ابني مابيشبعش من لبن صدري ليييه؟؟؟؟

[ام ادهوم]

السلام عليكم
ابني ربنا يبارك فيه عنده شهر واسبوع وعنده لسه الصفرا هي قلت بس لسة موجودة وكمان وزنه بيزيد قليل هو بيرضع طبيعي بس النهاردة الدكتور قال انه ما بيشبعش مني وكتبله لبن صناعي بيبيلاك1 بجانب الرضاعة الطبيعية
طيب ايه السبب انا بصراحة اضايقت ونسيت اسأل الدكتور وياترى اقدر اعمل حاجة تخلي لبني يشبعه ؛للعلم انا مش ضعيفة جسمي مليان شوية وباكل اكل يزود اللبن
بجد مضايقة كنت حابه ارضع طبيعي على طول
والصفرا محتاجة انه يشبع
هو حبيبي بيرضع مني بس في وقت طويل يمكن ساعة واكتر وفي مرة في اليوم او مرتين يفضل صاحي لمدة3 أو 4 ساعات ويرضع اشيله لن صدري يعيط

طولت عليكم بستنى ردودكم

[ام سيف2007]

ام ادهوووووووووووم ازيك يا عسل

هدي نفسك بس لانك اكيد متوترة من كتر حرصك انه يرضع طبيعي

بصي والله العظيم ده نفس اللي حصللي في اولادي الاتنين

بس مع اختلاف تصرفي انا

في سيف استسلمت واديتله رضعة صناعي وكان بياخدها بالعذاب قبل النوم

وفضل ياخد الرضعة دي لحد السنة

اما عمر والله نفس زيارة الدكتور وقال نفس الكلام

بس انا كنت انصح كتير وربنا ساعدني جدا

بدري اوي انك تحددي بيشبع او لا من شهر

المفروض كان يوزنه لمده ثلاث اسابيع كل يوم حد مثلا وبعدها يقرر

انا قرأت كتاب دكتور سبوك ممتااااااااااز وشجعني جدا ىكنت باقرؤه وانا برضع والله

مع مقالات الدكتورة شروق الهيتمي ورووووووووووووووووووووووعة بجد

وكتير تابعوا معاها وبفضل الله رضعوا طبيعي

ادخلي حاااااااااااااالا على ملفها واقرأي كل مواضيعها

هتعرفي تاكلي ايه وبيشبع وللا لا

واساليها في الموضوع بتاع الاسئلة

وعموما الطفل المفروض يزيد كل يوم 20 او 30 جرام

وكده يعتبر طبيعي

شوفي زيادته ايه كويسة وللا لا؟

في اكلات كتير بتزود اللبن

وفيه اقراص كمان اسمها لاكتوماكس او هيربانا

حلوين جدا

الدكتور استعجل وريح دماغه

ومتسمعيش كلام حد

ربنا ادالك اللبن اللي يناسب يامن ويكفيه مخصوص ليه

متحرميهوش منه

متابعة معاكي اهو وطمنيني

[ام ادهوم]

حبيبتي ام سيف الله يخليكي يارب ويخلي ليكي اولادك يارب
دمعت عيوني بعد ماقريت كلامك حسيتك أختي بجد وعايزة تساعديني الله يكرمك
حبيبتي الدكتور انا كنت عنده من تلات اسابيع ووزنه ولاقاه زايد بس ربع كيلو
الدكتورة شروق انا كنت قريت لها وهي من ضمن اسباب اني قدرت ارضع دي كانت حكاية
هحاول ادخل تاني واشوف عن زيادة اللبن بس انا بدخل من الموبايل وخنقة بصراحة هههه
بس هادخل ان شاء الله
جزاك الله خيرا
بحبك في الله ام سيف

[ام سيف2007]

حبيبتي ام سيف الله يخليكي يارب ويخلي ليكي اولادك يارب

دمعت عيوني بعد ماقريت كلامك حسيتك أختي بجد وعايزة تساعديني الله يكرمك
حبيبتي الدكتور انا كنت عنده من تلات اسابيع ووزنه ولاقاه زايد بس ربع كيلو
الدكتورة شروق انا كنت قريت لها وهي من ضمن اسباب اني قدرت ارضع دي كانت حكاية
هحاول ادخل تاني واشوف عن زيادة اللبن بس انا بدخل من الموبايل وخنقة بصراحة هههه
بس هادخل ان شاء الله
جزاك الله خيرا
بحبك في الله ام سيف

