تأخرت الدورة 14 يوم عملت تحليل منزلي وطلع خط واحد مين حصل لها كده ؟

[ام مريم 2008]

انا ابلغ من العمر 39 سنة و عندي بنت واحدة عندها 9 سنين ...و الدورة عندي منتظمة ... يعني بتيجي كل 26 يوم او 27 تقريبا ... من شهرين تقريبااخدت حبوب الكلوميد ...و جات الدورة عادي في ميعادها ...اما الشهر دة الدورة متأخرة عندي 14 يوم ,,,و عملت التحليل المنزلي مرتين و طلع خط واحد ( يعني مش حامل)

طيب التاخير دة من اية ؟؟؟مش عارفة حتجنن ؟؟؟ فبحس بالم الدورة ..بس ولا نقطة واحدة نزلت ....

موضوع التاخير في الدورة دة حصل مرتين في حياتي كلها بس كان لمدة 5 ايام او اسبوع بالكثير ..اول مرة يحصل لمدة 14 يوم ...
حتي بدات اشك انه علامات سن الياس ... بس اعقتد لسة بدري شوية ...يعني بيحصل على منتصف الاربعين تقريبا ً...مش كدة؟؟

يا ريت لو حد حصل له الموضوع دة ..او حتي عندة فكرة يقول لي ..انا بصراحة بكرة الذهاب للاطباء ..خصوصا النسا ... ربنا ييسر الامور و يقدم لي الخير ..

الحمد لله على كل شئ ...اللهم لا اعتراض .. بس الواحد يحب يطمن ..فقط
ارجوكم ردوا عليا ...و انصحوني

[بطة99]

ان شاء الله تكوني حامل ويرزقك بالذريه يونسونك وينسون بنوتك

الله لايحرمك ولا يحرم كل مشتاقه ومحرومه

[أم مريم وميثه]

أن شاء الله حامل
وربي يرزقك بالولد الصالح والذرية الصالحه
اللهم آميييييييييييييييييييييييييييييييييييييييين

[ام مريم 2008]

بطة ...و ام مريم و ميثة ...
الف شكر على تجاوبكم ...مش عارفة ناس كثير بيقول لي اعمل التحليل الدم ..بيكون ادق ... بس مترددة ...
ربنا يقدم الي فيه الخير ....
في حد عمل تحليل البيت و طلع سلبي ,,و بعدين عمل تحليل الدم و طلع ايجابي ...؟؟؟ مش عارفة مع اني في مريم ... طلع تحليل البيت ايجابي من رابع يوم تاخر في الدورة

[mama sousou]

اكيييييييييييييييد انا بقول لك اعملي تحليل دم

احيانا لا يظهر بالتحليل المنزلي

انا في ابني لما يظهر في تحليل المنزلي الا بعد اسبوع وخط خفيف لكن لما حللت دم طلعت حامل

ولو ما طلع في حمل لا سمح الله

لا تقولين ما احب الدكاترة لازم تروحين حتى تشوف شو شبب تأخير نزولهاا ضروري

[ام مريم 2008]

ربنا يكرمكم على ردك.... طيب في التحليل بتاع الدم ..اطلب منه عمل تحليل لهرمونات معينة ...و لا مجرد اطلب تحليل دم للحمل و خلاص ..و هو بيبان في التحليل الي الهرمونات عمله اية؟؟؟ كويسة ولا في مشكلة..
انا ممكن انزل حالا اعملة ..فقط ردي عليا ..الله يكرمك

[أم عبد الباسط]

والله يأختي حالتك هي حالتي بالتمام عمري هو نفس عمرك وإبني عندو كذلك9 سنين والدورة أتاخرت 8 أيام مع الالم وسويت تحليل منزلي وطلع سالب وما زال الالم فذهبت للدكتور وعملي سونار وقال السبب هو القلق المستمر والتفكير في الحمل هو السبب والعمر والبيضة ما تفجرت وأعطاني دوفاستون لتنظيم الدورة وجبوب أخري تمنع الالم

[هناء روح]

ام مريم ..

اخذتي الكلوميد بوصفه ولا من نفسك حبيبتي ؟؟

الكلوميد بيلخبط مواعيد الدورة الشهرية ان تم اخذه دون استشارة طبيب..

