حوامل وامهات الكويت والبحرين ممكن مساعده ؟

[chowchow 81]

بنااات بعد عندي سؤال ماعليكم أمر
وين يبيعون كفرات زينه ؟؟
شوشو بما انج توج والده من وين أخذتي كفرج ؟ (اللحاف)
فهمتوني ؟

ومشكوووووووووريييييييين وسامحوني تعبتكم معاي بس لان ماعندي من يساعدني بجهاز الولاده
ومشكووورين مره ثانيه

آمري على كيييييييييفج حبيبتي انتي اختي بنت ديرتي ،، وأقولج شي أنا تجهيزي كله برووووحي عاادي والي علموني بالتجهيز خواتي بالمنتدى والله ما قصروا

احسن لما اتجهزين ابرووووحج علشان تاخخذين الي تبين وما يتليقفووون ههههههه

شوفي انا كفري خذيته من مجمع الرحاب اسم المحل اظن نور الجنان ،، عنده شغلات وااايد حلوة خذيت مقاس king علشان أحطه بداري ،،، وهم حلو لما يكون طايح ومو اقصير

وبالنسبة لقمصان النفاس انا ما افتريت وااايد فخذيت شغلي كله من انور مالي خلق حزتها

بس راح تلقين عند الطاهر ،، وفي محلات في مجمع السندس كل من يمدحهم وهم في سوق عيد النصار

وبالنسبه لكلام الدكاترة طوفي واتكلي على الله وان شاء الله البيبي ما فيه الا العافيه والله الحافظ انتي بس ادعي بالصحه والعافيه وحسني الظن بالله

[mariooma]

الله يعيييييينج حنووووون مابقى شي
الله يسهل عليج انشالله وتولدين بالسلامه وبسهاله يارب
انا امي تقول لمن يابتني ماصدقت انها ولدت كانت ولادتها سهله حيييييل عكس خواتي اللي صج تعبت مسكينه
الله يسهل عليج ومشكوره حبيبتي بس لو عندج زيادات يعني من وين انتي اخذتي قمصان النفاس ومن وين اخذتي الككاو والكفر ؟

==================

واي شوشو والله لو شنو اشكرج ترا جهاز نفاسي كله انتي ساعدتيني فيه بدعيلج بولادتي وايد انشالله
بس شوشو آخر سؤال ادري مصختها
تقدرين تعطيني عنوان الككاو مال الاستقبال اتذكر انج مره قلتي انه من قرطبه بس وييين بقرطبه شنو يمه ؟

واي ترا انا سوالفي كله عن الجهاز بس عشان ابي ألهي نفسي ومافكر بالولاده :P

[حنونةq8]

هلا والله مريومة شخبارج
الله يرزقني ولاده سهله ويرزقج مثل امج يارب
انا حبيبتي خذيت قمصاني من القاسم والصباغ وايد حلوني واسعارهم بعد حلوه اما الكاكاو عيزت وانا ادور مالقيت شي حلو فخذيت العلب وتزيينهم من بياع الورد الي في حولي والكاكاو من باتجي وخذيت استاند الكاكاو من بوابة الهدايا الي بالخالدية بس انا عطيته الشرايط لنه ابيه يزينه مثل الوان الكاكاو
وبس
واي شي ثاني انتي بس امري من عيوني

[~lulu~]

شخبارج مريومه ان شء الله بخير والله انا واايد قاعد اسستفييد من الموضوع صج تو الناس علي هههههههه
بس اخذ افكاركم تسلمولي ياقلبي كلكم

[mariooma]

مشكووووووووووووره حنونه وماقصرتي انشالله اذا يا ابالي شي بعد بسئلج بس اتوقع جذي خلصت !
مشكوره ياعمري ويالله يارب تولدين بالسلامه وبسهاله يااااارب
بس قصتج قصه بالككاو يبيله فراره

===========
لولو سجلي بورقه اللي بقولج ياه
قمصان النفاس من (أنور ، السندس ، الطاهر ، القاسم ، الصباغ)
الكفر (الرحاب ، بيروت )
والككاو من جنيفا اللي بقرطبه اووو مثل ماقالت حنوونه من (بياع الورد بعدين باتشي والستاند من بوابة الهدايا )
لولو انتي افتري من الحين بعدين مالج خلق
انا تدرين متى راح اجهز هذا كله أول 4 يعني اكون بآخر الثامن او دشيت التاسع
فما اعتقد اني بفتر كل هالأماكن انا من الحين مالي خلق طلعه
بس حدي متشوقه لين ايي البيبي بالسلامه انشالله
لولو انتي فيج بنوته ولاصبي ؟

[~lulu~]

