سيرة وانفتحت.............للحوامل وغير الحوامل

[Dandosh]

حلوة قصصكم.... عم نتابع

أيمان وينك ما رجعتييي

[عاشقة الحلويات]

هلا وغلا بأختي Dandosh

تسرني مشاركتك الغالية

بس بدي أعرف كيف أجا من قلبك تأخري الحمل الله يصلحك

الله يهنيك وما شاء الله على سهولة الحمل وعدم المعاناة خلاله الله يتمم عليك يا رب

بصراحة لو منك ما بخبر زوجي أني حامل وهو ببلد ثاني بستنى لحتى فاجئه بالخبر

لأني بصراحة بحب شوف نظرة عيونه لما يسمع خبر الحمل

وكان معك حق تخافي وشو بدنا نعمل هيدي شغلتنا نتعب ونحمل ونشقى ونطلق

ونخلف ونرضع ونحفض ونطعمي أطفالنا لكن من قليل بدها الجنة تكون تحت رجلينا

وصدقي لو شاء الله تعالى لأي جنين بالعيش فسيعيش مهما صار عليه من مصاعب

فالذي له عمر وله شقاء بالحياة لا بد له من أن يأخذ نصيبه كما كتبه الله تعالى له

ما بتتصدق الحوادث اللي صارت معك خلال حملك فكلمة مناضل على ابنك قليلة كتير

لازم تسميه بعد كل هالوقائع مجاهد أو مقاتل

الله يحمي لك أولادك يا رب العالمين ويرزقك برهم وسعادتهم

ولا طولت علينا ولا شيء بالعكس ناطرين تكتبي لنا المزيد

ودمت بخير










































































هلا بك أختي meme-alhajery-s

الحمد لله على سلامتك قبل كل شيء ومعك حق أنك حملت بسن مبكرة ولكن احمدي ربك وما شاء الله تبارك الله

أنه قد جاءك أولاد وبصراحة أنت مجاهدة بالفعل كيف تحملت أربع ساعات فقط للوصول للمشفى بالمدينة

بصراحة كنت بوضع لا تحسدي عليه

أنا مثلك صحيح طولوا بالمستشفى لحتى قبلوني لمدة ست ساعات وهم وقحين معنا وما فيهم ضمير

بس بالآخر فوتوني ورجلهم فوق راسهم


مسكينة كيف كنت عم تتعبي كل هالتعب بالحمل بس الحمد الله اللي عوض صبرك خير

والله يحمي لك أولادك ، أنا متاكدة لما تطلعي بوجههم أنك بتنسي كل التعب اللي كان وبتنسي شو صار لك

وتأكدي بأن ربك الذي قدر على أن يرزقك بولديك قادر على أن يرزقك بأخ أو أخت لهم مهما كانت حالتك

ولو لك قسمة ونصيب بالمزيد بالأولاد في حياتك فستحصلين عليهم لا محالة بس اصبري وادعي ربك

ويا ستي الله يطعمنا ويطعمك

أنا ساعات بجن بس بدي أحبل وصير حامل لأنو ابني ما شاء الله عليه حيطبق ثلاث سنوات

بس بحاول هدأ حالي وأتركن وأستهدي بالله وأتذكر بأنه لو لي قسمة بالمزيد من الأولاد فإن

الله تعالى لن يؤخرهم لي وسأخذ نصيب وقسمتي في حياتي كما كتبها الله لي .

وبالعكس لا أطلت ولا شيء وبتمنى أنك ترجعي لنا وتحكي لنا كمان

فقد أسعدتني مشاركتك جداً ودمت بحب وخير

























































































































هلا وغلا Dandoon

كيفك يا ستي فرصة سعيدة أنك مررت بالموضوع وشاركتينا به وإن شاء الله عن قريب

تعيدي مشاركتك به وأنت تحملين طفلك على حضنك

والله يتمم لك على خير والحمد لله اللي عوض صبرك بهالأربع سنين بحمل والله يتمم لك

السعادة وتحملي طفلك بحضنك عن قريب

ولا تخافي ولا تتوسوسي اتكلي على ربك واللي كاتبه بده يصير

بس ادعي الله ييسر لك ولادتك ولا تنسي بدل ما تقولي آه وأه قولي الله الله وادعي لي معك بالمرة

