اتدبستى فى ايه؟: قولى اخطائك فى مشتريات طفلك ليتجنبها الاخرون

[ملك المالكى]

يالا يا شاطرين
كل واحدة تقول لنا جابت ايه لابنها وطلع ملوش لزمة
عشان منعملش زيها
لانى عماله اتدبس فى حاجات


وانا عن نفسى هبدا

اول حاجة اتدبست فيها
السالوبيتات القطيفة
فااااااااااااشلة
بتحر الطفل جدا ومش ناعمه من جوة وخصوصا اللى برجل مقفولة

بنتى ملبستهمش
اترمو زى ما هما

احسن حاجة القطن
ولو شتا هاتى كذا حاجة قطن فوق بعض
او قطن نوع تقيل شوية
المهم قطن
تانى حاجة بقى
المشاية المقفولة
بعد ما جبتها
لقيت تحذيرات كتيييييييييييير
على كل المواقع
انها من اكبر الاسباب اللى بتخلى الاطفال يعملو حوادث
لان بيجروا بيها ويتخبطو فى البيت
ممكن فى حيطة فى قطعه اثاث
ده غير ان بنتى اصلا مش قابله فكرة انها تقعد فى حاجة مقفولة وبتخاف منها
انا شفت نوع اللى بيتزق يعنى الطفل يقف ويسند عليها ويزقها وهو حر مش متكتف
ندمت جدا وقلت يارتنى جبتلها دى امان اكتر وعمليه وافضل كتير
قولو انتو بقى
على ما افتكر باقى الحاجات اللى اتدبست فيها

[dondon_6_8]

انا جبت لسيف سلوبيتات قطن وهى دى اللى اتلبست فعلا لكن ادبست فى انى جبت جلابيتين و6 بنطلونات قطن فعلا ملهمش لازمه خالص كمان فى حاجات جونسون ندمت انى جبت البودرة ملهاش لازمه البيبى اويل احسن كتير

[سائله الرحمن]

ربنا يباركلك فى بنتك

شوفى بقى اول خلفتى بنوته عسوله ايمى وكنت حابه وبعى ربنا ان اول طفل ليه يكون بنت

بحب البنات و كمان انا فى الغربه والبنت بتختلف عن الولد يعنى بتلاغى كتير عنه
وكمان بتفترى فيها توك وفساتين وتسريحات و حاجات من دى
المهم انا اخواتى ادونى نصايح كتير يعنى زى موضوعك قالولى على المهم اللى اشتريه
و طبعا لازم التدبيسات دى
جبتلها ملابس من شهر ل 3 شهور كتير جدا واغلبه ماتلبش لان الطفل بيكبر فى الفتره دى بسرعه

عملت زيك وجبت قطيفه بس مش كتير لانو بيزهق و واغلبه ماتلبسش و جبت للخروج وحلو علشان الدفا

جبت احذيه وماتلبستش غير مرتين لانها صغيره وانصح بشرابات شكلها لذيذ فى اول كام شهر

مش من هواه المشايه لانها بساعد على تقوس رجل الطفل فامفكرتش فيها خالص

اتدبست فى كميه الملابس الخروجى واهملت شويه البيتى وطبعا البيبى بتغيريله كتيرخصوصا لو اول طفل وكمان بنت

اتدبست انى من يوم ما اتولدت كنت بتملم معاها وبحكى على طول و دلوقتى مغلبانى بالعه هيئه الاذاعه والتلفزيون
اترجى فيها اسكتى شويه مافيش فايده

على فكره طبعا ده شىء صحى انك تتكلمى مع طفلك من يوم ما يتولد وكمان لما البسها اقولها هاتى ايدك وامسك اديها دخلى رجلك وامسك رجليها البسى اقلعى من صغرها كل ده عودها على معانى الكلمات

اتدبست ان كتير قالولى رضعيها كل ساعتين اة 3 ده المفروض وكده غلط رضعى الطفل كل ما يحتاج وده فى اول 3 او 4 شهور وبعدين الموضوع كله هاينظم نفسه خصوصا لما يبدأ ياكل
انا عارفه انى بكتب حاجات مش من الموضوع بس برضه تمشى معاه وان شاء الله تنفعكم

بنات لما تشتروا العربه بتاعه الطفل اشتروها كامله احسن يعنى فيها السرير وكرسى السياره
ليه السرير مهم لما تخرجى لازم الطفل 6 شهور على ضهره وانتى خارجه يعنى ماتركبهوش على الكرسى بتاع العربه ضهره متنى ده غلط على العمود الفقرى الدكتور هنا قال كده

