أرجو أفادتي,,,,,,مشكلة بنت صديقتي

[basbosa1983]

السلام عليكم
يارب تكونوا كلكم بخير
انا محتاجة مساعدتكم
ليا صديقة عندها بنت عمرها 8 سنوات
مشكلة بنتها انها بتخبي حاجات مهمة لاهل البيت
ولما يسألوا عنها بتروح وبتجيبها كانها عرفت مكانهم بالصدفه وهيا بتدور
عشان يشكروها
ولما بتزعل من أي حد بتروح وبترمي ليه حاجات مهمه
ممكن جوال أو فلاش
ولما بتكلموا قدامها ماتكونش مقدرة انه هالشي غلط
بس هما لم يواجهوها بأي شي

بس بيقولولها انها شاطرة ومافيش غيرها ممكن يلاقي الحاجات الضايعه
ومش دايما بترجع الحاجة


وامها الآن حامل وعلى وشك الولادة ومش عارفه تعمل ايه

مع العلم انه البنت وضعها بالبيت كويس كتير ومدللة ومش محرومه من شيء
بس هيا بتخاف من أبوها كتير ومن غير سبب مع انه عمره ماضربها وبيعاملها كويس
حتى لما بيكون بالبيت ما بتكون على راحتها
والبنت ذكية كتير في كل شي
بس مافش عندها تركيز بالدراسة ومش بتحب تدرس بالمرة

ياريت تساعدونا

[wbaby]

عزيزتي البنت مضغوطه

حتى لو كانت مدلله او او
فهي عندها مشكله قد تكون تافهه من وجهة نظرنا لكن
مهمه بالنسبه لها

واضح جدا انها تحاول لفت الانتباه

عندي سؤال هل عندها اخوه ولاالي جاي فالطريق اخوها الوحيد

قد تكون غيرتها والاهتمام بالمولود القادم لانها كبيرة وفاهمه
خلاها تشعر انها هتتركن على الرف

الاطفال بيفهموها كده مهما حاولت اظهار العكس


قد يكون حصل من الوالد موقف قديم جدا سواء معها اولا
يعني ممكن سمعته يكلم حد تاني

او يتعامل بطريقه اخافتها مع اي شخص اخر

ممكن وهي صغيره يخوفوها بابوها

لو مسكتيش هقول لبابا
زي مبيحصل في اغلب البيوت فيصبح الاب الوحش المفترس الي يخافوا منه الاولاد

مش شرط امها ممكن اي حد من عائلتها الجده العم العمه الخاله

او اي حد قريب لهم

حاولوا تقربوا منها بطريقه غير ملحوظه انسجوا لها قصص واطرحوا الاسئله من خلالها لتعرفوا سبب اخفاء الاغراض او الخوف من الاب

بالنسبه للمدرسه قد تكون طريقة التدريس غير مفهومه
المدرسه مش بتشرح بطريقه تستوعبها

احد بيضايقها في فصلها

او حتى الواجبات والدراسه بيضغطوا عليها وبيلاحقوها فيهم

جربي التحدث اليها باسلوب القصه
وخليها تكمل واطرحي استفهامات
وخليها ترد عليها هتلاقي اجابات كثيرة لاستفهامات تدور في راسك

[basbosa1983]

حنحاول نتصرف زي ما حكيتي يا اختي
بس البنت نبيهه جدا جدا
من العينين بتعرف الواحد بيفكر في ايه
وبتخبي الي في بالها كويس جدا
ان شاء الله نطلع معها بنتيجه

[wbaby]

ذكائها اكتر شيء بيتعبها

لانها فاهمه كويس جدا

كنها بالاول والاخر طفله لازم هتلاقي حيله تقدري تدخليلها منها

[♥أم عبد الله♥]

أوافق الغالية أم زهور الربيع في كونها تريد جلب الإنتباه لها لأنها تقتقده

تحتاج لإهتمام أكبر من أمهاو الله أعلم و عدم شكرها على تخبي حاجة و تجيبها , ليش نشكرها على شيء لا نريده أن يستمر, مع تنبيهها بخصوص رمي الأشياء المهمة كأن تقول لها أمها لو إخترت أن ترمي شيء لا يخصك و بدون إستشارة في القمامة فهذا يعني أنك قررت أن تحرمي نفسك من كذا و كذا (مشاهدة كرتون أو اللعب بلعبة تحبها او الذهاب في نزهة )

كان الله في العون

[basbosa1983]

جزاكم الله كل خير
هيا فعلا امها ما بتعاقبها
يعني ممكن تحرمها من الاب توب
بس كلها ساعة وبتسمحلها تستخدمه تاني