مقهى الامهات .. الاسبوع الاول (ردود متميزة)

[anapella]

ام يوسف . . فكرى تحلى لبنتك مشاكلها واحدة واحدة ..
فى مدارس - غالبا هتكون موجودة عندك برضو- لتعليم الانجليزية فقط وتقبل الاطفال حتى سن 14 .. انا معرفش انتى فين لكن هى موجودة باستراليا وفى زيها بكندا .. الطفل بيقعد سنة مش بيدرس الا انجليش بس .. معمولة خصوصا لغير الناطقين بالانجليزية بغرض دمجهم بالمجتمع الجديد
اعتقد بنتك لو حالتها محتاجة كده يكون افضل عشان اللى جاى يكون اسهل عليها .. ولو حصل يبقى فى خلال السنة دى ركزى على موضوع تعديل سلوكها وممكن تستعينى باحد مراكز رعاية الطفولة القريبة منك
وربنا يطمنك عليها

[فاطمة العمارى]

اللهم آمين يا غالية

لا ما تقلقيش يا جميل ..بيحبوا بلدهم وبيعتزوا بيها جدا خصوصا اروى جت هنا وهى كبيرة

والحمدلله احنا مش مطولين هنا

لا يا ست الكل انا مش من القاهرة .. انا عارفة ان القاهرة فيها اماكن حلوة كتير ..زرت واناا عروسة حديقة الاورمان واماكن تانية حلوة كتير ,,بس بعيدة عن محافظتى

تصدقى كان فى فى مدينتى نادى فيه شوية مراجيح وترابيزات وقاعدة حلوة

من 3 سنين كده خرجنا قولنا نروح نشرب عصير ونلاعب الاولاد هناك شوية ..لقيناهم قلبوه موقف ميكروباص

برافوووووووووووووو عليك يا جميل
وربنا يجبكم بالف سلامه يارب
يا خبر ابيض قلبوا الحديقة موقف ميكروباص !!!!!!!!!!
بصراحه يا ام اروى البلد دلوقتى بقت فوضى ما بعدها فوضه كل واحد بلطجى بيعمل اللى هو عايزه وطبعاّ الحكومه سيباهم على رحتهم اوى
والدنيا تضرب تقلب ومش فاضه الا للقتل والاعتقالات للشرفاء
شفتى بقى خلتينى دخلت المجلس

مصر لا مؤاخذة ام الدنيا ... ولسه هتبقى موقف تكاتك يااخت ..

اهلا بيكى مدام فاطمة .. نورتى الركن .. ماهو دا بقى مشكلة .. كل الاماكن اللى ممكن تروحيها انتى او الاولاد فى القاهرة .. القاهرة وبس !!!
اى مكان خارجها تلاقيه مفيهوش غير مدينة ملاهى واحدة او نادى باشتراك غااااااااااااااااااااالى جدا ومبالغ فيه !!
كمان بالنسبة للى عايشين بره زى حالاتنا الدنيا هتختلف .. يعنى اللى فى مصر واستوعبو التغييرات اللى حصل ت مؤخرا بالتدريج .. غير اللى غايب عنها سنتين تلاتة وهيروح يلاقى المفاجآت اللى بيسمعها فى الاخبار ويتعجب موجودة حقيقة على ارض الواقع !! دا غير ان الواحد اتعود على نمط حياتى مختلف .. دلوقتى اما نكون برة البيت لحد الساعة عشرة مثلا (فى ويك اند) نقول اتاخرنا اوى يلا نروح .. طبعا انتى فاهمة ان فى ناس فى مصر بتنزل اصلا من بيوتها الساعة عشرة دى فى قمة الفوضى !
معلش .. كل ما ميعاد نزولى مصر بيقرب كل ما الخوف والجنان بيزيد .. اعذرونى