سلامة عيونك من الدموع يا عسل
ما انا فعلا اختك عندك شك؟
برده يا قلبي انه يتابع وزنه مرة واحدة مش كفاية
الزيادة ربع كيلو قليل لكن هو عنده الصفرا يعني مريض
عشان كده لازم يوزن 3 مرات وميكونش عيان خااااااالص عشان يتاكد ان المشكلة في لبنك
مش يوزن مرة واللي بعدها لو مازدش ترضعي صناعي
جربي نفسك فيه اكلات كانت بتزود اللبن عندي مثلا السمك والحلبة
والدكتورة شروق عاملة ملف كامل بالاكلات دي
وكونه بيرضع طول الوقت ويزن لو مش بيرضع مش معناه انه جعان بس
ممكن ممغوص
ممكن مرتاح في حضنك
انت بس دوري على كتاب دكتور سبوك هيرد على الكلام ده
الكتاب تحمليه من هنا
http://www.4shared.com/file/68784613/82f235f2/________.html
انسخي الرابط في الانترنت اكسبلور
وياااااااااااااااااااااارب تشتروا لابتوب ههههههههههههه
احبك الذي احببتني فيه
وانا بموت فيك وفي ادهم ويامن
ربنا يقويك ويعينك

[ام ادهوم]

نسيت اقولك
انا كنت باخد دوا سيوةلاكتو من اول يوم ولادة انا كنت طلبته من الدكتور والله
وبشرب سوايل حلبة وينسون وباكل حلاوة طحينية ومكسرات
وفاكهة
يعني هابقا فيل ههه
بس مش عارفة السبب قلة اللبن ولا ان اللبن خفيف؟
ام سيف لو سمحتي ولوفيها تعب حطلي رابط الدكتورة شروق
شكرا ليكي

[ام ادهوم]

هههههه الله يسعدك لاب توب حته واحدة انا كنت لسة بكلم ابو العيال وقولتله يا انا يا اللاب توب هههه
بس النت ياستي اللي مقطوع
بس هاروح عند اختي واشوف كتاب د سبوك في اقرب فرصة
جزاك الله كل خير
ازعجتك النهاردة

[ام سيف2007]

سيبيك من فيل وغيره ده

المهم ابنك وصحتك دلوقتي

كمان 3 شهور كده ابقي فكري في الموضوع ومش اوي برده

جربي هيربانا اقراص حلوة وجابت معايا مفعول

الدكتورة شروق قالت ان اللبن عمره ما يكون خفيف غير عند الناس اللي من المجاعات

خليك واثقة في نفسك وباذن الله كلها 3 شهور كمان وتاكليه افضل من الصناعي

وساعتها هيشبع ويكبر كويس

ادي كل مواضيع الدكتورة شروق

http://www.lakii.com/vb/search.php?searchid=3045729

ربنا معاكي

يعني المشكلة في النت ليييييييييييييييه لا دي سهلة يو اس بي تحل الموضوع
بلاش الكلام اللي يزعل بتاع ازعجتك ده
والله فرحانة اني بفكر معاكي
سلمي على العيال وخلي بالك منهم

[ام ادهوم]

شكرا حبيبتي
هاجيب هيربانا ان شاء الله
الله يسعدك

[Mi*Mi]

السلام عليكم ...رربنا يعينك ام ادهوم انا فعلا بعتبر الرضاعه تحدي و باذن الله بتقدري عليه
زودي لبنك حبيبتى بشرب الحلبه و الشمر و الكراويه.....اكل الحلاوه الطحينيه و التمر و الجزر و الشوربات و شوربه العدس

شوفي لو ابنك زاد في الشهر من 800 جرام الى كيلو فكده ممتاز و هو بيشبع منك باذن الله ....

انا عدت عليا فتره كان في صدري التهاب و كنت برضع من صدر واحد و حصل معايا زي ما بتقولي
بنتى تعد ترضع بالساعه و تمص و تنام و تقوم و هي على صدري و اجى انيمها تعيط و كنت خلاص تعبت
و صعبت عليا لانها مكنتش بتنام بالليل بالذات لان على اخر اليوم يكون صدري فاضى.

رحت لدكتور يكتبلها على لبن صناعي بعد ما حولت اصبر كام يوم بس نفذ صبرى
هو رفض بصراحه لان وزنها كان حلو و قالى ممكن ترفض صدري بعد كده بس كتبلنا على نوع وقال الخيار لينا...بصراحه احترمته جدا...
و استنيت برده كام يوم و جبت من الصيدليه بودر كده بيتعمل مشروب للحوامل و المرضعات يزود اللبن لكن برده استمرت المعاناه

فدخلت الصناعي رضعه بليل بس 125 ملل.

