شكر و شوق و أخر الأخبار عني وعن ابني مازن

[ام البنوته]

ربي اشافيه وعافيه
كمن سليم معافا كتب عليه الموت وهو في اتم صحته وعافيته
وكمن مريض يعيش سنوات
سبحان الله
لله في خلقة شؤون
وكل شي بيد الرحمن اذا اراد شي يقول له كن فيكون
ربي ايسرله الشفاء العاجل وقوه بسلامه وفرحك بيه وعوضك عن ايام التعب


ممكن يكون كلامي ملخبط
ودي اهون عليكي واتمنى لكي الخير كيف ماكان لانه امر المؤمن كله خير

الحمدلله على كل حال

[wbaby]

حبيبتي يابيرو ربنا يقويك يارب
ويشفي مازن هوه القادر على كل شيء

[saramshmsh]

بيرو حبيبتى
عاملة اية؟؟؟؟؟؟؟؟؟؟؟؟؟؟؟؟؟؟؟؟
خليكى قوية وربنا معاكى وان شاء الله ربنا يشفية هو القادرعلى كل شىء

[اسير الحريه]

حبيبتي الغاليه بيروو
الله يخترلك الافضل يارب يجعل السكينه في قلبك ويصبرك ويعوضك عن صبرك خير يا رب تشفيه تعافيه ويرجع احسن من الاول يا الله
الله اعم بحالنا جميعا
قلبي معاك ومش عارفه اعبر
ربي يفرج كربك ويعوض صبرك خيير يارب

[أم أحبابها]

بارك الله فيك ما قصرتي ....

و الحمد لله أن مازالت الدنيا فيها من مثلك ...

و قصتك عبرة لنا كلنا ...

و جعل ذريتك ذرية صالحة .....

و أكيد عبير راح تفرح بيها مثل ما سعدت بقراءتها ....

ففيها تشجيع و حب و ايمان .....

شكرا لدعائك أختي يا غالية ولو كان باستطاعتي ما تركت عبير للحظة فكربها عظيم والحمد لله فهي مؤمنة ومحتسبة وأعانها الله على أمورها كلها
شكرا لمرورك فدائما طلتك شمس مشرقة ومدادك علم وحكم ولطف بارك الله لك أيضا في ذريتك وحشركـ مع الحبيب المصطفى صلى الله عليه وسلم

[أم أحبابها]

حبيبتي بيرو الله يطمن قلبك ويثبتك ويقويكي



اختي ام احبابها الله يعوضك خيراً ويبارك لك في اولادك وبنتك ويكون ابنك شفيعاً لكِ يوم القيامه
الله يثبتك اختي والله رحيم اللي اختاره لانه وحده العالم بحاله لو كان كتب له يعيش كان هيتألم اد ايه ويعذبكم معاه فربنا لطف بيه وبيكم ماشاء الله عليكي الله يصبرك ويثبنك ويعوض في اولادك خيراً
انا معاكي انها تدعي الله واللي فيه الخير يقدمه ربنا وربنا كل اللي بيقدمه خير وفضل وله حِكَم
واللي عايزه حزن ربنا بيديها اللي عايزاه لانها ما احسنتش الظن بربنا ويأست من رحمته وقدرته واللي عايزه فرح وتتفائل ربنا بيكون عند حسن ظنها
الله يلطف بمازن وبكم

دعاؤك لامس قلبي ولك مثله وأفضل وفعلا كلما تعرفنا على الله وأحسنا به الظن وجدناه في كل حركة وسكون وكان العالم أجمل وأفضل فلا يمكن لعقولنا الصغيرة أن تفهم كل حكم الله وكل أحكامه بل له الحمد أن من علينا بالهداية والإيمان لنسلم له تسليما ونلح عليه بالدعاء :اللهم لا تكلنا إلى أنفسنا طرفة عين ولا أقل من ذلكـ وأصلح لنا شأننا كله وصل اللهم وسلم على سيد الخلق وآله وصحبه

[*جنة الاماني*]

