((ابنى *!* والعند))***ارجو المساعدة

[نانا نونا]

نانى فى طريقه كمان ممكن تستخدميها وهى كرسى الوحشين لما يعمل حاجه غلط قعديه عليه وهو نوع من انواع العقاب واحنا كلنا بنحاول

على فكره انا ابنى لوعندنا ضيوف ومفيش غير الكرسى ده الى فاضى لايمكن يقعد عليه لانه عارف ان ده كرسى الوحشين ولو عمتو مثلا قعدت عليه يقولى عمتى قعده على كرسى الوحشين هههههه

ههههههههههههههه حلوة كرسى الوحشين دى دى شبية بحكاية الكنبة الى انا عملتها لدودو بس على كنبة بقى ههههههه هى فعلا فكرة كويسة وحسة انها جابت نتيجة بس بطيئة يمكن علشان مجربتهاش الا مرة واحدة بس اعد يعيط ويزن بطريقة مستفزة علشان اقومو من عليها سبحان من صبرنى هههههههههههه

[نانا نونا]

اختى العزيزه نانا شفاكى الله وعفاكى يارب

انا لست طبيبه انا مدرسة لغة انجليزيه بس اعرف مرض السكر لانه متواجد عندى فى عائلتى
واعرف كم تعانى منه وخصوصا انه عندك من الصغر ربنا يجعل كل لحظة ألم مريتى بيها فى حياتك مغفره لك عن كل الذنوب وزياده لكى فى الحسنات وربنا يجازيكى كل الخير على صبرك على هذا الابتلاء وهذا ان دل دل على حب الله لكى واتمنى ان تكون الابواب بينك وبين ربك دائما عمرانه بالخير وبالطاعه

عجبتنى جدا ان لقيتى حاجه تقدر تشد انتباه الولد وانك تشاركيه فيها بس لازم تكونى متجدده فى مثل هذه الاشياء لان الاطفال بيملوا بسرعه حاولى تخلى كل اسبوع فى حاجه جديده
وفقك الله اختى مع ابنك ولكى منى كل تقدير واحترام ودعواتى لك بأستمرار

مشكورة يا نوجة اسمحيلى ادلعك هههههههههه انا يا حبيبتى قولت انك طيبة موش طبيبة بس موش مهم ممكن تشوفى بنتك طبيبة او ابنك فال خير ربنا يخليهومللك اة فعلا السكر متعب بس الحمد للة على كل حال وانا بجد متشكرة جداااااااااااااا على اهتمامك وعلى دعواتك جزاكى اللة خير عليها وازاد فى ميزان حسناتك وربنا يعافى ويصبر الى تعبان فى عيلتك ويجزية خير اة فعلا منا جربت الصلصال مرة ومرة جبتلو برنامج من على المنتدى هنا جميل اوى كلرينج بوك تحفة صور وهوة يلونها وبدا يستجيب واحدة واحدة ببطئ بس احسن من مفيش الغريبة بقى انى انا ااول امبارح تقلت شوية فى التنضيف وتعبت شوية وروحت امبارح للدكتور علشان نزل عندى مية والدكتور زعقلى وطلب منى الراحة المهم الحمد للة بس دودو بقى كان غريب جدا فى العيادة كان هادى وفجاة مطرت وهات يا زعابيب عياط ونكد وسريخ بطريقة صعبة ونام فى الارض قعد يعمل حجات غريبة جدا وموش عارفة عاوز اية هوة نفسو موش محدد ؟؟؟؟؟؟؟ظ كان فظيع احرجنى جداجدا فى العيادة الناس صدعو وكان مصر اشيلو وشيلتو برغم تعبى واللة وقعد يرفس برجلية فى بطنى ويسرخ واللهى قبل مكتب بدقيقة بردو فضل يزن وخلانى شيلتو لحد منام جمبى اهوة ربنا يهدية واللة وقولتلو لما روحنا انا زعلانة منك خالص علشان عملت كذا وكذا قعد يعتزر وبعدين قولتلو برغم انك شقى وزعلتنى بس انا بحبك وبتبسط منك لما بتكون مؤدب موش عارفة مالو بجد نوبة الغضب الشديدة دى سببها اية واللة انا موش مقصرة معاة خالص

[naglaa22]

انتى عارفه يا نانا الوحيد الى كان بيقول لى يا نوجه هوه بابا الله يرحمه رغم انى مبحبش اسمعها من حد غيروا
بس منك جميله والله جزاكى الله كل الخير
خالى بالك موضوع المياه اثناء الحمل خطير خالى بالك من نفسك واسمعى كلام الدكتوره والتزمى الراحه كما قالت لكى رغم علمى ان الراحه صعبه بسبب مهند بس ربنا يقويكى يارب

بس تصرف ابنك عند الطبيبه مش طبيعى ياريت تروحى عند طبيب اطفال وتقولى له تصرفاته احسن يكون فى حاجه مش طبيعيه
ان شاء الله خير بس علشان تطمنى

[نانا نونا]

ربنا يرحم بباكى ويغفرلو ويجمعك واياة فى الجنة ان شاء اللة وانا ليا الشرف انى اناديللك زى بباكى بس المهم مكونش بديقك كدة اة بلنسبة لموضوع المية ادينى روحت عند ماما كام يوم ربنا يخليهالى ويخليللك ممتك وارتحتلى شوية بس رجعت امبارح بقى صعب عليا جوزى متبهدل من غيرى الجواز وتحمل المسؤلية بقى اجى على نفسى شويتين ربنا يقدرىن دودو الى عملو فعلا موش طبيعى بس انا زى مقولت هوة بقى موش طبيعى خالص وبلاحظ انو بيقصد يجى جمب بطنى يقولى شيلينى بلاحاح وزن ماما بتقول دة غيرة هبقا اودية لدكتور ان شاء اللة انا اصلا هحللو علشان شاكة انو عندو ديدان لانو بيتالم وهوة بيعمل بي بى وفى حاجة كمان متاخذنيش يعنى بس ديما لما بيتنرفز او يتوتر بمسك عضوة التناسلى ولما بيتنرفز جامد بيخبط بادية جامد علية غصب عنى بضربو لانى بخاف ياذى نفسو لو تعرفى السبب او الحل من فضللك افيدينى لكى منى ولاولادك سلام