طولت عليكي ....بس الحمد لله بعد ما وقفت المضاد اللي كنت بخده و بعدها بكام يوم الوضع اتحسن
و دايما اشرب ماء اهم حاجه و الراحه النفسيه لان بجد التوتر بيأثر على كميه اللبن

و ممكن برده تكلى الفجل و الجرجير ممتازين
بليل خلى جنبك زجاجه ميه و ساندوتش حلاوه علشان كل ما تصحى ترضعيه تشربى و صدرك يكون لبن

ربنا يطمنا عليكي

[ام ادهوم]

اخت ميمي الله يكرمك ويخليلك بنتك يارب وجزاك الله خيرا على المعلومات اللي قولتيها
بجد كلامك عطاني دفعة لقدام
فعلا الرضاعة تحدي وانا اخدتها كدة من الاول
الله يكرمك
وماطولتيش ياقمر بالعكس افدتيني والله
بالمناسبه فكرتيني انا كمان عندي التهاب والدكتور كتبلي على مرهم مضاد حيوي وربنا يسهل

[safylife]

شوفى يا ام ادهم انا كنت فاكرة الرضاعة دى حاجة كده سهلة بس طلعت موال
ولازم نصبر علشان اولادنا
انا ايام يكون صدرى فاضى و بالعافية يطلع لبن ساعتها ابنى بيعمل زى ابنك ممكن يفضل يرضع وقت كيييير و يعيط و ينام وهو جعان
ربنا هدانى انى استخدم حبوب هيربانا و بغلى كمية حلبة كبيرة و بشرب منها وانا رايحة وانا جاية و جبت كمان شمر غليته مع ينسون
و بشرب مياه على اد مابقدر

والفجل والجرجير ممتازين
انتى بس اصبرى شوية
وعلى فكرة لما بكون تعبانة ومش نايمة اللبن بيقل جدا حاولى تنظمى اوقات نومك
وطمنينا عليكى وعلى النونو

[م. فاتن]

السلام عليكم و رحمة الله و بركاته

ما شاء الله على الأخوات ما قصروا ربنا يبارك فيهم و يجعله في ميزان حسناتهم
احكيلك عن تجربتي
أنا ابني رفض الرضاعة مني مطلقا أول 10 أيام من ولادته
ولدت قيصرية
و طبعا ما أحكيلك عن كل المتاعب النفسية و الأزمات و الآلام التي مررت بها بسبب تحجر الحليب في صدري و فوق كل هدا الغربة عن الأهل و ما كان حولي من معين بعد الله سوى زوجي
والله كنت أبكي بحرقة
كان يقضي يومه كاملا نائما و عندما يفيق و أضعه على صدري يرجع لنومه و ما من مجيب كأنه غارق بغيبوبة لا سمح الله و لم يكن يرضع سوى رضعة جاهزة أعطوني إياهن من المستشفى بوقت الليل و بالنهار يشرب أعشاب فقط لحتى كدت أجن من رفضه و عدم محاولته الرضاعة مطلقا مهما حاولت معه
لحتى ربنا هداني أخيرا و قرأت موضوع د.شروق جزاها الله كل خير عن تقنية ملامسة جسم الأم للطفل دون ملابس
والله طبقتها بالليل و حسيت بأروع شعور بالدنيا
تاني يوم ما شاء الله مسك صدري و شد عليه و بدأ يرضع لوحده ما صدقت بكيت من الفرحة
هاليوم ما بنساه
خلاصة القول هاي التقنية لها فوائد كتير كتيييييير خصوصا لحديثي الولادة اقرئي عنها أهمها إدرار الحليب
و طالما عندك حليب اهتمي فقط بنوعية أكلك و ما يدر الحليب و إياكي تفكري بالصناعي

و طمنينا عنك

[ام ادهوم]

اخت صافي لايف الله يكرمك يارب ويخلي ليكي ابنك ؛صابرة والله بس خايفة على ابني انا ماجربتش الشمر هاجيب منه واشربه انا ادمنت الحلبه خلاص الله المستعان

[ام ادهوم]

م.فاتن الله يخليلك اولادك
قصتك قريبه لقصتي مع ابني ادهم الكبير رفض يرضع مني بس انا خفت عليه وفي اليوم الخامس روحت للدكتور وطلبت لبن صناعي مصبرتش وكانت غلطة اما المرة دي اصريت اني ارضعه وعملت زيك نصيحة د.شروق وكنت المس كمان خدي بخده ونزل اللبن عندي خامس يوم
كنت ناوية اكتب تجربة رضاعتي ل يامن هههه ربنا يسهل بس ويكمل طبيعي
جزاك الله خيرا
بس تعرفي انا عندي لبن في صدري ما شاء الله مش قليل بس مش عارفه ايه الموضوع
انا هاحاول وااحاول واحاول
شكرا ليكم جميعا