ملف لعمليات التلقيح الصناعى و الحقن المجهرى ...تجارب وخبرات الجـ12ـزء

[نووودى]

اخواتي العزيزات
انا حبيبت ارد عليكم الأول وبعدين احكيلكم علي آخر اخباري
انا روحت امبارح للدكتور علشان متابعة التبويض لتاني مرة قالي حجمهم كبر الحمد لله بس بردو العدد قليل عن المرة اللي فاتت عندي مبيض مطلع تقريا 5 بويضات والتاني مطلع بويضة واحدة وربنا يبارك فيهم يارب
والسحب ان شاء الله يوم الخميس اللي جاي ده علطول

ادعولي يا بنات ان ربنا يكملي علي خير ويرزقتي الذرية الصالحة يارب ويفرح قلبي وقلب زوجي

رشروش...ربنا يباركلك فى البويضات حبيبتى و يكون ليكى نصيب فى الحمل بيهم

ان شاء الله السحب يعدى على خير و البويضات كلها تتخصب و تكون ممتازه

وطمنينا عليكى بعد السحب باذن الله وكلنا هندعيلك

[نووودى]

حبايبى ازيكم يا رب تكونوا بخير

انا اتصلت النهارده بنانو "طريق الجنه" وهى الحمدلله بخير وهى من يومين عملت عمليه الربط للرحم وهى الحمدلله كويسه بس الجرح تاعبها شويه والدكتور قالها لازم ترتاح اووى ومتعملش اى مجهود ..وهى بتسلم عليكم كلكم وبتشكركم على سؤالكم ودعائكم لها
ربنا يثبت اجنتها يااااارب ويتمم لها على خير ...ادعولها يا بنات واوعوا تنسوها

يارب يارب يثبت اجنتها ويتم حملها على خير ويفرحها بيهم يااارب
***
بنات فين بولايت جيرل
مختفيه ليه؟؟؟ واخبارها ايه

وكانت قايله انها هتروح زياره لمركز جنين هى وزوجها الاسبوه اللى فات...راحت ولا ايه...؟؟

انا اصلى تهت شويه فى الصفحات اللى فاتت

[نووودى]

كيفكم بنات؟
إشتقتلكم كثي كثير
و بحبكم أكثر

هبوش ازيك ...انتى كمان وحشتينا...ياترى الست دودو وصلت ولا لسه؟؟؟
انتى هتعملى ترجيع الأجنه الشهر دا باذن الله مش كدا ولا ايه؟

كيفكم يا بنات
انا سويت تحليل دم رقمي قبل يومين اليوم طلعت النتيجة 3.2 يعني مافي حمل وانا سويت التلقيح قبل 10 ايام تعتقدون انو ممكن يكون في حمل واني استعجلت بالتحليل

حبيبتى انا بقول افضل انه تنتظرى لميعاد تحليلك الاصلى لو مجتش الدوره فى وقتها يبقى تعيدى التحليل تانى...لأانه فعلا استعجلتى فى التحليل ممكن يكون لسه بدرى و نسبة الهرمون قليله

[نينو _نونة]

