ملف لعمليات التلقيح الصناعى و الحقن المجهرى ...تجارب وخبرات

[DR_LOLA]

بجد
هتنورى مصر كلها يا فوشيا بجد يا جميل
ان شاء الله ربنا يكتبللك الخير ويرزقك بالحمل السليم عاجلا ليس اجلا اللهم امييييييييييين

[fushia]

والله النور نورك يا د. لولا بس ابي اعرف احنا بجده جونا حاره تقريبا دافي هههههههههههههههههههه

مصر كيف يعني احطاط ملابس شتويه ولا زينا حار جوكم ؟؟؟

[DR_LOLA]

لا الجو فى مصر معتدل
يعنى دلوقتى مش حر خالص زى السعوديه ولا برد قوى
يعنى ممكن تجيبى لبس خريفى زى سويت شيرتس وممكن جاكت علشان احيانا بتبرد بالليل

[fushia]

ههههههههههههههههههههه اجل يبيلي اجيب شي ثقيل شوي

[ام حبيبة الله]

بنااااااااااااااااااااااااااات وحشتوني قوي..........خلاص العد التنازلي بدأ وقربت ابقى على جبل عرفااااااااااااااااااات....................بجد انا مش مصدقة...........انا مسافرة ان شاء الله يوم السبت.............ادعولي اوصل بالسلامه...........

فنار الحق
ان شاء الله تشيلي الكيس وتبقي كويسة وتحملي بعدها على طول,ربنا يقومك بالسلامة.

د.لولا
الف سلامة عليكي,يارب تكوني بقيتي أحسن.

مهندسة عراقية
فكرتيني بواحده صاحبتي كانت كل شوية عند الدكتور بتعمل سونار عشان تطمن على الجنين عشان مبيتحركش,متستعجليش الحركة جاية جاية,ربنا يقومك بالسلامة ان شاء الله.

