للامهات

[أم سارونا الحلوة]

السلام عليكم
طفلتي ساره عمرها الان سته شهور وبدأت حركتها وعبثها بالاغراض سؤالي هو كيف انهيها عن ذلك ان انها مازالت صغيرة لتفهم كلمة لا ياريت كل ام تشاركنا بالتجربة .

[Tulip]

يا أم سارونا بعدش ما شفتي شئ لما تكبر راح تخرب دنيا. أنا ولدي عمره 10 شهور أذا غبت عنه دقيقة ما يخلي شئ في مكانه...بس أنا أخاف يعور عمره..أحسن لي أسير أشله جالس يلعب بسلة الاوساخ..

[إيمان علي]

لم أعانِ من طفل مخرب الحمد لله، وهذا لأن الطفل عندما يبدأ الحبو أنهره بكلمة لا إن لمس شيئاً ممنوعاً. إن لم يفهم أول مرتين، أمسك يده وأبعدها وأقول لا مع عبوس. وإن لم يمتنع، ضربته ضربة خفيفة جداً على راحة يده، لا يشعر بألم ولكن يشعر أنه أخطأ خاصة أنني لا أبتسم أو أراضيه إلا بعد فترة. وبهذا لم يحدث أن عانيت من هذا الأمر، لأنني أبدأ مبكرة
إن اضطريت ويئست من حل، عليك أن تبعدي الأشياء الممنوعة عن متناول يده. رغم أنني لا أحبذ اتباع هذا الطريق مع أطفالي.

[أم سارونا الحلوة]

تسلمي اختي بصراحة اسمك غريب وتسلمي امونه المشكله بنتي ماتحبي بس تجلس وانا فعلا اقولها لا حتى انها توقف اذا كانت ماسكه شي بس بمجرد ماسكت ترجع مرة ثانية وبجرب طريقتك ايمان .

[بنت_المطر]

السلام عليج ام ساره
انا ولدي الحين عمره سنه و ثلاث شهور .. اهم شي اتعلمته الى الحين ، اني شليت كل شي خطر في غرفة الجلوس ، رفعت التحف الي كانت على الطاولات و شلت الزرع الي كان على الارض و حطيت بوابات على الاماكن الي ما اريده يدخلها .. و سديت فتحات الكهربا .. يعني حاولت قدر الامكان اشل كل شي خطر .. و خليته يسرح و يمرح في الصاله .. لا تقولين حقها لا دايما بس خلي ها الكلمه حق شي هي سوته ممكن يعرضها للخطر .. بس اذا خربت مثلا حاولي تمنعينها باسلوب ثاني انج تشغلينها بشي ثاني مثل لعبه و تكلمينها او تقوليلها ما يصير تسوين جذي كلميها يعني و لو انها ما تفهم بس كلامج الها بيشغلها

بعد شي ثاني .. لا اتعبين نفسج تردين كل قطعة هي شالتها من مكانها .. انتظري يلين ما تنام ، لان كل ما بتردين شي بترد هي اطلعه .. و خليها تخرب شوي احيانا الطفل يتعلم من الخراب و لا تكسرين مجاديفها دايما .. بعدها صغيره خليها تخرب و تسوي لما بتكبر ما بيكون الها عذر تسوي هاي الاشياء .. يمكن تكون نصيحه غريبة شوي ، بس لما بتكبر شوي بتحسين بكلامي

[أم سارونا الحلوة]

تسلمي يابنت المطر والله يخليلك البيبي وانا احاول معاها واتمناها بنت مؤدبة تسلمي .