أنواع الحفاضات

[WaFa2]

السلام عليكم ورحمة الله وبركاته
ازيكوا يا بنات .. انا ابنى عنده دلوقتى سنه و7 شهور
بستخدم له من زمان اوى البامبرز وحاولت اعوده حاليا على الحمام وقلت اجيب بامبرز كلوت بس كانت فكره جمقاء اصلى جبته العلبه فيها 15 واحد ب 38 جنيه
طبعا غالى اووووووى على واصلا البامبرز العادى غالى بجيبه ب 70 جنيه
فياريت لو حد يعرف نوع تانى يكون ارخص شويه بس يكون طبعا جودته كويسه يقولى
افيدونى افادكم الله

[mory_eg]

السلام عليكم
بما انك من مصر واضح من اللهجه يعنى .. يبقى انصحك انك تجيبى من المحلات اللى بتبيع جملة او من كارفور بيبقى فى فرق كبير الحقيقه .. يعنى انا كنت بجيب بيبى جوى من الصيدلية ب 70 جنيه و فى كارفور ب 48 بس .
ثانيا بالنسبة للانواع فى عندك بيبى جوى كويس جدا احسن من بامبرز بكتير ده عن تجربة مع بنتى و كمان فى فاينى اسمع انه كويس بس لسه مش جربته
ارجو انى اكون افدتك

[WaFa2]

مرسى يا جميل انا فعلا من مصر
انا سمعت عن بيبى جوى بس فى ناس قالت لى انه مش كويس
انتى طمنتينى وواضح ان سعره احسن من بامبرز

[queen2020]

بيبى جوى كيلوت متاز انا بستخدمه لابى وهو خارج برة حلو جدا والحفاضة بتكون ب 2 جنيه -ارخص طبعا من بامبرز لانها بتكون فوق ال 2 جنيه ونص

[حمرة الورد]

وعليكم السلام ورحمة الله وبركاته ..

اذا تحتاجي كيلوت مافي الا بيبي جوي وهجيز .. واعتقد بيبي جوي ارخص بس مرات تلاقي عروض على هجيز .

اما اذا اي نوع حفايض عندك سانيتا بامبي اعتقد هي ارخص نوع ..بنتي في عمر ابنك ولما ولدتها لبسوها هي في المستشفى ولما رجعنا البيت جبت لها بيبي جوي المولود الجديد وكانت سيئة المقاسات من 3 احسن بكتير فرق شاسع بينها وبين مقاس المولود الجديد.

وجبت لها فايني وبرضه بامبي احسن .. اما بامبرز انا ما استخدمه ابداً أولاً لأنه لي تجربة سيئة معاه .. تانياً لأنه مقاطع وثالثاً انه اغلى نوع على الإطلاق .. وفي الأخير كلها حفايض وتترمي في الزبالة والحمد لله كلها طيبة وماتعمل تسلخ بس اعتقد الطفل اليي يتعود على بامبرز صعب يغير لأنه بامبرز فيه كريم او شي زي كدا يخلي جلد الطفل حساس .

[WaFa2]

انا فعلا قررت انى اجيب بيبى جوى لما علبه البامبرز اللى عندى ما تخلص
بس تعتقدوا انه لسه بدرى انى استخدم له الكيلوت واعوده على الحمام؟؟
وخصوصا انى اعتقد انه مش فاهم المفروض يعمل ايه وهو على البوتى وكمان لسه مش بيتكلم فدى مخلينى مش عارفه هل هو مش فاهم فعلا ولا فاهم ومش بيتكلم
هو لسه مش بيقول اى كلمه غير بابا ومش يقصد بيها والده كمان .. ادعو له ربنا يفك لسانه ويتكلم لاحسن كل الناس بتقولى دى متاخر وبيقولوا لى اوديه لدكتور بس انا مصممه انى مش اوديه الا لما يتم السنتين
ربنا يبارك فيكوا يااااااارب على ردودكوا

[ام سيف2007]

فعلا بيبي جوي ارخص بس حسيت انه منفوخ اوي اكتر من بامبرز
ابنك لسه صغير ممكن ما تقلعيهوش البامبرز لكن قعديه مرة يوميا على البوتي عشان يفهم ويتعود عليها
ولما يتم السنتين قلعيه البامبرز وان شاء الله ساعتها هيكون فاهم
طبعا ممكن تلاقي طفل يكون بينادي على باباه في السن ده واصغر كمان بس دي فروق فردية وطبيعية
لكن كلميه كتير وان شاء الله يتكلم
ربنا يبارك لك فيه يارب

[WaFa2]

ربنا يبارك فيكى يا ام سيف