السلام عليكم
صبايا الله يسعدكم انصحوني كيف بقدر اخلي بنتي تنام طول الليل.. كمان اسبوع بتكمل الستة اشهر الله يعطيها الصحة و العافية و يحميها واطفالكم يارب..
شوفوا انا شو بعمل و قولولي هيك صح او لا, هلأ بنتي كانت تنام عندي بالغرفة و بتضل تصحى كل 3 ساعات بدها ترضع و فعلا كنت استجيب لمطالبها لانه بالنهار رضاعتها مش كتيرة فكنت الاقيها فرصة عشان تشرب حليب منيح بس حاليا قررت انقلها على غرفتها الخاصة عشان تتعود انه هي بمكان لحالها مش كل ما تصحى تلاقيني جنبها و فعلا من اسبوع بلشت معها, اول شي بحممها بالمساء وبعطيها رضعتها اللي ما بترضى تاخدها كاملة لانه بتكون اصلا مسطلة من النعس و بتركها صاحية بتختها و ممكن اعطيها اللهاية اذا حسيتها محتاجة ( لاني ناوية ان شاء الله اخليها تستغني عنها بس ليزبط نومها بالاول) ,, وبتركلها لعبتها المفضلة جنبها و ببوسها و بسكرالباب و بطلع بتبكي شوي بعدين بتنام لانه اصلا هي نعسانة..... هلأ مشكلتي الاساسية معها هي انه بتضل تصحى كل 3 ساعات كحد اقصى و بتكون جووعااانة يعني اذا بعطيها رضعة بتاخدها اكتر من وقت النهار اللي بكون بتحايل عليها لتشرب الحليب.. بس انا بتخيل انه بنتي صارت كبيرة على الصحيان كل 3 ساعات صح؟؟؟؟ جربت اخليها تبكي اقصى شي ربع ساعة نامت بعدها ساعة وحدة بس بعدين بتصحى كمان مرة لانه فعلا جوعانة بس هي مابترضى تاخد رضعة كبيرة بتحب تشرب بالتقسيط عشان هيك بتضل جوعانة... شواعمممممممممل دلوني عالحل اللي مجربينه مع اطفالكم و صراحة مش عارفة هل صح انه أخلي بنتي تبكي لتشبع متل ما بقولوا بعض الناس والله قلبي بتقطع عليها بس كمان بنفس الوقت انا ما بناام منيح ابداااااا و بضل تعبانة طول اليوم و بلشت احس حالي مقصرة ببيتي و زوجي ومش حابة هالشي بالمرة..
ياريت يا امهات انكم تنصحوني بتجاربكم. الله يسعدكم يارب و يخليلكم اولادكم جميعا..
تعليق