هل يجب ان اقلق على ابني؟؟؟؟؟؟؟؟؟؟؟؟

[ام البنين2004]

انا حابة استشيركم يا امهات و خبيرات على ابني الكبير عبود هلا عمرة بالضبط سنة و 5 شهور

مشى على السنةو اربع شهور و طلع كل اسنانه ما عدا الاضراس اللي ورا يعني اخر اربعة

المهم ابني الكل بيحكولي انه ما بيفهم مش عارفه يعني اللي بعمره شو المهارات اللي لازم تكون معاه

هو بيلعب بالعابه معظم لعبة بالكرات بيرمي كرةو بيلحقها اي شي بيطلع صوت بيرميه و بيضل يقلب فيه و طبعا بيحطه بفمه

بيحب التلفزيون و بيشوف قناة طيور الجنة كلها اناشيد بحسه بيتجاوب مع الاناشيد اذا اجت انشودة بيحبها بيصير يحرك برجليه
وبينتبه على وجوه الناس اللي بالتلفزيون و بيضحكلهم خصوصا الاطفال

اما على الواقع لما يشوف حد غريب بالبيت بيبكي ولو رحنا نزور ناس برضه بيبكي ومرات بيسكت و بيمشي حاله

بالنسبة للاكل انا باكله بالملعقة و بعطيه بسكوت ياكله بيرميه بالارض بعد ما ياكل لقمة و بيرجع ياخده مرة تانية المهم البسكوته بتنهرس و بيصير يلعب فيها

كمان نومه مزعج ما بينام الا اذا هزيناه لانه اتعود على هيك


ما بيرد علينا لماننادي عليه لكن لما تيجي نشيدة على التلفزيون بيجي على طول يسمعها

مش عارفه هل في مشكلة عنده ولازم اقلق عليه والا لسه الولد معاه وقت يتعلم علما انه احنا بغربة ومرات اسبوع كامل ما بيشوف غيري طول الوقت و مرات ابوه بالليل بس

ساعدوني و انصحوني

[* نور هدى *]

غاليتي هناك فروق فردية وكل طفل عنده شيء مميز
انت بس ابحثي عن مواهب ابنك ونميها
وكمان العبي معه كتيررررررررر
في دورة للأخت بنت الأحرار
كيف أنمي ذكاء ابني
تابعيها مفيدة
انظري هذا الرابط

http://www.lakii.com/vb/showthread.php?t=610507

[نقآء الياسمين ~]

فعلا والله كنت بدي انصحك تنضمي معنا لهي الدورة للغالية بنت الاحرار

الله يحميلك ياه يارب

[ام البنين2004]

مشكورات حبيباتي هلا بدخل الرابط

ربي يسعدكم و كل عام و انتم بخير

[*YSmsma*]

ان شاء الله هو كويس وربنا يطمنك عليه اكتر

[toma2]

انا حابة استشيركم يا امهات و خبيرات على ابني الكبير عبود هلا عمرة بالضبط سنة و 5 شهور

مشى على السنةو اربع شهور و طلع كل اسنانه ما عدا الاضراس اللي ورا يعني اخر اربعة المهم مشي صح بعرف ناس كتير بتتاخر بالمشي اكتر من هيك
ابني متل عمر ابنك تقريبا سنه و 4 شهور مشي ع 11 شهر بس لسه مش كل اسنانه طالعيين عادي

المهم ابني الكل بيحكولي انه ما بيفهم مش عارفه يعني اللي بعمره شو المهارات اللي لازم تكون معاه

انا متلك ما بعرف بالضبط شو المهارات بس فيكي تابعيه و من خلال كلامك ابنك طبيعي لانه نفس تصرفات ابني

هو بيلعب بالعابه معظم لعبة بالكرات بيرمي كرةو بيلحقها اي شي بيطلع صوت بيرميه و بيضل يقلب فيه و طبعا بيحطه بفمه

ابني هيك بيحط اي شي بتمه
الطفل بهاد العمر طريقه تعلمهم هي طريق الفم

بيحب التلفزيون و بيشوف قناة طيور الجنة كلها اناشيد بحسه بيتجاوب مع الاناشيد اذا اجت انشودة بيحبها بيصير يحرك برجليه
وبينتبه على وجوه الناس اللي بالتلفزيون و بيضحكلهم خصوصا الاطفال

ابني نفس ابنك بحب هاي القناة كتير و بضل يضحكلهم بس من جديد عم بتندم ع تركه كتير ع التلفزيون بس شو اعمل هو لحاله و انا بالغربه متلك ما بعرف شو اعمل معه من جديد صرت احاول العابه الغمايه و اعمل حالي بعيط و هو يراضي في يعني اي حركه بشوف انها عجبته بعملها لعبه
اما على الواقع لما يشوف حد غريب بالبيت بيبكي ولو رحنا نزور ناس برضه بيبكي ومرات بيسكت و بيمشي حاله
لا ابني الحمد لله متعود ع الناس بس انو ما تركه معهم و اروح لازم يشوفني و طبعا لانه ما بيحكي ما بيفهموا عليه بس هو بحب يضل وراء الاولاد و طبعا بيحب يلعب
باغراض الناس من كاسات و تحف و بدو يكتشف كل شي