هلا مريومه اي افا عليييييييييييييييج ههههههههههه قاعد اسجل
اليوم عرفت محل علي عبد الوهاب يايبت ماركة كاس خاصه بالكفرات شفت كفر اختي شاريته حق غفتها يعور القلب
شكلي من دش الخامس ببلش الله يعينه يارب

مريومه انا لي الحين ماادري شنو فيني توني اليوم داشه الرابع وموعدي مع الطبيبه بعد 3 اسابيع ان شاء الله وقتها
اعرف عندي ولدين وخاطري بنوته بس لويا ولد راضيه المهم بيبي ههههههههههههه والاهم سليم معافى يارب

[mariooma]

عيل انشالله يارب فيج بنوووته حلوووه وكيوته وبكامل صحتها وعافيتها يارب
الله يسهل عليج وصح كلامج مو مهم ولد أو بنت اهم شي الصحه والعافيه ,,

انزين لولو بسئلج الككاو جم حبه اييب 150 حبه كافي ترا اهل ريلي مشالله وايد ؟

[~lulu~]

اميييييييييين يارب الله يسمع منج
والله شقولج توقعين يكفي انتي حسبي اخاف يكون اكثر او اقل
واذا زاد مايطييييح لانه اكيد في ناس بيونج البيييييييييت بس اتوقع من 150 ليه 200 كافي

[mariooma]

اي والله صاجه
مشكووووره حبيبتي

[~lulu~]

العفو ياقلبي تامرين امر

وين مفكره تولدييييييييييييييييين ان شاء الله ؟؟

[حنونةq8]

هلا مريوم مشكوره يا قلبي على الدعوه وربي يرزقج ولاده سهلة
بالنسبه للكاكاو صج صج لاعت جبدي وانا ادور لانه يكون في بالج شي معين وتبينه مو اي شي يعجبج
الله يعينج

[~lulu~]

حنونه شخبارج حبيبتي ان شاء الله بخير
تصدقون ضيقتوا خلقي على الكاكاو تدرون شكلي بشتغل فيه مبجر عشان مايدوخ راسي يعني من السابع ان الله سهل
واذا مالقيت شكلي بتفنن فيه بروحي وامري لله
الله يوفقكم يارب

بنات عندي سؤال
شنو مفكرين ترتيبات الاستقبال
يعني منتقدين تروكوا حلو القهوه اقصد جاي او عصير او بس حلو قهوه وقهوه
واذا بغيت استككانات حلوه مع قلاصاتهم وشغل مرتب من وييييييييين ؟؟؟

اي ومطاطير ههههههههههههه

وهم افكر سوالف المفارش هم ابي ي مناسب ومالي خلق دواره

[mariooma]

لولو سوري عالتأخير
انا انشالله ولادتي راح تكون بالعدان الله يستر !!
لو الصباح اهون اصلا ماعرف احد ولد بالعدان الا خالتي من قبل 13 سنه
ومافهمت قصدج على ترتيبات الاستقبال ؟
بالمستشفى ولا البيت ؟
اذا مستشفى بس جاي وقهوه وحلو قهوه وفطاير !
بس اذا بيت اييي اتوقع لازم عصاير وماي وجاي
طبعا انا هذا اللي اتذكره
بس لازم امواعين يديده !!
يعني انا امي عندها اطقم ستكانات وقهوه ومطاطيرهم مافيهم شي وماستخدمتهم الا حق المناسبات
مادري معلومه يديده لولو لازم اشتري مواعين يديده ؟!
و مفارش شنووو شسالفه ؟
امبيه ترا انا حدي ماعرف شي
بس انشالله ارد الكويت امي تكون مسويه كل شي

====================

حنونه بشري ماولدتي ؟

[~lulu~]

ياقلبي يامريوووووووووومه الوضع مختلف اذا بتولدين بالحكومه عن الخاص
الحين الله يسلمج اغلب الناس الي يولدون بالخاص يسون استقبالهم هناك فبعض الناس يقدوم عصير وبعدها جاي وبعدها حلو وقهوه
ومن جذي لازم يصير استعدادات الغرفه للطواولات المفارش والكفر والورد نفس الطقه
ومو شرط تشترين ماعييييد يديده لا
بس انا قلت خاطري اشتري استكانات الي هابين فيهم هاليوين الي يصير شغل عليهم رسم او شي من هالنوع عرفتي
من جذي لاني بولد بخاص مفكره اخذ غرفه كبيره واسوي استقبالي هناك وافتك
من جذي افكر بالاستعدادات هذي
اما لو اولد بالحكومه صراحه ماافكر اسوي شي واخليها بالبيت احسن

انا انشاء الله راح اولد بالسلام

[mariooma]

ايييي صح كلامج
انا اقول يعني اقصااه العدان لوول
الله يسهل عليج انشالله
بس اتوقع المهلب فوق يم المطاعم فيه محل صغير عندهم هالشغلات