ملف لعمليات التلقيح الصناعى و الحقن المجهرى ...تجارب وخبرات

[ملك المالكى]

ملوكة : كل سنة وانتى طيبة وربنا يحققلك كل حاجة حلوة يارب عشان انتى بتحبى اللى حواليك واللى يحب غيره ربنا يحبه ويحبب فيه خلقه واكيد ربنا هيفرحكامين يارب

وانتى طيبة يا قمر
وربنا يحبب فينا فينا خلقه جميعا
وانشاءالله السنة دى تكون نجمة عروض الازياء "من الرشاقة " ههههههههه
بس اوعى تتخنى تانى بعد الولادة
ربنا يرزقك بالذرية الصالحة عاجلا غير اجلا يارب العالمين ويرزقنا جميعا

[ملك المالكى]

دكتورة لولا ::الف الف الف سلامة عليكى وطمنينا عليكى وعلى اخبارك
الوردة الصفراء: اشاءالله يكون حمل... بس تقريبا التحليل المنزلى لازم تشوفيه بعد المدة المكتوب عليه بعد كدة بيكون باظ ونتيجته غير دقيقة... ياريتك تروحى تعملى تحليل الدم وتطمنينا عليكى وانشاءالله تكون اول خبرر حلو نسمعه فى السنة الجديدة هو خبر حملك
رمانة الخليج: حمدالله ع السلامة انتى فين وايه اخر اخبارك كل سنة وانتى طبية

[Love_girle]

السلام عليكم يا بنات
إن شاء الله تكون السنة ديه سعيدة عليكم كلكم و أيامكم كلها سعادة
و السنه ديه إن شاء الله مش هتعدي غير لما نكون أولادنا معانا يارب
أنا حولت اقرأ الملف من أوله بس مش قدرت
و عرفت كتير من قصصكم أولهم طبعاً مهندسة عراقيه و د.لولا و ملك المالكي
انا حبيت اشترك ماكوا لأني بفكر اعمل عمليه تلقيح مجهري فعايزكوا تكونوا معايا و نصايحكم و مشوراتكم
بس لسي مش قرار نهائي - أعرفكم بنفسي
انا متجوزة من سنه و شهرين الحمد لله أجريت كل الفحوصات و الأشعه و التحاليل و كله كويس
جوزي هو اللي عنده شوية مشاكل ( إلتهاب في البروستاتا ) و ده بيعمل تأثير علي الحيوانات المنوية من تشوهات و بطء حركة و حكايات زي كده

[ام خاطر]

الى الأخت مهندسه عراقيه لا تقلقي بشأن الولادة كل شئ بيد رب العالمين
انا الدكتوره من اول زياره كتبت في ملفي ولاده قيصريه لاني فتره طويله ماحملت وحملت بالعلاج فقالتلي عشان سلامتك وسلامة البيبي
وكنت كثير خايفة لما جرب موعد الولادة دخلت المستشفى وكان عندي فقر دم حاد المهم لين اسبوع رفعولي نسبة الهمجلوبين في الدم وكان موعد العمليه بعد يومين طلعت يوم وقلت برجع قبل العمليه بيوم طلعت خذتني امي عند دكتورة زينب معروفه في دبي وعطتني شوية زيت الخروع مع الميرندا شربته وفي الليل حسيت بآلام الولاده وربيت طبيعي وكنت فرحانه وايد وحسيت بنشاط بعد الولادة من كثر الفرحة
وانشاء الله تربين طبيعي المهم سلامتك وسلامة البيبي وغريزة الأمومه هي الي راح اتقولك كيفية العنايه بالبيبي
وكنت مثلك بروحي في البيت مع زوجي بس الحمدالله كل شئ تمام
اهم شئ كوني متفائله وفرحانه لانك راح تستقبلين اغلى شئ عندك في الدنيا وراح اتحسين انه حياتك بدات الآن
مع الطفل اتمنى اني ماطولت عليك بس حبيت اتكونين فرحانه وتتوكلين على رب العالمين هو الحافظ
والسموحه

[Love_girle]

ملك المالكي ..... في بداية الملف كنتي بتقولي إنك ناوية تعملي عملية تلقيح مجهري لو أنا فاكرة في أجازة عيد الأضحي إنتي ناوية تعمليها في البلد اللي إنتي مسافره فيها و لا هتعمليها في مصر

[rayhaana]

سنة سعيدة وكل عام وإنتم بألفففففففف خير وهناء على كل أخوات المنتدى ويجعلها فاتحة خير على منتضرة وتضع كل حامل حملها باذن الله وأتمنى لكم حياة سعيدة ملئها الحب والسعادة دوما

[ملك المالكى]

ملك المالكي ..... في بداية الملف كنتي بتقولي إنك ناوية تعملي عملية تلقيح مجهري لو أنا فاكرة في أجازة عيد الأضحي إنتي ناوية تعمليها في البلد اللي إنتي مسافره فيها و لا هتعمليها في مصر

