ملف لعمليات التلقيح الصناعى و الحقن المجهرى ...تجارب وخبرات الجـ10ـزء

[الرسامة دانة]

يابنات هي ملك المالكي ولدت ولا لأ؟

[DR_LOLA]

اللقب: DR_LOLA

العمر: 28
الجنسية: مصرية


سبب تأخر الإنجاب:قله فى عدد وحركه الحيوانات المنويه الحمد لله

مكان اجراء العملية: المركزالمصرى لاطفال الانابيب دكتور ابو الغار

كلفة العملية: 12 الف جنيه مصرى تقريبا

عدد سنوات الزواج التي مرت قبل اجراء العملية: 3سنوات

متى تم اكتشاف الحالة (بعد الزواج)؟ بعد 6 شهور من الزواج

عدد مرات اجراء العملية وهل نجحت؟ مرة واحدة -والحمد للة نحجت
القصة:
بعد 6 شهور من الزواج عمل زوجى تحليل وكان فيه قله فى العدد مه ضعف الحيوانات المنويه
وتابع مع دكتور ذكوره وفى هذه الاثناء كان رافض فكره الاخصاب المساعد تماما وعمل عمليه الدوالى على امل ان يتحسن العدد او الحركه وفعلا تحسنت لمده 3 شهور فقط والتحليل بعدها كان اسوا من قبل العمليه الحمد لله على كل حال
بعدها استخرنا ربنا وتوكلنا على الله واخترنا المركز وعملنا العمليه الحمد لله وربنا اكرمنا ببنت جميله ربنا يحميها ويخليها ليا ياررب اللهم امييين
استنتاجات شخصية:
ان دائما فى ايجابيبات كثيره جداا من اى ابتلاء الحمد لله اهمها انى اصبحت اقرب الى الله
وبقيت ادعو الله فى كل وقت وكل صلاه والدعاء عباده عظيمه الله لا يرحمنا منها

طبيا ارجو من الجميع عدم الاقدام على عمليه الدواىء اذا كان هناك قله شديده فى العدد والحركه للحيوانات المنويه لانه فى الغالب ليس لها اى تاثير علاجى مطلقا

وطبعا ليس استنتاج ولكنها حقيقه الله قادر على كل شىء وهو يختار الافضل لنا فى الوقت الانسب ان شاء الله
رزقنا الله جميعا الذريه الصالحه التى تقر اعيننا اللهم اميين

[ام حمودي وأيوتي]

بنات أنا غبت شوي و بعد ما رجعت ما شاء الله لقيت حضور كبير و مشاركات
والله هذا شيء بيفرح و يرد الروح
الله يجعل كل أيامنا أفراح يا رب
تمتومة حبيبتي جزاك الله خير على التجارب إلي حطيتي و الله مفيدة كثير. بس لا تنسي حبيبتي تضيفي قصتي للمعلومات
ma vie belle انت فين يا عسل؟
إيمان بالله طمنينا عليك أختي
روضة الهبات الله يفرحك يا حبيبتي
بنات والله مثل ما قالت يقيني بالله أنا خايفة من عملية الترجيع الجاية، أنا راح أعملها بعد شهرين
إدعولي أحمل طبيعي قبل ها المدة-الظاهر أني بحلم كثير-
الله يدير تاويل د الخير لينا كاملين

ان شاء الله بتحملي يا حبيبتي ما تخافي
وبالنسبة لموضوع انا ما بقدر من عندي ازيد قصتي على المعلومات اللي عبيتيها
بعينك الله ازا بترجعي بتكتبيها لاني بدي انقل التجارب كلها على الموضوع المثبت

يا جماعة طمنونا عن ملك المالكي رب قومها بالسلامة
ثناء
روضة
نيفين
دو دو كريم
قلوب خضراء
تاما
ريدوو
يقيني بالله
نجوم
كل البنات اخباركم ايه؟ ووحشبي جدا
سما واحشاني انتي فيييييين؟؟؟؟؟

اهلا زوزو
احنا تمام انتي كيفك طمنينا عنك
وايمتا موعدك مع الدكتور ؟

يابنات هي ملك المالكي ولدت ولا لأ؟

اهلا دندون
هي المفروض اليوم تكون ولدت
بس مش عارفة كيف بدنا نتطمن عليها

[norhmn]

ازيكم يا بنات اخباكم ايه وحشنى كلكم
لسه مفيش اخبار عن ملك ربنا يقومها بالسلامة
تمتوم انا كمان عايزة اكتب قصة كفاحى بس هيه مش مع عمليات الحقن والتلقيح مع عمليات تانيه كتير ههههههههههه ممكن (وكمان نعمل موضوع عن كفاحنا مع حمواتنا مش بردة ده كفاح يستحق التعظيم هههههه) مبروك حبيبتى على التثبيت والتميز واوعدك يا قمر اول ما اخوض التجربة هكتبلكم حكايتى كلها ومذكراتى بس يارب تكون ناجحة من اول مرة ياااااااااااااااااااارب

