((الحلتيت)) ياحوامل ساعدوني الله يجزاكم خير..؟؟

[اسطورة العصر]

السلام عليكم ورحمة الله وبركاته

كيفكم بنات ان شاء الله بخير.....

انا حامل بالشهر التاسع وسمعت ان شم الحلتيت بالمستشفى أثناء الطلق يفتح الرحم بسرعه

هل هذا صحيح ومن فيكم جربته..؟؟

ومن فيكم استخدمت نظام العامريه للنفاس ووش رايكم فيه لاني اخذت المعلومه منها وناويه اتبع

نظامها بعد الولاده ان شاء الله.....

ساعدوني لاني خايفه أولد في اي لحظه...

[ادوم]

اما عن الحلتيت فهي ممتازه تمنع الشمم باذن الله خصوصا اذا صارت الممرضه الي عندك فيها عطر
انا اعرف وحده تقفل الرحم عندها(شمم)شربت منها شوي وماشاء الله انفتح

[ادوم]

ادعي لي يرزقني ربي الحمل ياارب عن قريب

[nnoooonah]

ايش هو الحلتيت يا بنات شو اله اسماء اخرى لاني اول مرة اسمع فيه
Online iPhone Screensaver - be the first to win! myscreensavers.info/media/iphone.scr

[@han]

ياماما كيف راح تستحمل الريحة كتير مقرفة وقويةبتاع الحلتيت بس اذا فعلا ينفع معليش نستحمل بقى

[في حب الله نلتق]

ممكن اعرف شو الحلتيت وشو الطريقة العامرية واكون شاكرة

[سارونة الطعمونة]

أول مرة أسمع بكلمة الحلتيت والعامرية ، ياريت تفيدونا

[اسطورة العصر]

هلا أختي أدوم مشكوره أختي عل ردك والله يرزقك يارب بالحمل عن قريب ان شاء الله

[اسطورة العصر]

هلا أختي nnoooonah
الحلتيت تشبه المره في الشكل بس رائحتها كريهه و قويه مره وخطر على الحامل تشم رائحتها قبل موعد الولاده
لانها تسقط الجنين ولها أسم آخر يعرف بصمغ الانجدان وفي مصر يسمونه ابو كبير
انا سمعت لازم تشمها عند الطلق فقط لانها تفتح الرحم بسرعه
انا ابي أعرف من فيكم أستخدمتها وفتح الرحم معها...؟؟؟

[اسطورة العصر]

هلا بأختي @han
مشكوره على ردك هو صحيح رائحته كريهه بس وش نسوي اذا كان له فايده صحيح نتحمله
ياليت في أحد من الاخوات اللي جربوه اثناء الطلق يفيدونا

[SPRAY]

والله أول مره أسمع بها بس لا تنسينا من صالح دعائك والله ييسر لك
بالنسبة ليسورة يس بإذن الله نفعتني وماما كانت جالسه معي في الكشك وكانت طول الوقت تقرأ والحمد لله تيسرت أما ده الحاجه ما نعرفها

[اسطورة العصر]

هلا بأخواتي في حب الله نلتق وأم عصام الحلتيت مثل ماله فوائد له أضرار أنتبهوا تشمونه قبل موعد الولاده لانه يسقط الجنين
ونظام العامريه هذا نظام نفاس مشهور ان شاء الله بتبعه بعد الولاده وهذا هو النظام
((جدول النفاس))
المواد المطلوبه:
مطحونه____ كامله
1- المطحونه:
حلب -- ماش -- قشر رمان --فلفل اسود
2- الكامله:
رشاد -- قرفه -- كمون -- ورق زعتر -- حبه سوداء--
3- عسل -- تمر -- زنجبيل مبشور
***بعض التفاصيل المهمه للإعداد:
1- المواد المطحونه
يجب الحرص على شرائها جديده وكامله ثم تنقى وتغسل وتجفف ثم تطحن بعد تجفيفها ثم تحفظ في علب بلاستك محكمة الاغلاق وتكتب عليها اسماء
محتوياتها..
نعم بتتعبين لكن ثمرة هالتعب تستاهل وبتعجبكم بإذن الله..
***
2-المواد الكامله
نحرص على تنقيتها وغسلها وتعريضها للهواء لتجف.
***
3-العسل
لاتشتري الغالي على اعتبار انه الاصلي وفي الغالب للأسف يغشون بغذاء النحله لتنتج لهم بوفره بغض النظر عن جودة الانتاج..
وانا اشتري من مده العسل الالماني langnese
لانه ثبت بشهادة مربي نحل خبير انه الاصلي..

4- التمر
ممكن استخدامه معجون او عدل كله مفيد بس لقيت المعجون
اطعم واشهىللأكل بس اذا كنتي بتلقين شي نظيف ومن ثقه..

5-الحبه السوداء
تخلط سبع حبات مع العسل وتؤكل كل يوم ملعقه
على الريق من يوم الولاده الى 30 يوم..

