أخواتي أصحاب الخبرة ساعدوني رجاء

[فلة دوت كوم]

السلام عليكم ورحمةاالله وبركاته

أخواتي عزيزاتي أتمنى تكونوا بألف خير يارب عندي مشكلة صغيرة مع ابني عمار

ابني هلأ صار سنتين و7 شهور وبلشت علمو عالنونو من شي 4 شهور تقريبا انا بلشت معو وجبتلو البوتي سيت ويمكن ما عمل عليها النونو غير مرة او مرتين وبعدين ما عاد حب البوتي وصار بدو يعمل بالحمام زي الكبار والحمد الله بلش يتعلم عليه بس هلأ المشكلة اني انا بلشت معاه بالبيت وكنت اخليه بلا فوطة الاطفال او حتى بلا الكلوت بس بالفلينة او البربتوز وشوي شوي صار لما يحس انو بدو نونو فورا يقولي ماما حمام والحمد الله الحقو بس هلأ المشكلة انو مجردما يلبس الكلوت او الدايبر او البول ابس فورا بيعمل فيها وبينسي يقولي انو بدوحمام مش عم يعرف انو كمان حتى لما يلبس يقولي انو بدو نونو

ياريت يا صبايا اللي عندها معرفة كيف ممكن اخليه يقول عالحمام وهو لابس الكولوت مش بس لما يكون من دون اواعي

انا بعرف اني اتأخرت بتنظيفو بس بصراحة عندي صعب تنظيف الارض عشان الارضية خشب وما بقدر انظف بعدين يمكن عشان اول ولد كنت خايفة من هالخطوة


طولت عليكم سامحوني بس بجد بدي نصائحكم رجاء لا تتاخرو بالرد علي

ام عمار

[ام سيف2007]

هلا ام عمار
ربي يبارك لك في ابنك
هو بالفعل كبير ربي يحميه وكان الافضل تعوديه وتلبسيه الكلوت طول ما هو خارج الحمام
الحين اشتري له ملابس داخلية عليها رسوم يحبها ويختارها بنفسه
وفهميه انه ما بدنا نوسخ هذه الملابس الجديدة
وابدأي معه من الاول كل نصف او ربع ساعة خذيه للحمام
وان شاء الله ما بياخذ وقت وبينتبه لنفسه
ربي يبارك لك فيه ويحميه

[ام بانه]

انت لما تلبسيه ضلك اساليه نونو عشان يعرف انه حتى وهو لابسه يحكي بده يعملها.

[امل الحياة22]

ربنا يحفظلك ابنك
انا يا اختى كان عندى نفس المشكله مع ابنى
بس بعد الصبر والتشجيع اخيرا اتعلم على الحمام وصار مايلبس
البامبرز ، انا كنت كل مره يقول انو بدو الحمام اكافئه مرات بالكلام و القبل ومرات اخرى بالهدايا
وربنا يعينك جربى ما راح تخسرى شئ

[فلة دوت كوم]

يعطيكم الف عافية عالرد ان شاء الله رح احاول من جديد والله المستعان

بس كان نفسي اسمع تجارب اكتر حتى استفيد اكتر

شكرا