ملف لعمليات التلقيح الصناعى و الحقن المجهرى ...تجارب وخبرات

[ملك المالكى]

عندى كنوووووووووووووز
ذهب ياقوت ما شافو منها بحار
تملى حيطان البيت بفرح منه يغار
كل اللى شاف بنتى حبيبتى لمار
نورها يطول السما
يدارى ع الاقمار
وحدى انا محظوظ
وباقى البشر يحتار
ازاى كنوز الارض
فى اغلى منها لمار
يالا يا لمورة كل حركة هكتبلك قصيدة لحد ما تتولد نطبعلها ديوان مع الفيلم السينمائى

[مهندسة عراقية]

يااااا بنات اخجلتموني باحتفالكم الأكثر من رائع بحركة لمار ويا رب يكون حقيقي وليس مجرد غازات هههههههه ولكنني فهمت من بقية البنات انه الاحساس يكون مثل الغازات ههههههه الله اعلم..
الرائعة ميرو: شكرا يا حبيبتي يا غالية على تهنئتك والشكر الأكبر انك متابعة أسئلتي وخاصة عن موضوع العملية القيصرية لأن المشيمة عندي نازلة واذا ما رجعت لمكانها الأصلي أنا خايفة اني حاضطر للقيصري وانتو تعرفوا اني بالغربة وحدي مع زوجي وأخي فقط وماما صعب أن تأتي لأن الفيزة صعبة للعراقيين.. أمانة تدعولي ان تكون ولادتي سهلة وما احتاج للعملية.. وما شاء الله على معلوماتك الدقيقة يا ميرو وبالفعل اجابتك كافية ووافية وتسلمي..
رانون: حبيبتي احنا قلنا اننا نسيب الاحباط ونفكر اننا بنعمل اللي علينا ونتوكل على الله.. وبالمناسبة فإنه مجرد تعودك على الجهاز سوف يحسن من لياقتك وبالتالي حتى الرياضة اليومية الاعتيادية ستكون جدا جدا سهلة عندك وان شاء الله ستتذكرين كلامي بالمستقبل القريب لأن جسم الانسان به مفاصل وهذه بقلة الحركة وزيادة الوزن تجديها تصبح صلبة وقاسية وعضلاتنا تصبح مشدودة عند القيام بأي مجهود ولكن بمرور الزمن تفك وتصبح مرنة والحركة تصبح سهلة جدا.. وبالنسبة للمار اعطيتكم الحق الحصري وطبعا مش حيتعرض الفلم الا بين حبيباتها خالاتها والعيلة بس أصل الشرف غالي يا جدعان ههههههههه..
ملوكتي الغالية: شكرا على احلى احتفال يا حبيبتي.. وانتي بالمناسبة طلعتي بتلطشي الصور ههههه تعرفي انا ازاي شفت الصورة رغم انها جدا صغيرة!! فضلت ابحلق وابحلق فيها لحد عيني ما اتعمت هههههههه.. فضول ربنا يكفيكي شره.. بس الصورة دي احلى بكتير.. والشعر ده لما باقراه ارتاح واشعر بعمق الصلة بينك وبين الله.. اما الشعر اللي ألفتيه للمار دمرني ونزلت دمعتي يا حبيبتي ونقلته مع مذكرات الحمل (مذكرات لمار) ويااااا رب يقدرني ارد جزء من جمايلكم عليا انتي وميرو وكل بنت بتسأل عني او عن بنتي ويا رب أوقف ليكم الوقفة اللي تستاهلوها يا حلوين.. ألف الف شكر ليكي يا قمر

[ملك المالكى]