السلام عليكم يا حبايب قلبي
اختي الحبيبة تاما اخبارك ايه انت والعيال ؟اوعي تكوني مجوعاهم كلي كويس علشان بامر الله يجوا حلوين ومبقلظين
زوزا حبيبة قلبي يا رب يكرمك ويتمم لك العمليه بالف الف خير وتفرحينا كلنا بامر الله
شمعه الدار اخبارك ايه يا عمري؟
بالنسبة للاشعة هي مش مؤلمه اوي بس الواحده لما بتشد عضلات رجليها والعضلات الي تحت بتخلي الموضوع صعب شويه .
ولما حد بيكون متوقع ومنتظر الالم بيتالم بالفعل لكن الموضوع بامر الله بسيط بس متشديش نفسك علشان العضلات متتقلصش وربنا يا رب يوفقك.
اختي نووووودي وحشيني موت بصي بالنسبه لدكتور اسماعيل ابو الفتوح الي شجعني اروح له صاحبتي الي حكيت لكوا عنها قبل كده الي عملت العمليه عند ابو الغار تلات مرات ورا بعض ومنجحتش ماشاااااااء الله هي حامل دلوقت في توام مع اسماعيل
هو الدكتور ده ولا نزكي علي الله احد محترم واهم حاجة منظم ومواعيده الي حد كبييييييييير مظبوطه بتروحي بالحجز ومبتاخديش وقت ويوم السحب جه في الميعاد ولله الحمد المكان كان نضيف بس للامانه يوم الارجاع اتاخر شويه لا ن كان عنده ولاده وعنده مساعد بيرد علي كل لاستفسارات وهو الي بيعمل لك السونار بنفسه وهو ما شاء الله عليه هااااااادي جدا
هو كله علي الله بس زي ما انتوا عارفي ومجربين وقت العمليه الواحد بيكون مضغوط من كل ناحيه فبيكون عاوز حد يريحه وهو لحد كبير وفر ده بان الواحد مبيرحش يترمي بالخمس ساعات
والله وكمان والله مع دكتور شريف باشا مرة اعدت مستنيه اعمل السونار اكتر من 5 ساعات وكمان مش هو الي بيعمله وفي عمليه السحب مش هو الي سحب لي والمكان الي عملت فيه
لسحب والارحاع كان زي عياده لكن مع اسماعيل كان الملحق بتاع مستشفي مصر الدولي وكان تقريبا بنفس سعر شريف
المهم ربنا يتممها بخير الدكاترة دول ما هم الا اسباب
سلامي للجميع وادعوا لي احسن بجد محتاجة لكل دعواتكم
تاما ربنا يخليكي ممكن تقولي لنا انت كنت حاسه بايه بعد الارجاع لحد يوم التحليل

[نينو _نونة]

شكرا لك يا اخت لذيذه علي سؤالك ويا رب يوفقك وعاوزة اقول لنفسي وليكم كمان منستعجلش يا جماعه بالتحليل الي مكتوب هنشوفه مستعجلين ليه؟؟؟؟؟؟؟؟؟؟
ا نا كنت قبل كده لم تتاخر الدوره يوم اجري واعمل التحليل لقيت ان الصبر مطلللللللوب بنا يوفقنا كلنا

[ريدووو]

زوزا......رشاطارق
الله ييسر لكم أموركم يوم الخميس ويرزقكم ويفرح قلبكم إن شاء الله وما يضيع تعبكم يا حبايبى...

نينو-نونة....أحن صدر
الله يثبت أجنتكم ويفرحكم بالحمل السليم المعافى بإذن الله

بولايت جيرل
فينك يا قمر بقالك كام يوم مش باينة هنا ولا فى الماسنجر..
ياترى عملتى إيه فى جنين يوم السبت ...قلتى هتطمنينا لما ترجعى ومن ساعتها مدخلتيش الملف....ياريت تطمنينا عليكى....
يارب تكونى بخير وتكون كل أمورك على مايرام..

[نووودى]