اهلا حبيبتى انابيلا
ده حتى مستكتر علينا التكاتك وعايز الشعب يمشى على راجليه
ربنا يحرمنا برحمته
فعلا انتم لو كان ليكم فتره بعيد عن البلد ممكن تحسوا بتغير شويه
بس برده يا انا بيلا مهما كانت بلدك انتى برده وسط اهلاك وحبيبك
وربنا يجبكم بالف سلامه ان شاء الله

[انسانه نادره]

معلش بنطلع بره الموضوع الاساسى ..ما هو مقهى بقى وانتى سمحتى بالرغى والدردشة

انا اقتبست كلام ام اروى واحنا الصراحه ماصدقنا يفتتح باب الرغي والنقاش وجبتوا النسكافيه كملت يعني والسهره صباحي

[انسانه نادره]

ياريت يكون للمراهقين نصيب في النقاش وخاصتا في الغربه

[anapella]

شكرا مدام فاطمة .. ونصحيح بسيط " ربنا يرحمنا برحمته" اللهم آمين

[anapella]

ياريت يكون للمراهقين نصيب في النقاش وخاصتا في الغربه

والله يا جميل لو ساعدنا بعض والمقهى الاول بتاع الاطفال ده نجح نعمل برنامج مقهى تانى للمراهقين وبرنامج تالت للمغتربين ومشاكلهم .. بعد اذن مشرفات الركن طبعا ..
اهم شئ البرامج دى تحقق اهدافها .. ان شاء الله

[om youssef 666]

بنتى بتدريس باللغه الالمانية ومش موجود الا المدارس الحكومة او الخاصة مستواها مش كويس والمدارس الانجليزى من ١٥ الف يورو ربنا ييسر ربنا يقدرلنا الخير فى اى مكان لو الموضوع مش مناسب احذفه اخت انا بيلا لو ان شايفه ان المشاركات عامه جزاك الله خيرا

[anapella]

بنتى بتدريس باللغه الالمانية ومش موجود الا المدارس الحكومة او الخاصة مستواها مش كويس والمدارس الانجليزى من ١٥ الف يورو ربنا ييسر ربنا يقدرلنا الخير فى اى مكان لو الموضوع مش مناسب احذفه اخت انا بيلا لو ان شايفه ان المشاركات عامه جزاك الله خيرا

لا يا جميل تحذفيه ليه ؟ انتى منورانا
احنا بس كنا حابين نتكلم عن كل مشكلة لوحدها عشان نديها حقها .. والكلام كان للجميع مش ليكى بالخصوص .. عموما حصل خير وانتى لازم تتابعى معانا فى الاسابيع الجاية .. احنا كده سجلناكى وعرفنا ان اولادك .. ماشاء الله .. فى السن اللى بنتكلم عنه .. يعنى لازم تسجلى حضور كل مرة ..ههههه


لا انتى مش فهمتينى صح .. انا مكنتش اعرف انك فى المانيا..القصد انه عندك هتلاقى مدارس لتعليم لغة البلد "الالمانية فى حالتك" تاخد الطفل سنة كاملة تعلمة يتكلم كل حاجة بالالمانى بعدين يروح مدارس عادية بعد كده .. فهمتينى ؟؟
دورى واسألى عليها .. مثلا لو بتروحى سنتر او دار لرعاية الاطفال او حتى فى المكان اللى بتطعمى فيه اخوها الصغير "التطعيم" لو فى اكيد الموظفين بيبقو عارفين ..
مش عارفة اقولك على الحل التانى ولالا لان معرفش المانيا دى ازاى .......... لكن عندى "استراليا" المسلمين هنا ماشاء الله كتير جدا وليهم مدارسهم الخاصة .. ولو هتبقى غالية .. ليهم مدارس تانية "اسلامية برضو" بتبقى فى الويك اند بس ودى بمصاريف بسيطة ووظيفتها انها تحفظ الاولاد قرآن وتعليم صلاة وامور دين + مساعدة فى اللغة وبتعمل فرق جامد جدا بشهادة اللى جربوها .. بس معنديش فكرة هل الوضع عندك كده برضو ولالا !!
الله يكون بعونك ويعينك عليهم الاتنين

[ام ايودي عبد الرحيم]

نيجي لمشكلة الطفل الوحيد

فعلا الكل اتفق انها بيد الام والاب
لكن ايه رايكم بقى في تدخلات الجدين سواء من ناحية الام او الاب
طفل وحيد بقى ولازم يدلع ؟؟!!!

