ملف لعمليات التلقيح الصناعى و الحقن المجهرى ...تجارب وخبرات

[ملك المالكى]

ميرو ليه نقلتى 2 بس .. مكنش فى غيرهم ولا الدكتور اللى اختار اصل كل الحالات اعرف انها بتنقل 5 و مهندسة عراقية نقلت 6 اجنة مع بعض عشان الفرصة تكون احسن

[ملك المالكى]

مهندسة عراقية فينك انشاءالله تكونى بخير انتى وسمسومتك
افكار ابداعية ليه الغياب ده اوعى تكونى بتضحكى علينا انك متفائلة وانتى فى الحقيقة زعلانه هى كانت تجربة صعبة معلش بس برضه ده امر الله وخلاص حصل

[DR_LOLA]

مهندسه عراقيه احنا فعلا مفتقدينك ان شاء الله تكونى انتى والبيبى كويسه اللهم امييييين
يارريت تدخلى وطمنينا عليكى ان شاء الله

مللك انا نقلولى 3 اجنه فقط بس بالنسبه لى قالولى ده كل اللى اتكون ومكانش فى اجنه للتجميد
والمفروض ان النقل لا يزيد عن 3 او 4 علشان خطوره الحمل بالتوائم يعنى واحد او اتنين احسن من 4 بيبقى ليهم مشاكل كبيره جدا وممكن تخسرهم كلهم لا قدر الله
بس يا ميرو فعلا 2 قليل جدا خاصه انك عملتيها مره قبل كده

[بليزرية]

شاركوني بدعائكم لي

السلام عليكم ورحمة الله وبركاته ،،،
انا من البحرين عمري 33 سنة متزوجة منذ 7 سنوات لم ارزق بأطفال ومنذ بداية زواجي وانا مدمنة علاج وعمليات وادوية وزوجي الحمدلله نتائجة ممتازة اما انا فعنديعدم انتظام الدورة الشهرية منذ البلوغ خلل بالهرمونات وصغر البويضات وتكيس شديد وارتفاع هرمون الذكورة وهرمون الحليب لقد خضعت لعمليتين للتنظير ولكي المبايض وظهرت النتائج لايوجد مشاكل بالرحم او بقنوات فالوب المهم سويت عملية تلقيح صناعي ولم تنجح وسويت 4 مرات طفل انابيب مرتين فشلو ومرتين صار حمل المرة الاولى كان في الاردن وسقطو الاجنة وكانو توأم (اللهم ارزقني بلقياهم في الجنة ) والمرة الثانية عملتها في البحرين عند دكتور مصري ممتاز بس هلكني من الادوية والمثبتات فصار الحمل ووقف نمو الطفل في الشهر الثاني فاجبرت على عملية الاجهاض . ولا احب ان اطيل عليكم بوصف معاناتي الطويلة مع العمليات والالم والعذاب والحزن والتفكير والتوتر وبعد ما انتهيت من الاجهاض اصبت بأمراض عكسية لعلاج الاخصاب تساقط الشعر الغزير لدرجة الصلع والسمنة والاكتئاب وغيرة وانا الآن اعالج لاكثر من مرض وصرت كالمجنونه . ومع كل هذا العذاب الحمدلله رب العالمين على كل شي فالله هو الرازق ..... ادعو لي اخواتي بالشفاء العاجل والذرية الصالحة .

[راجيه رضا الله]

انا عارفه ياميرو اني زهقتك بس هو عدد البويضات بيعتمد على عمر الواحده؟انا عمري 24 سنه ......انا بسمع ناس سحبو 15 وارقام كده ايه الفرق بقى؟؟؟معليش كترت عليك في الاسئله

[دلــع1]

السلام عليكم
بنات انا بفكر اعمل تلقيح مهجري يايت تعطوني فكره عنه

[راجيه رضا الله]

اختى الغاليه..بليزريه
اسال الله العظيم ان يعوض صبرك خيرا..وان يرزقك الذريه الصالحه عاجلا غير اجل..والله لقد احزنتني كلماتك كثيرا ولكن اكثري من الاستغفار واقول لاحول ولا قوه الابالله ..ربنا يصبرك يارب ويشرح لك صدرك وان ييسر امرك ويهون عليك يااااااااااااااااااااااااااااااااااااارب

[راجيه رضا الله]

اهلا بيكي معنا دلع..قصدك حقن مجهري ولا تلقيح صناعي ولا اطفال انابيب؟؟؟

[ملك المالكى]

