تويت
أخواتي لمصلحتكم ومصلحة البيبي ... أتمنى تدخلون وتعرفون ؟؟؟
مسااااء الخير خواتي ؟ اشلونكم ،،، ان شاء الله بخيييير
عسى دووووومتفاجأتوا من الصووورة
الحين بتعرفون بقولكم سالفة 
أمس مانمت بالليييييل من الحاااارج 
((( الحموضة ) وااايد تضايقت وطبعا أنا عارفة من شنو .... هو البطاط المقلي "" الفرنش فراااايس " واااايد أحبه وخصووووصا مال ماكدونالد هو المطعم الوحيد الي أتقبل أكل منه وأنا حامل ... بس مو واااايد ... المهم وقلت لصديقتي اليوم بالسوالف عن الحموضة والبطاط ، فانصدمت !!! وقالت لي لا تقربييييين منه وأنت حامل وهم لما ترضعيييييين ؟؟؟ قلتلها أدري لأن فيه دهن ويسبب الحموضة بس أنا ماكو فايدة مني .... المهم انها ماكانت تقصد الدهن !!!! فقالت لي ان فيه مادة بس ما تعرف اسمها تسبب السرطان للأجنه !!!!!!!!!!!!ياااا حسرتي
واااايد اخترعت وقلت أنا بتأكد من الموضوع وراح أدوّر بالنت !!!!
وبحثت اليووووم والله كلامها طلع صحيييييح
المهم هذي المادة المسرطنة طلع اسمها " أكريلاميد " وفي دراسة ألمانية تقول انها خطرة على الحامل و المرضع لأن الأجنه والرضع أكثر عرضة للآثار السرطانية ((( الله يحفظهم ))) لأن هذي المادة تذوب بسرعة مع الماء في الجسم مما يعرض الأجنه والأطفال الحديثي الولادة الى خطر انتشارها في أجسامهم وارتفاع مستوياتها أكثر من البالغين لأن نسبة الماي في في جسم الجنين أكثر من البالغين وجسمهم ما كمل نموه وهذا هذي المادة انها تدخل للجهاز العصبي بسهوووووله ،،،، لأن الحاجز العصبي عند البالغين نموه كامل يمنع مروور أي مادة قابلة للذوبان عكس الأجنة والرضع
تبون تعرفون شنو هذي المادة ؟؟؟؟
هي مادة صلبة على درجة حرارة الغرفة ذوابة في الماء تكون موجووودة في بعض المأكولات التي تتعرض لدرجات حرارة عاااااالية مثل القلي ....
وأول من لفت الانتباه العالمي الى هذه المادة هم الباحثون السويديون في جامعة ستوكهولم في شهر ابريل 2002 .... وأحنا الحين ندري
وكيف نشأت في البطاط المقلي ؟
هو أنهم يعتمدون ... أي الباحثون أن تفاعلا كيماويا بين مكونات المواد الغذائية مع النشويات وبدرجة حرارة عالية بنتج مادة " الكريلاميد "
وليييش في البطاط ؟
لأن أكثر ما ينطبق عليها شروط تكون المدة المسرطنة لأن الحامض الأميني والسكر بالبطاط يتعرض لدرجات الحرارة العالية وخصوووووصا في مطاعم الوجبات السريعة
الحل؟؟؟؟؟؟؟؟
التقليل من المقليااااات ،،، وعموما هي غير مفيدة سواء للحامل أو الغير الحامل ،،، وسبحااان الله مع الحامل أساسا جسمها يرفض هالأكلات المقلية ويسببب الحموضة وثقل بالمعدة ولا منه فايدة والله يا بنات الوحم عند الحامل نعمة !! لأن يخليها طبعا مو دايما انها تبتعد عن الأكل الضار نعمة من الله لحماية الجنين .... الحمد لله
ونصيحة ثانية : الى جانب التقليييييل جدا من أكل البطاطا المقلية وخصوصا من المطاعم .... اذا البطاط انتي تقلينه فيفضل التقليل من درجة حرارة الزيت وما تكون على درجة 180
==========
والله يا بناااات أنا ما كتبت هذا الموضوووع الا لمصلحتكم ومصلحة البيبي وأكيييييييد اهوا مهم عندكم ،،، والوحدة منا لازم تقلل من هالأكلات المقلية وخصوووصا في هذي الفترة الحرجة لأتها تتعلق بحياة مخلووووق آخر
الله يحفظنا ويكافينا من هالأمراض ويحفظ عيااااالنا من كل شر
وياااارب با سميع يا مجيب يا رزااااق يا معطي ارزق كل محروووة بالذرية الصالحة أأأأمييين
تعليق