عيب يا ام لمار ما تقوليش جمايل
وبعدين انتى الاول وصلتى ل على مية بيضة وبتقوللى لطشتى
واخيرا وصلتى للشرف غالى يا جدعااااااااااااان هههههههه مش عارفه ليه حسيتك بتقوليها بطريقة توفيق الدقن او محمود المليجى
انتى خلاص كدة اعتبرى انك حاطة الجنسية المصرية فى جيبك
ياريت والله كنت اقدر اخدمك او البنات التانيين بحاجة فعلية لكن كل اللى نقدر عليه من خلال النت هو مجرد كلام
والله ساعات بتخيل لو انا ساكنه فى عمارة وانتو جيرانى وكل يوم بنتجمع عند حد وحكاوينا دى حوارات حية
بقول لجوزى اسوا حاجة فى غربتنا دى ان ربنا مرزقناش بصحبة او جيرة تهون علينا الايااااااام

[ranon2020]

مبروك يامهندسة على حركة لمورة الأمورة ويارب حركتها تزيد اكتر واكتر وتحسيى بيها دايما وربنا يسهلك الولادة الطبيعية انشاءالله ويتملك الحمل والولادة على الف خير بأذن الله
وتعمليلها احلى سبوع متنسيش تعزمينا.

[ملك المالكى]

رانون شكرا يا جميل على سؤالك
احنا خلاص هنجيبها من هنا
بس انا عاوزاكى تلفى على الصيدليات تسالى كدة تااااااااااانى
ههههههههههههه بمشورك عشان تخسى رياضه يعنى
شكرا يا حبيبتى على اهتمامك وسؤالك

[& توتي فروتي &]

مرحبااااااااااااااا عزيزاتي

وحشتوني كلكم
انا الحمدلله بخير والبيبي بخير واشكر كل من سأل عني وكان انقطاعي بسبب المشكلات الفنية في النت واذا انحلت المشكلة حتلقوني كل يوم معاكم

[DR_LOLA]

السلام عليكم
وحشتونى جداا يا بنات ياررب تكونوكلكم بخير ان شاء الله

مهندسه
الففف مبرووك على اول حركه لمار وعقبال اول خطوه ان شاء الله
وان شاء الله تكون هى الحركه ومش غازات اللهم امييييييييين
وعقبالى ان شاء الله


انا رحت المركز النهارده زى العادى قاسولى الوزن والضغط وتحليل بول
وخلاص قلتلهم هو مفيش سونار ؟؟؟؟؟؟
قالولى لا مش كل مره طبعا اضايقت جدا
وهولقانى قلقانه قالى خلاص نعمل سونار الدكاتره دائما موسوسين وقلقانين
والحمد لله طمنى بس قالى ان شاء الله قريب نعمل سونار ثلاثى الابعاد قلتله ليه؟؟ حضرتك شايف حاجه مش كويسه قالى لا لا دى حاجه روتينيه بنعملها
مش عارفه ربنا يستر دعواتكم لى بان يكون كل شىء تمام ويرزقنى بذريه سليمه معافه كامله الخلق والخلقه اللهم اميييييين



مللك
ان شاء الله كل خطوه تعملوها تكون موفقه ان شاء الله
ربنا لا يضيع تعبك ويجازيكى خير الجزاء والذريه الصالحه ان شاء الله
انتى بتستاهلى كل خير ان شاء الله

رانون
جزاكى الله كل خير يا جميل على الدعوه الحلوه وفعلا ياررب يبعد عنى القلق والوساوس ان شاء الله
وان شاء الله ربنا يرزقك ويرزقنا الذريه الصالحه اللهم اميييييييين

سلامى لحبياتى
ميرو توتى فروتى لولو ام حبيبه عنابه ريحانه قمر فنار الحق بايزريه افكار راجيه رضا الله عيون زى القمر
اعذورونى لو نسيت احد
بحبكم فى الله

[ملك المالكى]

مرحبااااااااااااااا عزيزاتي

وحشتوني كلكم
انا الحمدلله بخير والبيبي بخير واشكر كل من سأل عني وكان انقطاعي بسبب المشكلات الفنية في النت واذا انحلت المشكلة حتلقوني كل يوم معاكم

توتى فروتى ربنا يهدى النت عشان متغيبيش تاااااااااااانى عنا ابدا
ويارب دايما تكونى بخييييييييير انتى و البيبى

