محتاجه جدا مساعدتكم فى تربيه ابنى

[شيمه الحب]

السلام عليكم ورحمه الله وبركاته


اخواتى ابنى عنده 3 سنين ونص ربنا يبارك فيه هو واولادكم يارب وديته الحضانه السنه دى مش بيرضى يروح خالص ويعيط جامد وبيعمل انه نايم عشان ملبسوش مش عارفه احببه فيها ازاى حاولت اشغله باللعب والمراجيح مفيش فايده



كمان عصبى جدا جدا جدا طول الوقت بيضربنى اقوله اخاصمك عادى عنده لغايه ما يعوز حاجه يجى يقولى انا اسف عشان اعملها له

لو باباه زعق له يترمى ع الارض ويصرخ بالنص ساعه صوت عالى جدا مببقاش عارفه اعمل معاه ايه


دلونى اتصرف معاه ازاى ولو اخد واجب اخليه يعمله ازاى
لو خرجنا عند ناس بيقعد شقى ومبيسمعش الكلام
حد عنده حلول للكلام ده كله


شكرا لكم

[شيمه الحب]

ايه يا جماعه 41 قراءه ومفيش ولا رد واحد
عموما جزاكم الله خيرا

[♥أخت فى الله♥]

حبيبتى معلش اكيد اللى عنده حل هيفيدك
كمان عدد القراءات بيكون للعضوات و للزوار كمان
يعنى ممكن تكون كل القر اءات دى زوار

المهم ربنا يهدى لك ابنك يارب و يبارك لك فيه
شوفى حبيبتى بخصوص الحضانه حاولى تروحى معاه و تقعدى معاه هناك باﻷول و تتركيه واحده واحده
حتى يحس انه لما يحتاجك بيلاقيكى
و كمان تكلمى الميسات انهم يحاولوا يلعبوه اكتر
او يعطوه حاجه حلوه للتشجيع
قولى له اليوم اللى هتكون شطور فيه و احنا راجعين هجيب لك حاجه بتحبها حتى لو حاجه صغيره هتفرق معاه كتير
لو فضل مثل ما هو هاتى لعبه و اعطيها للميس من وراه طبعا و خليها تديهاله مكافأه لاى سبب
ربنا يهديه يارب

بخصوص بكاؤه لما يبكى لانه عايز حاجه معينه
بالاول فهميه ليه انتى بترفضى
و اذا ماتفهم تجاهلى اﻷمر و حاولى تشغليه بأى شئ اخر
مثلا قولى له عارف مين هييجى النهارده عندنا
او عارف حصل ايه لماما النهارده
و تحكى له اى شئ بعيد عن الموضوع
ان شاء الله بينسى اصلا اللى كان طلبه

بخصوص شقاوته
فهميه انك بتحبيه و عايزاه احسن واحد بالدنيا
و كده
و بالبدايه اعطى لى حوافز لو بقى شطور و هادى راح افسحك اخر الاسبوع
او يتفرج على كارتون بيحبه
او اى شئ انتى عارفه انه بيحبه

و مش كل مرة تكون المكافأه ماديه لا
لازم يفهم انه هناك مكافات معنويه
حضن بوسه اثراء على فعله كل دى حاجات بتفرح الاطفال

اعملى لوحه بغرفته
و اتفقى معاه لو عمل شئ كويس تضعى له علامة بلاس و اذا عمل شئ سئ تضعى له سالب
و بنهاية الاسبوع نعد الموجب و السالب اذا طلع الموجب اكتر كافئيه بفسحه او بلعبه او بشئ بيحبه
الطريقه دى فعاله جدا
استخدمى نفس الطريقة لحل الواجب
اليوم اللى ما يغلبك فيه بعمل الواجب تعطيه موجب و هكذا
ان شاء الله بتمنى اكون افدتك
ربنا ييسر امورك و يأجرك خير يارب
اصبرى عليه حبيبتى و احتسبى اجرك عند ربنا
و فرحتك بتغيير سلوكه راح ينسيكى اى تعب بتتعبيه معاه ان شاء الله
Sent from my GT-S6102 using منتديات لكي mobile app

[anapella]