ناطرين المزيد من مشاركاتك حتى تسمعي سيرنا ونسمع سيرك






























































































































هلا وغلا بأختي linda82

قصتك ما بدها بس خمس صفحات قولي بدها خمسة آلاف صفحة

معقول اللي صار معك الحمد لله اللي الله سبحانه وتعالى صبرك وعوض

ما حصل معك خير والحمد لله على سلامة زوجك وسلامتك وسلامة البيبي

والله يجازي صديق زوجك بشر أعماله وينتقم منه رب العباد على فعلته

بس بذمتك مو فرق من الأرض للسما بين أفريقيا والسويد

صدقي حالتي مثل حالتك صحيح كان زوجي بنفس المستشفى ولكنني

ولدت وما في حدا معي وجلست بالمستشفى وكمان ما في حدا معي

ما كنت شوف زوجي غير ثلاث ساعات يومياً ونقضي حوالي أربع ساعات على الجوال

وطق قلبي لحتى رضيوا يفرجوا عني بالمستشفى

والحمد لله اللي حملت مرة ثانية والله يتمم لك على خير

ولا تخافي ولا على بالك بعدين فيه واحدة مؤمنة بربها مثلك بتخاف وربها معها

أنا ما بخبي عليك مثلك لما بمرق من جنب المستشفى وبشوفها ببكي

ودخلت بعدها مرة كمان لعمل عملية اسقاط حمل وبكيت أكثر

بس شو طالع بيدي أعمل هيدا اللي قاسمه الله تعالى لي

وصارت الذكريات ترجع لي بس كنت أحمد ربي أنه ابني برا مع زوجي

وهيدا الحمل ما له نصيب

فلا تخافي ولا على بالك وخلي إيمانك ويقينك بربك قوي

واللي واحدة مثلك تحملت كل هالمصاعب بولادتها

بتكون عزيمتها قوية فوين راحت هالعزيمة يا حلوة

شو قصة رجالنا لما يشوفوا أولادهم لأول مرة بيجبنوا وبيخافوا يحملوهم؟؟؟؟؟؟





































































































أمونة الغالية شو قصة القهوة ما خلصت حتى تشاركينا

ناطرين مشاركتك على نار حتى تضيئي صفحات الموضوع






























































































أم سهيل الغالية وينك

أذن المغرب خمس مرات من خمس أيام

الله يسامحك وين مشاركتك يا غالية

































































































هلا بمالملكة الحالمة

الحمد لله على سلامتك وسلامة ابنك

ومسكينة ما تهنيت بأول شهور زواجك يعني دغري حمل

كان لازم تتهني شوي بكونك عروس

المهم السلامة والحمد لله على كل حال


الله يصلح لك ابنك ويحميه ويطعمه وابني (بنفس العمر تقريباً )