كيف التصرف هنا يا امهات يا حلوات ؟؟؟

هو لما يكون الطفل عايش مع والديه في بيت منفصل عن بيت جده

يكون الامر اسهل و تدخل الجدين حيكون مؤقت فقط وقت الزيارة ليهم

و الوالدين يقدروا يتحكموا في الوضع بدون مشاكل

لكن المشكلة لما يكون الطفل عايش مع والديه في بيت جده

هنا حيكون التدخل في تربيته كبير و الوالدين حيواجهوا صعوبة كبيرة في تربية طفلهم الوحيد

و حيكون الدلع زايد عن اللزوم و يصير تضارب في تربية الوالدين و تربية الجدين و ينشا الطفل متذبذب
انا برايي الحل انه يكونوا الوالدين حازمين في تربيتهم لطفلهم و هم الي يفرضوا منطقهم

الحوار مع الجدين انه تربية الطفل من مسؤولية الوالدين و لازم يخلوهم يربوا ابنهم كويس

واذا الطريقة ما نفعتش من الافضل على الوالدين العيش في بيت منفصل عن اهلهم و تكون لهم الاستقلالية في التربية

معاكى مام .. ان مفيش فى الدول العربية الكلام ده .. بس انتى ناسية حاجة مهمة ..
فى دولنا يعيش اهلنا واقاربنا واولادهم ..هههههههه المفروض يكون سبب ادعى لصلة الرحم .. ونرفع شعار
"صل رحمك .. والا ابنك هيتعقد"

فعلا انابيلا هذي اكبر نقطة ايجابية و تعوض على دور الحضانة و الروضة و كل المرافق الاخرى

ينشا الطفل بين اهله و بين الاطفال الي بسنه ويتعلم يكون اجتماعي بدون اي عوائق

حيحس بالامان وسط اهله و يكون اكثر راحة و طمانينة

واجدادنا زمان كانوا يعيشوا في قبائل و عروش و طلعوا رجال و نساء قمة في الاخلاق و التربية السوية

[om youssef 666]

جزاك الله خيرا انابيلا ربنا يحفظلك ابنك يارب انا سالت للأسف مافيش مدارس أوليه وال مدرسه المدرسة ما بتعمليها حاجه حتى الكورسيكية تبع المدرسه المدرسه نادرا اما بتيجى مش عارفه المدرسه قلبت على مدارسنا فى مصر لازم الطفل يروح عارف كل حاجه ههههههههه والله بفكر انزل بجديه على بداية التيرم فى مصر بس خايفه

[المطبخ وبس]

الطفل الوحيد مشكلته الاهتمام الزائد ويحسسوه اهلة بانه طفل. غير طبيعي
الأفضل يتركوه يختلط مع أطفال الجيران او حضانة او أقاربه وحديقة عامة حتى يتعايش مع الأطفال
باعتقادي الشخصي
مشكورة انابيلا دايما متعبيكي معانا

[ام سهيل]

معلومات مهمة قراتها وأحببت أن أشارككم هي







شخصية أولادنا وترتيبهم بحسب الولادة في العائلة


من كتاب: تربية الصبيان – دار الفراشة


ثمة الكثير من الطرق لفهم ابنك ومكانه في عالمه، ومن هذه الطرق الترتيب بحسب الولادة.والأهم أن ترتيب الولد في العائلة سيساعدك على فهم نظرة هذا الطفل إلى نفسه وإليك

ما الذي على الأهل أن يعرفوه عن نظرة ابنهم إلى نفسه وإلى العائلة من خلال ترتبيه بحسب الولادة

أو طريقة تلاحم قطع عائلتك مع بعضها البعض.