ملك حبيبتي

انا ححكيلك الحكاية من الاول:
احنا لما عرفنا حالة جوزي دورنا على النت وكنا استقرينا على 3 مراكز هما :ابو الغار-جنين-آدم
بالنسبة لابو الغار هو رقم واحد في مصر لأقدميته وسمعته ممتازة بس سمعنا انهم ماديين جدا,يعني قريت مرة عالنت ان واحدة كانت عايزة تغير المركز وعايزة تاخد منهم تحاليل معينة غالية مرضيوش يودهالها,وكمان لما اتصلنا بيهم ادونا معاد بعد شهرين واحنا مكناش مرتاحينلهم قوي....................فالمهم قلنا نشوف مكان تاني
وبالنسبة لجنين مكناش سمعنا عنه اي حاجة وكنت بفكر برضه اعمل عندهم عشان كنت ارتاحتلهم نفسيا من موقعهم عالنت.
وبالنسبة لآدم كان كذا دكتور رشاحهولنا وهو قريب من شقتنا اللي في القاهرة-هو في المهندسين-واحنا كنا بنسمع عنه.
المهم ياستي راح حمايه اقترح وقال ليه منحاولش نكشف في القصر الفرنسي(اللي هو بفلوس)احيانا بيبقى فيه دكاترة شاطرة(هو ياعيني مش قادر يصدق حالة ابنه وعايز يتأكد),المهم قولنا نروح مش حنخسر حاجه وفعلا روحنا وكشفنا عند دكتور اسمه أحمد عطيه وقالنا نفس الكلام اللي انتي عارفه عن حالة جوزي بخصوص الحبل المنوي وان احنا مينفعش لحالتنا غير الحقن المجهري,وكنا ارتاحناله وارتحنا لكلامه فقولناله رشحلنا مركز فقالنا انه بيتعامل مع مركز آدم وانه بعتله حالات كتير قبل كده
المهم احنا كنا سمعنا ان الدكتور ده شاطر جدا في الذكورة فطلبنا منه انه هو اللي يعمل لجوزي العملية وياخد العينه,فوافق.
المهم ياستي بالنسبة لمركز آدم:
من الاول خالص الدكتور مدحت عامر-وهو دكتور هادي جدا ومريح نفسيا- قالنا ان تكلفة العملية(اللي هي تقريبا سحب البويضات واعادتها) 5500 جنيه وتكلفة الادوية بتتراوح من 2500 الى 3500 جنيه حسب الحالة وممكن تزيد شوية , وأخذ العينة من جوزي 1200 جنيه وده كنا حددناه مع الدكتور أحمد عطية مش عارفة عندهم اصلا بكام,وقالنا في حالة لاقدر الله العملية فشلت وفي لسه بويضات ملقحة مجمده حتبقى تكلفة العملية 1100 جنيه لغاية ماتنجح ان شاء الله,وقالنا كمان على موضوع العينه المجمده والفريش اللي انتي عارفاه وقالنا اختاره اللي انتو عايزينه,ووقتها قعد معانا ييجي ساعة يفهمنا الموضوع براحة ويجاوبنا على اي استفسارات وخرجنا من عنده واحنا مرتاحين نفسيا,
وقالنا كمان انه مش بيعمل العملية بنفسه وانه عنده دكتور استشاري اسمه د. شريف ودكتورة استشارية اسمها د. مها عشان لو كنت عايزة اتعامل مع دكتورة ست يعني(عشان انا منتقبة),فاخترت طبعا الدكتورة مها واتوكلت على الله,ومش قادرة اقولك اد ايه هي دكتورة مريحة نفسيا ومتدينة وكلها ذوق وبالها طويل,اما الدكتور شريف ده انا شوفته مره واحده بعد العمليه بس بصراحة مارتحتلوش قوي.
المهم بالنسبة لحالتي أنا كانت الدكتورة مها قالتلي انتي حالتك كويسة فحبدأمعاكي بجرعة قليلة وكتبتلي على ادويه في الاول وبعد كده زودت العلاج بالتدريج وخدت حقن وطبعا زودت كميتها بالتدريج,يعني تقريبا اخدت 3 أسابيع في العلاج فكانت تكلفة العلاج تقريبا في حدود 3500 جنيه او اكتر شوية وده تقريبا من غيرالمثبتات اللي بعد كده,
وفي طبعا شوية تحاليل كنت عملتها بس مش فاكرة بكام بالضبت,بس كل اللي اقدر اقولهولك ان الموضوع كله كلفنا تقريبا 14000 جنيه.
وبالنسبه للمركز نفسه انا بس اللي كان بيدايقني انه صغير ,او يمكن اناكنت بحس كده عشان الزحمة..او يمكن كل المراكز كده ..مش عارفة,اما غير كده هم كويسين خالص ومحترمين ومتعاونين و مواعيدهم مظبوتة الى حد كبير , يعني مثلا ممكن يدينا معادالساعة 1.20 وندخل فعلا في المعاد ده,وكمان عندهم قسم اسمه قسم التنسيق ده فيه دكتورات صغيرات يقعدوا معاكي ويفهموكي الخطوات براحة ويجاوبوكي على اي استفسارات حتى لو عن طريق التليفون.
ده اللي انا فاكراه دلوقتي ولوافتكرت حاجه تاني حبقى اقولهالك,واي استفسار عندك بخصوص اي حاجة انا تحت امرك.
آسفة لو كنت طولت عليكي بس حبيت اقولك كل اللي عندي عشان يمكن اي معلومة تفيدك,وربنا يوفقك ان شاء الله.

معلش ياملك كنت عايزة انبهك لعدة حاجات لو كنتي عايزة تعمليها في مصر:

• تاخدي بالك انك متضمنيش الموضوع ياخد اد ايه وقت,انا بقولك كده عشان اكيد اجازتكوا حتبقى محدوده,وعشان كده المفروض تبقي عاملة حسابك ومتكونيش مستعجلة,يعني ممكن مثلا جوزك يسافر وانتي تفضلي في مصر تكملي الخطوات,انا بقولك كده عشان بقدر الامكان تعملي حسابك.
• متقوليش ابدا انك عايشة في الخليج عشان ميستغلوش ده.

اهم حاجه ياملك انك تصلي استخارة كتييييييييييييييييييييييييير عشان ربنا يلهمك الصواب اذا كنتي تعمليها في البحرين ولا في مصر,وربنا يوفقك ان شاء الله وتكون المحاولة الجاية هي المحاولة الاخيرة وربنا يرزقك ب 3 تواءم يملوا حياتك عشان متبقيش تألفيلنا شعر حزين كدهوتألفيلنا شعر حلو زي ده:

ضاقت فلما استحكمت حلقاتها ..........................................فرجت وكنت أظنها لا تفرج

[DR_LOLA]

ام حبيبه
حبيبتى انا الحمد لله احسن جزاكى الله كل خير
وكلامك لملك ان شاء الله يفيدها
وفعلا مركز ادم له سمعه جيده خاصه فى الحالات التى يكون فيها السبب من الرجل