أخ أو أخت لهما إنه على كل شيء قدير



































































































































هلا بأم منال كيفك عساك بخير


وليش لحتى نخلص ما هو عنوان الموضوع سيرة وانفتحت

يعني لن نغلق السيرة بعونه تعالى وسلامة معرفتك النسوان إذا حكوا ما بيخلصوا

فهيدي هي شغلتنا وحالتنا والله يغفر لنا

المهم عم نحكي لحتى نفيد بعضنا وكمان لحتى نفضفض ونرتاح بحكينا عن ما كان بنا

أيام الحمل والولادة

والله يساعدك ويحمل معك يا رب ويعينك على كل فترة حملك

وإن شاء الله عن قريب بتحكي لنا عن تجربتك بالولادة إنه على كل شيء قدير

وناطرين رجوعك وحكياتك وقصصك لنا دمت بخير وعافية




















































































هلا بك أختي أم سمية

مسكينة على طول حمل ولكن لا تزعلي المهم أن أولادك حولك وهم بخير

احمدي ربك يا أختي على أن رزقك بالأطفال وهي نعمة يبحث عنها الكثير

فاحمدي ربك والله يحميهم لك ويرزقك برهم وسعادتهم

شو القصة كل ما حملت واحدة منا بيموت حماها أو حماتها ؟؟؟؟؟؟

صرنا لهلأ ثلاثة نحمل ويتوفى إ‘ما حمانا أو حماتنا ؟؟؟؟؟


سبحان الله

والله يهديك يا أم سمية لا تقولي ما بدي أخلف ثاني

فهذا اعتراض على رزق الله تعالى وفضله

قولي إذا الله تعالى كتب لنا بالمزيد فالحمد لله تعالى

لا تعترضي على رزق الله تعالى لك واحمدي ربك يا أختي

فنعمة الأولاد لا يحس بها إلا من هو محروم منها

وإذا طعمك ربك بالمزيد فعليك الشكر والحمد فهم زينة الحياة الدنيا

وبدونهم لا جمال للحياة ولا طعم ولا لذة

الله يحمي أولادك ويحمي لك زوجك ويحميك لهم













































































الله يتقبل كل صلواتك يا أم سهيل

طولت علينا بس ما مشكلة المهم أنك رجعت لنا بحكايتك

كمان أنت على طول حملت ما شاء الله يعني ما تهنيت بكونك عروس

والحمد لله وما شاء الله

مساكين الرجال الظاهر زوجاتهم بينتقموا منهم لأنهم سبب حملهم

وصاحح لهم فرصة ينتقموا منهم (عن محبية) أليسوا هم سبب وحامنا وحملنا ؟؟؟؟هههههه


الظاهر أنه زوجك تحمل كثير وما لقى فيه فايدة تحبيه مرة ثانية خلال حملك فقال : بلكي إذا بعد

عنك تشتاقي له وتحبيه عن جديد

بس ما قرفت من ريحته على التلفون (أتغشم عليك سامحيني)

الله يحمي لك كل أولادك وسلامي لرنا بالذات (طبعاً ما هي طلعت سورية هههه)

ليش زوجك سوري حتى عم تقولي هيك

يا ستي سوري ولا مصري ولا شو ما كان كلنا عباد الله وكلنا بشر

ومثل ما قلت خلينا بالموضوع

وراس ابنك طلعت هيك لما ولدته لأنه المسكين معناها أكل طلقة (من طلقات الحمل) على راسه

بس أكيد شكل الراس يرجع لشكله الطبيعي

شو بيوجعني قلبي على الأولاد اللي بياكلوا طلقة من الرحم

والله يهديك حتى بينزل رنا الحلوة بيكفي أنها سورية(هههه)

ذكرتيني بأخت لي بعد فترة طويلة حملت وبدون أن تحس وعندها كان ما شاء الله أولاد

وكان كمان بدها تنزلها بس كانت قد تجاوزت عمر تنزيل الحمل يعني كان الحمل عمره حوالي شهرين

وهلأ ما شاء الله لو تشوفي ابنتها بتقول للقمر أنا أحلى منك

أنا بحملي السنة الماضية الذي لم يقدر له رب العالمين أن يستمر كنت كمان أتوحم على ابني

قرفت من ريحته المسكين أكثر مما قرفت من أبوه

كنت لما بدل له حفاضه أتقيأ وأقرف وأبوه هو يكمل له غيار الحفاض

ومن شهرين كمان بحملي الذي نزل كمان توحمت على ابني وكنت أكره أسمع صوته أو أشتغل له شيء

وجعني قلبي عليه كتير بس والله ما كانت الشغلة بيدي يعني هيك كانت أخلاقي منزوعة لحالها بوحمي

