نوم الاطفال

[WaFa2]

السلام عليكم ورحمة الله وبركاته
حبيت اسال واستفسر عن ساعات نوم الاطفال الجدول العالمى هو

عمر الطفل .........................متوسط عدد ساعات النوم خلال اليوم

اول 3 شهور........................من 16 الي 20 ساعه

من 3 الي 12شهور....................من 14 الي 15 ساعه

من ا سنه الي 3 سنوات ................من 12 الي 14 ساعه

من 3 الي 6 سنوات.....................من 11 الي 12 ساعه

من 6 الي 12 سنه ........................ 10 ساعات

بس هل فعلا كل الاطفال بتنام عدد الساعات دى ؟؟ وايه العامل الاساسى فى نوم عميق مش يصحى منه قبل 6 ساعات متواصله ؟؟؟

ياريت لو حد يعرف ارشادات لنوم متواصل للطفل ويكون بالليل مش بالنهار
انا لاخظت ان الطفل ملوش جدول مجدد فى النوم ابنى ساعات ينام بالليل بال11 ساعه متواصل وساعات ينام بالنهار والليل ساعتين تلاتة

ياترى الحر له تاثير على نوم الاطفال ؟؟ وازاى اقدر انظم نومه ؟؟
منتظره ردودكوا

اكتر من 12 ................................9 ساعات

[ام سيف2007]

اهلا وفاء
بصي يا قلبي
اعتقد ان الطفل لو نام اقل من هذه الساعات مافي مشكلة الفروق بين الاطفال كثيرة
لو ابنك بينام فترة اقل لكن بيصحى نشيط ومبسوط وبينام نوم عميق خلاص يبقى مافي مشكلة
انا الحمد لله اطفالي بيناموا بنفس المعدل اللي ذكرتيه لكن الكبير بينام الحد الادنى 12 ساعة
والصغير بينام الحد الاقصى 14 ساعة اعتقد عادي مافي مشكلة
بالنسبة لارشادات النوم
حاولي يكون المكان هادئ وفيه ضوء بسيط جدا
ونضيف ويكون طفلك جاف ومغير البامبرز وممكن ياخد شور قبل النوم
ويكون نفس سريره مريح ليه ووسادة مناسبة وملابس طفلك مريحة و خفيفة
اكيد الحر بيفرق اذا كان الكبار بيصحوا من النوم بسبب الحر
حاولي يكون المكان فيه تهوية وجوه معتدل
تنظيم النوم مسؤلية الام
مثلا ضعي جدول ليوم مناسب لابنك مع مراعاة عدد ساعات نومه
مثلا ممكن ينام الساعة 9 ليلا
ويستيقظ الساعة 8 صباحا
عند معاد النوم لااااااااااازم يكون ثابت كل يوم نفس المعاد
اعملي برنامج قبل النوم وشاركي ابنك فيه
قولي له
هانتعشى مثلا زبادي ونرتب الالعاب ونغسل اسناننا ونغير ملابسنا ونحكي قصة وننام
كل يوم نفس البرنامج مع الوقت الموضوع هيكون سهل جدا
وبمجرد ما ياكل زبادي هيفهم انه قرب ينام
المهم الحزم مهما حصل مايعديش وقت النوم الا في حالات طارئه جدا
اتمنى اكون افدتك وان شاء الله الاخوات يفيدونا اكثر
ربنا يبارك لك في ابنك ويحميه ويطمنك عليه يارب

[zoozaa]

لا لااااااااااااااااااااااااااا
مش ممكن يكونوا بيناموا ده كله
او انابنتي غيرالاطفال ههههههههههههههههه

[WaFa2]

شكرا يا ام سيف على نصايحك بس مش عارفه بصراحه اعمل طقوس للنوم
لان الباشا بمزاجه ممكن فى معاد النوم الاقيه يقوم يلعب ولو قلت هنام خلاص يضحك لى ويطلع يجرى زى دلوقتى اهو نايم اغلب النهار وقاعد يبرطم لى اهو حاسه انه بيقولى مش هناااام بالغيظه فيكى
zozaa حبيبتى بيقولوا ان دى المعدل الطبيعى للاطفال بس شكل عيالنا مش اطفال باين
سمعت ان معدل النوم دى عامل وراثى وانا عائلة زوجى عالم بتسهر للصبح كل يوم مع اننا مش عايشين معاهم بس ممكن يكون وراثه فعلا
ربنا يهدى اولادنا كلنا يارب

[جهيناز]

يعطيك ألف عافيه على النصائح بس أطفال الأيام هذه غير شكل يار ريت يطبقوهاهههههههههههه

[Om Farida]

بنتي 11 شهر وو بتنام 4 ساعات بالليل و ساعتين بالنهار

[ريروية]

يعطيكي العافية موضوع استفدنا من وشكرا للاخوات اللي اعطونا معلوماتهم بس انا بنتي ما بتكمل 8 ساعات متل الكبار يعني ولو بيصحلها ما بتنام بالمرة

[الدموع الضاحكه]

ههههههه ما أعتقد ينطبق هاكلام على الكل
بنتي تنام أقصى حد 3 ساعات وتصحى تجلس فتره وترجع تنام نفس الحكايه ساعه وتصحى نوم مقطع يعني ما أدري عادي ولا لا بس ما لقيت حل

دمتم بخير

[kshksh]

انا بنتى نومها مقطع خالص عمرها 11 شهر يعنى ممكن 3 ساعات و بعدين تصحى تتقلب كل شوية و تعيط مش عارفة ليه و ممكن تصحى على الفجر و تبقى عايزة تقعد بقى و تلعب و ممكن تقعد مثلا ساعة و اتنين صاحية و بعدين تكمل نومها للصبح و الله مهما اديها اعشاب و ابقى مغيرالها قبل النوم.... مش عارفة اعمل حاجة معاها