[نجوم 222]

كيفكم بنات يارب تكون بخير يارب يرزق كل وحدة تتمنى الذرية وبسأل البنات اللي جربوا مستشفى آدم الدولي هل الدكتور مدحت عامر كويس وكيف المستشفى كويس او لا وإذا كان السبب من الزوج افضل أدم او مركز ابو الغار او جنين ارجوا من البنات التفاعل مع الموضوع حتى يستفيد الجميع

[nevee]

كيفكم بنات يارب تكون بخير يارب يرزق كل وحدة تتمنى الذرية وبسأل البنات اللي جربوا مستشفى آدم الدولي هل الدكتور مدحت عامر كويس وكيف المستشفى كويس او لا وإذا كان السبب من الزوج افضل أدم او مركز ابو الغار او جنين ارجوا من البنات التفاعل مع الموضوع حتى يستفيد الجميع

بصي ياقمر انا جوزي برده هو عنده نفس المشكله والدكتور اللي بيعالجه قاله ان هو اشتغل في كل المراكز اللي في مصر وان احسن مستشفي لحالته مستشفي ادم (د مدحت عامر)لانهم متخصصين في النوع ده من العمليات وكمان انا سالت دكتورة تانيه قالتلي نفس الكلام يعني في اجماع على كده

واحنا خدنا براي الدكاتره وان شاء الله هنعملها هناك ودعواتكم لينا

وربنا يرزقنا واياكم الذريه الصالحه

[nevee]

يا بنات حد يعرف اخبار ملك ايه ولدت ولا لسه ربنا يطمنا عليها وتكون ولادتها سهله وهي والبنوته يكونو باحسن صحه يارب



روضه الاحبه ربنا يطمنا عليكي ويفرحنا بيكي كده وتكوني حامل في توام انتي واميره يارب


زوزا ايه اخبارك يارب تكوني احسن دلوقتي يارب يرزقك الحمل الطبيعي


هبه ومافي بيل وزهره البستان ربنا يرزقكم الحمل الطبيعي يارب ويعوض عليكم


تاما عامله ايه ربنا يكملك على خير وتجيبي احلى توينز في الدنيا انتي وطريق الجنه و سلمى وكل الحوامل



نووووووودي ايه الاخبار وصلتي لفين والسحب هيكون امتى ان شاء الله


ام حمنو انتي فين طمنينا عليكي يارب تكوني حامل


ام راغب ايه الاخبار هتنزلي مصر امتى ربنا ييسرلك امورك يارب



قلوب خضرا ربنا يطمنا عليكي وتقومي بالسلامه انتي والبيبيهات


الغربه انتي فين وايه اخبارك يارب يسمعنا عنك كل خير


توته انتي فينك الملف مضلم من غيرك يارب نسمع عنك اخبار حلوه قريب


د لولا عامله ايه وازاي جنى الاموره

سما يارب يرزقك الحمل الطبيعي ونفرح بيكي يارب

ريدو , ندي , دودو , يارب كريم , نوره
,نجوم, نينو نونه , الرسامه دانه
, ثناء , يقيني بالله , بولايت جيرل
وكل البنات عاملين ايه ربنا يطمنا عليكو ونسمع عنكم كل خير ويرزقنا واياكم الذريه الصالحه
امييييييييييييين يارب العالمين

[يقيني بالله]

صباح الخيرات يا بنات
نيفي متي بتعمليها في ادم يا سكرة؟

[نووودى]

السلام عليكم يا أحلى بنات

وحشتوني قوي والله وربنا ميحرمني من وقفتكم جنبي

ومن دعاءكم ....

أنا تحليلي طلع والحمد لله بفضل الله طلعت
....
....
....
....
....
....
....
....
....
....
....
....
....

حااااااااااااااااااامل

وعقبال الكل وأدعولي يا بنات ربنا يثبت أجنتي ويحفظهم ويطلع التحليل يبقى حمل بجد وميبقاش
فيه أي مشاكل أن شاء الله

الف ألف مبروك يا طريق الجنه

يارب يارب يثبتلك حملك ويتملك على خير ويفرح قلبك زى ما فرحتينا وبشرتينا النهارده

كلنا كنا محتاجين دفعة الأمل دى

وان شاء الله عقبال أميره و روضة الأحبه و كل بنات الملف

بنات انا نزلت موضوع تجارب البنات
وان شاء الله رح اضيف تجاربكم كمان
والحمدلله الموضوع اخد تميزززز