ثمة قول قديم مفاده إن كل طفل يولد في عائلة مختلفة، ويمكنك أن تري مدى صحة هذه المقولة إذا ما فكرت فيها للحظة. يعيش المولود الأول في عالم مليء بالراشدين فيما يتشارك الأطفال الأصغر سناً أهلهم المشغولين مع شقيق أو اثنين منذ لحظة وصولهم إلى العالم. لا يشكّل الترتيب بحسب الولادة طريقة عملية للتنبؤ بسلوك الطفل أو شخصيته لكنه طريقة مفيدة لفهم نظرة هذا الطفل إلى نفسه وإليك.






الولد الأول

مما لا شك فيه أن الولد الأول يتلقى الكثير من الرعاية والاهتمام. فهو أول القادمين إلى عائلة جديدة وهو يتمتع عادة بمعظم الامتيازات ويتحمّل قدراً أكبر من المسؤوليات فيما هو يكبر (في بعض الحضارات، يُعامل الابن الأكبر كأمير ويتلقى معاملة خاصة). ويتعلّم المولود الأول عادة الكلام أسرع من أخوته بما أنّ الراشدين يتحدثون إليه طيلة الوقت. ويتعلم العديد من المواليد الأوائل أن الطريقة الناجحة للحصول على الحب والانتماء هي بإرضاء الأهل؛ وقد يصبحون ميالين إلى طلب الكمال في كل ما يفعلونه وإلى تحقيق الانجازات. إلا أنهم يشعرون أحياناً بأن الضغط الذي يتعرضون له يسحقهم فيستسلمون ويتخلون عن المحاولة.





الولد الوحيد

الولد الوحيد كالولد الأول لا بل أكثر. غالباً ما يرتاح الأولاد الوحيدون في وحدتهم ويسلّون أنفسهم لكنهم قد يعانون قليلاً على صعيد المهارات الاجتماعية كالمشاركة والتعاون مع الأصدقاء. يعمل الأهل الحكماء على مساعدة الولد الوحيد كي يدخل إلى عالم أقرانه ويتيحون له فرصاً كثيرة كي يلعب معهم ويشاركهم ويتمرّن على الانسجام معهم والتعامل معهم.





الولد الأصغر

هو طفل العائلة وغالباً ما يكون ساحراً وودوداً وقد يكون ماهراً أيضاً في جعل الآخرين يهتمون به (يرى الأخوة الذين يكبرونه سناً أنه مدلل إلى درجة إفساده). أحياناً، يصبح الأهل أكثر تساهلاً في تطبيق القواعد وأقل تطلباً مع ولادة الطفل الأخير وقد يحاول هذا الطفل أن يسرّع عملية اكتساب الامتيازات التي يتمتع بها أخوته الأكبر سناً.





الولد الأوسط

لعلك سمعت أحدهم يقول «آه، إنه ولد أوسط» وكأن هذا الكلام يفسر القضية كلها. في الحقيقة، غالباً ما يكون الولد الأوسط في موقع صعب، فهو لا يتمتع بامتيازات الأكبر سناً كما لا ينال الاهتمام الذي يناله الأصغر سناً. قد يبحث الولد الأوسط عن سبل خاصة ومميزة لتحديد شخصيته وللفت الانتباه، كاختيار نشاطات لا تثير اهتمام إخوته أو مقاومة توقعات الأهل. وهو يركز غالباً على الرفاق أكثر من الراشدين ويُعتبر أحياناً المتمرد ضمن العائلة.

تذكّري أن الأولاد كلهم يحتاجون إلى الإحساس بالانتماء وبالأهمية كما يحتاجون أيضاً إلى الارتباط والتواصل. إنّ الترتيب بحسب الولادة هو طريقة كي تفهمي كيف يرى طفلك مكانه ضمن العائلة وأهميته ضمن عالمه.



