ساعدونى الله يخليكم

[أم عبد الرحمن3122010]

بنات ابنى والحمدلله يوم 3/3 يكون اكمل شهرة الثالث

هل ابدا معة فى الاكل وابدا ازاى ؟
ملحوظة اصبح يخرج رغاوى من فمة كل فترة ويمص فى ايديو كلها وهو شبعان ولسة مخلص رضاعة ياريت تفسير !!!!!!!!

[حمرة الورد]

انتظريه يكمل الشهر السادس أو على الأقل 5 ونص .

[بسمه الم فلسطين]

اختي الافضل تستني ليخلص الشهر الرابع
ومص الاصبع عادي

[أم عبد الرحمن3122010]

شكرا يا بنات الله يحفظكم

[كرز وتوت]

هلابك كنزي
اسنتي لحد مايخلص اربع شهور واعطيه بالتدريج عصير فواكه مهروسه خطوه خطوه

[أم عبد الرحمن3122010]

شكرا حبيبتى ربنا يكرمك

[عذراء ام رامي]

حبيبتي مثل ماحكوا البنات استني ليخلص الشهر الرابع وابدي معاه بفواكهه مهروسه او سيريلاك مخصص للشهر الرابع او بطاطا مع جزر مسلوقين ومهروسين

[doaa hamdy]

اهلا كنوزه اخبارك ايه انتي وبيدو السكر
بصي يا قمر هوا في دكاتره بيقولو تبدأي أكل من الشهر الرابع ودكاتره بيقولوا من السادس
لكن اخر كلام من منظمه الصحه العالميه بيقول الشهر السادس
بس انا سمعت دكتور مدحت الزيات الي بيجي علي الحياه بيقول 6 شهور لكن لو البيبي وزنه زاد ومبقاش بيشبع من لبن الام وبيجوع بسرعه ومش بينام كويس تبدأي اكل
انا شايفه انك تستني لما يكمل الرابع
الدكتور قالي ابدأ ب زبادي وعصير جزر وتفاح وسيريلاك

[أم عبد الرحمن3122010]

شكرا حبيباتى وهنتظر وربنا ييسر

[Mi*Mi]

السلام عليكم...
ربنا يبارك في ابنك و عقبال متشوفى عريس
زي ما البنات قالوا
في دكتره بتقول من الرابع و فى من السادس
بس الغالب بيقول السادس
الدكتور فى برنامج العياده بيقول من السادس
دكتور مدحت الزيات بيقول علميا من السادس
لكن تطبيقيا بيكون صعب نبدأ من السادس لان سعات الطفل يرفض الاكل الخارجي
و قال ان ذاكره الطفل بتبدأ تكون من الشهر الرابع فلازم نعوده على الملعقه علشان بعد السادس متتعبيش معاه....و بتكون وجبه واحده في اليوم بس علشان تعوديه

[rejena]

اختي يارب يفرحك فيه وتشوفيه عريس
استني لاخر الشهر الرابع وبعدين اكليه

[ام المسافرين]

المغروض الطفل يبدافب الاكل من الشهر السادس

[أميرة صلاح]

حبيبتى كنوزة .. ابدأى من أول الرابع ان شاء الله .. بصى يا ستى اول اسبوع اديله مثلا زبادى .. اول يوم ملعقة .. تانى يوم زودى شوية مثلا .. لحد ما توصل مثلا نص زبدية ( فى الشهر الرابع ) والإسبوع اللى بعديه مثلا .. تبدأى تديله سيريلاك وتعصرى عليه برتقال .. يعنى نص برتقالة مثلا على ملعقة سيريلاك اللى بالقمح .. وياريت تراعى ان طعم البرتقالة يكون مسكر شوية مش حادقة يعنى .. والاسبوع اللى بعديه مثلا تديله تفاح مسلوق ومهروس .. وبعدين الإسبوع الاخير مثلا تديله خضار مسلوق ومهروس ( كوسة وجزر وبطاطس مسلوقين فى مية وشوية كمون بدون ملح او بذرة ملح صغيرة اوى ) وهكذا.. لحد ما يوصل للشهر السادس يبدأ ياكل بكميات كبيرة ... يعنى الشهر الرابع والخامس يدوبك بيتذوق الاكل وبيتعرف عليه ..

[أميرة صلاح]

انا كمان رأيى ان الطفل اللى بيتأخر فى الاكل مش بيحب الأكل اوى غير الطفل اللى بدأ بدرى شوية .. وانتى مش هتأكليه وجبات كاملة يعنى انتى يادوبك بتدوقيه وتعرفيع على الاكل لحد ما يوصل للسادس

[!! طيف المشاعر !!]

حبيبتي ممكن تاكليه من الشهر الرابع مرة وحدة في اليوم
مثلا بس وجبة غذاء
على اساس انه يتعود على الملعقة
في الشهر الخامس سويها وجبتين و على السادس يصير ياكل 3 وجبات
طبعا غير الحليب
بالنسبة للرغاوي و مص الاصبع
مرة عادي ... انا بنتي كانت كذا كمان
كنت احط لها الصديرية ( المريلة ) من كثر الرغاوي
و كانوا يقولوا لي ان لثتها تحكها يعني تبغى تنشق
اعطيه العضاضة على اساس انه ما يمص اصباعه
و الله يخلي لك ولدك و يحفظه لك

: )