للأستفادة وبالذات حبيبتى لولو 
كاتبة الموضوع جزاكى الله خير قصتى مع التكيسات عجيبة وغريبة يعنى حوالى من خمس سنوات كنت لسه فى اخر سنة فى الجامعه وكان جسمى متناسق وكل أمورى تمام ماعدا ان الدورة بتتأخر عليا بالذات لما اكون متضايقة أو متوترة أو عندى أمتحانات ، من يوم ما بلغت وهى كده وكل ما اقول لماما البنات كلهم بتجيلهم منتظمة تقولى معلش بكرة كله يبقى تمام وبعدين فجأه وزنى زاد رغم انى وجباتى زى ماهى وحركتى زى ماهى لكن ضهرى وجعنى من زيادة الوزن والدورة بدات تتقطع بالثلاث شهور والاربع شهور ، وامى قالتلى اخاف انى اروح لدكتور يعطيكى حاجات غلط انتى لسه بنوته ( مكنتش لسه اتزوجت) ولكنى قعدت نفسيتى سيئة جداً واصريت انى اذهب لطبيب وبالفعل قلت لصديقة امى دكتورة صيدلانية قالت لامى لازم نروح وفعلا حجزت لنا عند دكتور كبيييييير ورحنا قالى انا ممكن اعطيك حبوب تنظمها وبعدين اعطيكى دواء قبل الزواج بسته اشهر لتحفيز المبايض ومقالش ايه عندى غير انها غير منتظمة وده العلاج اللى يقدر يعمله، احبطت ورفضت اى دوا وبالصدفة دكتور نساء كبييييير صديق والدى وهو اللى ولد امى فى اخوى الصغير والدى قابله بالصدفه بعد مده كل واحد فى انشغالاته وسفرياته وقابله قاله لازم تتفضل تشرب شاى معايا والطبيب طلع عندنا وكنت مازالت نفسيتى سيئة وسلم عليا وقالى انتى كبرتى وكنت صغيرة والكلام ده وبعدين قالى مالك انتى تعبانة بابا قاله هى زعلانه عشان حصل معاها كذا وكذا وكذا وحكى له القصه راح كشف عليا وهو عندنا على بطنى ووضع يده على اماكن معينة مثل تحت الابط واعلى الاليتين وقال دى عندها تكيس حااااد فى المبايض وصل لمرحلة عالية جدا ولازم ضرورى أجراء جراحه عاجلة.....وطبعاً طلب منى سونار على المبايض والرحم وبعض التحاليل وفعلاً طلع عندى تكيس مثل العنقود على المبايض وكان المبايض ممكن تدمر لانه كان حيوقف عملها تماما ودخلت عملت جراحه عاجلة فتح بطن يعنى عملية كاملة اسمها تقشير المبايض وازالها تماما وقعدت ثلاث سنوات مبسوطة جدا جدا وجسمى رجع احسن من الاول ورشيق جداً والدورة منتظمة بالساعه واليوم وكل الامور تمام ، وبعد حوالى سنتين او سنة ونصف بدات تتلخبط تانى بس مش الاول خالص ويقال ان ده بيبقى اسبابه عصبية وانا فعلاً انسانه عصبية جدا وحساسة زيادة عن اللزوم بس عصبيتى على نفسى يعنى ما بقدرش اخرج عصبيتى على حد حوليا ، المهم بدات تتلخبط وجسمى برضو وزنة زاد بس مش زى الاول وكنت اتخطبت وقربت اتزوج فذهبت لطبيب آخر لان صديق الوالد كان مسافر بره مصر اعطانى منظم للدورة ولكنه عملى تجلط فى الدم بعد حوالى 4 شهور ( فيه بعض الاجسام جسمها قابل للتجلط من هذه الادوية) المهم تزوجت وبعد الزواج لم تاتى الدورة لمدة شهرين ففرحت وذهبت مع زوجى احلل وفوجئت التحليل سلبى ، فذهبت لطبيبة بعد ماهو طبعاً استغرب جداً قلتله متقلقش انا متعودة على كده وبالفعل انا كنت تحت ضغط عصبى وقت الزواج وذهبت للطبيبة كشفت ووجدت على احدى المبايض كيس كبير حوالى 4,5 سم بس الحمد لله مش عناقيد من التكيسات كما فى الماضى فاعطنى دواء السكر اللى هو سيدوفاج واعطنى مانع حمل اسمة نوردت لمدة شهر واحد فقط وبعد الشهر ذهبت لها وجدت الكيس اصبح لا يذكر حوالى نصف سم ولكنها قالت لى لن اعطيكى منشطات قبل ان تسوى اشعه بالصبغة وانا اعلم ما هى الاشعه بالصبغة وكيف هى مؤلمة فتضايقت منها انها لم تقول لى من الاول سوى الاشعه والفحوصات وقلت لماذا لا تعطينى منشط وتنتظر النتيجة وان لم يحدث حمل تترك هذه الاشعه للنهاية فتضايقت وتركتها ولكنى ظللت اخذ السيدوفاج فقط اللى هو دواء السكر لانه بيمنع ويقتل التكيسات وبعد حوالى شهر عرضت على ام زوجى ان اذهب لطبيبها وذهبت معها واعطانى منشط اسمه كلوميد من تانى يوم الدورة حبه واحده لمده خمسه ايام وايضاً السيدوفاج وقال لى خدى العلاج تلات شهور وان لم يحدث حمل ضاعفى الجرعه ثلاث شهور اخرى وبالفعل اخذت العلاج وأستمريت عليه ثلاث شهور رغم انى تعبت منه ورجلى ورمت وبدات اتعب واشعر بثقل فى جسمى ومعدتى تؤلمنى كل هذا اثار جانبية.
تويت
تعليق