ويا ستي الله يحمي لك كل أولادك من اولهم لآخرهم حتى اللي بده يجي على الطريق

والله يطعمك ويطعمنا ولا يحرم كل من بنفسه طفل

وبارك الله لك بأولادك ورزقك أنت وزوجك برهم وحفظهم لك أمين يا رب العالمين
















































































































































هلا بعودتك يا أم منال

الحمد لله على سلامتك

الله يسامحك يا أم منال

رب العباد يرزقك وإياهم فلا تتعذري بالمادة أبداً

فمن خلقهم قادر على التكفل بهم

وعلى قولة أخواننا المصريين: ما حدش حيموت لما ينام من دون عشاء

الظاهر أنك ما بتقدري تجلسي بمكانك لخمس دقائق مثلي

ودمك نار مثلي ما منقدر نشوف البيت قايم قاعد ونحنا متسطحين

ليش حملي اللي من شهرين ليش راح كله بسبب دمي الحار وفورة قلبي أنه

بدي أنظف البيت وأطبخ وأنظف ابني وأطعمه وألاعبه

بعدين لما نزل حملي حسيت بغلطي وحسيت أنني ارتكبت ذنب كبير بحق نفسي وحق من كان ببطني

وأتمنى لو يجبر لي ربي خاطري بحمل أخر ساعتها لن أرفع حتى كأساً أو ملعقة

والله كريم يا أختي كل جنين له عمر سيأخذه كما كتبه الله تعالى له

والله يتمم لك على خير ويطعمك ويعوضك عن ما فاتك من ألام بالولادة والحمل

وتشوفي ابنك على يديك عن قريب عم يبكي ويقول لك ماما رضعيني جوعان

وأمانة عليك ما تتعبي حالك حتى ما تحسي بنفس ما أحسست به من ذنب

فصدقيني كل شيء جالس بمكانه والبيت جالس والشغل جالس فليش التعب وليش الغلبة

خليك متسطحة واشتغلي بأطراف أصابعك من غير تعب ولا مجهود والله يتمم لك على خير

إنه على كل شيء قدير











































































































هلا بك أختي dallo3ah_15

يا أختي صاير معك مثل ما كان صاير معي

أنا حملت بالشهر العاشر من زواجي وكمان هرمون الحليب كان مجنني

ولحد الآن بنفس الوتيرة هرمون مرتفع وما رضيان يعقل ولا يذوق

يا أختي سبب هرمون الحليب سببان عضوي ونفسي

أما السبب العضوي ونسبته 5 % فهو لا قدر الله عليك ورم يسمونه ورم حليبي بالغدة النخامية

وعلاجه بعملية بسيطة

والسبب النفسي ونسبته 95% وسببه نفسية المرأة يعني كلما جاءتها دورة تقول لسه ما حملت لسه ما حملت

فمن كثرة التفكير بالحمل ترين الهرمون من حنانها وطلبها للحمل يرتفع معها

أنصحك بأن تسألي طبيب عن حبوب لخفض هرمون الحليب وقالوا لي فيه إبرة تؤخذ لمرة واحدة

تخفض هرمون الحليب مباشرة وبشكل فعال بدل الحبوب ولكن الطبيب من شهرين لم ينصحني بها

بعد ما سألته لأنه أجهضت بعد ثلاثة شهور من حملي وكان الحليب قد ارتفع لدي من الحمل

فلم ينصحني بها وقال لي بأنها ستعمل لي جورة وحفرة كبيرة بالمكان الذي سأخذها به والله أعلم



واسمعي نصيحة مجرب ونصيحة من أخت لأختها

لا تفكري كتير بالحمل واتركي الأمر على ربك فهو قادر على ذلك ولو لك قسمة بالأولاد

فستنالين قسمتك ونصيبك فقد ادعي ربك واستغفري لعل الفرج قريب

والله يبشرك ويبشرنا عن قريب بالحمل إنه على كل شيء قدير

[ام سهيل]

عشوقة معليش ماهي اجازة وكل يوم طلعات ولما ادخل المنتدى يادوب اشوف شغلي بس والله كنت في بالي

عشان كدة رجعت لك


وبعدين زوجي من اهل المدينة بس لما صار قحط بالمدينة هاجروا اغلب اهل المدينة للشام
واتزوجوا من هونيك

