مين جربت بوابات الابواب للأطفال

[~~~جنة~~~]

السلام عليكم ورحمة الله
مشكلة دخول الأطفال المطبخ ورائى اثناء ما بكون بطبخ اصبحت رهيبة بالنسبة لى بنوتاتى 3سنوات وسنة فطبعا بيسو الهاوايل لما بيدخلو ا فقررت اضع gates على باب المطبخ او بوابة بس مش عارفة ايه رأيكم انتم لو فى حد جربها او سمع عنها انها كويسة وعملية فى نفس الوقت علشان اكيد البنات مش حيسبوها كده بالساهل
وده شكلها من ميذر كير

[ام سهيل]

حياك الله

انا لم استخدمها قط
لكن شفت احدى الامهات تستخدمها على باب المطبخ

وبنتها فعلا محترمة القانون ممنوع دخول الاطفال الى المطبخ

والبنت توقف خارج المطبخ وتنادي امها بس اهم شي انه الام تلبي نداء طفلتها مش تتركها فاتعلمت الادب واحترام القانون.

[صفاالزمن الصعب]

صراحه جربتها اكثر من رائع لمنع خطر الحروق والعبث بادوات الحاده
ولكن فى عيب ان طفلتك ما حتتعلم شئ وممكن تكره المطبخ وما تتعود على دخوله لما تكبر ودى مشكله
او بيصير عندها حب استطلاع اكبر ممكن يادى لكوارث لاسمح الله وكل ممنوع مرغوب وحسب شخصيه الطفل
تحياتى

[~~~جنة~~~]

ام سهيل
أشكر مرورك الطيب

وانت عارفة أنا خايفة من أيه أن بنتى الكبيرة مريم ما شاء الله عليها حتى لو دخلت المطبخ عارفة حدودها لكن المشكلة فى سارة عمرها سنة فلا تعرف لكلمة ممنوع وجود اصلا فقلت اجرب المنع بالأكراه ويا رب ينفع

[~~~جنة~~~]

ولكن فى عيب ان طفلتك ما حتتعلم شئ وممكن تكره المطبخ وما تتعود على دخوله لما تكبر ودى مشكلة
فعلا معاكى حق بس الميزة انها مازلت صغيرة ممكن لما تكبر وتفهم شوية اخليها تتدخل
او بيصير عندها حب استطلاع اكبر ممكن يادى لكوارث لاسمح الله وكل ممنوع مرغوب وحسب شخصيه الطفل
ودى مشكلة تانية فعلا بس لو تعرفى الصغيرة دى بتعمل ايه لما بتتدخل حصعب عليكى والله ومهما اقول لها لا او نو كخ تضحك كأنى بدلعها مثلا هى عسولة ما شاء الله بس بتعمل مصايب
تحياتى
وتسلمى على مرورك الكريم

.............

[...القنوعه...]

فكرتها حلوة

و لكن برأيي أن الممنوع عند الطفل مرغووووووب

فممكن تعمل عند الطفلة حب أكثر للتعرف على المطبخ و يصير عندها فضووووووووول أكبر من الأول

خلّي المنع موجود دون وجود البوابة

[~~~جنة~~~]

...القنوعه...
فريق صيفنا إبداع 1430هـ

المشكلة يا حبيبتى ان يمكن بنتى علشان هى رقم 2 فدائما عندها جرأة لفعل اى ودائما وراء اختها الكبيرة وبتقلدها فى كل شىء وهى اصلا سنها صغير ما شاء الله عليها سنة تقريبا فلسه كمان مش فاهمة اوى
وشكرا مرورك الجميل

[OMO LINA]

فكرة طيبة تجنب ابنتك المخاطر
المهم أن تتعود على المنع بهدوء وطيب الخاطر
بارك الله لك في ابنتيك

[مروة ابراهيم]

فكره حلوه اكيد عشان انا مثلا مش عارفه اعمل حاجه فى المطبخ من الولاد كمان واحده صاحبتى ابنها حط ايده على الفرن و هو سخن و ايده اتحرقت ف البوابه دى هاتخلينا نشتغل بدون خوف

[~~~جنة~~~]

OMO LINA

ممكن تتعود ببعض الحيل واللعب أن شاء الله ربنا ييسر الموضوع ده

وربنا يبارك لك فى كل حياتك

مروة ابراهيم

ما هى دى المشكلة مهما تقولى كخ او no مفيش فايدة يطنشوا حاجة والتانية لأ وكمان لما بيكون فى طفل كبير وصغير بيبقى صعب يغبوا عنك لازم يلعبوا امامك وفى نفس الوقت مش داخل المطبخ علشان المخاطر دى وتشرفت بمرورك

[~~~جنة~~~]

المهم يا بنات انا عايزة اللى جربتها تقول لنا عن المتانة يعنى قوية كفاية تستحمل الأطفال
ومن اى مكان اشتريها افضل انا مثلا شوفتها فى ميذركير حد شافها فى مكان اخر وهكذا معلومات عنها يعنى وعن اسعارها فى اماكن مختلفة

[مروة ابراهيم]

يا جنه ما انت ممكن بدل ما تجيبيها من مذر كير بالشئ الفلانى روحى لواحد نجار يعملهالك مش هاتتكلف 50 جنيه و الا حتى 100 و المتانه مش مشكله كبيره لانهم بعد فتره هايياسوا و يبطلوا يحاولوا

[alaa...]

اختي انا استعملتها هي بتنفع كتير لانك بتخلصي شغلك وبالك مرتاح من دخلتهم المطبخ والاذى واكيد هم رح يبقوا امام عينك وتراقبيهم وحتى ما يخافوا من دخلت المطبخ ممكن لما تخلصي شغلك تدخليهم ياكلوا اي شيء او يشربوا بالمطبخ وهيك شوي شوي بيعرفوا انو هون ممنوع يدخلوا الا اذا انتي دخلتيهم وكنتي معهم اما عن الاسعار ما رح احسن افيدك لاني اشتريتها من هون من المانيا اما بالدول العربيه فما بعرف سعرها واما عن المتانه في انواع في بلاستيك وفي خشب وفي انواع واشكال كتيره انتي وشو بتختاري بس عن تجربه هي مفيده كتيره وكمان متل ما قالت الاخت مروه ابراهيم انو ممكن تفصلي منها عند نجار هي سهله كتيره بعرف حكيت كتير بس يارب اكون افدتك ولو بشيء بسيط والله يخليلك بناتك ويحفظهم يارب

[أطايب الجنة 2002]

أكيد هتبقى حلوة جدا وهتحافظ على الاولاد من مخاطر كتيرة لغاية مايفهموا أن فى حاجات ممكن تأذيهم

[~~~جنة~~~]

مروة ابراهيم

شوفى يا مرمر فكرة التفصيل فعلا ممكن تكون حل بالنسبة للتكلفة لكن المشكلة انى مقيمة الآن بالرياض ولسه جديدة فما بعرف اى نجار مضمون ممكن ينفذها لى بس ححاول ابحث عن نجار كويس وربنا يسهل