بيرو انت فين
طمنينا عليك ياحبيبتي
اللهم رب الناس اذهب الباس اشف انت الشاف لا شفاء الا شفائك شفاءا لا يغادر سقما
يارب اشف مازن ابن بيرو يارب وهون علي اهلة وقويهم اللهم امين

[أم أحبابها]

بسم الله الرحمن الرحيم
السلام عليكم ورحمة الله وبركاته
عبير يا قمر منور المنتدى كيفك يا أحلى ماما لأحلى مازن
حبيبتي بحثت في النت عن حالة مازن والله وجعني دماغي لأني ما أفهم المصطلحات الطبية والكوموزومات والمورثاتالجينية يعني دخت
إلي فهمت وريحني أنه مش وراثي وأنه مجرد حادثة بتصل لسبب ما
يعني فرص تكرارها صفر وممكن تحدث لأي كان ومش ليها علاقة بحاجة معينة
وأرجو أكون فهمت صح ولي قريت كمان إن الجنين بيموت ولو اتولد فرص نجاته تضاءل مع مرور الوقت يعني زي ما ذكرت عن مزونة فبلاش تفكري كثير وتعبي حالك اصبري وفري صحتك عشان تقابليه بشكل أفضل لأن الروح من أمر ربي
وهو مبيبكيش طول الوقت على العكس بيكون نايم
استغلي الوقت لصالح مؤمن وبيتك ولو بإيدك حاجة كنت عملت وربنا شايف ومطلع على حلك ولو سائت حالته مش إهمال منك بل قدر ربنا ومحدش ينكر أو يغبر الحال ولو كان ممكن يتحسن إنت مش مقصرة يعني لو طلبو عنيك ويخف ابنك مش حترددي لحظة فبلاش تعذبي حالك وتحزني
أحكيلك واقعة :أم ماسكة إبنها بإيدو وعمره حوالي خمس سنين وهو بإيدها تقدم خطوة وفي نفس الحظة مرت طاكسي يسرعة والله أذنه لصقت بالطريق الله يرحمه
أمه مش مسؤولة د حال الدنيا مش دايما حلاوة وعسل وكله بأجر
انت مثل ما بيقولو بالمصري قدها وقدود وجدعة وصبورة ومنك نتعلم الصبر
بس متغيبيش كثيروالسلام عليكم ورحمة الله وبركاته

[bero333]

السلام عليكم
معلش يا بنات الكمبيوتر كان بايظ

أم أحبابها و الله يا قلبي لما شفت كلامك انك دورتي علي النت عن حالة مازن دمعت عيوني من اهتمامك بيا تسلمي يا قلبي و زي ما قلتي الحمد لله علي كل شيء و كلامك مظبوط بس انا قررت انا و أبوه اننا نحلل بردو احتياطي عشان نعرف ايه السبب و فعلا لو كان من غير سبب معروف طفرة يعني يبقي الحمد لله

انتي معاكي حق في ان مازن بيبقي نايم و انا فعلا من اخر مرة دخلت و انا بأحاول أعيش و أهتم بمؤمن و البيت
تعرفي ان فعلا حالة مازن بتتدهور

هو فضل يومين كويس جدا يعني واعي و يبص عليا و ضحك لأخوه و بقي بيبقي صاحي فترات طويلة بس بردو ما بيعيطش خااااااااااالص بس لما أشيله و أكلمه يطلع صوت بسيط كأنه بيرد عليا و طبعا ما تتخيليش فرحتي اد ايه
و شيلت منه الأنبوب لأنه جرح أنفه و البلاستر اللي متثبت بيه عمل له حساسية و بقيت أنقط له بالسرنجة او بقطنة و الحمد لله بقي يعمل بي بي
لدرجة اني في لحظة قلت لباباه يمكن التشخيص غلط
بص لي و سكت
المهم الأستاذ مؤمن صحاني يوم بليلة كاملين و الكمبيوتر كمان كان بايظ فكانت هيصة فنمت واتأخرت علي مازن في الدوا ساعتين
صحيت لقيته مش قادر ياخد نفسه و مش قادر يبلع خااااااااااااااااالص لدرجة اني قعدت جنبه حوالي ساعة او أكثر من أجل ملعقة سيريلاك فيها الدوا