حاجه مهمه تدبيسه ان ابنك يكون كلبوظ وانتى ترضعى وتاكلى علشان يكلبظ لازم يبقى فى حدود الوزن الطبيعى لان الوزن الزايد بيعمل ضغط على القلب ماشى وده الدكتور قالى كده مع ابنى التانى

تدبيسه كمان اغلب لبسها اشتريتوا لونه وردى فوشيه الوان كلها بناتى النتيجه بنتى مابتحبش غير الالوان دى لما بجبلها الون وانوع لا مستيحيل لكن على مين

فى حكايه اللبس دى هاتحسى بالى هاقولك عليه بعدين لنا ربنا يكرمك باخوات اولاد ليها ده مش استخصار بس حرام لبس جايباه

ويتلبس كام مره ويتشال وخصوصا انى هنا معرفش اوزع لحد كل لبس بنتى زى ماهو كان عندها شويه ملابس بسيطه الوان

مختلفه تنفع اولادى نفعت لاخوها بودى ونفعت لعموره كمان الحمد لله بحافظ على الملابس كويس وطبعا ملابس بودى ناسبت عموره وطبعا لازم الجديد

بنات ده مش استخصار او بخل فى اولادى ده اسمه اقتصاد وحرام الملابس دى الجديده لازم اللى بعده يستفيد
على فكره الكتكوته عندها دلوقتى 5 سنين

ايه يا سائله الرحمن ده ده انتى رغايه قوى مش ممكن كده

معلش بحب افيد زى ما بستفيد من المنتدى والمواضيع الجميله والمفيده

[soso*waleed]

ازيك يا ملوكة موضوع جميل
بصى يا ستى انا الحمد لله لسه تقريبا ما اتدبستش لانى بحب اسأل قبل ما اشترى اى حاجة
هى الحاجات اللى ما كنش ليها لازمة البودرة وكمان بيبى جوى جربته وجبت عبوة كبيرة وطلع علقة
وان شاء الله اول ما افتكر حاجة هاجى جرى اكتبها

[sondos2221]

أسلوبك روووووووووووووووووووووووووعة وسلس وشكلك كاتبة على سجيتك وخليتيني أتحمس للقرءة وأيضا مستمتعة .

[sondos2221]

الكلام موجه لسائلة الرحمن .

[ملك المالكى]

انا برضه اتدبست فى البودرة بتاعت جونسون
واترمت حسيتها بتنشف الجلد مش بتطرى
البيبى اويل احسن فعلا

واتدبست فى الكارسيت

مجاليش قلب اسيبها ورا واربطها لوحدها
حسيت فى ايديا اضمن ههههههههه
خصوصا البيبى بيرضع كل شوية
مش معقول لم اتعيط تجوع نوقف العربية واروح افكها واجيبها
وفى البيت
محبتوش كهزاز
اللى حبته بجد وطلع عملى
الكرسى الهزاز مع انى كنت جايباه ليا اصلا مش ليها هههههههه

[ام حمودي وأيوتي]

حلو كتير موضوعك ام توتة
انا حسيت اني تدبست بكتير اواعي ما لبسوها ولساها جديدة
حسيت انو الافرهولات اللي رجلها مسكرة مو عملية خاصة انو بنتي ما شاء الله بتطول بسرعه فحسيت انو صغر عليها بالطول مشان هيك صرت اجيب من اللي بتكون رجلهم مفتوحة

وبالنسبة للكار سيت بتعرفي يا ملوكة هون قانون اميركا لازم البيبي ينحط فيه وكتير بحزن على ولادي لانو ما بكون شايفتهم ومرات بيصيرو يبكو بدهم يرضعو وبضطر اوقف بمكان مشان ارضعهم بس لما ارجع بلدي رح احس اني تدبست فيه هههههههههه
يمكن استعمله ازا كنت بسيارتي بس
بس مع جوزي ما الو لازمة

بوسيلي توتة

[سائله الرحمن]

سندس تسلمى يارب على الكلام الحلو وربنا يقومك بالسلامه انتى والبيبى

اخواتى اللى بيقولوا ادبسوا فى كرسى السياره و الله ده امان ليه افترضى جوزك فرمل مره واحده او دخلتوا فى منعطف فجاءه انتى حاطه حزام الامان صح لكن ابنك لا واكيد هاتقولى انا ضامه ابنى بشده وكويس لا طبعا مش كويس مش خايفه تضميه ضمه جامده ويتأذى فيها لالالا

