اتدبستى فى ايه؟: قولى اخطائك فى مشتريات طفلك ليتجنبها الاخرون

[ام توتة 2008]

بصراحة انا مشفتش عيال مؤدبة بترضى تتربط فى الكارسيت والبيبى شير بتاع المطاعم
تقريبا اللى عندنا دو لمش اطفال زى اللى بيعملو لهم المنتجات دى ههههه
انا بنتى بقيت احطها فى التروللى بتاع المشتروات بتاع المول عشان تقف براحتها لانها بترفض تقعد اصلا لا فى بوسيت ولا كارسيت

[emanaly]

ما شاء الله موضوع ممتاز يا ام توته
جت متاخر اوى معلش

انا الحاجات اللى فعلا جيبتها وملهاش لازمه كتير بس الواحد مبيقدرش يجى على نفسه
بس الحمد لله مش غاليه يعنى مندمتش اوى
مثلا بودرة جونسون مستعملتهاش خالص ولا اللوشن احسن حاجه البيبى اويل تحفه
كمان المخده رحت جيبتها من بيبى شوب وتحفه اللى هيه مقعره من الوسط برده ملهاش لازمه لانها اصلا غلط على راس البيبى الصغير عشان بتكون راسه لسه طريه وبتتبطط
ولما كبر طبعا اصلا مش بيثبت فى مكان فى السرير وبيحب اوى ينام بالعرض
كمان هراسة الاكل ملهاش لازمه انا بهرس بالشوكه جامد او باستخدم الخلاط

الحمد لله التدبيسات مكنتش كتير

[ام توتة 2008]

حمدالله ع السلامة يا ايمان
انا كنت هشترى الهراسة دى وكمان المصفاة
بس ربنا الهمنى ومجبتهمش هههه

[salmadodo]

السلام عليم ورحمة الله وبركاته
انا اتدبست اني اشتريت لبس داخلي كتيير مالهوش لازمة لاني ولدت في نص 4 جبت لبس شتوي كتيير وبسرعة الجو بقي حر وخففت له دلوقتي ما بيلبسش داخلي خالص وطبعا صغر عليه ومش حينفعه في الشتاء وبقي عندي لبس شتوي كتيير بحاله وصغير بس قلت اهو ينفع اللي جايين ان شاء الله
واتدبست لاني جبت البوسيت بتاعته فيها الكار سيت وطبعا ده ضخمة عن البوسيت الصغيرة اللي لوحدها وقلت لو جبت كل حاجة لوحدها كان احسن
من الحاجات اللي مالهاش لازمة مكيال اشتريته للدواء لان كل دواء بيجي معاه المكيال بتاعه وكمان اللهاية لان ابني مرضاش ياخدها والدكتور اساسا كان رافضها
وكمان اشتريت بامبرز كتير في السن الاولاني اللي من3-6 كيلو لانه كان مولود 3 كيلو وكنت فاكراه مش حيكبر بسرعة ولقيته ما شاء الله كبر واتدبست في عبوة بامبرز بحالها ما اتفتحتش كبيرة

[shaymaa-m]

بصراحة انا مشفتش عيال مؤدبة بترضى تتربط فى الكارسيت والبيبى شير بتاع المطاعم
تقريبا اللى عندنا دو لمش اطفال زى اللى بيعملو لهم المنتجات دى ههههه
انا بنتى بقيت احطها فى التروللى بتاع المشتروات بتاع المول عشان تقف براحتها لانها بترفض تقعد اصلا لا فى بوسيت ولا كارسيت