وجدهم الكبير اتزوج هناك
فابو زوجي اشقر وبنتي طلعت مثلهم شقرا
وام زوجي مصرية وامها تركية
وانا هندية يعني شوفي كم عرق راح يطلعوا في اطفالي
بس نحن كمان عندي خالة شقراء وبنات خالاتي عيونهم ملونين

جدي ابو والدي كان الله يرحمه ابيض اهل زوجي مابيصدقوا انه نحن في عندنا بيض وشقر بيظنوا حالهم هم الشقر بي
جدتي تحكي انه عندي عم اتوفى كان اشقر وحلو وجميل كثير
بس اتوفى وهو صغير.


الله يرحمهم كلهم .

عرفت ليش رنا شقرا .

[عاشقة الحلويات]

هلا أم سهيل كيفك

ما شاء الله عليكم يا أم سهيل

لازم تسموا عائلتكم عائلة السبع دول

على مبدأ أكلة اسمها سبع دول

يعني مشكلة ومختلطة كتير

يا ستي الله يحمي لك أولادك كلهم ويرزقك برهم أمين يا رب العالمين

[طيـــف]

ام سهيل معلومه جديده

كيف هنديه! انتي ولا سعوديه؟!

بعدين صحيح في من الهنود حلوين وجذابين بس ماقد شفت هنود شقر
هم خمرييين وعيونهم فاتحه صح بس شقررر!

[إيمان علي]

أنا خلصت القهوة

الحمد لله، ربي أكرمني بولادات تعتبر سهلة.

بنتي الكبيرة، ولدتها بنفس اليوم، ولكني ورثت عن ماما الطلق الصناعي في الثلاث ولادات!!
يوم ولادتي رحت من غير أي سبب، قلت للطبيب زهقت ولدني. وبالفعل، جهز لي الطلق الصناعي، ووقت حمي الطلق أعطاني إبرة الظهر. الغريب أنه كل صار بسرعة، ووقت الطلق مع الولادة كان 8 ساعات، وقاللي أنت أعجب امرأة شفتها، ولادتك سريعة شكلها مع أنها أول ولادة!
المهم دخلوني غرفة ولادة بتخوف صراحة كانت! والطبيب غير موجود على أساس أني أول ولادة فأكيد رح أتأخر.
زوجي معي، والممرضة فقط. وما حسيت بالألم، فقط ضغط شديد. والغريب جداً أنها بنتي بدأت هي اللي تدفع نفسها للخارج.. تركل وتدفع حتى اضطرت الممرضة تضغط عند مخرج الرأس حتى ما تخرج بسرعة فأنجرح أو هي تنأذي. وفي نفس اللحظة اتصل الطبيب وزوجي قال له أنه يركض لأنها البنت مصرة تطلع. دخل إلا هي نازلة، لا دفعت ولا عملت شيء.. والله هي اللي دفعت حالها حتى النهاية وأنا تقول لي الممرضة ما تدفعي، وأنا أقولها: يا عالم مش عم بعمل شييييييييييي
وسبحان الله، كانت ولادة ما في أسهل منها.


