ماذا افعل؟

[ام تيغو]

السلام عليكم
اخواتي انا عندي طفله عمرها سنه ونصف وبدي انظفها من الحفاض بس كتير متوتره من هاي الشغله ومو عارفه كيف يا ريت تساعدوني وتقولولي كيف انظفها من الحفاض

[ام مرمر و ليلو]

الله يخليها لك
قصدك كيف تخليها تترك الحفاض وتتعود\ على الحمام ؟
طباً محتاجلك صبر والتوكل على الله
ولازمك فترة ماتخرجي من البيت حتى ماتضطري انك ترجعي تلبسيه حفاض
انا استغليت فترة ابوعين ماعندي مشاوير وبلشت معاها
واول مابلشت نزعتها الحفاض نهائياً فقط بالليل واول يومين
وبعدها مالبستها ابداً
واليك هذه الروابط وان شاء الله تنفعك نصائح الاخوات

http://www.lakii.com/vb/showthread.php?t=512863

http://www.lakii.com/vb/showthread.php?t=280771

http://www.lakii.com/kids/modules.php?name=Child&file=children&doWhat=showarticle&topicid=7&articleid=631

http://www.lakii.com/vb/showthread.php?t=599804

http://www.lakii.com/vb/showthread.php?t=618894

[Apple Spring]

هو بيسب التوتر لي كمان مع ان مش أول مرة لكن كل مرة أعلم فيها طفل عالحمام بيكون صعب لأنهم مو متل بعض في العناد وفي الاستيعاب وغيره ..
أختي أنا بعلم أولادي بعد السنتين عالحمام .. بشوف انهم بيفهموا بهالسن أكتر .. لكن أول شي لازم تعلميه للطفل هو تعلميه مصطلحات الحمام .. لازم يفهم شو اسم الحمام .. شو اسم الشي اللي بيعملو بالحمام ..
لما تغسليه من الحفاض بعد ما يقوم من النوم حطيه بالحمام وقوليه له بلغة الأطفال ان يعملها .. ممكن ما يفهم أول شي .. اصبري معاه شوي بالحمام بعدين طلعيه وحفضيه .. مرة تانية وتالتة اعملي هالشي حتى تشوفي ان فهم شوي انتي شو بتقصدي ..

بعدها خلص حطيه بالحمام وقوليه له خليه يعملها واصبري كمان معاه .. واعطبه شي يلعب فيه وخليه خاص بالحمام عشان يلعب فيه .. ولما يعملها ابتسمي له وشجعيه .. وسواء عملها أو لا طلعيه ولا تحفضيه .. وقولي له لما تلبسيه البيجامة لما بدك تعملها اعملها بالحمام وأشيري عالحمام .. خليه يفهم بإشارات اليد مع الكلام ..

وأكيد حيغلط أحيانا ويعملها برة الحمام .. مش مشكلة لو عملها ازعلي منو شوي وقولي له مو قلت لك اعملها بالحمام وهذا وسخ وهيك يعني بس بلطف .. خليه يفهم ان لازم يروح للحمام .. وانتي حتشوفي كيف بيكون حصران وبدو يعملها ..

يعني ممكن يلمس هالمكان دليل ان حابب يعملها .. ومثلا يروح يتخبى بمكان فجأة يناظرك لك ويروح يتخبى .. أو ممكن ما يعرف يجلس ويضل يمشي فقولي له بدك تروح للحمام؟ ووديه ..

وبهالطريقة إن شاء الله يتعلم .. والله يسهل لك

[ام سيف2007]

كلام ابل سبرينج صحيح ونفس ماكنت ساقوله
وتجارب الاخوات هتفيدك كثيرا ربي يوفقك