ازاى اعلم ابنى يلتفت لاسمه؟

[WaFa2]

السلام عليكم ورحمة الله وبركاته

انا ابنى ادهم سنة و 7 شهور مش بيلتفت لاسمه خالص لما بنادى عليه مع انه لما بيجى صوت اعلان او اغنيه بيحبها بيلتفت لها بسرعه
انا عارفه ان دى من سمات التوحد بس هو مش عنده غير السمه دى بس بالاضافه لانه لسه مش بيتكلم وبيقول كلام مش مفهوم لغايه دلوقتى
مفيش اى حاجه تانيه خالص من كل الحاجات اللى قراتها عن التوحد فاتمنى ان ميكنش دى سمات توحد
انا سمعت ان الطفل المفروض يتعلم ازاى لما تنادى على اسمه انه يلتفت لمصدر الصور بس مش عارفه ايه هو التدريب دى مع العلم اننا لما بنلعب استغمايه وانادى عليه بيمشى ورا مصدر الصوت ويوصل لى
ياريت حد يفيدينى هل فعلا فى تدريب معين لكده ولا دى هيعرفه مع الوقت؟؟؟؟؟؟

[الام60]

السلام عليكم من تكرار مناداة الام لاسم الطفل يتعلم على اسمه ويتعلق بصوت الام حاولي تدخلي الغرفة ويكون مايشوفك وناديه باسمه مع التدليل بكلمات تجعليه يلتفت لصوتك ويبحث عنك والافضل ان تعرضيه على طبيب اطفال وتتاكدي من قدرة السمع لديه وفقك الله وسرك بعافيته

[هدى العبقرية]

انت ظلي تناديلو باسمو حتى يتعود عليه ولا تقلقي لانه امر عادي عند الاطفال...
وانشاء الله تبشرينا قريبا.......والاحسن تستشيري دكتور اطفال للاطمئنان اكثر.......
سلامات...هدى

[WaFa2]

iهو بيسمع كويس الحمد لله
ونا فعلا لما بعلب معاه استغمايه وانادى عليه بيدور على مصدر الصوت ويوصل
المشكلة بس انه لما بيلعب مش بيلتفت لما انادى اسمه

[سمسمة22]

حبيبتي وفاء ....

انتي لسه حاطة في دماغك موضوع التوحد ده!!!!!

حاولي تنسيه شوية عشان ما يأثرش على طريقة تعاملك معاه...

أنا عاوزة أقولك معلومة... الطفل لما بيقف أمام المرآة لا يتعرف على نفسه إلا بعد سنة ونصف...

فما بالك أنه يتعرف على إسمه ...أعتقد إنك مستعجلة عليه ...حاولي تصبري شوية

وعلى فكرة الطفل لما بيكون له مزاج ينتبه لحاجة بينتبهلها لكن هو ممكن يكون فاكرك بتكلمي أو بتنادي على حد تاني

إن شاء الله يتكلم في أسرع وقت وتزهقي من كتر كلامه ههههههههه

ربنا يحفظه ويبارك فيه

[ام سيف2007]

اهلا وفاء بصي يا قلبي اندهي عليه كتير بنفس الاسم يعني مش باسم الدلع لا باسمه
وحاولي تخاطبيه مباشرة وتكلميه كانه كبير وبيفهم
وماتقلقيش ان شاء الله ينتبه لك قريب
اوصيك بكثرة الدعاء واللجوء الى الله كثير لان الله هو اللي بيده حواس ابنك كلها وقادر يخليه ينتبه لك
ربنا معاك يا قلبي يطمنك على ابنك ياااااااااااااااارب

[WaFa2]

شكرا يا سمسمة المشكلة فعلا انى حاطه موضوع التوحد فى دماغى علشان كده قلقانه
عموما انا حاسه انه طبيعى علشان كده هتجاهل موضوع اسمه دى دلوقتى وهنزله حضانه يندمج مع الاطفال بس ادعوا لى الاقى حضانه لاحسن كل ما الاقى واحده يقولوا لى مش بياخدوا اقل من 3 سنين
شكرا ليكى يا ام سيف انا بجد بتعلم منك كتير ربنا يكرمك ويخلى لك اولادك يارب وانا فعلا بنادى عليه كتير باسمه بس زى ما قلت لك مش بيستجيب لى الا لما نكون بنلعب استغمايه
وانا فعلا بدعى له كتير ربنا يحلل العقده من لسانه يارب علشان اطمن عليه
شكرا يا امرات