ولهذا تجرأت وحملت مرة ثانية، شعرت بماء قبل بأسبوع من الولادة، قالت لي الطبيبة أروح المستشفى وبتلحقني هناك. رحت وما طلع فيه ولادة ولا شي. جيت على البيت خائبة. رجعت بعد يومين وهو قبل خمس أيام من الولادة وحسيت بإحساس بيقولي أروح على المستشفى لأني رح أولد، فقط مغص خفيف جداً لكنه منتظم. كلمت الطبيبة وقالت لي اسبقيني للمستشفى. رحت المستشفى، فحصتني وقالت: بعدها البنت عالية كثير، خليكي على موعد ولادتك يوم الخميس عادي، ما شكلك رح تولدي اليوم. قمت أبدل ملابسي، إلا الماء نزل.. صدمت لأني ما بعرف شو يعني ماء الراس! لكن كانت هذه أول مرة مع أنها ثاني ولادة. ناديت الممرضة فأكدت لي أنه ماء الراس فعلاً وأني غصب عن الطبيبة رح أبقى للولادة وكان زوجي المسكين حاجز ومسافر على واشنطن لمؤتمر، فراحت عليه التذكرة والسفرة صراحة شمتت كثير لأني ما كنت موافقة على سفره وأنا بآخر أيام الحمل.
المهم، سألتني الممرضة كم أستغرق عادة في الولادة، قلتلها ولادتي الأولى كانت سريعة جداً.
فاتصلت فوراً على الطبيبة ورجعت الطبيبة.
وبالفعل، خلال ست ساعات جبت بنوتة مثل القمر، مفتحة عيونها وبتتطلع حولها في الغرفة بتستكشف
ما شاء الله كان شكلها عمرها أسبوعين، صحتها جيدة جداً وواعية وبتقلب عيونها حول الغرفة وبيضاااااااااااااااا، بس قالولي شكلها مثل أهل اليابان بتدويرة خدودها ونعومة شعرها مع أنه عيونها كبار ورموشها طوال، على عكس أهل اليابان

أما الثالث، يختي عليه، حياتي هذا
بناتي ألحوا بدهم بيبي، والكبيرة بدها صبي نسميه بلال، والصغيرة بدها بنت تلعب فيها
ضلوا يلحوا وأنا مش في بالي الحمل، وسبحان الله، حملت خطأ
ولادته أخذت ساعة، نزل ملاك ما شاء الله، من كثر ما هو أشقر كان كأنه من غير شعر أو حواجب، وفتح عيونه كان زرق كحلي، وكان راسه برة وجسمه جوه بعده والممرضات قعدوا يتأوهوا على رموشه وأنا أقولهم طلعوه وبعدين احكوا
الأسبوع كله قضاه في المستشفى لأني ولدت ثلاث أسابيع مبكرة. أصابه نيمونيا بسبب عدم قدرته على التخلص من السوائل في رئتيه قبل الولادة، وهذا سبب له التهاب. صراحة عذبوه كثير كثير بالعلاج حتى يتأكدوا من الي فيه.. والمصيبة أني أنا اللي شخصت كل شيء ولفتت انتباههم. رضع مني مرة واحدة وراح بنومة لمدة أسبوع.
الحمد لله تعالج وطلع وكله تمام.. وما شاء الله ربي بشكل جيد وصحة جيدة حتى كانت حماتي عندي تقولي: يا ما شاء الله حليبك قديش دسم

الحمد لله، عندي ثلاثة أطفال، أيام بتراودني فكرة الرابع، ولما أحكي مع زوجي بيغير لي رأيي
الحمد لله، الله يحميهم ويرضى عليهم ويكبرهم على أحسن خلقة وخلق

[ام جِبريل]

يا عيني يا ست ايمان
حتى ولادتك متقنة هههههههههههه


سبحان الله بتشهي الواحد يخلف

الله يخليك ياهون يارب

[عاشقة الحلويات]

