السلام عليكم و رحمة الله و بركاته
عندي أكتر من سؤال و بتمنى تفيدوني متل دايما,, بنتي صارت 11 شهر تقريبا الله يحميها و لليوم بتصحى بالليل مرة عشان تشرب حليب هي بتاخد حليب صناعي و اوقات مرتين حسب مزاجها..من عمر ال 4 شهور بدأت اطعميها اكلات خفيفة و لما صارت 9 شهور ما عادت تحب الأكل المهروس و صرت اهرسه بالشوكة شوي و أخلي قطع صغيرة فيه عشان تتعود و كمان من شهر تقريبا صرت أطعميها من أكلنا طبعا بأقل ملح و بهارات ولكن ما بتاكل كتير يعني يا دوب معلقتين تلاتة و بعدها بتبلش تحط الأكل بتمها وما تبلعه وممكن تضل هيك نص ساعة و بعدين بتطلعه حتى لو شربتها مي بتعمل نفس الشي, نوعتلها كتييييييير بالأكل و كل مرة شي جديد و برده نفس النتيجة اللي هي الأكل بالتقسيط الممل جداااا, وكمان الحليب بتشربه بالتقسيط يعني نادرا لتشرب كمية منيحة مرة وحدة عشان هيك بحسها ما بتشبع بالنهار منيح و بتصحى بالليل جوعااانة و لو اعطيها أي كمية من الحليب بالليل رح تشربها كلها ومش عارفة كيف اخليها تاكل بالنهار بتكون ملتهية باللعب لأني سمعت انه شرب الحليب بالليل ممكن يسبب تسوس الأسنان مع العلم اني بفرشيلها أسنانها قبل النوم بس شو الفايدة ازا رح ترجع ترضع بالليل؟!!!!!
هل فعلا لازم عالسنة أكون خلصتها من رضاعة الليل؟ صحيح انه بيأثر عالأسنان؟ يعني ممكن يعمل تسوس؟
حاولت معها أقلل كمية الحليب و أزيد المي بتشربها و بتصحى كمان ساعة لانه غير مشبع وبحسها حقيقي جوعانة و جربت أفوت لعندها و أهديها و أطمنها اني موجودة بدون حليب كمان ما زبط أول ما أطلع بتضل تبكي لتاخد حليب, صرت مش عارفة هو جوع ولا بس تعويد ومش حابة أتركها تبكي لتسكت أصلا عندها استعداد تبكي ساعة و الصراحة أنا أسهل و أريح الي اني اشربها حليب و ترجع تنام بسرعة بس خايفة على اسنانها مش اكتر..
و كمان شي من جديد بلشت بنتي تصير نقاقة كتير طول اليوم بتنق و ما بيكون بدها شي بحاول اطعميها او اشربها حليب او العبها ما بدها شي بس بدها تنق غير لما نكون برا البيت بتهدى لانه بتشوف ناس و بتلتهي فيهم بس طبعا صعب كل يوم أطلعها. قولولي كل الاطفال هيك و لا بس بنتي بتحب النق 
.gif)
تعليق