تويت
العاب ابني التعليميه اخيرا صورتها
السلام عليكم ورحمة الله وبركاته
الحمد لله صورت العاب ابني التعليميه والله مش كلها لاني في عند والدي (جوزي مسافر) والباقي في شقتي علشان ما اشيل رايحه جايه ههههه ان شاء الله اصورهم كماناول صوره للحروف طبعا انا مفتحتهاش علشان هو الحمد لله بيحط كل حاجة مكانها بس لسه مش عارف الحروف قولت نتعلم الارقام الاول وبعدين الحروف
ودي طبعا صورة الارقام
ودي مكعبات للتركيب بيقول عنها مكبيبات ههههههه ربنا يحميه
ودي كراس الوان هديه من خالته (ربنا يخليها وتجيب دايما ههههه)
بس متتخضوش من الشخبطه هو عامل نفسه كده رسام اقوله ما تطلعش بره الرسمه يرسم بره ويقولي بره لاء بيضحك عليا يعني
وطبعا كلها صور حيوانات والحمد لله عارف اساميها ما شاء الله بس بيلون في الجهتين الملونه والابيض والاسود عادي جدا
وده طبعا كتاب للحروف والارقام بس لسه مخه صعب شويه هههه اهو حافظ شويه ارقام والحروف غايبا من غير شكلها لغاية د دب ما عدا ت تفاحه وث ثعلب مش راضين يظبطو معاه ههههههه
وده بقا ابداع خاص كراس رسم صغير هو اللي بيرسم طبعا
عملت له دواير ملونه ويوصل الالوان المتشابهه
وده قص ولزق كان هو بيقص بالمقص ويكمل قطع بايده وكنتبشيله الورقه اللي فى الضهر وهو يلزق وفي الصوره المقص بتاعه (مقص ورق) علشان ايديه الصغيره الحلوة ربنا يحفظه يارب
وطبعا يلزق في اى مكان فوق بعضه مفيش مشكله
قصيت اشكال وهو وصل بين الصغير والكبير بس قصي مش كويس شويه الظاهر كنت نايمه هههههه
وده بازل خشبي والحمد لله ده كان في الجنينه ولحقته من الضياع
وده شكل قطار وفي عربيه وكمان فراشه وقطه بس هو ما شاء الله عليه زهق منهم كبر بقا ياناس ما شاء الله ولا قوة الا بالله
ودي شنطه حبيبي ما بشيلها طبعا بس بحط فيها البازل ونعينه من الضياااااااع
والحمد لله لما يخلص لعب بنشيل اللعب وبنعينها والحمد لله علمته اخيرا لان بنات اختي ضيعو نص لعبه والله
وشكرا ليكم ويارب يعجبكم
وان شاء الله اصور الصلصال البيتي وتلوين الملح اللي اتعلمته من حبيبتي بنت الاحرار ربنا يكرمها وانزله كمان عملناه اكتر من مرة وكان روعه
تعليق