هههههههههههههههههه ماشي يا ام توته يعني بنتي قليلة ادب هههههههه
الله يسامحك انتي و بنتك يا فاضحانا هههههههههههههه
شوفي يا ستي هي يمكن علشان ما اتعودتش عليها من وهي صغيره
يعني بنتي قبل الاربعين و الله كنت حاطاها ف الكار سيت
الله يكرمها صاحبتي اللي قالت لي عليه
و دلوقتي وحياتك احطها فيه واخدها المطبخ
تقعد تفرك لحد ما تدلدل رجليها منه هههههههه
و الحقها ع الاخر
بس غصب عن عينها لازم تقعد فيه هو انا ناقصه
انا باشتغل يعني وقتي مش يسمح اشيلها و باباها مش موجود طول اليوم يعني
مافيش حد يشيلها مني
بس يا ستي ان شاء الله البيبي اللي جاي عوديه م الاول ع الكار سيت

[ام توتة 2008]

لا يا شيمو انا قصدى العكس

احنا اللى عيالنا مش مؤدبين مش بيرضو يقعدو فيه
بنتك الطفلة الوحيدة كدة اللى ماشاءالله مؤدبة ههههه

انا فعلا جيت هنا كانت تلات شهور وشوية وعلى ما اشتريناه كانت فى الراربع فصعب اعودها عليه

[~~~جنة~~~]

أزيكم جميعا
أعتقد أن أكتر حاجة أتدبست فيها مقاسات النيوبورن اللى هى مقاس 2زيرو تقريبا بجد بنتى ما لبست المقاس ده ألا أول كام يوم بس أنصح أى أم ما تكتر من المقاسات الصغيرة خالص وخصوصا الملابس الخارجية فى الشتاء ما تجبش أصلا زيرو تبدأ من 1 أو 2 والجاكت اللى مقفول من تحت فاشل جدا جدا اللى هو قطعة واحدة زى البطانية مثلا وله اكمام وكابىشو ومقفول من تحت بدون أرجل بيضايق البيبي جدا

[telmeza]

يعطيك الله العافيه

وجزاكم الله خيرا

[الأميره همس]

السلام عليكم..
دايما كده ياملك مواضيعك بتيجى على الجرح..عموما انا اتدبست فى كذا حاجه
1.السلوبيتات مقاس الزيرو ماتلبستشى اصلا...أنصح نجيب مقاس 1او 2
2.الناموسيه اللى بتتفرد زى الشمسيه لأنى اقل حركه للبيبى ممكن يخبط فى رجلها وتعوره....الافضل القماش اللى بتتحط على السرير
3.الجوانتى لأنه بينرفز البيبى
4.الاندرات المشمع نصحونى اجبها واجربها فى البيت فى سن الست شهور كبديل للبامبرز ماستعملتهاش وكمان بتجيب تسلخات
5.حامية الركب مالهاش لزمه
بس فى المقابل مثلا انا ولدت فى الشتاء واحتجت لأكتر من بطانيه على الاقل 2للبيت وواحده للخروج وعلى فكره السلوبيت البديل للبطانيه عملى جدا بس تكون رجله مفتوحه
ده اللى فاكراه وكل ماهافتكر حاجه تانى هاكتبها

[ام توتة 2008]

أزيكم جميعا
أعتقد أن أكتر حاجة أتدبست فيها مقاسات النيوبورن اللى هى مقاس 2زيرو تقريبا بجد بنتى ما لبست المقاس ده ألا أول كام يوم بس أنصح أى أم ما تكتر من المقاسات الصغيرة خالص وخصوصا الملابس الخارجية فى الشتاء ما تجبش أصلا زيرو تبدأ من 1 أو 2 والجاكت اللى مقفول من تحت فاشل جدا جدا اللى هو قطعة واحدة زى البطانية مثلا وله اكمام وكابىشو ومقفول من تحت بدون أرجل بيضايق البيبي جدا

مقاسات النيوبورن دى للعرايس مش للاطفال الحقيقين هههه انا بدات بمقاس من 0 الى 3
الافرول ده حلو بس يكون شتا جامد ومفتوح من الرجل