بالنسبة للاكل انا باكله بالملعقة و بعطيه بسكوت ياكله بيرميه بالارض بعد ما ياكل لقمة و بيرجع ياخده مرة تانية المهم البسكوته بتنهرس و بيصير يلعب فيها

هيك ابني اكله مزعج بغلبني يعني لو اكل وجبه باليوم بحمد ربي
و كمان بيحي يكب الاكل ازا شبع
كمان نومه مزعج ما بينام الا اذا هزيناه لانه اتعود على هيك
انتي بتحكي عودتيه يعني كل شي تعويد ابني ما بينام الا ازا سكرت البرادي و عملت الدنيا ليل و طبطبت عليه

ما بيرد علينا لماننادي عليه لكن لما تيجي نشيدة على التلفزيون بيجي على طول يسمعها

بدك تنتبهي لهاي النقطه شوي طبعا لانه باديه اغنيه و او دعايه بدو يكون
حواسه معها بس حاولي بغير شي يعني و هو يلعب بلعبته نادي عليه و شوفي مدى استيعابه لاسمه يعني سمعك او لا مرات الولد بكون سامع بس بيحب يطنش

مش عارفه هل في مشكلة عنده ولازم اقلق عليه والا لسه الولد معاه وقت يتعلم علما انه احنا بغربة ومرات اسبوع كامل ما بيشوف غيري طول الوقت و مرات ابوه بالليل بس

الولد معه ليتعلم بس المهم نضل متابعين معهم انا متلك بالغربه بس بحاول يوميا اطلع لو بالسيارة حتى يغير جو و بحاول احكي معه بالبيت اي شي
عشان يسمع الكلام الي بنحكيه و كل الاولاد هيك ما في خوف انا بحكيلك عن تجربتي مع ابني انا شايفه ابنك ولد طبيعي

ساعدوني و انصحوني

و الله يخليلك اياه

[ام سهيل]

غلاتي الاخوات ماقصروا معاك

وفعلا الاطفال يختلفوا عن بعضهم البعض

ولا تسمعي لكلام الناس وعيشي اجمل لحظات طفلك وعيشي معاه في كل لحظة

اتكلمي معاه العبي معاه علميه اسماء الاشياء هنا وهناك

وربنا يسعده لك.

[ام البنين2004]

تسلموا جميعا اخواتي

YSmSma

toma2

ام سهيل

ان شاء الله

انا الي يومين لاغيه التلفزيون من البيت لاني قرات بالدورة انه ما اله داعي

ان شاء الله يصير يستجيب الله يعينا جمبعا على التربية

[- بنت الأحرار -]

يا حبي سنة صغير كثير
ممكن يقعد ساعة على التلفاز
ولو حبيتي إلعبي معه
أنا حفصلك أكثر بإذن الله
عشان تركزي معي
انا عندي صدقيتي
بنتها مشيت على السنة واربع شهور
وكانت نكدية وبتخاف من الناس
ونفس وصفك بالضبط
هلأ عمرها 4 سنين
تبارك الله شطورة وأمورة وحلوة

إنتي بتحكي عن سنة وأربع شهور يعني برضع المفروض لهلأ

وبعدين بصراحة تنرفزت لما قرأت هذه الجملة

المهم ابني الكل بيحكولي انه ما بيفهم

شو نتوقع من طفل عمر سنة وأربع شهور
وبعدين انتي لما أحد يقولك هيك
قولي له بسرعة شو اللي خلاك تحكم على ابني بهذا الشيء
شو عمل ...
بصراحة شيء المفروض لا تلتفتي اليه تمام
هو بيسمع كويس ؟؟ وبحكي وبتمتم ولا شو ؟؟
طيب إلعبي معه
كورة وخليه يجيبها كل شوية
وكمان جيبي له حلقات وانتي ناولي له الحلقة وخليه يدخلها في العمود
شو كمان اعطيه ملعقة وخليه يحرك بالصحن
واطلبي يعيد نفس الحركة
وهذا الشيء لازم تعمليه قدامه مرار وتكرار
وبعدين في أولاد بفهموا من أول مرة
وفي أولاد من عاشر مرة بس مش اغبياء هو هيك ولقدام بتقدم
وربنا يبعد عنك الشر

ونصيحة خلي أبنك في عينك رائع
سيصبح رائع هذه لمدى الحياة النصيحة
وطول ما انتي شايفة الولد سيء ومش شاطر
حيفضل هيك ..

وابنك بأخر كلمة
ومختصر كل الكلام اللي فوق .. صغير جدا
واتمنى تقرأ] المحاضرة الثانية
وهي بخصوص ابنك
واي استفسار ضعيه في موضوعك هذا
وبإذن الله ربنا يوفقك

[lailaki]

انا حبيبتي حب طمنك باعتباري مربية اطفال بردو بالغربة وام ل 3 شطار اصغر واحد فيهم 14 شهر ارجوك لاتقلقي كثير على ابنك لان لساتو صغير كثير و ما فيكي تحكي على الفهم و الاستعاب لان تصرفاتو مو غريبة و لا تدعي ابدا للقلق انا ابني عندو هلا 3 سنين و نص كثير شاطر في المدرسة مشى متاخر كثير وما كنت خايفة لان بعرف كل ولد و الايقاع تبعو واحد بيمشي قبل واحد بياكل احسن واحد بيطلعولو سنان قبل بس لا تاخديها كمقايس للذكاء بس استمتعي بطفلك الله يحفضو و ينجيه ما فيه شي.