نصيحتي تستشيري طبيبه وحالا .. لانه ممكن الدورة محتبسه حبيبتي ويحصلك مشاكل.. ومينفعش تعملي تحليل دم من غير الرجوع لطبيبة .. دا مش كلام يا عنيه ..

توكلي على الله وروحي لطبيبة .. ان كان في حمل بشرتك .. وان كان مفيش حمل تساعد بادوية تنزل الدورة عشان جسمك يرتاح

اتمنالك كل خير ياقلبي ..

[* نور هدى *]

أنا عمري 30 سنة وحصلت معي في سنة واحدة خمس مرات حتى ظننت إني عقيمة ولكن الله والحمد لله رزقني بالحمل بفضله ومنه وكرمه وجوده والحمد لله
وفعلا بتتأخر الدورة كتير رغم كل أعراضها موجودة وحتى بطني بتنتفخ منها وكنت أعمل تحليل بول ودم ويطلع سالب
والصراحة حللت وتحاليلي سليمة فقالت لي دكتورة يمكن من السمنة والله أعلم لأني سمنت كثيرا في آخر سنة لي وعندما نزلت وزني بدأت الدورة تعود طبيعية أكثر من أول والحمد لله وحملت ولله الحمد والشكر
شوفي وزنك زايد عن حده والله أعلم ؟؟؟

[lamis2009]

روحي للدكتورة حالا حبيبتي لازم تراجك وطمنك مولازم تستني اكثر سواء كان حمل اولم يكن يمكن هي تعطيكي منشطات تساعد على الحمل وطمنينا عليكي

[ام مريم 2008]

الف شكرك يا اخواتي في الله ...على تجاوبكم ...
انا لسة برضة الدورة ما جاتش ...و بقالي كدة 18 يوم و عملت تحليل الدم طلع سلبي ..يعني ما فيش حمل ...

حضطر اسفة اروح للدكتور انهاردة او بكرة ان اشاء الله ....
الحمد لله على كل شئ,,,انا مش بفكر في الحمل خالص و ما كنتش متوترة ...ولا حاجة الشهر الي فات ..
علشان كدة انا قلقانة ..اول مرة يحصل معايا كدة ... انا قلت يمكن بدايات سن الياس ,..بس اعتقد انه بدري شوية

[ام مريم 2008]

لما ارجع من الدكتور ..حطمنكم ان شاء الله ...مرة اخرى الف شكر ليكم جميعا ...انا بصراحة كنت ممتاكدة اني حلاقي اصحاب كثير و خصوصا اول ما اعرض مشكلتي ..و الحمد لله على كل شئ ..و واثقة ان ربنا مش بيعمل اي حاجة وحشة ..كل ترتيباتة كويسة و حلوة و في مصلحتنا ..الحمد لله .

كنت عايزة اسالك ام عبد الباسط السونار على البطن و لا من تحت ؟؟؟؟

[ندى بنتى]

انا عملت زيك كده بس رحت ع طول للدكتورة وطلع سالب رحت صليت شكر لله وبعدها باربع شهور كنت جامل ولله الحمدولازم الواحد يؤمن بقضاء الله ويعرف انه ف صالحه كمان الكلوميد ما ينفعش ناخده من نفسنا الدكتور هو اللى بيحدد الجرعة ولمدة اد ايه لانها بيستهلك البويضات بتاعتك وانشاء الله ربنا يكتبلك الخير وتبشرينا ع قريب وتأخى بنتك يا رب

[ام مريم 2008]

رحت امبارح للدكتور ...ولقى لبن في صدري ..فقال ان هرمون اللبن عالي ..اكيد هو الي عمل لخبطة في الدورة ....و كتب ليا على دوا اسمة نوربرولاك لمدة 10 ايام .. و بعدين اروح له اليوم ال9 او 10 من الدورة ...علشان يشوف البويضة ... الحمد لله ..على كل شئ ..بدات اخد الدوا من امبارح بليل .. اول حبة ...( كل يوم حبة واحدة بليل ) و ربنا يقدم الي فيه الخير..

هو بيسبب نعاس ..علشان كدة موصوف في المساء قبل النوم

[أم عبد الباسط]

أختي أم مريم السونار عملت على البطن و ربنا يطمنك