اختي نووووودي وحشيني موت بصي بالنسبه لدكتور اسماعيل ابو الفتوح الي شجعني اروح له صاحبتي الي حكيت لكوا عنها قبل كده الي عملت العمليه عند ابو الغار تلات مرات ورا بعض ومنجحتش ماشاااااااء الله هي حامل دلوقت في توام مع اسماعيل
هو الدكتور ده ولا نزكي علي الله احد محترم واهم حاجة منظم ومواعيده الي حد كبييييييييير مظبوطه بتروحي بالحجز ومبتاخديش وقت ويوم السحب جه في الميعاد ولله الحمد المكان كان نضيف بس للامانه يوم الارجاع اتاخر شويه لا ن كان عنده ولاده وعنده مساعد بيرد علي كل لاستفسارات وهو الي بيعمل لك السونار بنفسه وهو ما شاء الله عليه هااااااادي جدا
هو كله علي الله بس زي ما انتوا عارفي ومجربين وقت العمليه الواحد بيكون مضغوط من كل ناحيه فبيكون عاوز حد يريحه وهو لحد كبير وفر ده بان الواحد مبيرحش يترمي بالخمس ساعات
والله وكمان والله مع دكتور شريف باشا مرة اعدت مستنيه اعمل السونار اكتر من 5 ساعات وكمان مش هو الي بيعمله وفي عمليه السحب مش هو الي سحب لي والمكان الي عملت فيه
لسحب والارحاع كان زي عياده لكن مع اسماعيل كان الملحق بتاع مستشفي مصر الدولي وكان تقريبا بنفس سعر شريف
المهم ربنا يتممها بخير الدكاترة دول ما هم الا اسباب
سلامي للجميع وادعوا لي احسن بجد محتاجة لكل دعواتكم

و الله يا نونه كلامك دا فادنى

أولا مبروك لصاحبتك و ربنا يتمملها على خير يارب ويثبت اجنتها ويفرحها بيهم وعقبالك ان شاء الله
احسن حاجه فعلا موضوع المواعيد المظبوطه وعدم التاخير دا...انا كل ما افكر انى اعيد التجربه اشيل هم الايام بتاعة المتابعه والسونار لان فعلا كنا بنقعد عند الدكتور على الاقل 3 ساعات و كانت بتوصل فعلا ل 5 ساعات والله ..دا غير اصلا انى كنت بسافر من كفر الشيخ لاسكندريه و برجع فى نفس اليوم و طبعا كان فى منتهى الارهاق ليا و لماما اللى كانت هى اللى بتروح معايا غالبا
فكون فى دكتور معندوش الزحمه و التاخير دى فأكيد دا شىء كويس ومريح نفسيا و زى ما انتى قولتى وانا كنت لسه بقول نفس الكلام ان الدكاتره طبعا اسباب و فى كل المراكز شفنا حالات نجاح وفشل يعنى مفيش مقاييس ثابته للموضوع و كله بأمر الله وقدره وفضله

معلش لو هغلس عليكى واتعبك تقوليلى هى مستشفى مصر الدولى مكانها فين...يعنى بتروحى له فيها ولا فى عيادته الخاصه
وتقريبا العمليه اتكلفت هناك كام؟

ورجعتى كام جنين يا حبيبتى وفى مجمد ولا ايه؟
معلش بقى اسئلتى كتير...بس ادينى بستفيد منك
وياااارب ربنا يكرمك ويتملك على خير وتفرحى وتفرحينا ان شاء الله

[نووودى]

ريدوو وحشتينى اوى

معلش بقالنا فتره مش عارفين نتقابل ونتكلم

والله نفسى اتكلم معاكى كتير
ان شاء الله اشوفك قريب و الحمد لله انط اطمنتى بخصوص الموضوع اللى كان قالقك دا

[هبة الله28]

كيفكم يا بنات
انا سويت تحليل دم رقمي قبل يومين اليوم طلعت النتيجة 3.2 يعني مافي حمل وانا سويت التلقيح قبل 10 ايام تعتقدون انو ممكن يكون في حمل واني استعجلت بالتحليل

حبيبتي لا تزعلي
الله يعوضك خير و يصبر قلبك و يفرج همنا كلنا
يا رب

هبوش ازيك ...انتى كمان وحشتينا...ياترى الست دودو وصلت ولا لسه؟؟؟
انتى هتعملى ترجيع الأجنه الشهر دا باذن الله مش كدا ولا ايه؟

حبيبتى انا بقول افضل انه تنتظرى لميعاد تحليلك الاصلى لو مجتش الدوره فى وقتها يبقى تعيدى التحليل تانى...لأانه فعلا استعجلتى فى التحليل ممكن يكون لسه بدرى و نسبة الهرمون قليله

