نصيحة مهمة لاجمل امهات(موضوع متميز )

[ام اروى 86]

الله يبارك فيك يا حبيبتي الغالية أم أروى ....

نصيحة جدا جدا ثمينة
اتبعتها مع الأولاد و ما وجدت إلا قناة سمسم الوحيدة بلا موسيقى ....
لكن صراحة هي ليست جاذبة للطفل بالقدر الكافي و هنا مكمن المشكلة لا بديل إسلامي لن أقول يفوق و لكن يوازي على الأقل إبداعاتهم مثلا كقناة براعم .... طورت جدا ابنائي بمختلف أعمارهم من 7 إلى 2 ..

اسمحيلي أشاركك و القارئات الفاضلات تجربتي علها تفيدكن و الله من وراء القصد :
بفضل الله نميت في ابني الكبير 7 سنوات ان يكون خليفتي مع إخواته لكن بحب مش ديكتاتورية ، فسمحت بالفرجة على براعم و الجزيرة أطفال لكن وقت الرقص و الموسيقى خد الريموت والغي من الزر ده و لما تشوف أن الفم بدأ يكلم إلغي يرجعلك الصوت ..

وسبحان الله سلموا كلهم برغم غيظهم مني بداية ... ده طبعا بعد جلسات اضطرارية معاهم اسيب شغل البيت و اتفرج على زيد و العلوم تخيلي -بس هي حلوة على فكرة -و غيره و اعد اشرح و ابين وفجأة وقت الرقص ألغي الصوت ...
و الثورة بأه تقوم علي ....ياأمي لاااااااا ..
بكل هدوء جدا مني ها كده ولا أقلب أو أطفي ...
و تشوفي يا ام أروى أثر حكمي العسكري عليهم كله يسكت بس إيه غليان يبان في تعابير الوجه و حركاتهم ... وبعد أشهر خلاص بأه طبع ....
و الحمد لله .
لكن صادفتني بأه مشكلة جالي ابني ابو 7 و أخته أم 6 و قالوا عادي الموسيقى أصحابنا في المدرسة مبيعملوش كده ؟ و من وراهم واقف بقية العصبة مصدرينه شوفتي ؟
و اربط راسي و أبدا النقاش
أنا :طيب مش الموسيقى حرام وسلوك وحش ؟
ابني و الطوفان من وراه : آه بس هما مسلمين و بيعملوا و مش مشكلة احنا مركزين على الأحداث مش المسيقى و القرف " أي و الله زي ما باحكيلك كده "
أنا: "في نفسي "أتلجم شوية جيل بيتحاور و الله و بالحجج كمان ،
و بصوت بس انت بأه مسلم متميز بسماعك لكلام الله تعالى و حبيبنا النبي صلى الله عليه و سلم
الثوار تململوا و الكلام نص نص أقنعهم
فتذكرت قاعدة الممنوع مرغوب و أحسن من وراي يعملوا و هم ماشاء الله عليهم إيد واحدة ضدي، فاستغليت مصداقيتي عندهم
وقلت : شوفوا المسيقى و الرقص بتجيب شياطين و عفن .
كلهم صرخوا و الله ؟
تابعت فاللي عايز يسمع وما يلغيش هو حر يلم حوليه شياطين و تمشي الملائكة ، و محدش يجي يقولي يا أمي خايفين أو شوفنا أحلام مزعجة أو لما النور يتقطع مرعوبين و تعالي اقعدي معانا عن نفسي مش هاسمع و لذلك مش هخاف لما النور يقطع و لا هشوف أحلام مرعبة و دائما معاي الملائكة .
و رجعت الصوت على الموسيقى ... كله بفضل الله صرخ : خلاص خلاص يا أمي هانلغي ..

حمدت الله في نفسي و قلت صحيح سبت أموري و جلست اتفرج على كرتون في كذا قناة أطفال بس في تربية جيل العزة لابد من تضحيات و الله المستعان

شكرا من كل قلبي يا أم أروى الحبيبة ذكرتيني بتلك التجربة الناجحة بفضل الله تعالى .
اللهم اصلح أبنائي و أبناء المسلمين و انبتهم نباتا طيبا و تقبلهم بقبول حسن و اجعلهم عزا و ذخرا للإسلام و المسلمين ..آمين

