كيفية صنع السنينية

[em nada]

السلام عليكم
اخوتي في هذا المنتدى
انا ام للمرة الاولى عمري 19 سنة وعايشي ببلد الغربة بعيدة عن اهلي وبدي اعمل سنينيي لبنتي وما بعرف كيف بدي حضرلها ولا حتى الوصفات الي لازم اعملها جنب القمح
ارجو انكم تساعدوني بسرعة
واكون لكم من الشاكرين

[حره فوق رأس حر]

اختى شو سنينيى

اول مرهـ اسمع بيه

ان شاءللهـ الاخوات يساعدوك
واستفيد منكـ
::

[أحلى العيون]

السلام عليكم ورحمة الله وبركاته
اختي الكريمة ام ندى الله يصبرك على الغربة انا كمان عمري 19 سنة بس لسه بنت ما تزوجت
حبيبتي انا بحثت في google وطلعتلك طريقة عمل السنينة
واللي ما بيعرف شو هو السنينية هو الأكل اللي ينعمل للأطفال في المرحلة اللي تبدأ فيها تنمو اسنانهم
هي الطريقة
سنينية
المقادير :


أ- 1 1/2 كوب من القمح المقشور، منقّى ومغسول

ب- 7 أكواب من الماء لسلق القمح

ج- 1 1/2 كوب من السكر

د- 3/4 كوب من ماء الزهر

هـ- 3/4 كوب من الجوز المنظّف، منقوع بالماء الساخن ومفروم خشناً

و- 3/4 كوب من اللوز المقشّر والمنظّف والمقطّع بالطول

ز- 3/4 كوب من الصنوبر المنظّف، منقوع بالماء الساخن

ح- كوب من حبّ الرمّان الحلو


طريقة التحضير:


الخطوات:

1 - صفي القمح وضعيه في قدر الضغط وأضيفي إليه الماء وغطيه. عندما تُصفِّر أول صفرة خففي النار واتركيها لمدة ساعة.

2 - ضعي قدر الضغط تحت الماء البارد حتى تبرد ثم افتحيه.

3 - أضيفي السكر إلى القمح وحركي على النار لمدة 5 دقائق.

4 - إرفعي القدر عن النار وأضيفي إليها ماء الزهر والجوز واللوز والصنوبر وحبّ الرمان الحلو.

5 - حرّكي الخليط وقدميه ساخناً أو بارداً.

وفي عضوة كريمة من منتدانا منتدى لك حاطة برضو طريقة تانية للسنينية
اضغط هنا سنينية منتدى لك

[حره فوق رأس حر]

وصفه رائعه فعلا
اول مره اسمع فيها
:
بارك الله فيك

[em nada]

عن جد ما بعرف كيف بدي اتشكركم
الله يبارك فيكم

[امانييي]

يسلمو اديكي حبيبتي عقبال مانشوفك عروس ونشوف الصبي ع ايدك

[zina3]

ماشاء الله عليكي يا احلى العيون باين رح تكوني ام شاطرة 
عقبال مانشوفك عروس