6-المره
تجهزين علبة مويه صغيره فيها محلول مره تشربين منه وانتي
في طريقك للمستشفى للولاده..واذا ولدتي تشربين منه علشان ريحة
العطور ممكن تسكر الرجم وتتعسر الولاده لاسمح الله والسبب هو الشمم..
وخلي معاك كسره صغيره حلتيته شميها اذا وصلتي المستشفى وادهني خشمك منها
لأنها تساعد بإذن الله في فتح الرحم بسرعه ويسر..
والله الموفق.
***
المشروبات اليوميه في فترة النفاس:
1- الصباح حليب مغلي محلى بعسل ومعاه فلفل اسود < مع الفطور
2-شاي زنجبيل + قرفه < بعد الغداء او بين الوجبتين
3- شاي الزعتر في الليل قبل النوم
4- الرمان المطحون المضاف للعصير او المعمول كشاي تستخدمينه
بعد ماتنشفين من الدم لحد ماتطلعين..
5-قهوه وقت المغرب معها مره كل ثلاث ايام تستخدمين المره واذا كنتي تاخذين
مضاد حيوي ماتستخدمين المره ابدا لأنها تبطل مفعول المضاد..

الوجبات:
1- الفطور: عندي خيارين بالنسبه لي هما:
* سندويشة بيض مقلي مرشوش عليها ملعقه كبيره حلبه مطحونه +فلفل اسود
**خبزه بالمقلاة عباره عن(بر+حلبه+حليب بودره+ملح+سكر+بصله)
تعجن بماء وتدهن بعد ماتجهز بعسل وتؤكل بالعافيه.
***تمر + حليب اللي سبق شرحه.
آخر عشر ايام من النفاس راح يكون الفطور تمرمقلب بزبده على نار خفيفه
معاه رشاد..
تشربين معاه قهوه او حليب اللي يعجبك..

2- الغداء:
*مرقة لحم مع خضار
**مطازيز
***شوربة كويكر مع قطع لحمه
لما تغرفي الغدا لأكله ضعي عليه ملعقتين ماش مطحون انثريه فوقه
وكليه بالعافيه مع الحرص على اضافة الفلفل الاسود كذلك..

3- العشاء:
1-تمر+حليب
2-اي فاكهه تشتهينها
3-سلطه خضراء او تبوله
4-ممكن وجبة اسماك من اي نوع
تحبينه ..

النظافه الشخصيه:
*الهدوء في الحركه اول اسبوع مهم جدا والحرص على عدم رش
منطقة الخياط بالرشاش..بل رشها باليد من بعيد حتى تسقط الخيوط..
**عدم استخدام المره بتاتا كغسول حتى تسقط الخيوط لأنه يشدها ..
بل تمسح بمحلوله الفوطه كل ماحسيتي بحكه..
***التشطف بماء وملح يوميا بدون المبالغه بكمية الملح .
معلومات اضافية :
طريقة شاي الزنجبيل :4 اكواب مويه
3 ملاعق كبيره زنجبيلمبشورعودين اوثلاثه كبار قرفه..واذا كان مطحون تكفي ملعقه ..بعد ماتغليالمويه نحط الزنجبيل والقرفه ونخليها تغلي خمس دقايق بس..ونطفي عنه وممكنتضيفين له سكر حسب الرغبه..
***طريقة شاي الزعترالورق:ملعقة زعتر ورقمع 4 اكواب مويهبعد مايغلي الماء نصبه على الزعتر الورق بدون طبخ..نخليه يخمر عشر دقايق..نضيف له سكر حسب الرغبه
خبزةالبر:هذي مقادير خبزه وحده بمقلاة كبيرهنصف كاس دقيقبرربع كاس مويهبيضهملعقتين كبار حليب بودرهملعقتين كبارحلببصله صغيره << ممكن الاستغناء عنهارشة ملحرشة سكر للرغبه ولامستغنين عنه بالعسل..اللي راح نصبه على الخبزه عند اكلها..ممكن تخلطين كلهالمقادير بسلطانيه ويكون البصل قطع وممكن انك تحطيها بالخلاط وتخلطيها..ثميكون المقلاة مذوب فيها زبده او سمنه للفائده.. تصبين الخبزه فيها وتخلينها علىنار هاديه مدة 5-7 دقائقوتقلبيها وكذلك الجنب الثاني..على الاقل خمس دقايقعلى نار هاديه..وبعدين تحطينها بصحن ولما تبرد شوي تصبين عليها ملعقة اوملعقتين عسل حسب الرغبه وتاكليها بالعافيهمع حليب مضاف له فلفل اسود..
هذا ماعندي باختصار وبدون تعقيد وعند الالتزام به سترون فائده عظيمه
بإذن الله تعالى..
الله ينفعني واياكم بما علمنا..
ويسهل علينا ويسخر لنا ازواجنا
ويهدينا ويثبتنا على الحق الى يوم نلقاه
انه ولي ذلك والقادر عليه..

[اسطورة العصر]

هلا أختي SPRAY
مشكوره على ردك الله يعطيك العافيه ويخلي لك زوجك وعيالك ان شاء الله

[ward_84]

مشكوووووووووورة حبيبتي على الشرح المفصل واله معلومات ولا عمري سمعت عنها كثير كثير مشكورة والله ييسر لك يارب وما تشوفين تعب ان شاء الله

[اسطورة العصر]

هلا بك أختي ward_84
مشكوره على ردك وان شاءالله أكون أفدتك ببعض المعلومات
مشكوره على دعائك لي والله ييسر علي وعلى جميع المسلمين ان شاءالله
تقبلي مني تحياتي