ من الدورة الشيطان مسك ودني و مسبنش و قلت بقول لنفسي وأنا هقعد كدا مستنية معمل تحليل و أريح دماغي رحت جبت تحليل منزلي و كنت الصدمة نيجاتيف طبعاً أنا مجبتش سرت التحليل المنزلي اللي كنت عملتو لزوجي أو مامتي طبعاً زعلت بس قلت الحمد لله و كان الدكتور مديني مثبت بطلت و إيه مقلقوش على المجهود اللي عملتو بهدلة دة النهاردة طلعت ١٠ أدوار ورى بعد ، و بعدين كان بقالي إسبوع حاسه بألم الدورة رهيبة بتموتي و كل يوم استني تجي ماتجيش لغاية النهاردة إليوم ال-٣٢ الصبح رحت عند مامتي وأنا مش أدرى أرفع رجلي و بعدين جوزي جه إتغدنة و نزلنا و حصلت مشكلة كدا اطريت أكمل باقي اليوم كلو في الشارع و حاجة متعبة جداً و كدا اليوم ال-٣٢ من الدورة فقررت اني أعمل تحليل دم كلمت زوجي و قلت له اني راحة السوبر ماركت أجيب حاجات للبيت و رحت عملت التحليل الساعة ١١ ليلاً الدكتور قال لي استني ١٠ دقائق رحت قلت له لأ مش هينفع أصلي أنا عرفة أن ولهي مش حامل اديني رقم التلفون و هكلمك كمان شوية ، و رحت السوبر ماركت وأنا دخلة لقيتهم مشغلين قرأن و على الأية اللي بتقول '' و بشرناه بغلام حليم ...'' فقلت لنفسي تاني ولهي مش حامل و خرجت كلمت المعمل لاقيتو بيقولي مبروك حامل قعدت أبكي في الشارع ذي الأطفال و أترعش من الفرحة و كلمت مامتي و جوزي قلتلهم علطول لغاية دلوقتي مش مصدقين نفسي اطمن و أتأكد اني حامل إن شاء الله حاعمل التحليل الرقمي بكرة إدعولي

[ام ياسـ مريوم ـر]

الحمد لله ان شاء الله حامل
اسجدي لله ركعتين شكر
دام طلع تحليل دم حامل يبقى حمل لانه دقيق
ربي يتبت حملك

[doaa hamdy]

يا حبيبتي الف الف مبروك
ربنا يثبت حملك ويتممهولك علي خير

[mmm1982]

الحمد لله ان شاء الله حامل
اسجدي لله ركعتين شكر
دام طلع تحليل دم حامل يبقى حمل لانه دقيق
ربي يتبت حملك

ولهي سجدت و هفضل أسجد

[mmm1982]

و طبعاً طبعاً مش هواصيكم بصورة البقرة مشاء الله فعلاً بركة

[حلمى الامومه]

الف الف الف مبروك

ربنا يكلمك فرحتك يارب

الحمدلله واحده انهرده خرجت من التجمع

طيب مش تكتبى الخبر الجميل دا ف التجمع بقا

[أم الذبيح]

الف الف الف مبروك
بجد التجمع وشه حلو على البنات
يارب كلكوا تخرجوا منه واحده واحده لتجمع الحوامل