تويت
اخواتي الغاليات بعد السلام عليكم ورحمة الله وبركاته
الحمد لله ان ولدت يوم 25/2 /2010
طبعا انا قررت اولد قيصري بعد تعبي في ولادتي بإبني الثاني التي عانيت منها في محاولة للولادة الطبيعي وبعد معاناة قرروا القيصري
لذلك اخترت القيصري في حملي هذا لاني خوفت من المرور بتجربة ولادة طبيعة وتقلب قيصري في الاخر مثل المرة السابقة لاني تعبت جدا
المهم طبعا تقرر اخر اسبوع في الشهر التاسع للولادة
وكان موافق اخر شهر فبراير وانا حددت يوم 25 لاسباب معينة
المهم
في بداية الشهر التاسع عملت تحليل هيموجلوبين وطلع نسبته 9 وطبعا كنت ماشية على الحديد
ركزوا معايا نسبته 9
طبعا لاني بعاني من امساك وبواسير سالت طبيبتي قالت بلاش نزود الحديد علشان لا يؤدي الي امساك
وانا سمعت الكلام
وبما اني كان اكلي ضعيف طول الحمل ونسبة الانيميا كانت تعتبر عالية
ذهبت للمستشفي للولادة وعملوا تحاليل وفي الصباح دخول غرفة العمليات طبعا لا احد علق علي ان نسبة الهيموجلوبين قليل
وطبعا كنت مرعوبة جدا والليلة السابقة كانت ليلة كلها رعب وقلق غير القلق المعروف قبلها بفترة كلنا مجربينه
المهم وقت دخول غرف العمليات التاسعة صباحا حضر طبيب البنج وطبعا كلي رعب
واول شئ كنت بدعي ربنا انهم لا يركبوا لي القسطرة الا بعد البنج علشان ما اشعربشئ بس مع الا سف لم يحدث وتم تركيب القسطرة
ونمت على سرير الرعب ومرعوبة طبعا وبتشاهد وادعوا " اللهم لا سهل الا ما جعلته سهل وانت تجعل الحزن اذا شئت سهلا "
وطبعا قبل الولادة حاسة اني حيجري لي حاجة ووصيت اختي على ولادي ووصيت زوجي وطبعا خدوا الموضوع بتهريج والكلمة العادية الناس كلها بتولد القيصري ده بقي اسهل من الطبيعي
وانا مرعوبة من فكرة البنج واني مش حشعر بإي حاجة بتدخل بشري
وكمان كان عندي هاجس غريب ان البنج م حياثر في وسوف اشعر بكل شئ من الم وغيره اثناء العملية والله كنت خايفة وانا في العمليات يجي لي حالة هستيرية واقوم واسيب سرير الرعب ده لانهم طولوا جدا في التجهيز
طبعا على الساعة عشرة كنت خلاص روحت وما حسيت بإي شئ
وبفتح عيني في غرفة العمليات على اني بتوجع جدا وكأن حد بيهز في جسمي بشكل غريب وسامعه صوت بلاستر بيتفك وحد عمال يقولي اهدي يامدام اهدي يا مدام الظاهر اني وانا بفوق كنت بتوجع اوي لاني كنت عمالة اكرر اه اه
طبعا الساعة وجدتها الواحدة وخمس دقائق يعني 3 ساعات في الولادة طبعا قولت كل ده
خروجني لغرفة العناية بنجلس فيها 6 ساعات متابعة على اجهز للقلب والضغط للاطمئنان
طبعا ساعات قلق لاني مش عارفة اشوف زوجي ولا اولادي ومش عارفة اعرف ليه التأخير ده
بالمساء على الساعة السابعة خرجت لغرفتي وسألت زوجي انا أتأخرت ليه قالي انا فضلت واقف خرجوا البنت وانتظر تخرجي لم تخرجي ساعة ابني ريان خرجت بعد الولد بربع ساعة تقريبا او نص ساعة
هو فضل واقف فات ساعة واثنين وهو كل لما يسال يقوللوا له معلش اصل الولادة القيصري التانية بتاخد وقت اطول وكل مرة بيزيد الوقت وكمان احنا بفوقها داخل الغرفة قبل ما تخرج
المهم خلصنا كده من الولادة اكتشفت اني متركب ليه حاجة اسمها " درنّه " ده حاجة زي القسطرة بس للدم سألت الدكتورة ليه ده انا لم اركب مثلها في القيصري السابقة قالت لانك كان عندك نزيف ده بتتركب في حالات النزيف فقط
المهم لم اعلق لاني بخير في الثانية عشر مساءا شالو لي الدرنّه هذه وطبعا كانت مؤلمة لانهم بيتركوا غرزة مفتوحة ويركبوا فيها خرطوم لداخل البطن يأخذ أي نزيف المهم خلصنا منها الحمد لله
الفجر حنشيل لك القسطرة علشان تتحركي قولنا تمام وفي الفجر شالوا القسطرة كمان وعديت على خير واول مرة للحمام الممرضات ساعدوني لدخول الحمام وثاني مرة روحت لوحدي وفرحت اني قادرة اتحرك احسن من الولادة السابقة