اهلا بيكى حبيبتى
واسمك جميل فعلا وتقريبا هو الجملة التى لا تتوقف عن ترديدها السنتنا
ربما يرزقنا جميعا الصبر وقوة الايمان
انتى شرحتى قصتك شرح مختصر ... انا مش فاهمه بصراحة هل التهاب البروستاتا يستدعى الحقن المجهرى ام ممكن يكون فى علاجات تانية ... بس هما الدكاترة عموما حسب علمى بيقولو دايما ان الحل للى عاوز حمل بشكل اسرع هو عمليات الاخصاب الصناعى لانها بتوفر سنين الانتظار و فى ناس كتير بتعمل العمليات تخلف اولا وبعدين فى الحمل التاني تبقى تنتظر نتائج العلاج بالطرق الطبيعية
القرار ليكى ولزوجك فى النهاية بعد اخذ راى طبيبكم المعالج
انا مش عارفة انتى فى مصر ولا فين بس كلامك بيقول انك فى مصر
وعندك تجربتين فى مصر
الدكتورة لولا مع المركز المصرى لاطفال الانابيب وهى حامل الان و الحمد لله
وميرو والراجية رضا الله مع مركز جنين والاتنين فى مرحلة التجربة حاليا يعنى بداتو الاجراءات والحقن التحضيرية وربنا يرزقهم الحمل باذن الله
وكمان ا حبيبة الله اجرت تجربة مع مركز ادم لان بيقولو انه الاكثر تخصصا فى عقم الرجال و وهى هتعمل اعادة اجنه قريبا لان التجربة الاولى لم يقدر الله لها النجاح
بالنسبة لى انا بقى يا ستى
انا فى البحرين حاليا وبتابع مع طبيب مصرى له مركز متخصص فى اطفال الانابيب
وكان المفروض ابدا تجربتى فعلا الشهر اللى فات لكن الطبيب قال انا وزوجى محتاجين علاج وتحضير الاول
فوصفلنا علاج لمدة تلات شهور وبعدين الله اعلم اذا كنت هكملها معاه هنا ولا هرجع لمصر واعملها هناك ربنا يكتب اللى فيه الخير ليا وليك
و واتمنى اكون افدتك واى سؤال تانى انا تحت امرك

[ملك المالكى]

سنة سعيدة عليكى يا ريحانة ويااااااااااااارب يستجاب دعائنا ويحقق امالنا جميعا

[ملك المالكى]

بنات انا اتصلت بالدكتور وقلتله على تاخر الدورة
وكلمته انى المفروض اعمل تحاليل الهرمونات وهى مجتش
قاللى انتظرى خمس او ست ايام واكيد هتيجى
وسالته مش هياثر عدم انتظامها فى العملية قالى لا خالص
و مجبليش سيرة انى انظمها قبل العملية انا مرضيتش اقوله مش المفروض اخد حبوب منع الحمل تنظمها قبل العملية؟؟؟
بس مش عارفة... اقوله يكتبهالى ولا امشى على كلامه وخلاص
يمكن هو ماجلها لقبل العملية بشهر واحد او يكون لسه بدرى

[الوردة الصفراء7]

ان شاء الله راح ابشركم بالخييييييييييييير
دعواتكم

[DR_LOLA]

رمانه الخليج
الله يسلمك يا حبيبتى ويبعد عنك كل شر ان شاء الله
اخبارك ايه؟ اكيد تعبانه بعد الحج ؟؟

تاما
الله يسلمك يا جميل
انتى طمنينا عليكى ربنا يقر عينك بالذريه الصالحه اللهم اميييييييييين

ملوكه
حبيبتى الله يسلمك
وخليكى يا مللك ماشيه مع كلام الدكتور هو ادرى بالحاله ويمكن هو ليه وجهه نظر معينه
وعلى العموم هو عنده حق مفيش اى مشكله من تاخر او عدم انتظام الدوره فى نجاح العمليه ان شاء الله اميين ياررب

سلامى للجميع كل سنه وانتن طيبيات

[DR_LOLA]

الورده الصفراء
يارررب يا حبيبتى تكونى حامل ان شاء الله اللهم امييييييييييين
فعلا انزلى واعملى تحليل دم بدلا من الانتظار وياررب يكون ايجابى ان شاء الله
وتكونى فاتحه خير فى اول يوم فى السنه الجديده ان شاء الله

[ام حبيبة الله]

د.لولا
الف سلامة عليكي,شافاكي الله وعافاكي,ان شاء الله الدكتور يطمنك.


الوردة الصفراء
ان شاء الله تكوني حامل وتفرحينا,بس خلي نفسيتك مستعدة لكل النتايج وان شاء الله خير.

ام خاطر
اهلا بيكي ويارب يرزقك كل اللي بتتمنيه,ووالله قصتك ادتنا امل كبييييييييييييييييييير,ويارب احنا كمان محاولتنا الجاية تنجح,ولا تنسينا من دعائك.

ميرو
ايه آخر اخبارك؟طمنينا عليكي ياجميل.

الصبر يارب
اهلا بيكي ,ولو كانوا الدكاترة قالولكوا احسن حل الحقن المجهري اتوكلوا على الله,هو متعب شوية ومكلف بس احسن من الانتظار مده طويلة..............ربنا يوفقك ان شاء الله.

[ام حبيبة الله]

ملك
متقلقيش بخصوص الدورة,انا برضه كان بيتقالي انتظام الدورة مش مهم ابدا,مدام انتي مقتنعة بالدكتور امشي معاه لحد الآخر وان شاء الله اكيد حتلاقي نتيجة,ربنا يوفقك ان شاء الله للي فيه الخير.

[DR_LOLA]

ام حبيبه
ربنا يخليكى يا حبيبتى اللهم امييييييييييييين الله لا يحرمنى من دعواتك
انتى اخبارك ايه؟
وبداتى فى الابر ولا لسهولا هترجعى الاجنه المجمده؟
ربنا ييسر لكى امرك ويرزقك من هذه العمليه الذريه الصالجخ حسنه الخلق والخلقه اللهم امييييييييين