نقص مياه الجنين

[MARWA M]

انا ف بدايه التامن و رحت للدكتور امبارح و قالى ان ميه البيبى قليله و ادانى علاج حقن و اقراص مده 10 ايام
بصراحه انا قلقانه خالص و دا اول حمل ليا و منمتش بسبب خوفى
ياريت اللى تعرف حاجه عن الموضوع دا تفيدنى و هل فى اكل او اعشاب معينه ممكن تساعد
و اللى معندهاش فكره متنسانيش بالدعاء
ربنا يقومنا كلنا بالسلامه

[أم عبدالأله]

السلام عليكم
نقص الماء يؤثر على الجنين روحي استشيري طبيب آخر ,,,,,,,,, نصيحه ما تتأخري

[MARWA M]

السلام عليكم
نقص الماء يؤثر على الجنين روحي استشيري طبيب آخر ,,,,,,,,, نصيحه ما تتأخري

تسلمى انا بجد نفسيتى تعبانه من امبارح

[nanomado]

متخفيش ان شاء الله خير انا هادعيلك وهاسألك الدكتورة بتاعتي بس مبدئيا اشربي حوالي 4 لتر مياه على الاقل وربنا يسهلك

[إمارات الغلا]

هلا حبيبتى لا تخافين وتوكلي على الله لانه الخوف ساعات ياثر بعد بس مثل ما قالولج البنات روحي لاكثر من طبيب عشان تتطمنين لانه انا اللي اعرف انه مو كويس تقل مية الجنين

[s_houriaaa]

ان شاء اللة يكون خير عزيزتى ....ادعى ربنا واستغفرية كتير....اعتقد ان الدكتور هايقدملك ميعاد ولادتك


حـــــــــــــــوريا

[MARWA M]

تسلمو على اهتمامكم
ربنا يقوم كل حامل بالسلامه و يرزق كل محرومه بالطفل الصالح

[أم ريان-2000]

الله ييسر لك حملك وولادتك على خير وصحة وسلامة يااختي وتشوفي ابنك على خير .

[نور تقية]

ربنا يطمن قلبك يا مروة و يفرحك بشوفة البيبى سليم معافى باذن الله

اختك ام توتة

[الوردة الصفراء7]

ربنا يطمن قلبك يا مروة و يفرحك بشوفة البيبى سليم معافى باذن الله

[ام ايودي عبد الرحيم]

ربنا يطمنك يا رب وتفرحي بمولودك
انت راجعي عند دكتور تاني و شوفي شو بيقلك و ربنا يحفظلك مولودك و يتمم حمله على خير

[أم حاتم جداويه]

يسر الله امرك واعانك ** وطمنينا عنك

[lolo habeby]

مروة حبيبتى خير ان شاء اللة متقلقيش بس روحى لدكتور تانى اضمن برضوا وربنا يستر ويكملك على خير حبيبتى اعتقد ان شرب الماية كتير كويس

[سَوَدة المسلمة]

مروة أنا كنت زيك
أول شئ لازم لك رااااااااااااااااحة تااااااااااااااااااااامة علشان باقي المية ما تنزلش لا قدر الله
والأهم تتابعي باستمرار حركة البيبي لو قلت أو ضعفت يبقى لازم بسرعة تروحي للدكتور

أنا من كثرة المجهود اللي بذلته في شغلي وأنا في نهاية السابع انفتح جيب المياه وكان جاي لي طلق مبكر والطبيبة قالت لي ريحي نفسك لا أدوية ولا غيرها حتنفع معاكي أهم شئ ترتاحي هو ده الحل

ويا ليتني سمعت كلامها.....رحت لطبيبة تانية اعطتني علاج لتقلصات الرحم وكانت النتيجة إني لما وصلت التاسع وبدأت اتحرك استعدادا للولادة الطبيعية نزلت بقية المياه والرحم فضل قافل نتيجة للعلاج ده بيعمل ارتخاء في عضلات الرحم وطبعا ولدت قيصري بعد 10 أيام من بداية التاسع

فنصيحة أهم شئ وعلاجك الحقيقي في الراحة والامتناع طبعا عن الجماع

[ام مرمر و ليلو]

حبيبتي انا في بنتي كان الماء قليل ولكن قالت لي الدكتورة عليك بالاكثار من الماء والعصائر والسوائل
وتخيلي ان الماء كان قليل من الشهر الخامس الى الثامن ولكن بفضل الله تعالى ازداد فلا تقلقي واكثري من السوائل