وعلى تسعة صباحا وزوجي مع الاولاد في المنزل لم يأتي بعد شعرت بآلم في كتفي اليسار والالم بدء يزيد ويزيد وينزل للذراع وللظهر وللصدر بدوؤا يعملوا مساج مع مرهم مخدر وزاد الالم لدرجة اني مش قادرة اخد نفسي وبدءت البكاء طبعا والخوف واتصلت على طول على زوجي تعالي بسرعة انا تعبانة وطبعا بسرعة وصل
وجد الممرضات والدكاترة وكل الدنيا مقلوبة عندي في الغرفة طبعا الممرضة لما لقيت الالم شديد استدعيت الطبيبة والطبيبة استدعيت
طبيب البنج ، طبيب القلب ، وطبعا سبحان الله على الرغم من حرصي على اني لا اتابع عند راجل ولا ااولد عند طبيب رجل الا سبحان الله الاطباء الرجال في كل الاقسام تقريبا كشفوا علي لان الكل اترعب ومش عارفين في ايه
وطبعا انا كمان موت رعب وزوجي وجه طبيب القلب كشف وسال شوية وبعدين عملوا رسم قلب وجابوا جهاز القلب وانا مثل الميتة ركبوا اجهزة في كل جزء من جسمي علشان يتابعوا القلب والحمد لله طلع رسم القلب سليم
الخطوة الثانية اشعة مقطعة على الصدر ونزل لغرفة الاشعة وتعبت شوية وفجأة وبعد ما خلصت الا شعة شعرت بكتمة نفس فظيعة مش قادرة اخد نفسي وبدءت في البكاء وحسيت اني بموت خلاص
والحمد لله استمرت دقايقة لحد ما طلعت غرفتي راحت الحمد لله وده زود القلق والمستشفي كلها اصبحت رايحة جيه علي وقرورا يعملوا اشعة اخري على القلب بالسونار يمشوا وراء كل شريان في القلب وعملوها وطلعت سليمة
وبعد كده سونار تاني على كل رجل علشان ايه تفتكروا كل ده
طبعا شاكين ان في جلطة وحاولوا يعرفوا الجلطة في أي جزء في الرجل لانها بتبدأ بالرجل والا القلب ولا الرئة علشان كتمة النفس
المهم طلعت سليمة الحمد لله قرروا اشعة مقطعية على الرئة بالصبغة بس كمان ده غير متوفرة بالمستشفي لازم اخرج مستشفي اخري ااو مركزة اشعة اعملها وحصل
وعلشان اورح المركز التاني اتنقلت في عربية اسعاف تخيلوا بقي اعصابي كانت عاملة ازاي عربةي اسعار واشعة وتحاليل واشعة لكل جزء
قبل الاشعة الاخيرة تحاليل دم طبعا والمفاجاة ان نسبة الهيموجلوبين وصلت لكما " 7%" اتصدمت طبعا وعلقوا لي محاليل فيها حديد شكلها غريب كده
وذهبت لعمل الاشعة المقطعية وطبعا لازم اخد حقنة في الوريد مؤلمة جدا بعد كده عرفت ان الاشعة بالصبغة علشان يمشوا ورا شريان الرئة علشان يتأكدوا من الجلطة
والحقنة ده بتدي احساس غريب وكأن شئ ساخن او بخار بيخرج من كل فتحة في جسمي
وطبعا انا ابكي واقول يارب لو طلع عندي حاجة وقدرت لي الموت لا تكتب علي اتبهدل في المستشفيات اموت على طول
وطبعا قبل ما اخرج م نالمستشفي دخلت تاني غرفة الرعاية وعلقوا لي االاجهزة للقلب ولاضغط مرة اخري وكمان تنفس واكسجين علشان النفس اللي بيتكتم
ورجعنا من الاشعة والحمد لله بليل اتصلنا بيهم واطمنا انها سليمة
بس تخيلوا بقي اعصابي كانت عاملة ازاي انا وزوجي والخوف والرعب لاني مش عارفة انا عندي ايه
والحمد لله قالوا ان الالم اللي ظهر في اكتف غالبا شد عضل في عضلات الكتف واثر على الزراع والظهر
وطبعا وللاستفادة كل ده بسبب الانيميا اللي كانت عندي ومكنش يجب ادخل غرفة العمليات بدون ان اخد حديد عن طريق الحقن في الوريد علشان تقل ولم احد يهتم وحصل النزيف وكان ممكن تقلب بجلطة كمان
علشان كده انتوا من نفسكم اللي يكون نسبة الانيميا عنده مرتفعة الطبيبة لا تهتم يسال طبيبة اخري او هي ينفسها تقولها انا عايزة حديد والافضل في حالات الامساك والبواسير زي حالات
انها تاخد الحديد على شكل ابر تضاف إلى محلول وتأخذ في الوريد
بس كده ده حكاية ولادتي من الالف للياء علشان تستفيدوا
واسفة على الإطالة ويارب يسهل ولادة كل واحدة حامل وترزق باحلي مولود اللهم امين
[/CENTER][/LEFT]
تعليق