امبارح بقي لقيت فجأة كده مش قادر يتنفس و الجديد بقي التشنجات رجعت تاني و بدأت عيونه تحول طول اليوم و النوم أصبح قليل جدااااااااااااااااااااا و مش قادر يتحكم في لعابه فهو يخرج من فمه و أنفه علي شكل رغاوي

والله كل ده في يوم و ليلة بدون أي تقصير مني زي ما قلتي فورا احتسبت و الحمد لله علي كل حال

كل البنات انا بأشكركم جدا علي وقوفكم معايا و الله في لحظة قررت اني ما أكتبش أخبار تاني عن مازن عشان مش أنكد عليكم بس رجعت قلت يعني انتي تعلقيهم و تسيبيهم هيبقوا عايزين يطمنوا عليه و عليكي
الحمد لله

[*جنة الاماني*]

ياحبيبتي
ربنا يقويكي يارب
ويهون عليك التعب
انا عارفة تعبك اد اية ولو نمتي وغفلتي عنة شوية هتفضلي تانبي نفسك
مجربة احساسك
الله يهونها عليك ويعوض عليكي صبرك خير وعلينا وعلي المسلمين
يارب
تعرفي يابيرو انا قعدت مع جنة بنتي ربنا يرحمنا بيها يارب
في المستشفي تقريبا 21 يوم
والله لو غفلت شوية زيادة اقوم متنكدة وزعلانة حاسة اني نقصرة معاها رغم انها في حضني ونايمة
الحمد لله علي قضائة
ربنا يرزقنا الرضا به اللهم امين
انا مبسوطة انك بداتي تعيشي حياتك شوية وتستقري نفسيا لان مومن محتاج لك هو وباباه
ومازن قبلهم
ربنا يطمن قلبك ويقويكي يارب
رغيت كتير حقك عليا
واوعي تقولي مش هكتب لا احنا عايزين كل يوم نطمن عليك وعلي مازن
ربنا يسخر لكم الخير اللهم امين

[salmass]

ربنا يقويك يا عبيرو يعينك ... كويس جدا انك قررت تحليل الكروسومات ل مازن وكمان حللى لكى ولآبوه كمان انا عارفه القرار صعب بس صدقنى ح يفضل فى سؤال يدور ويلف فى دماغيك كله ده بيحصل ليه ؟ مش نقم على ابتلاء ربنا لينا لالالا احنا راضين دايما بقضاء ربنا وبنقول دايما فى كل دقيقه وعلى كل شىء الحمد لله.... الحمد لله .... الحمد لله ولكن السؤال بيفرض نفسه لان الآم والآب مش عيله واحده ولا اقارب وكمان ربنا انعم عليكم ب مؤمن ربنا يبارك فيه ويحفظه لكى من كل شر هو وجميع اولاد المسلمين..
قرار التحليل صعب وكمان وقت انتظار لل النتيجه ح يكون صعب و دماغك ح تودى وتغيب وتفصلى تحطى الآحتمالات و البدائل لحد ما تظهر نتيجه التحليل... بس بعد كده ح ترتاتحى جدا وايمانك بربنا ح يزيد وعلاقتك ح تقوى جدا
انا مريت بكل اللى انت فيه وبحكيلك من واقع تجربه مريت بها بنفسى اكتر من سته شهور مع ابنى .... و الحمد لله على كل ما رزق وربنا يعوضنى عنه خير ويكون لى ولآبوه شفيعا ..
وعيشت لحظات التحليل و الآحتمالات النتيجه وبعدما طلعت نتيجه التحليل طلع ولله الحمد ان ابنى عنده عيب فى الكروسومات وحمدت ربنا اكتر ولحد دلوقتى بقول الحمد لله الحمد لله
قررت انى اعمل لى وزوجى برضوا تحليل علشان نعرف مدى احتماليه حدوث كده فى الحمل القادم .. وكانت النتيجه الحمد لله ان احنا كويسين ومفيش عيوب عندنا ...
ح تتقولى ازاى يكون عند حد عيب فى الكروموسات وهو مش باين عليه ولا عنده تشوه ح اقولك دكتور الجنيات فهمنا ان عدد الكروموسات ممكن يكون كامل بس ما تكونش فى مكانها الصحيح لما يحصل انفصال البويضه بتكون فيها نص عدد الكروموسات والنص ده بيكون كامل فى العدد لكن مش مضبوط بالتالى لما يحصل الآخصاب بيتج بيضه مخصبه كامله فى عدد الكروموسات ولكن ناقصه من ناحيه الجينات... ده بيكون سبب ريئسى فى ولاده طفل مش سليم .....
لكن اذا كان الآب والام اصحاء من ناحيه الجينات وكمان الكروموسات بيقى حدث شىء غير معروف اثناء انفصال البيوضه وانتاج الحيوان المنوى أو ساعه الآخصاب او بعد الآخصاب بقليل
وده بيكون سببها ايما الحاله النفسيه او الضغوط الحيايته او الآدويه والمضادات الحيويه
انا طولت عليكى وعلى بنات المنتدى
يارب ما تفشى غير كل خير ويعوضك ويعوضى خير يا رب