يعطيك الله العافيه

وجزاكم الله خيرا

مشكووووورة

السلام عليكم..
دايما كده ياملك مواضيعك بتيجى على الجرح..عموما انا اتدبست فى كذا حاجه
1.السلوبيتات مقاس الزيرو ماتلبستشى اصلا...أنصح نجيب مقاس 1او 2
2.الناموسيه اللى بتتفرد زى الشمسيه لأنى اقل حركه للبيبى ممكن يخبط فى رجلها وتعوره....الافضل القماش اللى بتتحط على السرير
3.الجوانتى لأنه بينرفز البيبى
4.الاندرات المشمع نصحونى اجبها واجربها فى البيت فى سن الست شهور كبديل للبامبرز ماستعملتهاش وكمان بتجيب تسلخات
5.حامية الركب مالهاش لزمه
بس فى المقابل مثلا انا ولدت فى الشتاء واحتجت لأكتر من بطانيه على الاقل 2للبيت وواحده للخروج وعلى فكره السلوبيت البديل للبطانيه عملى جدا بس تكون رجله مفتوحه
ده اللى فاكراه وكل ماهافتكر حاجه تانى هاكتبها

بصى الناموسية دى اختراع فاشل اصلا
الواحد بيبقى قايم متنرفز لوحده ومش شايف قدامه لسه هشيل ناموسية واجيب الست هانم انا حطيتها يومين وبعدين انا اللى اتخنقت منها
الجوانتى كنته بلبسه لبنتى بس فى البرد قووووى
والركب كمان لانها طولت فى الحبى ماشاءالله بادية من بدرى فخففت كتير عن ركبها بس هى واحدة ومن النوع العادى جدااااااا وبغسلها بالليل والبسهالها الصبح

[ورده مصريه]

انا بقى اتدبست فى الملابس الداخليه كترت فيها والهانم كبرت عليها بسرعه
وكمان الجوانتى فعلا جبته ومحبتش تلبسه والسالوبيت اللى مقفول من تحت عند القدم متلبسش لأنها بتطول بسرعه ...

اشكرك على الموضوع يا ملك المالكى
ورمضان كريم عليكم جميعا

[ام توتة 2008]

وردة مصرية رمضان كريم وكل سنة وانتى طيبة


انا افتكرت حاجة كمان
جلاليب الرضاعه دى رخمة اووى وموضه قديمة
البيجامات الحديثة اشيك واحلى واسهل على فكرة

[نووودى]

وردة مصرية رمضان كريم وكل سنة وانتى طيبة


انا افتكرت حاجة كمان
جلاليب الرضاعه دى رخمة اووى وموضه قديمة
البيجامات الحديثة اشيك واحلى واسهل على فكرة

ام توته وحشتينا
كل سنه وانتى طيبه
عايزين نشوف لب العيد بتاع توته
وماما قالتلى زى رأيك كدا ان البيجامات اسهل و اشيك فى وقت الرضاعه
فصرفت نظر عن الجلابيات والعبايات

[engmarwa2005]

موضوع جميل
ودمكم زى السكر
انا اللى فاكراه دلوقتى(التيتينه)او (اللهايه)
كنت بكرهها لكن قالولى انها بتنيم الطفل وانا كانت امنيه حياتى انى انيمها واناااااام
رحت الصيدليه و اخترت اشيك واغلى نوع وسالت الصيدلى قالى ايوة مناسبه لسنها
جيت احطهلها لقيتها مغطيه فمها وانفها
كانت كبييييييييرة
اتعلمت بقى تانى مرة واشتريت واحددة صغيرة لكنها تقيأت بسببها
فمنعتها خالص
واشتريت ترمس صغييييير اعمل لها فيه الاعشاب ولم يستخدم لهذا الغرض بس ظهرله دلوقتى استخدامات اخرى

هحاول افتكر واقولكم ان شاء الله

[rejena]

جزاكن الله خيرا
كل سنة وانتن طيبات
انا اتدبست بالمرجوحه لانو بنتي مابترضاش تقعد فيها ابدا عايزه تظل تحبي عالارض