الاخت الجديدة بليزرية والله اتقطع قلبى من رسالتى مصدقتش وقريتها اكتر من مرة
ربنا يجازيكى على صبرك وتحملك و البلاء خير للمؤمن ورحمة من ربنا
حبيبتى انا كمان فى البحرين مشكلتى مختلفة السبب فى جوزى وبفكر اعمل الحقن المجهرى فى البحرين... لو ممكن اسالك هو الدكتور اللى انتى روحتيله هو برضه احمد بركات... ولو هو ياريت تكتبيلى تفاصيل عمليتك عنده وتكلفتها
وكمان حبيبتى انا اقولك ان طول سنين البلاء معناه الفرج قرب جد "ضاقت فلما استحكمت حلقاتها فرجت وكنت اظنها لا تفرج" يمكن المشاكل التانية دى حصلتى بسبب نفسى نتيجة الاجهاض وانشاءالله تجربتك الجايه تكون احسن وتنجح العمليه وساعتها كل شئ فى جسمك هيرجع زى ما كان واحسن
يااااااااااااارب تكون دى نهايه احزانك متاعبك وبدايه فرج ربنا ونزول رحمته عليكى ياااااااااااااااارب

[meroo2006]

ملك و لولا

حبيباتى مشكورين على السؤال و الاهتمام.........ا

انا اللى فهمته منه انه لما بيبقى النقل ع اليوم السادس بيبقى نسبة ان الاجنة تمسك عالية جدا و علشان كدة هو ما بيزودش ابدا عن 3 اجنة بالنسبة للى ناقلين ع اليوم السادس..........و حتى كل الحالات اللى بينقلهم 3 اجنة و بيمسكوا التلاتة بيديهم ميعاد فى خلال شهر بعد اول سونار.................... و بيشفط منهم واحد............... و عمل كده مع اخت زوجة اخى و شفط لها جنين................. و حتى هى قالت لى انه احسن انه نقلى 2 بس لان عملية الشفط كانت مؤلمة نفسيا جدا ليها.............

بالنسبة لى هو قالى ان الاجنة بتاعتى ممتازة و ان 2 كويس اوى و يمكن باقى الاجنة ماكانوش بنفس الدرجة من الجودة................... و بعدين لاحظوا ان مش كل الاجنة بتقدر توصل لليوم السادس و النسبة العالمية بتاعتها 30% و بما انى طلعت عشرة بويضات.........معنى كده ان هما 3 اجنة فقط اللى كملوا و وصلوا لليوم السادس واكيد هو اختار احسن 2 و نقلهم.........على فكرة هو كان متفائل جدا بحالتى و كان مطمنى ع الاخر........ انا مش عارفة ليه حصللى كده؟؟؟؟؟؟؟؟؟؟؟استغفر الله العظيم ..........مش عارفة فجاة لقيت نفسى بابكى ..............اصلى افتكرت التفاصيل كلها وانا باكتب لكم..............

[راجيه رضا الله]

انا متاسفه جدا اني ذكرتك باللي فات..بالله عليك متزعليش ولا تضايقى نفسك ان شاء الله ربنا هيكرمك المره اللي جايه بتوام بالله عليك متبكيش واستعويضه عند ربنا وربنا مش هيخبك املك ان شاء الله ....اضحكي بقى

[دلــع1]

راجيه انا بقصد حقن مهجري

[meroo2006]

انا عارفه ياميرو اني زهقتك بس هو عدد البويضات بيعتمد على عمر الواحده؟انا عمري 24 سنه ......انا بسمع ناس سحبو 15 وارقام كده ايه الفرق بقى؟؟؟معليش كترت عليك في الاسئله

حبيبتى الراجية رضا الله

ماتقوليش كده تانى و انا تحت امرك فى اى سؤال

طبعا السن بيفرق فى قدرة المبيض على انتاج البويضات و انا سنى اكبر منك بكتير انا سنى 33 سنة..................... و كمان نوع و كمية العلاج اللى الدكتور بيختاره لكل حالة ممكن تزود قدرة المبيض على انتاج البويضات....................... و خصوصا الحالات اللى بيكون مشاكل قوية عند الزوج زى انعدام الحيوانات المنوية عند الزوج..................... و فى الحالة دى بيسحب من الخصية و معروف ان الحيوانات المنوية المسحوبة من الخصية لا تكون ناضجة بالكامل و بالتالى الدكتور بيكون متاكد ان فيه عدد كبير من البويضات مش هيحصل لها اخصاب................. و علشان كده بيخضع الزوجة لبرتامج مكثف جدا ...............علشان تنتج اكبر عدد ممكن من البويضات.................. علشان بيقى عنده عدد كبير من الاجنة و يقدر يختار افضلهم و ينقله

[ملك المالكى]

