بنتي ما بترضع إلا وهي عم تلعب بوجهي :(

[فجر السما]

انا بنتي ما بترضع الا هي وعم تلعب بوجهي ،جبتلها خشخيشة مشان تلعب فيها بدل وجهي قام لعبت فيها دقيقتين ورمتها ،،طول فترة الرضاعة عم تلعب بانفي او تقرص خدي وبصراحة صارت توترني وخاصة اذا كنت في جمعة ورضعتها تنتف خدي من القرص وتخجلني امام الناس وماني عارفة كيف بطلها ؟اذا حدا عندو راي او مر بنفس التجربة يساعدني رجااء..

[لالي الحلوة]

هههههههههه البنت عم تتعرف عملامح وجهك
عادي والله لما كنت رضع ابني يلعب بأنفي وعيوني
بس لما اعطيه اي شي بيلتهى فيه بيبطل او بغنيلو يعني اي شي بينشغل عن هاللعب
واوقات بيني وبينك عصب وبطل رضعو لانو بيكون خدشني من خدي
بس شو نقول اطفال وبدهم بااااااال طوييييييييل الله المستعان

[ام مرمر و ليلو]

الله يخليها لك
كلنا مرينا بنفس الشي
بس انا كنت اكلمها اقول لها انتي بتوجعي الماما (راح تقولي ماتفتهم اقولك لا تفتهم )
واحاول احكي معاها علشان تركز بعيني وتنسى تلعب بوجهي
الله يخليها لك

[- بنت الأحرار -]

أنا كان برضه ابني هيك
وكنت أحس أحيانا بضيق
خصوصا مع الحر الشديد
أو ضغوط الحياة
بس لما يقرص أشيل أيده اقوله لااااا
واعطيه اشي

سبحان الله كل ولد غير الثاني
الولد الأول كان مجنني من كثر ما هو بده اياني اكون مركزه 100% معه بالرضاعة
وإلا ما بده يرضع

والثاني لما إجى هيك
كنت استحمله كثير لأنه سعيدة انه ممكن اطوي الغسيل وأنا برضه ههههه
المهم يعني عادي ماهو فارق معه
بس اعطيني وجهك ألعب فيه هههههه
سبحان الله

اعتقد الحل انك تلهي شوي الطفل
وطولي بالك

وربي يقدرك ويعينك

[MUM]

كل الاطفال هيك حبيبتي
انا بنتي كانت ساعات تلعب بوجهي وساعات تلعب بشعرها هي
لدرجة انها صارت صلعة من وراء اذنها وانا احرق دمي واعصب كل ما شفت منظرها
وهلا كبرت وعقلت ههههههههههه

[فجر السما]

ههههههه اصبح في غيري مر بنفس التجربة ،،انا بصراحة ناوية افطم بنتي بعد ست اشهر لذلك رح حاول اتحملها بس لحين افطمها ،فعلا بنتي متل ابنك الثاني يا بنت الاحرار الله يخليلك ياه ما عندها مشكلة شو ما عملت المهم اعطيها وجهي تلعب فيه بس انا يلي زاعجني وقت كون بجمعة نسائية وارضعها وكون عم احكي مع البنات وهي شغالة لعب في وجهي يطلع منظري كوميدي

[الـمنـى]

كوميدي كثير
أنا مثلك كمان
لازم تلعب ياليت بوجهي بس
يا برقبتي أو بأنفي

يلا ايام وعدت

بس شو تفطميها على 6 شهور
حرام

[حنين الياسمين]

عادي ياقلبي حاولي كل ماوضعت ايديها تشيلها بهدوء وتخليها تمسك اصبعك او اي شي تاني
بس بدك تفطميها بعد ست شهور
كم بصير عمرها ربي يحميها
ويباركلك فيها يارب
واذا بدك نصيحه حاولي لاترضعيها أمام اي أحد

طمنينا شو صار معك

[ام سهيل]

الله يحميها

ابني يرفع رجله على وجهي حتى اعمل له مساج فيها

او يجلس سقرص وجهي ويشده بكيفه

انا امسك ايده وابوسها والعب فيها فينسى
بس يرجع ثاني يعيد الحركة

ربي يهديهم

واذا بدك نصيحه حاولي لاترضعيها أمام اي أحد

لسة كنت راح اقول نفس الجملة بس سبقتني فيها ام عبادة

الافضل الابتعاد عن اعين الناس وقت الرضاعه

حماية من العين لاسمح الله .