[سمسمة22]

لو انتي قاعدة في المنصورة
أعرف حضانة بتاخد أقل من 3 سنين وأختي بتشتغل فيها
لو عايزة تستفسري عنها أكتر أنا تحت أمرك

[WaFa2]

الحقيقه انا مش قاعده فى المنصوره انا قاعده فى دكرنس لو تعرفيها هى جنب المنصوره وانا اصلا من المحلة بس بنزل المنصوره على طول لانى بحضر الدكتوراه فى جامعه المنصوره
المسافة بين دكرنس والمنصوره نص ساعه تفتكرى اخاول ادخله حضانه فى المنصوره ولو يومين فى الاسبوع ولا هتبقى بهدله عليه بالنسبة للسفر؟؟
المشكلة اللى اكتر من عدم الكلام انه بقى فظيع كل ما ادخل بيه اى مكان مقفول اين كان المكان دى بيقعد يصرخ كتير اوووى ويعيط لغايه ما نخرج منه وننزل الشارع وكمان بحس انه عايز يلعب مع اطفال بس للاسف انا معرفش حد عنده اطفال قريب منى كلهم كبار
حتى لما بوديه الحدائق وبلاقى اطفال بس كل طفل بيبقى مشغول انه يلعب ويتزحلق اكتر من انه يلعب مع طفل صغير زى ابنى وخصوصا اغلب الاطفال هناك بيبقوا كبار
مستنيه رايك وقولى لى انتى ساكنه فين فى المنصوره

[سمسمة22]

طبعا عارفة دكرنس (أحسن ناس)..وزرتها كتير وفيها ناس كتير عزيزة عليا أوي...

وعلى فكرة زوجي من قرية اسمها شها على الطريق بتعاكم

وبيتنا في شارع الترعة جنب الوكالة لو تعرفيها

و الحضانة اللي بقولك عليها في شارع أمام بوابة استاد الجامعة

ومش لازم اشتراك...يعني ممكن تدفعي مقابل الأيام اللي بيقضيها فيها فقط وممكن تجيبيه في أي وقت...
تقريبا اليوم ب5 جنيه

وكمان بيفتحوا من الساعة 8 للساعة 3....
يعني لو انتي نازلة المنصورة ممكن تجيبيه معاكي وتوديه الحضانة وتاخديه وانتي راجعة

ربنا يوفقك في دراستك....

على فكرة أنا وأختي (اللي بتشتغل في الحضانة) خريجين تربية رياض أطفال وبنعمل دبلومة في التربية الخاصة وبفكر أكمل بس حاسة إن الموضوع صعب(بس بيني وبينك كل اللي حواليا بيشجعوني وخصوصا بابا وزوجي)


ياريت تقوليلي رأيك و إزاي قدرتي توفقي بين كل ده (ماشاء الله عليكي)

صحيح.... ماقولتيش إنتي بتعملي دكتوراه في إيه؟

[سمسمة22]

المشكلة اللى اكتر من عدم الكلام انه بقى فظيع كل ما ادخل بيه اى مكان مقفول اين كان المكان دى بيقعد يصرخ كتير اوووى ويعيط لغايه ما نخرج منه وننزل الشارع

نسيت أقولك إن فيه أطفال كده ...وده اسمه فوبيا الأماكن المغلقة
والفوبيا يعني الخوف المرضي وبمناسبة الفوبيا أنا عندي فوبيا العناكب

والحالات دي بتحتاج علاج نفسي بطرق كتير هبقى أقولك على بعضها وإن شاء الله تجربيها وتجيب نتيجة

وعقبال ما أعالج نفسي من الفوبيا اللي عندي هههههههه
سلام

[WaFa2]

طبعا عارفة دكرنس (أحسن ناس)..وزرتها كتير وفيها ناس كتير عزيزة عليا أوي...