[bero333]

جنة الاماني
تسلمي يا عسل و ربنا يكرمك يااااااااااارب و ما يحرمنيش منك

سلمي

انتي معاكي حق
عارفة انا كمان اللي قلني اكتر مؤمن عشان ده لو وراثي احلل لمؤمن كمان و اشوف ايه الحل
الحمد لله قدر الله و ما شاء فعل
ربنا يعوضك عن ابنك يا رب و يجعله في ميزان حسناتك
عندي سؤال
التحليل بيبقي ازاي؟
دم يعني ؟ والا ايه؟

[*جنة الاماني*]

بيرو فعلا حللي هتطمني وقلبك يرتاح
انا عملت التحليل دة ليا ولزوجي والحمد لله كويس لكنة قضاء الله
حللي وارتاحي عشان نفسيتك
ربنا يكتب لكم الخير يارب
وحاولي تتفاءلي بالخير هتلاقية ان شاء الله خير
التحليل تحليل دم عادي
اسمة تحليل الكرموزومات
بيبقي في اي معمل كبير بيعمل التحاليل الوراثية
لو تحبي هنا اسماء مراكز في القاهرة ممكن ابعت لك الاسماء وارقام التليفونات
ربنا معاكم يارب

[wbaby]

بيرو حبيبتي
ربنا يارب يطمن قلبك
غيابك قلقني حتى لما مردتيش على تلفوني خفت
قلت لاسمح الله في حاجه
بس الحمدلله انكم بخير

ربنا يارب يعفو عنه ويشفيه ربنا قادر على كل شيء
بيرو انا عارفه انك ماشاء الله عنك
بس كنت عايزة اقلك تنقعيله بلح او تمر في ميه سخنه وتغطيه وتاني يوم تشربيه الميه
او تعمليله بيها السيريلاك
ده هيخلي الاخراج عنده كويس
ويديله فيتامينات كويسه

ربنا ياااااااااااااااارب يشفيه
ومن غير حلفان عارفين انك مش هتقصري معاه
بس ده احساس غريزي جوه كل ام
وربنا يخليلك مؤمن ومازن
والله فرحت جدا لما قلت انه ابتسم لاخوه
يارب تمن عليه بفضلك وكرمك وتشفيه
ياااااااارب
سامحيني بس مش قادرة ابطل كتابه

قلوبنا كلنا معاك

[wbaby]

بيرو اسمه تحليل وراثي او تحليل كروموسومات متوفر في اغلب المعامل الكبيرة

زي الفا ومؤمنه كامل
اكيد في فروع عندك ليهم