انا مش كنت عارفه انك مسافره للحج
ياررب تروحى وترجعى بالسلامه ان شاء الله
حج مبرور وذنب مغفور ان شاء الله
وان شاء الله ربنا يرزقك ويرزقنا جميعا الذريه الصالحه التى تقر اعيننا اللهم امييييييين
لا تنسينى من صالح دعائك

[lidia_mo]

ألف سلامة عليكى يا لولا ما تتعبى نفسك كتير احنا قلنا ايه الراحة ثم الراحة ثم الراحة , ربنا يكملك على خير .

[ملك المالكى]

مللك يا جميله
الشعر جميل بس ليه حزين كده
والله يا ملوكه انا مؤمنه بالمثل ده جدا كل تاخيره وفيها خيره ان شاء الله
انتى عارفه انا رحت المركز من شهر 5 وعارفه عملت العمليه امتى شهر 9 يعنى عادى جدا
و3 شهور مش يزعلوكى كده
تعرفى ويمكن احسن ربنا كاتبللك تعممليها فى مصر ان شاء الله فى مراكز اكثر وبسمعه معروفه وباقل تكلفه
الخير فيما يختاره الله يا جميل توكلى على وان شاء الله كل امورك خير اللهم امييييييييييين

لولا حمدالله على سلامتك ربنا يكمن عليكى دايما قلقتينا والله عليكى مش متعودة تغيبى كدة ,وياريتك ترتاحى خااااااااااالص واى تعب تحسى بيه تاخدى اجازة من الشغل على طووووووووووول
وانا فعلا بدات اغير رايى وافكر اعملها فى مصر هو الدكتور نفسه قاللى انا ممكن اجهزك وتنزلى تعمليها فى مصر اوفرلك
لكن اللى قالقنى ان المشكلة دلوقت بقت مشكلتين يعنى الله اعلم ممكن كمان تلات شهور نلاقى عينة جوزى اتحسنت لكن التكيسات لسه مراحتش او العكس ونضطر ناجل تانى يعنى قلق من الناحيتين
هو انا ممكن اعمل العملية رغم التكيسات ولا لازم تروح الاول؟؟؟؟؟؟؟؟؟؟
عموما هى كدة كدة مكتوبه عند ربنا هتتعمل ولا مش هتتعمل وامتى وفين وهتنجح ولا تفشل
المشكلة ان الانتظار صعب و التلات شهور تحسيهم اطووووووووووول كتييييييييييييير

[ملك المالكى]

ام حبيبة الله الف شكر ليكى حبيبتى على ردك وعلى نصايحك كماااااااااان
ربنا يقدم اللى فيه الخييييييييييير وادينا ماشيين فى العلاج ولما يجى وقت العملية مكان ما ربنا كاتبلنا هنعملها انشاءالله
انا والله مش عارفه اخد قرار لان بصراحة لما بحسبها بلاقى فرق مادى طبعا لكن مش بلاقى الفرق كبيير قوى يعنى هو الفرق الاكبر فى اسعار الدوا صراحة مش فى العملية
واكتر حاجة مخوفانى بقى قصة الزحمة دى
المركز هنا بصراحة ماشاءالله راااااااااقى جدا ومنظم وهااااااااادى
ربنا يقدم اللى فيه الخير ويمكن ربنا عمل فترة الانتظار دى عشان نفكر كويس ونستخير ربنا ونوصل للقرار الصحيح
بس ممكن اعرف سبب فشل العملية ايييييه
وايه اسماء الادوية اللى جوزك اخدها الاول؟؟؟؟

[DR_LOLA]

ليديا
الله يسلمك يا حبيبه قلبى
هاعمل ايه الشغل متعب وباحاول ارتاح على قد واقدر ان شاء الله
ربنا يستر
وانتى اخبارك ايه ؟ ياررب تكونى بخير انتى والكتاكيت

[DR_LOLA]

ملوكه
يا حبيبتى اولا 3 شهور مش كتيير خالص وانا باقوللك حصل معايا نفس الشىء لما رحت للدكتور فى شهر 5
قاللى نحاول نرفع عدد الحيوانا المنويه ونجرب تلقيح صناعى وقلتله مش عايزه برضه صمم ان زوجى شوفه دكتور ذكوره فى المركز علشان يعرف سبب التفاوت الكبير فى تحاليله
المهم انتظرنا لشهر 6 عقبال ماخذنا ميعاد
انا بس باقوللك ان الحاجات دى وارد جدا تحصل و3 شهور مش مشكله ان شاء الله