أتمنى أن أكون قد اضفت نكهة جديدة للموضوع

[anapella]

نقل اثرى الموضوع جدا غاليتى ام سهيل .. اكيد سيفيد الكثيرات وبشدة

[أم عبد الرحمن3122010]

السلام عليكم ورحمة الله وبركاتة

حبيباتى اعتذر على التاخير والرد متاخر لكن كان عندى ظروف نفسية جعلتنى غير مركزة على الاطلاق

- التدليل الزائد من قبل الاهل "بصفته الوحيد" وتأثيره على الطفل
الحمد لله تعالى ابنى الى الان وحيد لكن وجدت نماذج حولى لنساء تاخر حملهن او حددو النسل بطفل واحد وللاسف وجدت تربيتهم سلبية جدا للاطفال والطفل يكون مدلل اكتر من اللازم لدرجة ان الطفل فى ابتدائى يلقى فى وجه امة اى شئ كان عند غضبة ويعاندها بانى لا اسمع كلامك ولن تفعلى لى شئ
- شعور الطفل بانه الوحيد وان جميع طلباته مجابة
ياسلام .. والله هذة جميلة راقت الى كثيرا لانى وجدتها فى النمادج القريبة منى وجدت من كثر الدلال للطفل لا يقول لة الاب او ام لا ابدا على اى شئ با واصبحج لدية انانية كبيرة فى انة لا يعطى شئ يملكة لغيرة حتى لو بسيط وادت بة للطمع فى الحصول على ما فى يد الغير
ومن المؤسف جدا اجد الامهات يداافعن عن ابنها هذا رغم انة تعدى العشر سنوات ونتضح وتقول اصل ابنى وحيد واتعود على ان حاجتة خاصة بة لوحدة
- الانانية لدى هذا الطفل لعدم وجود من يشاركه العابه او حجرته واشياء اخرى يتشارك بها فى العادة الاخوات
فعلا قبل قرائتى لهذة النقطة طرحتها فى النقطة السابقة ولفت نظرى ان الطفل المدلل اذا لة غرفة خاصة يرفض نوم احد الاقارب فيها اذا بات بالمنزل ويغضب ويصرخ وربنا يطلب طردة من الغرفة دون حياء
- اعتماده على امه التى ترحب دوما بتلبية طلباته وتاخر استقلاليته واعتماده على نفسه"احيانا يرفض ذلك بقوة"
اكيد الطفل المدلل اكبر اسباب الدلع لة ابوة او امة او الاتنين معا وعدم رفضهما لاى طلب يطلبة مما يجعل الطفل لا يعتمد على نفسة نهائى لا بالاكل ولا بالسلوكيات عموما وللاسف هذة الطفل فى الكبر يكون اكبر مشاكل حياتة وفاة ابوة وامة او سبب دلالة لانة وقتها يكون كالغريق لم يجد من ينجدة او ياخد لة قرار صائب لانة عاش حياتة وجد من ياخد القرار نيابة عنة او من يساعدة فى الخروج من اى عقبة دون اى تفكير منة
- اصابة اكثرهم بمشكلة تأخر النطق
لم الاحظ هذا فى النماذج الموجودة امامى لكن مشكلة تاخر النطق اجدها فى بعض الاطفال بصفة عامة
- كيف نعوضه عن عدم وجود اخوة وتنمية مهاراته الاجتماعية
للاسف هذة نقطة لم افكر فيها مطلقا لان الامر بيد الله تعالى لكن بصفة عامة بحاول ان يكون ابنى اجتماعى ومحب لاطفال العائلة جميعا ويلعب معهم فبيكون بمثابة اخوة لة وفى السن المناسب يشترك فى نادى او حضانة مناسبة تزيدة فى المهارات

عاجزة عن شكركم عن هذا المقهى الجميل وراح اراجع كافة الردود السابقة من الاخوات

[anapella]

الله يحفظ لك ابنك كنزى وتشوفيه احسن الناس .. ويارب تخاويه قريب جدا .. سعدت بمشاركتك واتمنى تتابعى معنا وتكونى من اوائل الردود فى المرات القادمة