بالله عليكم يا بنات خدوا بالكم اولادنا امانه لازم نحافظ عليهم وطبعا هاتقولى بيعيط هو لما تعوديه على الكرى خلاص مش هايتضايق منه وهايتعود عليهاما بالنسبه للرضاعه ركوب السياره هايكون لوقت المشوار بس يعنى توصيله ولما تروحى المكان التانى ابقى رضعيه وكمان لازم ترضعيه وتأكليه كويس يعنى تشبعيه ةتمام قبل ما تخرجوا خصوصا لو رايحين تجيبوا احتياجات المنزل وبستحسن تاخدى معاكى رضعه حاجه دافيه بسكويت مخصص للاطفال

ولما يكون عندك كذا طفل هاتلاقيكم مبسوطين قوى مع بعض وهم فى كراسى السياره

[QuEeN]

سندس تسلمى يارب على الكلام الحلو وربنا يقومك بالسلامه انتى والبيبى

اخواتى اللى بيقولوا ادبسوا فى كرسى السياره و الله ده امان ليه افترضى جوزك فرمل مره واحده او دخلتوا فى منعطف فجاءه انتى حاطه حزام الامان صح لكن ابنك لا واكيد هاتقولى انا ضامه ابنى بشده وكويس لا طبعا مش كويس مش خايفه تضميه ضمه جامده ويتأذى فيها لالالا

بالله عليكم يا بنات خدوا بالكم اولادنا امانه لازم نحافظ عليهم وطبعا هاتقولى بيعيط هو لما تعوديه على الكرى خلاص مش هايتضايق منه وهايتعود عليهاما بالنسبه للرضاعه ركوب السياره هايكون لوقت المشوار بس يعنى توصيله ولما تروحى المكان التانى ابقى رضعيه وكمان لازم ترضعيه وتأكليه كويس يعنى تشبعيه ةتمام قبل ما تخرجوا خصوصا لو رايحين تجيبوا احتياجات المنزل وبستحسن تاخدى معاكى رضعه حاجه دافيه بسكويت مخصص للاطفال

ولما يكون عندك كذا طفل هاتلاقيكم مبسوطين قوى مع بعض وهم فى كراسى السياره

مزبووووط كلامك حبيبتي

يا جماعة كرسي السيارة من اهم الامور الي ممكن نشتريها
وفي انواع رووووعة من شيكو ...


بالنسبة لبودرة جونسون ، ادبست فيها مع ابني الاول ،بس في بنوتي
تعلمت انه ما الها داعي اطلاقا ..

بالمناسبة ...المجموعات الكاملة للبيبي من شامبو و بودرة و زيت اطفال و غيره
غير مجدية ..لانه ممكن تلاقي فيها اشياء انت مش بحاجتها ، فاشتري المنفصل منها وقت الحاجة فقط .


احذية الاطفال الصغيرة ما الها داعي ...اشتريت منها على الفاضي !

ومشكوووورة يا عسل على الموضوع الي حيكون مرجع مفيد ان شاء الله
لعدم التدبيس !!!

[مروة ابراهيم]

موضوع جميل يا ام توته انا طلعت ناصحه الكرسى اخدته من ابن خالتى اللى اتدبس هو فيه اما انا حاطاه فى المطبخ بحط عليه الاكياس الزياده لان الاساتذه مش بيرضوا يقعدوا فيه اما البودره فمفيده خصوصا فى الحر عشان حمو النيل مش بحطها دايما بس عند اللزوم اللوشن و الاويل بحسهم بيزيتوا خصوصا الاويل و اصلا بشره الطفل مش محتاجه حاجه اما السلوبيتات فعلا المقفوله من تحت مش عمليه و بتضيق بسرعه كمان العملى هو اللبس قطعتين لو البنطلون ضاق تستخدمى التى شيرت او تستخدميه كبنتاكور او شورت لو شكله سمح السلوبيتات القطيفه انا جبت واحد لهنا من الصياد كان خفيف بس جميل و فضل محافظ على شكله و اخواتها لبسوه كمان حسيته حلو احذيه الاطفال فى الاول ملهاش لازمه ممكن شرابات شكلها حلو تقضى الغرض او احذيه خفيفه مش غاليه واحد او 2 بالكتير لون محايد يمشى مع كل اللبس المشايه لولاها عليا هى كانها ايدى التانيه فى البيت خصوصا ان الطفل بيحس انه مستقل و يقدر يوصل لى فى اى وقت انا ماجبتش غير واحده لهنا و مع الولاد ماجبتش غيرها و بيبدلوا فيها و الا كنت اضطريت لرجل مرور فى البيت ينظم حركه المشايات بس انا بقالى اسبوع مش باقعدهم فيها عشان باوا يتقلوا عليها و خفت يتقلبوا و كمان عشان بدأوا يتسندوا و يتعلموا المشى و لو افتكرت حاجه تانيه هاقولكوا

