حرف الخاء و القاف :)

[أخت فرولاية جده]

اخوتي حبيت اسالكم عن بنتي

عمرها 3 و نص


ما يطلع معاها حرف الخاء و القاف


خروف __حروف
قلم __ كلم



كيف ممكن اعلمها المخرج الصحيح
و كدا طبيعي ولا عادي يعني الططفل لما ما ينطق الحرف بسرعه حايكبر و يتعلم ولا لازم انا وراه حتى يتعلم


م العلم انوا في اطفال اصغر منها و ينطقوالحرفين ماشاءالله صحيحه



اتمنى ان اجد عندكم الفائد

[لوجى حياتى]

اسالى الدكتور وهو هيفيدك وانا بنتى عندها سنتين وشهرين فى حروف كتير ضايعة ( اللم والراء والسين والشين والزين ) وبيقولوا لى عادى بس انا قلت لما تتم 3 سنين واستمرت على كده هوديها للدكتور

[أم تولينا]

هههههههه
اول ضحكني موقعك ..
ثاني شي.. انا بنت اختي عندها اربع سنوات.. ونفس بنتك.. بس اجلس جنبها واقعد اتكلم معاها علشان اضحك هههههه
(والله يا حالتو انا مرررة احب تولين بس حالتو هي ماتحبني داك اليوم اديتها حروفي اللعبة ورميتها في وزهي حليني اسوفها تلعب مع حالد ) خخخخ

من خلال اللي حواليني ان شاء الله عادي.. وكل اطفال العيلة الين ما يدخلوا المدرسة تكون عندهم حروف طايرة وبعدين كله يتعدل

انا الين ما 2 ابتدائي كنت اقول على الراء ياء.. وعادي اهو صرت اعرف أنطقه
حتى شوفي ساااارررة

[wbaby]

ههههههههه عسل يام تلتوله
فعلا باذن الله طبيعي
بس انت كرري وحاولي بدون تعب وبدون تذمر
كمان اقراي قران وخليها تردد معاك
وان شالله تلاقي حروفها صارت احسن
بس ماتحسسيها انه عندها مشكله او انك متأزمه من شيء ما
الله يحفظلك اياها

[أخت فرولاية جده]

لوجي

ان شاء الله حاسأل الدكتور و اشوف ............جزاك الله خير



ام تولينا ..

الله يسعدك طمنتيني بس حرام عليك لا تضحكي عليها تراهم يفهمو و يحسوا بنتي اذا حست انوا احد يضحك عليها تزعل
او اذا كم مره قالت الحرف و قولها لاء قولي تاني مرين وبعدين احسنها تخجل و ما ترضى تقول عشان كدا سرت ما اثقل عليها

wbaby
ان شاء الله تكبر و تنعدل حروفها يارب ....ا

[ALDANA]

ما في مشكله من هون لتدخل المدرسه
اما ازا دخلت المدرسه ولسه بتنطق الاحرف غلط هون المشكله
وغير هيك انتي لاتنتقديها امامها ولا تحكي متلها كأن شيئا لم يكن

[أخت فرولاية جده]

ام ردن


من جد على قولك انا دخلتها مدرسه لمدة ثلاث اسابيع بس بس بحكم تنقلاتي ما قدرت اكمل لها

ضبط معاها حرف الثاء لانها كانت تقوله فاء

[ام سهيل]

تعالي هنا

اقول لك على تجربتي في الموضوع ده اللي كان مطلع لي قرون

انا بنتي كان عندها حرف الخاء والغين مايرضى يطلع الى فترة قريبة

وكنت شايلة هم تدخل المدرسة وهي في نفس الحال

استشرت اخصائية تخاطب

وكمان محفظة قران

كلهم قالوا لي خليهم براحتهم واستمتعي معاهم بكلامهم

لكن انا فضلت وراها اتكلم واوريها مكان مخارج الحروف

طبعا هي نعقدت ويوم نطقت حرف الخاء

صارت تلخبط بينه وبين الحاء

داك اليوم تقول لي

ابغى اروخ الخمام

عاد انت افهميها


لكن حرف الغين نطقته في ثاني يوم لها في المدرسة
تخيلي معلمتها اسمها غادة
وانا قلت للملعلمة ترى بنتي ما تقول الغين
المعلمة نفسها لدغة في السين
وتقول لي لازم تعرضيها على طبيب

رجعت البيت اختها سالتها ايش اسم الابلة
قالت لها غادة

واو مرة فرحت وزغردت وصرنا نلعب
ونقول كل الكلمات اللي بحرف الغين من فرحتنا .


يعني بالعربي لا تشيلي هم
فيه اطفال فصيحين وفيه اطفال عاديين .

[أخت فرولاية جده]

ام سهيل الله يجزاك خير


يلا اللله يستر ايش يطلع اسم ابلتها هههههه


يلا ان شاء الله تكبر و احكيكم تجربتي معاها

[ام سهيل]

ام سهيل الله يجزاك خير


يلا اللله يستر ايش يطلع اسم ابلتها هههههه


يلا ان شاء الله تكبر و احكيكم تجربتي معاها

ويجزاك ياغالية يا اخت الغالية


تخيلي ايش اسم ابلتها











غادة
واول يوم ياحرام تناديها ابلة آدة
وثاني يوم صارت غادة



ربنا يسعدك يارب


بس تعرفي حفظ القران يساعدهم على الفصاحة
لكن اختاري قاريء قراءته واضحة مثل الشيخ ابراهيم الاخضر
وكمان الشيخ الحذيفي وعبدالله بصفر قرائتهم هادئة وواضحة .

[{ أم أنـــس }]

عزيزتي
بنتي كان معاها نفس المشكلة بس بحرف القاف والكاف كانت تنطقهم تاء
اخذتها علي مركز تخاطب وحكوا لي ان كل ما كان الاهتمام بدري كان احسن قبل دخول المدرسة وفعلا عشر جلسات صارت تنطقه صح لانهم لهم اسلوب رائع
فنصيحة اذا ظل الوضع لحتي قبل دخول المدارس خديها عند مركز تخاطب
الله الموفق والله يحفظها لك

[ام ادهوم]

ابني ما شاء الله حرف الباء بيقوله فاء وحرف الشين بيطلع سين والراء لام هههههههه بس عادي بينعدل ان شاء الله
بنت اخويا كانت تنطق حرف القاف تاء وفى اولى ابتدائي انعدل بس المشكله في اخواتها الصغيرين كانو بيقلودها ولما كبرو شويه نطقو هم صح وهى كانت لسه
بس ربنا كرم
معلش رغيت كتير ههههه
مفيش حد اتكلم معاه بقا غيركم
وسلام