[ملك المالكى]

لولا فينك اختفيتى من كاااااااام يوم
بيتهيالى السونار ثلاثى الابعاد ده عشان يكشف لو فى تشوهات لا قدر الله وده هيطمنك اكتر على البيبى
وانشاءالله هيلاقو سعادة البيه قاعد مربع سليم معافى وزى القمر
برضه مش بتبطلى قلق وتوتر انا عاذراكى والله ورغم انى بانصحك مش عارفه لما ابقى زييك هبقى عامله ازاى
صح الحلم غااااااااااالى والواحد لما بيصدق يشوفه بيتحقق قدامه

[مهندسة عراقية]

عيب يا ام لمار ما تقوليش جمايل
وبعدين انتى الاول وصلتى ل على مية بيضة وبتقوللى لطشتى
واخيرا وصلتى للشرف غالى يا جدعااااااااااااان هههههههه مش عارفه ليه حسيتك بتقوليها بطريقة توفيق الدقن او محمود المليجى
انتى خلاص كدة اعتبرى انك حاطة الجنسية المصرية فى جيبك
ياريت والله كنت اقدر اخدمك او البنات التانيين بحاجة فعلية لكن كل اللى نقدر عليه من خلال النت هو مجرد كلام
والله ساعات بتخيل لو انا ساكنه فى عمارة وانتو جيرانى وكل يوم بنتجمع عند حد وحكاوينا دى حوارات حية
بقول لجوزى اسوا حاجة فى غربتنا دى ان ربنا مرزقناش بصحبة او جيرة تهون علينا الايااااااام

هههههههههههههههه يا حبيبتي الله وحده يعلم معزتكم في قلبي وبصراحة كلامك دخل قلبي وانا بالفعل اتمنى لو كنا بنفس البلد وصاحبات ونخرج ونساعد بعض والله حتى ان همومنا معظمها تنزال وبالفعل معظمنا بالغربة وجيراننا حتى السلام غايب بينا الا بين أزواجنا لما بيتلاقوا في المصعد.. الله يا ملك فكرتيني بمحمود المليجي أنا أحب افلامه خاصة فيلم الأرض واتذكر مقطع: (الأرض العطشاانا نروييها بدمااانااااااا).. أما لمار حتتكلم صعيدي مش بس مصري ومفيش حد يلحقها.. يا رب تتعلموا اللهجة العراقية ولو صعبة عليكم.. احكيلك عن المصريين لما كانوا بالعراق في الثمانينيات كانوا لطول فترة إقامتهم بالعراق بدأوا يتكلمون اللهجة العراقية ولكن (بتصرف مصري) ههههههه فلدينا عبارة شائعة وهي: (انته ليش ضايج؟) يعني (زعلان ليه؟) فالمصريين بيقولوا: (انته لِش زايج).. والله كانت ايام حلوة يااا رب ترجع.. انتو المصريين ميزتكم خفة دمكم ويااااااا رب يديم علينا الصحبة والمحبة

[مهندسة عراقية]

مبروك يامهندسة على حركة لمورة الأمورة ويارب حركتها تزيد اكتر واكتر وتحسيى بيها دايما وربنا يسهلك الولادة الطبيعية انشاءالله ويتملك الحمل والولادة على الف خير بأذن الله
وتعمليلها احلى سبوع متنسيش تعزمينا.