يلا هي الرابط تفضلو
والموضوع مثبت

http://www.lakii.com/vb/showthread.php?t=501768

تاما تسلم ايدك يا أم العيال

حلو أوى الموضوع و مبروك عليكى وعلىنا كلنا التميز و البنات كلهم يستحقوه بصراحه

بس قوليلى تمتوم ليه مخليتيش كل تجربه فى مشاركه لوحدها..أو على الأقل كل اتنين او تلاته فى رد لوحدهم عشان تكون القرءاه اسهل و الخط أكبر

[nevee]

صباح الخيرات يا بنات
نيفي متي بتعمليها في ادم يا سكرة؟

صباح الفل يا قمر
انا حجزت معاهم معاد على 24-11 لاني حاليا مش موجوده في مصر بس لسه مش عارفه بقى ايه اللي هيتم ربنا ييسر

[يقيني بالله]

نودي عامله ايه يا عسل
يارب يفرح قلبك بحملك في تؤام اللهم امين

[يقيني بالله]

صباح الفل يا قمر
انا حجزت معاهم معاد على 24-11 لاني حاليا مش موجوده في مصر بس لسه مش عارفه بقى ايه اللي هيتم ربنا ييسر

بالتوفيق ان شاء الله
هم اكيد هيقولوا لك تعالي يوم 20 من الدورة علشان تخدي ابره تحضيريه و لما الدورة اللي بعدها تنزل هتروحي لهم تعملي تحليل E2 و بعد كده تبدائي الابر لمده اسبوع و بعد اسبوع هتروحي سونار يوم و يوم مع استمرار الابر و لما يلاقوا الحجم مناسب هتاخدي ابره تفجيريه الساعه 1 صباحا قبل يوم السحب بيوم و بعد كده هتخشي سحب و موفقه باذن الله

[يقيني بالله]

نيفي العمليه لوحدها 5500 من غير الادوية
الابره التحضيريه 500 جنية
الدواء هيكلف حوالي 2500
و اذا جوزك هيفتح بنك تجميد سائل منوي 300 جنية
و كل تحليل له 60 جنية
و مش فاكره بقي الباقي هههههههههه

[rasha tarek]

السلام عليكم ورحمة الله وبركاته
ازيكم يا اخوات كلكم عاملين ايه ، انا مش عارفة فاكرني ولا لأ انا Babylove بس غيرت اسمي لأني قعدت فترة مدخلش خالص وكانت حالتي سيئة جدا جدا و بعدين لما جيت ادخل مكنتش عارفة ادخل واشارك فعملت تفعيل جديد واسمي اتغير ، المهم انا معاكو من جديد وكلي امل وتفائل
مبرووووك لكل اللي حملو مع انها جت متأخرة شوية ( تاما ، أمه الخالق ، دودو كريم وطريق الجنة) وغيرهم انا تصفحت بسرعة ممكن اكون نسيت حد
وعقبال كل المقدمين علي العملية ةان شاء الله نفرح كلنا عن قريب

اللي مش عارفيني من المشتركين الجدد واللي مش فاكرني كمان نبذة مختصرة عني : انا كنت عملت عملية الحقن مرتين مرة طازج ومرة مجمد والحمد لله لم تنجح وطلع السبب اني عندي الاندومتريوزس (بطانة الرحم المهاجرة ) وعملت عملية لاستئصالها في شهر يوليو اللي فات وحصلي بعدها مضاعات من العملية تسمم وصديد ومشاكل كتير الحمد لله عدت علي خير . وحاليا انا مقبلة علي العملية مرة اخري في خلال هذا الشهر وكنت منتظرة الدودو تيجي واعمل تحليل هرمونات في ثالث يوم من الدورة لتحديد النظام المتبع معي وان شاء الله انا املي كبير المرة دي وربنا يكرم

يالا يا بنات عايزين تقف جنب بعض دايما وندعي لبعض بالخير

[نووودى]

نووووووودي ايه الاخبار وصلتي لفين والسحب هيكون امتى ان شاء الله

نيفى تسلمى يا حبيبتى انا مستمره على الابر المنشطه وان شاء الله ميعادى يوم السبت عشان السونار والدكتور يحدد ميعاد السحب واذا الامور كويسه والبويضات وصلت للحجم المطلوب ممكن أخد الابره التفجيريه و السحب يكون يوم الاتنين ان شاء الله
دعواتك يا حبيبتى ويارب عقبالك لما تفرحى بحملك ان شاء الله

نودي عامله ايه يا عسل
يارب يفرح قلبك بحملك في تؤام اللهم امين

يارب ربنا يكرمك يا حبيبتى واهلا بيكى فى الملف نورتى الملف وان شاء الله يكون بشرة خير عليكى

وانا اسفه انى اتأخرت فى الترحيب بيكى وبباقى اخواتنا الجداد

بس ما شاء الله الردود كتير وانا مشغوله شويه اليومين دول

تسلمى يا حبيبتى على دعائك وربنا يكرمك ويفرح قلبك