[ام البنين2004]

يا حبي سنة صغير كثير
ممكن يقعد ساعة على التلفاز
ولو حبيتي إلعبي معه
أنا حفصلك أكثر بإذن الله
عشان تركزي معي
انا عندي صدقيتي
بنتها مشيت على السنة واربع شهور
وكانت نكدية وبتخاف من الناس
ونفس وصفك بالضبط
هلأ عمرها 4 سنين
تبارك الله شطورة وأمورة وحلوة

إنتي بتحكي عن سنة وأربع شهور يعني برضع المفروض لهلأ

وبعدين بصراحة تنرفزت لما قرأت هذه الجملة

شو نتوقع من طفل عمر سنة وأربع شهور
وبعدين انتي لما أحد يقولك هيك
قولي له بسرعة شو اللي خلاك تحكم على ابني بهذا الشيء
شو عمل ...
بصراحة شيء المفروض لا تلتفتي اليه تمام
هو بيسمع كويس ؟؟ وبحكي وبتمتم ولا شو ؟؟
طيب إلعبي معه
كورة وخليه يجيبها كل شوية
وكمان جيبي له حلقات وانتي ناولي له الحلقة وخليه يدخلها في العمود
شو كمان اعطيه ملعقة وخليه يحرك بالصحن
واطلبي يعيد نفس الحركة
وهذا الشيء لازم تعمليه قدامه مرار وتكرار
وبعدين في أولاد بفهموا من أول مرة
وفي أولاد من عاشر مرة بس مش اغبياء هو هيك ولقدام بتقدم
وربنا يبعد عنك الشر

ونصيحة خلي أبنك في عينك رائع
سيصبح رائع هذه لمدى الحياة النصيحة
وطول ما انتي شايفة الولد سيء ومش شاطر
حيفضل هيك ..

وابنك بأخر كلمة
ومختصر كل الكلام اللي فوق .. صغير جدا
واتمنى تقرأ] المحاضرة الثانية
وهي بخصوص ابنك
واي استفسار ضعيه في موضوعك هذا
وبإذن الله ربنا يوفقك

تسلمي اختي انا قرات المحاضرة التانية استفدت منها

هلا بحاول العب معاه شوي هو بيحب الضحك و الزغزغة ههه

بيمسك اي شي فاضي مثلا علبة كريم و بيضل يقلب فيها

وجديد بيدق على الابواب و الخزانات

عنده لعبة زي الصحون ملونة بتتركب على بعض رح اجربها معاه و ان شاء

الله يصير احسن و احسن

تسلمي و ان شاء الله بتابع معاكم الدورة لانها رائعة فعلا

انا حبيبتي حب طمنك باعتباري مربية اطفال بردو بالغربة وام ل 3 شطار اصغر واحد فيهم 14 شهر ارجوك لاتقلقي كثير على ابنك لان لساتو صغير كثير و ما فيكي تحكي على الفهم و الاستعاب لان تصرفاتو مو غريبة و لا تدعي ابدا للقلق انا ابني عندو هلا 3 سنين و نص كثير شاطر في المدرسة مشى متاخر كثير وما كنت خايفة لان بعرف كل ولد و الايقاع تبعو واحد بيمشي قبل واحد بياكل احسن واحد بيطلعولو سنان قبل بس لا تاخديها كمقايس للذكاء بس استمتعي بطفلك الله يحفضو و ينجيه ما فيه شي.

الله يسلمك اختي الحمد لله بردتوا قلبي بردودكم

[**ام ريان **]

حبيبتي ابنك لسه صغير لاتقلقي ربي يحميه يارب وكل عام وانتي بخير

[ام البنين2004]

تسلمي ماريا كل عام و انتم بخير اختي

[الوردة الفريدة]

ابنك تطوره عادي جدا خصوصا انه في انتوا في غربة

انا ابني سنة ونص ما بينطق الا ماما وبابا بينطقها بعد الحاح ومحاولات شديدة وابن بنت عمتي بنفس عمره بينطق خالو وتيتا وجدو لانه يسمع هالكلمات من اكتر من شخص ويرددها

كمان انا ابني باحس انه مش فاهم لانه لسه عقولهم صغيرة بيفهموا اشياء بسيطة جدا ومع الوقت بيتطوروا وبيفهموا كل شيء

لا تقلقي وحاولي تلاعبيه وتكلميه وتنمي ذكائه ودورة الاخت بنت الاحرار اكيد انء الله تفيدك وانا كمان راح اتابعها

جزاها الله عنا كل خير

[ام البنين2004]

تسلمي الوردة الفريدة حبيبتي

فعلا هم بيتقدم مع الايام الله يهديهم و يحميهم