سؤال عالطاير

[ام ادهوم]

السلام عليكم
ان شاء الله الجميع بخير
انا الحمد لله ولدت من شهر
وربنا رزقني ب ولد الله يحفظه ويبارك فيه هو و أخوه يارب ويبارك في اولاد المسلمين اجمعين
سؤالي اللي عالطاير لاني بكتب من الموبايل ومش مريح ابدا هههه
ممكن اعطي ابني رضعة اعشاب من الصيدلية مش من العطار عبارة عن كاموميل وشمر وينسون وكراوية مرة بالليل تساعده ينام ولا غلط؟
هو بيرضع طبيعي الحمد لله
هاستنى الرد
سلام عليكم

[ام ايودى]

اه طبعا اختى ممكن دى مريحه وتخليه كويس وتهدى اعصابه وتساعده ع النوم وتشيل الانتفاخات من عنده بس هيا مره واحده بس قبل النوم علشان ميتعودش عليها انا ابنى ورانى الويل وكان عاوز يسيب صدرى من كتر ماكنت بديهاله

[ام ادهوم]

شكرا ليكي ام ايودي جزاك الله خيرا
اكيد هاديهاله مرة واحدة
بس كميتها اد ايه؟كام ملل؟
ابني الاول كان بيرضع صناعي وما اخدش الاعشاب دي في الاول كدة

[نورلؤي]

حبيبتي حمدا لله علسلامة والله يحفظ اولادك يارب وتفرحين بيهم

بالنسبة للرضعة كنت اعطي بيني ينسون ( افور ملعقة صغيرة من الينسون مع نصف كوب ماء واصفيها واعطي لبنتي )

[soso.abd]

الحمد لله على سلامتك و سلامة النونو و ان شالله يفيدوك باقي الأخوات.

[ام ادهوم]

اخت نور لؤي الله يخليك ويبارك في بنوتك يارب
بصراحة سألت الدكتور وقال انه ملوش لازمة وعطاني دوا طبيعي
بس انا حابه اعطيه الاعشاب
سوسو عبد الله يخليكي ياحبيبتي

[ام سيف2007]

الف حمد لله على السلامة ام ادهوووووووم
وحشتينا
خلاص بقيت زيي معاك ولدين اهئ اهئ
ههههههههههه المهم سلامتك يا قلبي
الله يجعلهم من الصالحين يارب
بالنسبة للاعشاب انا كنت اعطيه ميلوبا شاي الاعشاب
وممكن بيبي كالم
مرة واحدة يوميا 60 مللي فقط
الله يهديه لك ويحفظه ويبارك لك فيهم

[ام ادهوم]

حبيبة قلبي ام سيف
الله يسلمك يارب ويخليلك الحلوين
اه ياستي بقينا زي بعض ربنا يبارك فيهم جميعا ويكونو من عباد الله الصالحين وحفظة قرآنه والعاملين به ان شاء الله
كنت مستنه ردك والله كنت عارفة اني هاخد منك الخلاصة والاستفادة الله يكرمك
انا عندي بيبي كالم
شكرا يا قمراية

[wbaby]

ام أدهوم حمدلله علي السلامه ربنا يبارك فيه وفاخوه ممكن تديله طبعا خصوصا فالبرد ده والدوا ده كمان من أعشاب بس خلي بالك متديلوش الأعشاب وهوه شبعان علشان ميرجعش وربنا يحميه

[ام ادهوم]

الله يسلمك ويسلم قلبك يا ام الحلوين ويخليهم ليكي يارب
اه حبيبتي مبعطهوش له الا ما يكون جعان
علشان دي اول مرة ارضع طبيعي بصراحة كنت خايفة بس البركه فيكم طمنتوني
جزاكم الله خيرا
ويارب ارجع المنتدى تاني مفتقداكم والله بس النت فيه مشاكل
بحبكم في الله

[ام سهيل]

حياك الله

تعرفي ممكن انت كمان تشربي الخلطات الطبيعية منها انه انت جسمك يستفيد والطفل كمان يستفيد تنزل له مع الحليب.

[ام ادهوم]

اهلا وسهلا اخت ام سهيل
شكرا على اضافتك
انا بصراحة مليش في شرب الاعشاب؛علشان خاطره والله شربت حلبه بالعافية علشان ازود اللبن وكنت بشرب ينسون بس زهقت هههه
انا زي الشعب المصري كيفين شاي
نورتيني