وعلى فكرة زوجي من قرية اسمها شها على الطريق بتعاكم

وبيتنا في شارع الترعة جنب الوكالة لو تعرفيها

طبعا اعرفها ولى اصحاب كتير هناك وعند الجزار ولى قرايب عند الشيماء والله شكلى اعرفك باين

و الحضانة اللي بقولك عليها في شارع أمام بوابة استاد الجامعة

بوابه ويش تقصدى ؟؟ اللى هى فى حى الجامعه ؟؟

ومش لازم اشتراك...يعني ممكن تدفعي مقابل الأيام اللي بيقضيها فيها فقط وممكن تجيبيه في أي وقت...
تقريبا اليوم ب5 جنيه
سعرها حلو اوى باعتبار انى طبعا مش هوديه كل يوم بس اتاكدى لى برده من السعر والسن سنة ونص وبيتعاملوا مع الاطفال دول ازاى يعنى ايه الانشطه اللى ممكن يعملوها معاهم وهل فى اطفال فى نفس السن علشان يندمج معاهم باختصار قولى لها على ظروف ادهم كلها واساليها هل الحضانه مفيده لحالته ولا لا؟

وكمان بيفتحوا من الساعة 8 للساعة 3....
يعني لو انتي نازلة المنصورة ممكن تجيبيه معاكي وتوديه الحضانة وتاخديه وانتي راجعة

ربنا يوفقك في دراستك....

على فكرة أنا وأختي (اللي بتشتغل في الحضانة) خريجين تربية رياض أطفال وبنعمل دبلومة في التربية الخاصة وبفكر أكمل بس حاسة إن الموضوع صعب(بس بيني وبينك كل اللي حواليا بيشجعوني وخصوصا بابا وزوجي)

انا طبعا من اللى يشجعوكى انك تكملى الدراسه والشغل حتى ولو عدد ساعات قليلة بتبقى متعه للمراه يعنى وقت خاص بيها بعيد عن البيت والاولاد وطبعا الانجاز فيه بيخليكى مبسوطه اوى ودى بيعود بالايجاب على بيتك بس طبعا من غير تقصير فى حق بيتك واولادك


ياريت تقوليلي رأيك و إزاي قدرتي توفقي بين كل ده (ماشاء الله عليكي)

بصراحه انا مقدرتش اوفق بين الاتنين الا علشان زوجى معيد فى نفس الكلية فكان متفهم اوى وكان بيشجعنى وكان بياخد منى ادهم كتير علشان اذاكر بس طبعا من اول ما اخدت الماستر فى شهر 1 اللى فات وانشغلت مع ادهم تماما ولسه مش عارفه اكمل تسجيل الدكتوراه بسبب انى مش بلاقى مكان اسيب فيه ادهم وكمان هو متعلق بى اوى فقلت اطمن عليه الاول وبعدين افكر اكمل

صحيح.... ماقولتيش إنتي بتعملي دكتوراه في إيه؟
انا اصلا خريجه كليه حاسبات ومعلومات لو تسمعى عنها هى مفتوحه بقى لها حوالى 15 سنة بس وانا كنت بشتغل فى الكليه فتره كمساعد باحث لدراسه الماجستير لغايه ما ادهم باشا شرف اضطريت اكمل من البيت


وبالنسبة لادهم والاماكن المغلقه هو مش بدرى علشان نقول ان دى فوبيا؟؟ اصلى اعتقد ان السبب انى بقى لى فتره بوديه حدائق فهو بيتبسط اكتر انه يخرج فى الجو المفتوح اكتر من خنقه القاعده فى البيت

انا بجد مبسوطه انى اتعرفت عليكى واتمنى انى اقابلك فيس تو فيس

[سمسمة22]

أهلا وفاء ..وأنا كمان مبسوطة
أنا كمان حاسة إني أعرفك
ياتري إنتي خريجة دفعة إيه

[WaFa2]

دفعة 2005

[WaFa2]

لو صاحيه كلمينى شات
wafaa_farahat@hotmail