اهل اهلا بالجميلة حياتنا جهاد
نورتى موضوعى والله
واولادك الثوار ما شاء الله سكر ربنا يحفظهم ويباركلك فيهم يارب
وتجربتك جميلة ماشاء الله كنت جربتها قبل كده بنتى الكبيرة تمسك الريموت وتقلل الصوت خالص لما يكون فى موسيقى
بس المشكلة ان ابنى الصغير سنتين ونصف بيتعصب ويصرخ وعايز الريموت منها وخناقااااات
بقيت اخلى الصوت منخفض من البداية يعنى يدوبك يسمعوا
وان شاء الله اصبر واتحمل واطبق تجربتك بحذافيرها
المشكلة التانية الى عندى ان بنتى فى المدرسة طبعا موسيقى ورقص كمان
الرقص بخليها ما ترقصش معاهم ولو حركات بس عادية اوكى بس مع بنات مش اولاد
المهم كل يوم تيجى تقولى ماما انا سمعت موسيقى فى المدرسة وانا عارفة ان كده حرام هادخل النار؟؟؟
اضطر اقولها لا ياحبيبتى طالما غصب عنك وانتى مش حابة كده استغفرى ربنا 3 مرات وخلاص
ساعات بحس والله ان الواحد محتار يرخى ولا يشد اخاف اشد يحبوا يعملوا كده من ورايا
واخاف ارخى يتعودوا على كده .. ربنا يعينا يارب ويوفقنا لتربيتهم
على ايامنا الحمدلله لا كان فى بيت بابا لا تليفزيون ولا كمبيوتر ولا اى حاجة وعشنا احلى طفولة والله
المهم ياجميل بخصوص ابنك واصحابه الى فى المدرسة الى بيسمعوا موسيقى نمي فيه دور الداعية من دلوقتى وخليه يعرفهم بطريقته ان الموسيقى حرام ويقنعهم ومنها كمان يتعلم انه طالما على حق لا يخاف من احد ويحاول يعرف الناس الصواب من الخطأ
ربنا يحميه يارب وتشوفيه داعية وخطيب مفوه

سعدت جدا بتجربتك وبالحوار معك يا غالية

[سوسو1983]

صدقيني دورت ودخت لم أجد كرتون اسﻻمي جاذب
أفتحه ﻷطفالي يملون وﻻيعجبهم
ومعاهم حق ﻷنه كلهم بكونو بتقنيات قدييييمة وبسيطة وﻻ رسوم جذابة وﻻ اسلوب
هما بس بنبهونا انو الموسيقى حرام
وماعمرهم جابولنا بديل
ياريت لو عندك روابط اعطيني اياها
فانا لم أجد اﻻ اقل القليل وينعدو كم حلقة واﻷطفال ملو من تكرارهم
الله يسهل ويبارك في اطفالنا
ونتمنى اصحاب اﻹمكانات واﻹبداع ان ينتجو هالنوع
بارك الله فيك اختي

Sent from my GT-S5570I using منتديات لكي mobile app

[ام اروى 86]

صدقيني دورت ودخت لم أجد كرتون اسﻻمي جاذب
أفتحه ﻷطفالي يملون وﻻيعجبهم
ومعاهم حق ﻷنه كلهم بكونو بتقنيات قدييييمة وبسيطة وﻻ رسوم جذابة وﻻ اسلوب
هما بس بنبهونا انو الموسيقى حرام
وماعمرهم جابولنا بديل
ياريت لو عندك روابط اعطيني اياها
فانا لم أجد اﻻ اقل القليل وينعدو كم حلقة واﻷطفال ملو من تكرارهم
الله يسهل ويبارك في اطفالنا
ونتمنى اصحاب اﻹمكانات واﻹبداع ان ينتجو هالنوع
بارك الله فيك اختي

Sent from my GT-S5570I using منتديات لكي mobile app

بصى يا جميل انا بجيب احيانا لاولادى كارتون مدبلج ويخفضوا الصوت لما تيجى الموسيقى

وفيه موقع اسمه الطريق الى الله الصراحة روعة فيه افلام كتير مدبلجة ومحذوف منها الموسيقى بالاضافة الى افلام عربية

فى كارتون اسمه كرتون احكام القرآن اكثر من رائع وحلقاته كثيرة انتاج قناة الفجر الكلام ده من 5 سنين بس ان شاء الله مازال موجود

وفى كرتون يابانى مدبلج بطريقة اسلامية بدون موسيقى اسمه كرتون سامي ووسيم اولادى يحبوه كثيرا وحلقاته كثيرة

وزيد والعلوم المدبلج افكاره جميلة وبنخفض الصوت عند الرقص والموسيقى

اتمنى اكون افدتك يا جميل واى سؤال انا تحت امرك