[ملك المالكى]

افتكرت حاجة كمان اتدبست فيها
الحمدلله جوزى مبيدخلش النت بالعربىمش هيشوف ده كله هههههههههه

براهات الرضاعه
انا كنت فرحانه اووى بالكليبس بتاعها
وجبت كتييييييييييييييييييير
خصوصا ان مقاسى اتغير وكنت محتاجة طقم براهات جديدة
بس بعد الولادة مستعملتش الكليبس ده ولا مرة برضع منها عادى زى اى براه
مع الفارق ان تمنها الضعف طبعا

[ملك المالكى]

موضوع جميل يا ام توته انا طلعت ناصحه الكرسى اخدته من ابن خالتى اللى اتدبس هو فيه اما انا حاطاه فى المطبخ بحط عليه الاكياس الزياده و لو افتكرت حاجه تانيه هاقولكوا

انا بنتى محبتش المشاية خالص اصلا مش تبحب حتى انا امسك ايدها لازم تعمل الحاجة بنفسها وكمان قريت كتير انها مضرة فبقيت اخاف احطها فيها
بس فكرة برضه ممكن احط الكارسيت فى المطبخ للاكياس الزيادة اهو يجيب تمنه شوية هههههههه

ربنا يباركلك فى بنتك

شوفى بقى اول خلفتى بنوته عسوله ايمى وكنت حابه وبعى ربنا ان اول طفل ليه يكون بنت

ايه يا سائله الرحمن ده ده انتى رغايه قوى مش ممكن كده

معلش بحب افيد زى ما بستفيد من المنتدى والمواضيع الجميله والمفيده

الف شكر ليى على افادتك الجميله انا برضه عماله ارغى مع توتة مستنيه اليوم اللى تتكلم معايا فيه ربنا يستر ومندمش هههههههه

ازيك يا ملوكة موضوع جميل
بصى يا ستى انا الحمد لله لسه تقريبا ما اتدبستش لانى بحب اسأل قبل ما اشترى اى حاجة
هى الحاجات اللى ما كنش ليها لازمة البودرة وكمان بيبى جوى جربته وجبت عبوة كبيرة وطلع علقة
وان شاء الله اول ما افتكر حاجة هاجى جرى اكتبها

برافو عليكى شاطرة والبيبى جوى استعمليه انشاءالله تحطيها ساعه وتغيرله
او فى البيت مثلا

حلو كتير موضوعك ام توتة
انا حسيت اني تدبست بكتير اواعي ما لبسوها ولساها جديدة
حسيت انو الافرهولات اللي رجلها مسكرة مو عملية خاصة انو بنتي ما شاء الله بتطول بسرعه فحسيت انو صغر عليها بالطول مشان هيك صرت اجيب من اللي بتكون رجلهم مفتوحة

وبالنسبة للكار سيت بتعرفي يا ملوكة هون قانون اميركا لازم البيبي ينحط فيه وكتير بحزن على ولادي لانو ما بكون شايفتهم ومرات بيصيرو يبكو بدهم يرضعو وبضطر اوقف بمكان مشان ارضعهم بس لما ارجع بلدي رح احس اني تدبست فيه هههههههههه
يمكن استعمله ازا كنت بسيارتي بس
بس مع جوزي ما الو لازمة

بوسيلي توتة

فعلا اول شهور الطفل بيكبر بسرعه بس تعرفى انا حسيت العكس انا مكنتش جايبه لتوتة لبس كفايه لانى اعتمدت ع السالوبيتات القطيفة وقولت الددنيا هتبقى شتا بس الجو كان حر وركنت الشتوى واشتريت تانى حاجات قطنية وفعلا نفعتها فترة طويلة
المشكلة فى اللبس انك انتى مش هتقدرى تقاومى رغبتك فى الشرا خصوصا للبنوتة كل مرة هتلاقى لبس مغرى فمتجيبيش كتير لانك لازم لازم لازم هتجيبى تانى
هى فعلا قواعد السلامة انك تربطيه فى الكرسى بتاعه
بس قواعد الاطفال حاجة تانية
انا بيتهيالى الكرسى بتاع الكبار ممكن يبقى عملى فعلا
لكن البيبيى اللى بيرضع صعب تسيبيه ورا لوحده