هلا بأمونة الغالية الحلوة

وعم قول الموضوع اليوم مو على بعضه

أتاري فيه رد لك يا أمونة الغالية

ما شاء الله عليك من عيني ومن عين خلق الله

الله ييسر لك كل أمورك

أقول بالنسبة لابنتك الأولى ما شاء الله عليها

الظاهر أنك شايفة أفلام كونغ فو أو كاراتيه أثناء حملك بها

فعشان هيك طلعت وهي عم تدفش

فيه واحدة من أخواتي هيك ولدتها حماتها قبل ما توصل الداية

كمان كانت ابنتها بس بدها تنزل بأي شكل من الأشكال

أما ابنتك الثانية فهي تحب المفاجأت الظاهر عليها

بعدين فشروا أهل اليابان ولا حتى الصين لأنو أكيد بنتك أحلى من أحلى الحلوين عندهم

أنا مية الراس تبع ابني نزلت وأنا بالسيارة مع زوجي ليوصلني للمشفى

بدأ معي الطلق واشتد وخلال الطريق للمشفى طقت المي وأنا جالسة بالسيارة

وشوفي الفضائح وشو صار زوجي يتمألس علي ويمازحني كيف بللت له السيارة

والله بهدلة لما تطق مية الراس كيف بدها الواحدة تمشي أمام الناس وتدخل المشفى

والله يحمي لك ابنك ما شاء الله عليه وعلى خلقته

أكيد أولادك آخذين الحلاوة منك أنت ومن أبوهم لأنه الورد بيخلف ورد

عزيزتي بعد هالوردات الثلاثة حرام عليك ما تسويهم أربعة الله يحميهم

بعدين تقولي زوجك اللي عم يتعب بالحمل مو أنت عشان يغير لك رأيك

جيبي الرابع ولا يهمك إن شاء الله تعالى وقوي قلبك

حتشوفيهم لما يكبروا مثل الملائكة حولك وبالأخص لأنه عندك بنتين

ومثل ما بيقولوا بيت البنات فاضي (مثل ما صاير مع أهلي )

يعني بيتزوجوا وكل واحدة بتدير ظهرها وبتقول عدوا لي أيام

فالله يطعمك باخ لأبنك إنه على كل شيء قدير













































هلا بعودتك أختي ليندا


كيفك وكيف معنوياتك

يلا شدي الهمة بدنا نسمع خبر ولادتك عن قريب

الله يقيمك بالسلامة وتخلفي لنا ولد زي القمر ويطعمك بره والرضى عليه

[Dandosh]

معلش يا جماعة عندي سؤال يمكن يكون غبي شوي ..

ليش الكل بيعتبر الولادة 6 ساعات و 8 ساعات ولادة سريعة جدا ؟؟ الطبيعي تكون اكتر من هيك أو كيف؟

[طيـــف]

يالله مشاءالله عليكِ ياايمان

اسلوبك وكلامك كتيررررررررررررر اشئعررررررررر لي بدني

مابعرف ليييييييي حسيت بحنااااااااااااااااااااااااااان خصوصا وانتي عم تحكي على جنى
اتذكر شكلها وكلامك واطابق عليه

بس صراحه جددددددددددددددددددددددددددد رائع اسلوبك خصوصا عن بلال
حلوه طلعوه بعدين احكو هههههههههههههههههههه

الله يحميهم يارب الك ويفرحك فيهم ياكررررررررررريم انتي وكل الامهات يارب

[عاشقة الحلويات]

هلا بك أختي Dandosh

بصراحة ما بعرف إذا الولادة القيصرية نفس الولادة الطبيعية

من حيث مدة الولادة السريعة

بس بالنسبة لي أنا طلقت الساعة 7 الصبح وولدت الساعة 12 الظهر

يعني كلها على بعضها ما أخذت غير 4 ساعات

بس طبعاً كانت ولادتي قيصرية .... ولله الحمد والمنة

[عاشقة الحلويات]

هلا والله وغلا وألف مرحبا وسهلا بطيوفة الحلوة

أسعدني مرورك جداً يا عزيزتي

وصح لسانك أمونة عندها أسلوب ولا احلى من هيك

بيحس الواحد حاله مشدود كل انتباهه لقراءة ما تكتبه

بارك الله بك يا طيوفة على المشاركة والرد

[ام سهيل]

طيووف اهل امي واهل والدي يرجعوا هنود لكن من زمان في السعودية واخذين الجنسية يعني سعوديين ونرجع هنود

والله خالتي شقراء واولادها شقر .

[عاشقة الحلويات]

ما شاء الله يا أم سهيل

أنا معك بأنه هناك من الهنود جمالهم لا يوصف

اليوم كنت بمستشفى هنا

وشفت ممرضة هندي كان جمال عيونها لا يوصف

بارك الله بك أينما كنت ومن أي بلد كنت فنحن بالنهاية كلنا أخوات مسلمات

[Dandosh]

انا مستغربة لانه ولاداتي وحدة اخدت معي ساعة او اقل و التانية ساعتين وشوي ,,,, مو قادرة اتخيل الوضع لو اطول اكتر من هيك