بالنسبه بقى لاسباب التاخير انا شايفه انها مقنعه جدا
اولا علشان عينه زوجك تكون احسن ويكون فى عدد حيوانات منويه اكثر وده بيزيد من نسبه النجاح ان شاء الله
ثانيا علشانك التكيس فى حد ذاته مفيش مشكله ممكن تاخذى منشطات ويحدث تبويض عادى بس بتكون استجابه المبيض افضل لو المبيض مرتاح والتكيسات اقل ان شاء الله
يعنى اسباب التاخير مقنعه جدا وفى مصلحه العمليه ونتائجها ان شاء الله
ملوكه خليكى متوكله على الله حق توكله وهو القادر على ان يرزقك من حيث لا تحتسبى ان شاء الله

موضوع الزحمه ده للاسف انا واجهته فى مركز ابو الغار والحقيقه تعبلى اعصابى لانى باكره الانتظار
وكنت ممكن انتظر فى كل ميعاد اكثر من 2 او 3 ساعات
بس عادى ده غصب عنهم لان الناس كتير للاسف
ربنا يرزقك ويرزقنا وكل اللى يتمنى الذريه الصالحه عاجلا ليس اجلا ان شاء الله اللهم اميييييييييييييين

[ملك المالكى]

الف شكر يا لولا يا حبيبتى على الرد
انا مش خفت انهم تلات شهور انا خفت المسالة تطول فوق كدة لان بقى فى مشاكل من الجانبين زى ما بقولك يعنى خفت نعيد التحاليل بعد التلات شهور تظهر تحسن من ناحية ومفيش من الناحية التانية فننتظر اكثر واكثر
بس كلامك عن التكيس طمننى
انا كنت فاكره انه يمنع تماما العملية وانا اعرف انه بياخد وقت على ما تذوب الاكياس لوحدها
وبالنسبة لمكان العملية انا قررت اعمل زى ما ام حبيبة قالت هستخير ربنا من هنا ليوم ما يحين معادها ونشوف ايهما افضل ولو انى بميل اكثر لعملها هنا لاسباب خاصة كتيرة
ربنا يقرب الايااااااااام وتبقى كل حكاوينا دى ذكريات قديمة

[ملك المالكى]

الراجية رضا الله لا حس ولا خبر
يارب تكون تعبانه من الحمل عشان كدة مش قادرة تدخل
بس ياااااااااااااااريت تطمن عليها
وكمان عيون زى القمر المفروض تظهر نتيجة التلقيح الصناعى
يااااااارب يكون غيابهم خيييييييييير

[نسمة عابرة]

السلام عليكم ورحمة الل وبركاته :

أخواتي في الله هذه أول مشاركة لي ، أمس سهرت على هذا الملف وتقريبا اخذت فكرة عن تجاربكم وبالصدفة

ذكرت إحدى الأخوات الدكتور ناصر البيه ومدحته كثيرا وهذا ما أود الاستفسار عنه طريقة تعامله ، جو العيادة

طاقم العمل أخلاقه وأمانته ودرجة الثقة بالمركز وهذا أهم شيء وطبعا التكاليف لأنى مقدمة على عملية تلقيح

مجهري وهي العملية الرابعة بالنسبة لي أرجو من تعرف شيء عنه لا تبخل علي بالمشورة ولكم جزيل الشكر .

[ملك المالكى]

حبيبتى نسمة عابرة اهلا بيكى بيننا ويارب تكونى استفدتى من تجاربنا
بالنسبة للدلكتور ناصر البيه
هو الدكتور الخاص بمهندسة عراقيه وهى اخت عزيزة وجميله ولن تتردد فى مساعدتك وعندما تدخل وترد عليكى هتتاكدى بنفسك من اخلاقها العالية
وفى كمان الاخت شانيل راحت له بعد ما اخدت ارقامه من مهندسة
وهو على حسب معلوماتى دكتور مصرى فى الامارات ومركزه اسمه مركز البيه
وحسب كلام مهندسة هو دكتور كفء واخلاقه عاليه
وانشاءالله هى تدخل وترد عليكى
وربنا يعينك وتكون التجربة القادمة اخر تجربة و يكون دخولك معانا مصدر الخييييييير ليكى يااااااااااااااارب