انا مستغربة من وصفك ﻻبنك .. الاطفال بيبقو كده فى سن السنتين لحد سن اﻻربع سنين تقريبا .. وانتى ابنك 3.5 يعنى المفروض بيتخلص تدريجيا من الموضوع مش بيبتدى الظهور لسه !!!!
بصى اوﻻ بخصوص الحضانة دا عادى جدا .. انا باودى ابنى يومين بس باﻻسبوع .. قعد حوالى شهر عياط طول اليوم ورمى نفسه وخبط راسه باﻻرض والترابيزات اما كرهنى فى عيشتى .. بس كله بالصبر بيهون.. بعدها حوالى شهر ونص او شهرين اﻻ يعيط الصبح وانا باوديه بس وبعد خمس او عشر دقايق يسكت ويندمج فى اللعب
تعالى شوفه دلوقتى .. بعد 4 شهور ونص
كل يوم يصحى بدرى ويزن عشان يغير هدومه ويلبس .. ويشبط فى باباه ويقولى باى
واﻻكتر من كده بقى بيعيط وانا باخده يروح البيت هههههههه مش عايز يروح !!
لﻻمانه فى الكﻻم من 3 اسابيع نقلته حضانة افضل من اﻻولى ونشاطاتها اكتر

بخصوص الغضب اللى بيحصل له دى حاجة معروفة ومنتشرة عند اﻻطفال من سن السنتين .. فى حالة ابنك الحضانة سببت فى تضخمها شوية
الغالية اخت فى الله قالت لك افكار جميلة ماشاء الله عليها .. فكرى تطبقيها وتستفيدى
وراح اﻻقيلك موضوع هنا عن التعامل مع الطفل وقت الغضب حاولى تقرايه بتركيز وتستفيدى منه

[anapella]

http://www.lakii.com/vb/a-9/1-815702/تفضلى هنا

[ام سهيل]

منورة يا شيمة
اقول لك شغلة نفسيتك انت اول شي لازم تحاولي على تعديلها حتى تعرفي تتعاملي مع ابنك وابنك يحس انه مرتاح
ابنك العصبية اللي هو فيها بتكون ردة فعل لك انت يعني انت تعبانة من جوة هو حيكون عصبي

الطفل يشاكس خارج المنزل لانه طفل طبيعي
بيحب يلعب يحب يتعلم ويشوف اللي حوله
انا عن نفسي لم اجرب في هذا السن ان ادخل اطفالي رياض اطفال لانه انا في نظري هذا سن الافضل له انه يكون قريب من الام هي من تعلمه اطفالي كلهم يدخلوا ع التمهيدي وبعدها صف اول يعني اعاني اول اسبوع وبعد كدة تنفك العقدة

انت في البيت ابداي بتطبيق قوانين للتربية ابنك الان اسفنجة يمتص كل شي اعملي له جداول ترتيب ونظافة وحركات من هالاشياء
روحي ع موقع طفلك التابع للمنتدى فيه جداول اطبعيها وطبقي معاه

وربي يجعله قرة عين لك

Sent from my LG-D855 using منتديات لكي mobile app

[شيمه الحب]

شكرا لكم كلكم حبيباتى اكيد ان شاء الله راح اخد كل الكلام ده ف الاعتبار بس ابنى كان بيعمل عمليه بعدها بقى كده خايفه يكون ده من البنج كمان ده الطفل الوحيد الى عندى فمفيش عندى خبرات اصلا هو مش بيقبل الكلام بهدوء خالص ولا بيعطيلى فرصه اتكلم معاه

[ثلوجه]

السلام عليكم التربيه بشكل عام تارق كل ام واب بس اعتقد لان ابنك وحيد متعوديكون لوحده
انا ابني الكبير تعبني فموضوع زياراتي حتى لما اهلي اجو عندي ارتعب منهم وكان يبكي لين ميروحو
ولا اذا رحت عند حد بيبكي لانه تعود علينا بس حاولي تخلي حد من الجيران يلعب معاه يوميا ويحتك بالاطفال شبه يومي
يمكن ينسى ويهدى اذا كانت هذي هي المشكله والله يعينك

[sweet 3ahhoda]

الله يعينك ويعين كل الامهات
ماشاء الله الاخوات ماقصروا