خطوات العلاج باطفال الانابيب

1: حث المبيض لانتاج اكبر عدد ممكن من البويضات بواسطة الهرمونات ويحدد الطبيب كم ونوع المنشطات المطلوبة
2: رصد البويضات بجهاز الموجات فوق الصوتية لتحديد حجم البويضة، عدد البويضات الصالحة ومنع ايه مضاعفات قد تحدث
3:حقن انطلاق البويضات: تجمع البويضات بعد 32ـ 36 ساعة من اخذ الحقن وتتم دون عمل جراحى وانما بواسطة جهاز الموجات فوق الصوتية ويجب ان تكون المثانة فارغة وتحضر المريضة قبلها نصف ساعة باخذ مادة مخدرة عن طريقق العضل ثم ينظف المهبل بمادة معقمة ثم يدخل الجهاز ويتم سحب البويضات بالتدريج بواسطة الطيب المعالج وتستغرق العملية من 5 الى 20 دقيقة وبعد الانتهاء يجب الاستلقاء لمدة ساعة فى المركز ويرسل سائل جمع الحويصلات " التى تحتوى على البويضات" الى المختبر للتاكد من وجود البويضات وعددها واجراء الازم لها وتبدا السيدة اخذ العلاج الهرمونى " البروجيسترون" ابتداء من يوم جمع الحويصلات
والاثار الجانبية لهذه العملية هى الم "مغص" يشبه الم الحيض لمدة يوم او اثنين
اذا حصل نزيف قوى يجب مراجعة الطبيب
احتمال اصابة بكتيرية اثناء جمع البويضات
4: بعد جمع البويضات تؤخذ عينة من السائل المنوى فى نفس يوم جمع البويضات ويحضر السائل المنوى بفصل الحيوانات الجيدة ووضعها فى سائل خاص يساعدها على الحركة وربما اضافة بعض الادوية التى تزيد من نشاطها
5: اخصاب البويضات فى المختبر باضافة الحيوانات المنوية الى البويضات فى طبق خاص وتتراوح فترة الحضانه هذه من 4 الى 24 ساعة حسب درجة النضوج ثم تفحص بالمكرسكوب فى اليوم التالى للاخصاب هذا للتلقيح الصناعى و للحقن المجهرى يتم ادخال الحيوان المنوى او جزء منه " الراس" او الخلية التناسلية داخل البويضة عن طريق ابرة خاصة بواسطة جهاز ميكروسكوبى متصص لمثل هذه العمليات
6:نقل الاجنة: يتم نقل من 2 الى 3 اجنة فى المتوسط وذلك عن طريق انبوب خلال عنق الرحم الى الرحم ثم توضع الاجنة فى تجويف الرحم وتعطى السيدة الادوية التى تساعد على ثبوت الاجنة
ملحوظات:
يعتبر اول يوم تلاحظ فيه السيدة نزول دم الدورة قليللا او كثيرا نهار اوليلا هو اول يوم دورة وعليها ان تحضر الى المركز وتخضع للفحص بجهاز الموجات فوق الصوتية
يجب التقيد باليوم و الكمية التى يحددها الطبيب لمنشطات التبويض وكذلك التقيد بتعلميات الطبيب فى كافة المراحل
نسبة النجاح تقل كلما قل عدد البويضات المنقولة فاذا نقلت اربعه اجنة كانت النسبة 40% واذا نقلت ثلاثة تكون 35% وجنينين 25% وجنين واحد 17%
نسبة حمل التوائم عالية جدا فى هذه العمليات وتعدد الاجنه هذا قد يسبب بعض المضاعفات للام فى فترة الحمل او احتمال الاجهاض يزيد ولذا لا ينصح بنقل اكثر من 3 الى 4 اجنه عدا بعض الحالات مثل تقدم عمر المريضة او وجود مشاكل فى بطانه الرحم
تتاثر الاجنة بنوعية البويضات و الحيوانات المنوية
انسب سن للعملية للسيدة بين 20 و35 سنة
فى حالة عدم وجود حيوانات منوية فى السائل المنوى يتم سحب جزء صغير من الخصية بواسطة ابرة او عن طرييق عملية جراحية وتتم هذه العملية تحت تاثير مخدر موضعى وهى عملية ليس لها تاثير على الاداء الجنسى فقط قد تحدث التهابات فى الجرح او تجمع دموى وهى مضاعفات بسيطة يمكن السيطرة عليها

[راجيه رضا الله]

بس بردك مقلتليش انتى لسه زعلانه وبتعيط انا مش عايزاك تزعلي وان شاء الله المره الش جايه توائم ويثبتوا وربنا يعوضلك السنين اللي فاتت..بالله عليك متكنيش لسه زعلانه...اصلي انا بزعل بسرعه