بسرعة الله يخليكم

[القلم الأسير]

السلام عليكم ..

ابني عمر امبارح كانت حرارته عاليه كتير حطيتلو تحاميل وخافض حرارة ومش راضيه تنزل رحت اخده أبوه على المستشفى

عملوله صورة أشعه لصدره وحكولي معه التهاب بالشعب الهوائية وعملولو تبخيره واعطوني دوا خافض حرارة ودوا مضاد حيوي

هلقيت بدي أشربه الدوا بس مش عارفه قديش احط مية عليه لأنو دوا اسرائيلي ولا كلمة عربي مكتوبة ومش فاهمه ..مكتوب بس هالجملة

To prepare 100ml suspension, the pharmacist should add 92 ml distilled water.

ياريت حدا يحكيلي هالجملة شو معناها وقديش احط مية على علبة المضاد الحيوي..


واذا فيه حدا بيقدر يشرحلي شوي شو يعني التهاب بالشعب الهوائية..

هلقيت ابني من يوم ما انولد وهو دايما بينفخر وهيك فيه صوت احيان بيعملو متل الشخير معقول يكون معه لحمية بأنفه..الدكتور ما حكى لأبوه امبارح بس حكى التهاب بالشعب الهوائية..

مش لو كان فيه لحميه كان حكو امبارح ..الله يشفيلي ابني ويريح بال اللي تحكيلي يارب..

بستناكو احكولي قديش احط مية

ابني عمره سبع شهور

والمضاد الحيوي اسمو Augmentin suspension 125mg/5ml

[ام مرمر و ليلو]

الله يحميلك ابنك
حسب هذه الجملة
the pharmacist should add 92 ml distilled water
يجب اضافة 92 مل من الماء المقطر للدواء والكلام مكتوب بالانكليزي مش الاسرائيلي

وبخصوص الشخير ممكن سببه مرضه والسيلان الانفي مش شرط يكون لحمية
ام التهاب الشعب الهوائية هي التهاب في الرئة يصيب الاطفال في الشتاء
اعطيه الدواء بالوقت المحدد والله يشفيه لك

[القلم الأسير]

الله يهدي بالك يارب يأ ام مرمر

بعرف انجليزي مش لهالدرجه خربانه بس هوا اسرائيلي الدوا وكل الحكي عبري الا كم جملة بس مكتوبات بالانجليزي توقعت انو هاي هيا اللي بدي اياها بس ماعندي ترجمه وحبيت اتأكد..

ان شاء الله يارب ما يكون معه لحمية ويكون طبيعي ..رح اشربه الدوا وربنا يشفيه يارب مسكين كتير متغير مع المرض ..

[ام مرمر و ليلو]

هههههههه الله يسعدك
ويفرح قلبك بشفاء ابنك يارب
الله يلبسه ثوب العافية والصحة

[hasna1976]

مش انت اللي تضيفي المي مكتوب انه الصيدلي هو اللي بضيف المي يعني قبل ما يصرف الكم الدوا بكون ضاف المي

احنا هون نفس الشي فما تضيفي انت مي بيكون الصيدلي ضافلك

[ام مرمر و ليلو]

حسنة هاي انتوا بامريكا عندكم يضاف المي الصيدلاني
احنة بالبلدان العربية مافي هيك شي
احنة اللي بنضيف المي بعد مانقرا التعليمات ونشوف الكمية المذكورة

[رورو رنوش]

حبيبتي دايما بكون فيه علامه على علبة الدواء لوين تحطي مي والعلامه عبارة عن خط محفور بنفس العلبه بعدين الصيدلي خليه هو اللي يحطلك مي مقطرة من عندو روحي على اي صيدليه واحكيلو بدك اضيفي مي للدوا هادا وهو بعملك اياها على السريع والله يشفيلك ابنك يا رب

[♥أخت فى الله♥]

حبيبتى ربنا يشفيهولك يارب
فعلا مثل ما قالوا الأخوات تضيفى 92 مل ماء
بس حتى لما كنت بألمانيا كانوا يقولوا لى أفضل شئ تضيفى ماء الصنبور و ليس ماء مقطر
و الله أعلم
و المضاد الحيوى ده رااااااااائع بجد
أوجمنتين ده لأى إلتهاب بالأنف أو الأذن أو الحنجرة كمان
و بعطيه دايما لما يكون عند أولادى إلتهاب باللوزتين

إبقى طمنينا يا قمر
و ربى يحفظهولك هو و كل أبناء المسلمين يارب من كل شر

[ام ايودي عبد الرحيم]

ربنا يشفي ابنك ويعافيه يااااااااااااارب
حبيبتي البنات ما قصروا وشرحولك كيف تحضري الدواء بس انا حبيت انبهك انه التهاب الشعب الهوائية bronchiolit اذا ما نفع معه الدواء من الافضل تعملي لابنك علاج طبيعي حتى يخرج الافرازات الي في صدره اسمها kennesétherapie respiratoire بالفرنسية تقدري تبحثي عنها بالنت و هي افضل علاج من الادوية خاصة انه لسا بيبي صغير و الاحسن تفادي الادوية قدر المستطاع
انا ابني مرض بيها قبل ما يوصل 3 شهور من عمره و عالجته بالادوية تحسن شوية وبعدها لما بدلا يسنن رجع مرض تاني حتى دخل المستشفى اسبوع وعملولو اكسجين و تبخير دواء في صدره وكمان العلاج الطبيعي و الحمد لله تحسن الان وما ياخذ اي دواء فقط مستمرة بيه على العلاج الطبيعي عشان يطلع الافرزات الي في صدره حتى يشفى نهائي باذن الله