ربنا يبارك بيكي يا حبيبتي وان شاء الله يجي اليوم اللي نباركلك بيه انتي وكل حبيباتنا في هذا التجمع خاصة والمنتدى عامة.. وبالنسبة للاسبوع انا عاوزة اعمل لها اسبوع مصري لأنه ملك خلاص ادتني الجنسية المصرية وعشان كدة حدشنها باسبوع لمار ههههههههه.. بس خلي على بالك الاسبوع يكون حسب عادات وتقاليد الصعيد عندكم.. وأنا كان عندي في مصر الزي الصعيدي (القلادة أم الهلال اللي فيها اكثر من هلال من الكبير الى الصغير ومعاها قرط الودان الكبير وكنت فصلت معاها جلابية واسعة البسها لما يصير مهرجان بالازياء بالمدرسة وكنت آخذ جائزة دائما) حابعت لماما تجيبهولي عشان اسبوع لمار هههههههه

[مهندسة عراقية]

مرحبااااااااااااااا عزيزاتي

وحشتوني كلكم
انا الحمدلله بخير والبيبي بخير واشكر كل من سأل عني وكان انقطاعي بسبب المشكلات الفنية في النت واذا انحلت المشكلة حتلقوني كل يوم معاكم

حمد الله عالسلامة هلا يا هلا.. اشتئنا ليكم ياما.. هلا يا هلا..
مين ادك لمار ومامتها بيرقصوا لاستقبالك وبيهنوا عشانك انتي والعريس.. أضمن مستقبل بنتي.. لأن الشغل ملك وفرته والزواج عليك.. وبالتالي أديت رسالتي بالحياة.. هههههههههه
لا تغيبي يا حبيبتي وغيابك كان تارك اثر كبير فينا

[مهندسة عراقية]

السلام عليكم
وحشتونى جداا يا بنات ياررب تكونوكلكم بخير ان شاء الله
مهندسه
الففف مبرووك على اول حركه لمار وعقبال اول خطوه ان شاء الله
وان شاء الله تكون هى الحركه ومش غازات اللهم امييييييييين
وعقبالى ان شاء الله
انا رحت المركز النهارده زى العادى قاسولى الوزن والضغط وتحليل بول
وخلاص قلتلهم هو مفيش سونار ؟؟؟؟؟؟
قالولى لا مش كل مره طبعا اضايقت جدا
وهولقانى قلقانه قالى خلاص نعمل سونار الدكاتره دائما موسوسين وقلقانين
والحمد لله طمنى بس قالى ان شاء الله قريب نعمل سونار ثلاثى الابعاد قلتله ليه؟؟ حضرتك شايف حاجه مش كويسه قالى لا لا دى حاجه روتينيه بنعملها
مش عارفه ربنا يستر دعواتكم لى بان يكون كل شىء تمام ويرزقنى بذريه سليمه معافه كامله الخلق والخلقه اللهم اميييييين

وعليكم السلام ورحمة الله وبركاته.. ويا رب ما تشوفي وِحِش وتكوني فرحانة وحاضرة دائما
الله يبارك بيكي يا حبيبتي ويفرحك بالحركة وما قلتيلنا هو عصفور ام عصفورة؟؟ وانا لحد الآن طبيبي لم يجري تحليل بول ولا اعلم لماذا رغم ان زياراتي له نصف شهرية وبصراحة اخشى ان اسأله!! وانا سمعت ان هذا التحليل ضروري.. وايضا لم يذكر السونار ثلاثي الأبعاد ولكن يا لولا يا حبيبتي لا تخافي فكل هذه الفحوصات والتحاليل هي للاطمئنان وذلك لشدة خوفهم على الحمل وبالعكس السونار الثلاثي افضل وأدق وأنت ست العارفين.. طمنينا عليك باستمرار ولا تطولي الغيبة..

[ريومه الامارات]

صباح الخير يا بنات كيف الاحوال ان شاء الله طيبين
توتى فروتى هلا با الاطله وينج من زمان
دكتوره لولا ان شاء النون بخير
ميرو مابقي شي على سفرج الله يسهلها عليج يارب
ملك يا شاعرتنا الموقره تحياتى لج وهذه الصور لج

[ريومه الامارات]

[مبروك علي حركه الاموره الاموره


بس خليها يقوي عندها الحركه بتحسين كان احد يلعب بوكسات فى بطنج وخاصه البنات حركتهم كثيره وقويه

ونتظر فيديو اللي بسويه الزلم عن لموره الاموره ههههههه




شوفي ياماما ما احلانى