حبيبتي إنت كيفك؟
ايوة الدودو شرفت بعد تأخير 10 أيام....
الحمد لله


ملك المالكي، كيفك حبيبتي؟
إشتقنا لك كثير

[نينو _نونة]

حبيبتي نوووودي ولا تعب ولا حاجة يا حبيبتي
بصي يا ستي انا كنت بروح للدكتور عيادته وهي عنوانها 11شارع الجزائر ميدان اسوان المهندسين
وكان الكشف غالي شويه المرة ب 150 جنيه بس انا رحت له تقريبا 6 او 7 مرات بالكتير
والادويه انت عرفه عل حسب كل حاله واستجابتها اما الفلوس المدفوعه للمستشفي كات 8الاف جنيه
بصي هويعتبر من الدكاترة الغالين بس ا يارب يجعله بفايده
انا المرة ده مع كل الحقن الي اخدتها طلعت والحمد لله علي كل شيئي 7 بويضات فقط
والي نفعوا كانوا 3 بويضات فقط وهم الي حطهم فمكنش فيه مجمد
الحمد لله علي كل شيئ اي سؤال تاني انا تحت امرك يا حبيبتي
والمستشفي كانت في ميدان فيني بالدقي

[ام بودى555]

مساء الخيرات على احلى اخوات عاملين ايه جميعا ربنا ياااااااااارب يرزقنا جميعا الذرية الطيبة اللهم امين

[دودو كريم]

مساء الخيرات على احلى اخوات عاملين ايه جميعا ربنا ياااااااااارب يرزقنا جميعا الذرية الطيبة اللهم امين

مسااااء الفل على ام بوودى العسل

ازيك انتى حبيبتى اخبارك ايه يا رب تكونى بخير انتى وبودى الامور

وانا الحمدلله بخير لاجديييييد

[zoozaa]

ازيكم يا بنات عاملين ايه
شكرا لكم كلكم
تاما دودو كريم نووودي رشا ريدوو كل البنات
نينونونة
ربنا يثبتلك اجنتك يارب والمعلومات اللي قولتيها عن دكتور اسماعيل جميلة ومشجعة

[نووودى]

حبيبتي نوووودي ولا تعب ولا حاجة يا حبيبتي
بصي يا ستي انا كنت بروح للدكتور عيادته وهي عنوانها 11شارع الجزائر ميدان اسوان المهندسين
وكان الكشف غالي شويه المرة ب 150 جنيه بس انا رحت له تقريبا 6 او 7 مرات بالكتير
والادويه انت عرفه عل حسب كل حاله واستجابتها اما الفلوس المدفوعه للمستشفي كات 8الاف جنيه
بصي هويعتبر من الدكاترة الغالين بس ا يارب يجعله بفايده
انا المرة ده مع كل الحقن الي اخدتها طلعت والحمد لله علي كل شيئي 7 بويضات فقط
والي نفعوا كانوا 3 بويضات فقط وهم الي حطهم فمكنش فيه مجمد
الحمد لله علي كل شيئ اي سؤال تاني انا تحت امرك يا حبيبتي
والمستشفي كانت في ميدان فيني بالدقي

يارب يا حبيبتى يجعله بفايده ليكى و يكملك على خير ويثبت اجنتك ويعوض صبرك
انا كنت فاكره انه فى منطقة مدينة نصر او مصر الجديده قريب من الشقه

بس 8 الاف السحب والترجيع مش كتير.؟ يعنى اغلب المراكز مش بتزود عن 6 ليه هو الفرق دا كله؟؟؟

مسااااء الفل على ام بوودى العسل

ازيك انتى حبيبتى اخبارك ايه يا رب تكونى بخير انتى وبودى الامور

وانا الحمدلله بخير لاجديييييد

دودو
وحشانى...ازي كوكى و الاموره الصغنونه
اخترتيلها اسم ولا لسه؟؟

[zoozaa]

يا جماعة هي بولايت جيرل فعلا مختفية ليه