وكمان انا لازم ارضعها واحنا فى العربية عشان لما نوصل المكان اللى راييحينه متفضحناش هههههههه

[true love]

موضوووووووووووووع جميل بجد و فعلا اللى اتبدست فيه هو ان معظم سلوبيتات هنا و هى بيبي كانت بينك و مايصة قووووووووووووووووووى و دلوقتى مش هتنفع اللى جاى لانه ولد ان شاء الله و بشتريله حاجات ولاد بقى.... اما بودرة جونسون فعلا مالهاش لاززززززززززمة و مستعملتهاش خالص المشاية بقى مش تدبيسة بس ملهاش لازمة لان هنا مقعدتش فيها اكتر من شهرين و لما زحفت كرهتها عشان كده اى حد هيجيب مشاية ميحيبهاش غاليه خاااااااااالص هاتو حاجة تقضي الغرض و خلاص................. مروة ازيك اخبارك اييييييييييييييييييييييه طمنيني عليكي؟؟؟

[meroo2006]

اهلا ملوكة

موضوع جميل ومفيد زى اغلب موضوعاتك............

انا اتدبست فى حاجات كتييييييييييييييير اوىىىىىى..........

1-جبت لبس كتييييييييييير اوى من عمر 0 الى 3 شهور وطبعا جسمهم كبر عليه وفيه منه كتير ما اتلبسش ............وكمان كله كان صيفى وانا ولدت فى شهر 10 يعنى شهرين والشتا دخل واللبس رغم انه كان لسه ممكن يلبسهم بس كان خفيف اوى واضطريت اجيب لبس تانى شتوى...........
2-اشتريت ايس كابس كل الالوان وبرضه ما اتلبسوش غير مرة او مرتين...........
3-اشتريت جهاز ميديلا الكهربى بتاع شفط الحليب ولم استفد منه اطلاقا و معرفتش ارضعهم طبيعى خالص........
4-اشتريت براهات رضاعة وطبعا ما استعملتهاش لانى اصلا ما رضعتش وكمان القطع القطن المدورة الصغيرة اللى بتحطيها فى البرا حتى لا يتسخ من اللبن برضه ما استعملتهاش...........
5-اشتريت اندرز من مذركير لفترة النفاس اللى هى بتتلبس مرة وتترمى وطلعت ضيقة عليا وما استعملتهاش..........
6-اشتريت مجموعة ببرونات افينت باحجام مختلفة وللاسف محبوش الحلمة بتاعتها ومعرفوش يرضعوا منها وسايباهم فى مصر بعلبتهم..........
7-اشتريت لهايات كتير اوى (تيتينات) كل الالوان وكمان التعليقات بتاعتهم كل الالوان وفى الاخر ما استعملتش غير 2 بس لان اسماعيل رفضها وماحبهاش ولمار ومصطفى كل واحد حب واحدة معينة ومغيرهاش
8-بودرة جونسون مالهاش لازمة فعلا............
9- 3 كوفرتات خفيفة وشيك للخروج وطبعا اصلا الخروج بيهم مع بعض مستحيل وبالتالى ما استعملتهمش
10-عربية التوينز اللى ورا بعض ........جوزى جابها نوع مش حلو وعجلها تقيل اوى فى الحركة ومش مريحة خالص لضهرهم واضطريت اجيب واحدة تانية اللى جنب بعض وطلعت الذ بكتير انهم يبقوا قاعدين جنب بعض............

ههههههههههههه بيتهيالى محدش ادبس قدى..............


اما كرسى السيارة فبالعكس انا استفدت منه جدا........طبعا هو اامن حاجة لما تخرجى بالبيبى,,,,,,,,,,,,,, وكمان جوزى ساعات بياخد حد من البيبيز معاه ويروح اى هايبر ماركت ويحط البيبى بالكرسى فى العربية بتاعة الماركت ويقعد يلف به ويشترى فى الحاجات.............وساعات بيرجع والبيبى نايم وطبعا دى بتبقى خدمة العمر...........